happypy829's Profile

妹子生日慶祝, 帶佢去朋友推介既高級日式四季料理 - 炑, 食佢最愛既高級版omakase.   這家餐廳Mon - Sun中午時段有7折，dinner time 就75折。餐廳裝修走木調和風設計, 整個格調予人簡潔樸實感覺, 吧台位置除咗可以欣賞到師傅切魚生既功架, 仲可以同食客交流. 開胃小吃水雲醋口感黏滑, 充滿醋白, 而海膽就令整個冷盤加添幾分鮮甜味.茶碗蒸茶碗蒸味道鮮美, 上面仲加咗新鮮紫菜, 口感絲滑。時令刺身 – 六款秋刀魚刺身 - 肉質綿密有彈性, 油香突出, 搭配蔥花醬汁, 盡顯魚鮮.長崎縣赤貝刺身 - 橙紅色帶有光澤的赤貝，肉質厚身結實, 滿點鮮味北海道北寄貝刺身 - 口感爽脆滑嫩, 味道甘甜, 美味可口加拿大牡丹蝦刺身– 蝦膏豐腴甘香，蝦肉極度鮮甜, 口感綿中帶爽.鰤魚刺身 – 魚肉油脂分佈平均, 魚肉鲜滑细腻, 加上柚子胡椒即時鮮味十足. 伊佐木刺身 – 肉質新鮮通透, 脂肪豐腴肥美, 口感柔軟細滑.天婦羅 - 六款沖繩縣花竹蝦天婦羅 - 蝦肉彈嫩，海鮮濃郁, 蝦頭酥香.沖繩縣白苦瓜天婦羅 - 苦瓜厚實, 夾脆回甘.鐮倉縣白魚天婦羅 - 白魚包著紫蘇葉炸香, 味道芬芳, 魚肉入口即化.岩手縣舞茸菇天婦羅 – 集香、酥、脆、於一身, 入口多汁熊本縣赤茄子天婦羅 - 茄子飽滿, 外酥再綿軟, 鮮美多汁長野縣南瓜天婦羅 - 南瓜超甘甜, 入口有淡淡甜香北海道炸仙鳳趾生蠔仙鳳趾生蠔蠔肉身肥厚飽滿, 外脆裏嫰滑，零油膩感,  凍稻庭烏龍麵烏龍麵口感煙韌Q彈, 充滿嚼勁, 冷冷涼涼, 非常降溫.柚子雪葩 - 清新清爽, 酸酸甜甜, 幫助消化.…Read More

星期六中午嚟到中環都爹利街食意大利Fine Dine。餐廳裝修唔錯，大廳牆身掛有歐式風情圖畫，感覺典雅。侍應服務好，價錢都合理唔貴。brunch Menu 係4 courses，Antipasto, 意粉，主菜及甜品，仲包埋 Welcome drink 及飲品。麵包係任食既，有3款，牛角包酥脆，有濃郁牛油味，脆片又薄又脆，口感似薯片，軟包鬆軟。Antipasto 開胃前菜有6款，食完可以refill，當中我最愛就是以下三款。車厘茄水牛芝士沙律 - 味道酸酸甜甜，清新開胃。Parma Ham &哈密瓜 - 火腿鹹香味重，配埋爽甜哈密瓜，平衡味道。鵝肝多士 - 鵝肝口感軟嫩柔滑，味道甘香，放在脆多士上，一軟一脆，口感豐富。Pasta station - 白汁龍蝦蟹肉意粉意粉都係可以任食，仲可以親自到pasta station揀材料＆醬汁。濶條麵口感煙韌有彈性，掛汁後有濃郁忌廉香，配埋爽口彈牙既龍蝦粒，鮮甜蟹肉，以及煙肉等配料，層次感豐富。USDA prime beef tenderloin with shallot sauce肉眼點咗medium rare，肉質好淋好嫩，有好濃郁既牛肉肉香，肉汁多而且非常鮮味，雖然脂肪量極少，但食落好香口。A Lux colada朱古力波波內裝滿了香滑既椰子慕絲，加賣kiwi 及火龍火水果粒粒，味道酸酸甜甜，推介。Cappuccino 咖啡都幾好飲，奶泡豐盈綿密，口感柔滑香醇。…Read More

在社交平台看到好友分享的餐廳，對於饞嘴的我來說，簡直看得心癢癢，所以於lunch break就立馬過來吃~點了由廚師發辦的11貫及手卷，套餐亦已包前菜、沙律、茶碗蒸、湯、甜品或咖啡~柚子醋沙律沙律菜酸甜開胃, 紅蘿白牛肉亦煮得軟淋入味~這天的11貫全都是師傳挑選當造及最優質的魚生，包括天然真鯛、凡立貝、 剝皮魚、深海池魚、粒貝、墨魚配海膽、醬抹煙薰鰤魚、沙甸魚、北海道赤海膽、青魚及燒拖羅筋部。天然真鯛 - 厚肉結實, 甘爽鮮甜凡立貝 – 柱肉圓大飽滿, 幼滑爽甜剝皮魚 – 清爽魚味配上魚肝醬, 甘香鮮甜深海池魚 - 肉質鮮嫩, 肥美有魚脂香味粒貝– 肉質幼嫰,清甜有咬口墨魚配海膽 – 墨魚口感柔中有韌, 中層夾著熟透紫海膽, 綿密甘甜醬抹煙薰鰤魚 – 魚肉鮮甜, 油脂豐富沙甸魚- 魚肉結實, 有油潤感, 完全不腥北海道赤海膽 – 肥美嫩滑, 鮮味濃郁, 入口即溶, 有黏稠感青魚 – 魚肉綿密有彈性, 味道甘甜清爽燒拖羅筋部 - 拖羅中間層筋脂香豐腴, 爽口彈牙玉子燒 –蛋香味濃, 冰涼香甜蒽吞拿魚魚蓉手卷 - 魚蓉軟綿香滑, 肥美多油, 味道濃厚鮮甜魚湯蒸蛋 – 蛋味及櫻花蝦鮮味都很濃郁, 口感滑捊捊 海鮮麵豉湯 – 麵豉湯很足料, 有大蜆亦有冬菇，鹹味適中咖啡 – 味道很好, 口感順滑, 咖啡味醇厚, 為完美的一餐作結…Read More

放工來到觀塘星海 - 觀塘和媽媽吃飯，我是第一次來這家中菜廳吃飯，甫入店內，就被天花的紫色花海吸引住，氣氛浪漫非常。遠望去就是中央大舞台，零柱位大廳，加上特設 50 呎海洋生態水族長廊，深藍色的主色都予人時尚典雅感，非常適合舉辦婚禮宴會。餐牌上有多款新品，除此之外，亦有孖寶等廚師推介選擇。上湯澳洲龍蝦伊麵底龍蝦非常大隻，而入口啖啖肉，肉質新鮮爽口，細緻Q彈；而伊麵吸收了滿滿的龍蝦精華及上湯，口感濕潤而不糊口，滿分推介！ 川貝海底椰燉鱷魚肉花膠湯燉湯夠足料，味道清潤鮮甜，花膠滑捊捊，帶有點點黏稠感，鱷魚肉的味道有點像豬肉，令整個燉湯的味道變得鮮甜有肉香，潤肺止咳一流。 古法沙薑雞沙薑雞肥美多汁，肉質嫩滑，雞皮軟滑甘香，吃時加點沙薑醬及蒽油，味道更鮮更好味。 乾扁粉絲蝦煲鮮蝦與粉絲一向都是perfect match，而這個乾扁粉絲蝦煲，煲內放有大量鮮蝦，肉質Q彈爽口，粉絲煮得非常乾身，入味之餘，又帶有蒜香及蝦鮮味，媽媽吃後讚口不絕。埋單時，待應為我們送上紅豆沙糖水，感覺超窩心。…Read More

平時很少吃法國菜，難得舊同事有興致，就到了灣仔樓上的法國餐廳chill下。這間餐廳口碑唔錯，主打新派法國菜，而且各款菜式都加入了唔同國家的特色元素。推開餐廳的玻璃間，由待應引路，先是酒藏空間，之後就是餐廳部份，微黃的燈光襯上懷舊工業風設計，與開揚的自然光形成強烈對比。Dry Aged French Onion Soup洋蔥湯湯底偏濃稠，味道清甜，相比坊間任何一間餐廳，湯內的牛肉香味突出，入口有滿滿的牛肉香味，皆因廚師棄用新鮮牛肉來煮湯，而是用上乾牛肉烹調，所以肉香味道份外濃厚，配合浸泡在湯內變得半軟淋，又有點微脆的多士，口感豐富。30 Days Dry Aged '44 Farms' Prime Striploin 300g44 FARMS 乾式熟成30日西冷，西冷厚身切塊，顏色鮮粉，有外脆肉軟的口感，多汁甘甜，吃後整個口腔都帶有濃濃肉香，而其中兩塊被反𨍭的，會有較濃郁的芝士味，內香更濃醇。中間放有牛肉乾，牛肉乾薄薄的，牛肉香味濃郁，肉質不柴，入口帶有點濕度，但又不失香脆口感。最後就是香烤西蘭花及薯蓉，西蘭花入口有芥未及炭烤香味，口感爽脆，薯蓉軟綿滑溜，吃後很飽肚。…Read More

星期六陪媽媽上茶樓，目的地就是銅鑼灣的「 張公館」 ！餐廳位於V Point 29樓，從玻璃窗望去，可以飽覽無敵維港海景，感覺開揚舒適～酥皮叉燒包酥皮叉燒包可以說是張公館的招牌菜之一，它的外型有點像mini 菠蘿包，包包外層酥脆，內層餡料juicy，叉燒配上菠蘿肉，出奇地搭，酸酸烏甜的，很好吃。紅燒乳鴿乳鴿原價$98，現在會員價$68就可以吃到，招牌乳鴿外皮燒至焦黃，入口脆卜卜，帶有滿滿香油味道，肉質既鮮嫩又多汁，必食推介！花雕蛋白蒸蝦球蝦球晶瑩，大大隻，鮮甜爽口，非常彈牙，下層的蒸蛋白細緻滑嫩，入口帶有淡淡甜香及花雕酒酒香！脆脆笑哈哈腸粉皮是每日新鮮現做，既薄身又滑溜，內裏包著酥脆網紋，以及大大隻厚身飽滿的蝦肉，爽口彈牙! 蘸上豉油及芝麻醬，即有提鮮效果～蛋白杏仁茶杏仁茶入口帶有點點堅果香味，杏仁味濃郁，口感豐潤，蛋白嫩滑，感覺非常滋潤。…Read More

心血來潮想吃韓國菜，就帶著媽媽到家附近的韓閣開餐。午市及下午茶時段，套餐非常抵食，店員更表示由現在至9月6日，每週都有不同優惠，更可以以超抵價換購多款經典小食，而付款前出示已讚好/follow韓閣社交平台，可享其他超值優惠，更可以期間限定價享用週年限定新品。上菜時，店員又再次提醒我們可以打卡及將相片upload到FB/ IG，再tag韓閣，就可以免費獲得棉花糖1份。流心芝士魚糕流心芝士年糕就吃得多，流心芝士魚糕還是第一次，魚糕送上來時熱辣辣，一口咬下去內裏的芝士溶漿就既時流出來，芝士香滑，味道濃厚，配上中間煙煙韌韌的年糕，讚。蒜蓉焗青口青口雖然不算大隻，但肉質飽滿，味道鮮甜，入口有濃郁的蒜蓉香。香葉鹹蛋黃炸雞翼雞翼外層炸至金黃色，外層香脆，內層雞肉嫩滑多汁，鹹香味挺突出，值得一試。牛骨蘿蔔粉絲湯牛骨湯份量挺足，內裏放了大量牛腩，口感像極崩沙肺，就是軟軟淋淋，帶有點點膠質，牛骨湯味道鮮鮮，牛香味極重，配上吸引了滿滿湯汁的白蘿蔔及粉絲，巨好吃，推介。傳統豆腐海鮮湯 +原隻虎蝦及粉絲海鮮湯的味道屬bb辣，就是不愛辣的也可以輕易接受，而湯內放了青口、蜆、蝦仁、魚糕、豆腐、翠肉瓜片等，所以湯底入口非常鮮甜，帶有泡菜香味，我還確外加了原隻虎蝦及粉絲，虎蝦大大隻，口感爽口彈牙，粉絲微煙韌，配上泡菜海鮮湯，很惹味。人蔘茶及400次咖啡人蔘茶味道淡淡的，基本上喝不到人蔘味道，有點失望；400次咖啡味道倒是不錯，咖啡味濃醇，蠻順喉的。埋單時，凡於餐廳消費滿 HK$200，餐廳便贈送HK$50優惠券，真心抵。…Read More

磅數不屢創新高，想減肥但又戒不了口，唯有試試生銅飲食~前天bff就帶我吃韓燒，店內有一個飽住瘦的“生銅餐”，價錢真心抵，HK$67/200g就可以吃到黑毛豬五花，還有韓風湯、前菜或沙律選擇！韓式菜包黑毛豬五花由於怕不夠飽，我點了300g的黑毛五花腩，五花腩份量極多，脂肪比例算是平均，就是一層脂肪，一層豬肉的那一種，入還還有點脆骨，將五花腩燒香脆後，入口帶有焦香，皮層煙韌，脂香味重，用生菜包著，再放入泡菜、洋蔥蒜片及醬料，味道巨豐富。 牛小排拼牛橫隔膜牛小排的油花較多，肉質是眾多款牛肉當中最嫩最滑，肉香Q彈，燒耐了亦不柴；而牛橫隔膜牛肉色澤較深，燒香後油脂與牛肉混為一體，有嚼勁得帶又帶點點甘香～由於我與bff都覺得黑毛豬五花及牛小排很好吃，最後各追加了一份。黑毛和牛A4肉眼蓋A4肉眼蓋的脂肪分布剛剛好，牛肉味極度濃郁，燒至7成熟就可以，入口嫩滑，肉汁豐富~牛脷牛脷是薄切，肉質爽口富彈性嫩，味道甘香~牛五花牛五花比豬五花有點不同，就是上下是脂肪層，而中間就是大大塊的肉層，肥瘦相隔，外層微脆有咬口，肉味突出～榛子咖啡及蜂蜜生薑茶飲品有買一送一優惠，就點了榛子咖啡來試，味道不錯，加上咖啡上放了一層厚忌廉，令咖啡口感更柔滑順喉; 蜂蜜生薑茶甜度適中，薑味濃郁，甜甜辣辣的，喝後很暖胃。餐牌上的甜品很吸引，特別是3.6牛乳雪花冰，但以QR code下單，發現所有甜品都在非銷售時段，不能下單，最後只能放棄！埋單時, 兩人捧著肚子離開，感覺超幸福，其實生銅也可以吃得飽飽。 …Read More

星期六原本約了bff 去銅鑼灣行街睇戲食飯，但一大清早就收到老闆whatsapp，要返公司工作，唯有臨時變陣，由於bff在銅鑼灣返工，知道那裏有好嘢食，所以就叫他搵定餐廳，放工後我再直接到餐廳開餐～ 之前常常聽bff說，放工後最愛到附近的日式餐廳飲酒relax，$298就可以任飲sake、清酒、啤酒、燒酎、威士忌，非常超值，而餐廳食物性價比亦高，特別是壽司＆刺身，價錢親民，食物又新鮮，今次終於有機會來到’昼月‘’試試。 第一次到昼月，位置好方便，在世貿隔離，由地鐵站行過去不用5分鐘！ 除了主餐牌，午市仲有便當及丼飯選擇，惠顧午餐仲可以用半價點非酒精飲品。 黑松露薯條薯條入口香脆，不會像一般餐廳炸至乾柴，即使擺耐了，薯條仍可保持酥脆，而且入口有濃郁的黑松露香，很好吃，是平日bff佐酒必點的小食！ 壽司八貫。烏冬定食壽司有8款，當中我最愛就是帆立貝，貝肉飽滿富彈性，非常厚身，味道甘甜濃郁；另外，牡丹蝦味道同樣鮮美甘甜，身質剔透爽口；吞拿魚魚味較濃，肉質結實；三文魚油脂甘香；左口魚肉質細緻，新鮮嫩滑；深海池魚口感爽脆，脂厚甘香；玉子燒香甜豐厚，蛋香味濃，吃過壽司後，再配上口感超級煙韌的湯烏冬，超滿足~ 三文魚三文魚籽丼三文魚大大塊，肉質肥美，而且是厚切，味道鮮美，口感油潤，有魚油甘香；三文魚籽粒粒都晶瑩剔透，鹹度適中，與三文魚一同吃，鮮味大大提升，只是單單加點芥末就已經很美味！ Latte & Cappuccino Latte 上有綿密奶泡，奶味較重，又有可喝到濃醇咖啡味；Cappuccino 入口時咖啡味道較明顯，奶味隨後，口感順滑！  牛角包窩夫甜品時間點了窩夫來吃，牛角包窩很酥脆，奶油味重，不會有麵粉的苦澀味，朱古力雪糕內有朱古力碎碎，加上濃濃朱古力香，非常不錯！…Read More

要數香港平價既鐵板餐, 我第一時間就會想到「野郎」，佢哋唔單止食物種類多, 午市套餐價錢親民貼地, 非常超值~星期六就同bff嚟到位於一田超市內既野郎北角分店食鐵板餐 午市套餐價錢由HK$58起, 就已經包了汽水/湯, 多加HK$30就可以無限任食薯蓉/飯/湯及沙律, 而肉類更有重量選擇, 分別是150g, 200g及300g! 牛舌芯(原條)店員先將牛舌芯煎到7成熟, 再放上鐵板, 最後加入黑椒及洋葱等就大功告成, 牛舌芯其實可以原條上, 但我覺得厚切食時就比較方便, 厚切咗既牛舌芯大約有2cm 厚，口感爽脆彈牙, 肉汁豐富, 入口帶有一份甘香既油潤感, 加上牛舌芯邊位的微微焦香, 真心好好味~ 牛板腱牛板腱厚身大塊, 送上來時已經有陣陣肉香，牛肉肉質細緻, 好有咬口，脂肪含量唔算多, 但牛肉味就好突出，加埋蒜泥一齊放入咀喥, 好滿足. …Read More

工作太辛苦, 放工約bff去樓上cafe chill 下, Bff 係觀塘返工，算係“地頭蟲”, 要佢推介cafe並唔難, 放工就嚟到NATA食飯, 地點好方便, 一出apm行唔夠半分鐘就到~餐廳佔地好大, 空間感十足, 枱與枱之間有一定距離, 唔會好壓迫~黑松露白菌湯先嚟黑松露白菌湯, 白菌湯用咖啡杯裝住, 飲既時間好方便, 湯質唔會太秘, 有好重既黑松露及磨菇香味~薯條薯條應該係即叫即炸, 因為送嚟時香噴噴, 熱辣辣, 口感好香脆~西班牙鬆脆包配香蒜希臘芝士醬西班牙包大大塊, 烘焗過後, 口感勁鬆脆, 即使放涼依然係脆卜卜, 食時掃一層芝士醬, 會有淡淡既蒜香味, 超滋味~美國1855安格斯肉眼肉眼扒係用小火爐形式送上，令咁肉眼就可以長時間保持溫熱，無咁容易變凍，而肉眼肉質有彈性，肉汁好豐富，有油花，牛肉味濃郁，加埋配炸蒜片及燒烤肉，perfect。 ~明太子忌廉鮮蝦意粉明太子忌廉醬口感好滑, 好濃郁, 好creamy, 份量亦夠多, 足夠令每條意粉都可以掛汁, 最重要係味道唔會過鹹, 而且意粉入面放咗好多大大隻既鮮蝦, 入口爽彈鮮味, 大力推介~原味溶岩梳乎厘班戟呢喥既班戟聽講好出名, 所以我哋都點咗份嚟試，將圍邊膠圈拉上, 真係可以做到好似溶岩咁傾瀉, 班戟口感輕盈鬆軟, 空氣感重, 而且有好濃郁既蛋香味, 必試~鮮奶咖啡及鮮奶伯爵茶鮮奶咖啡口感細滑, 牛奶味好突出, 咖啡味亦都好香醇, 而鮮奶伯爵茶既牛奶味同樣濃郁, 入口順喉, 帶有伯爵茶特有既芳香~…Read More

見減肥成績唔錯, 決定獎勵自己, 星期六約好bff吃燒肉！第一次嚟‘’燒肉一番‘’, 真係俾佢既親民價錢嚇親, 套餐唔單止大大份, 燒肉份量仲要好足~餐廳裝修設計走日式風格, 一入店就可以見到巨型龍貓, 仲有無面人等等, 好多靚靚打卡位!套餐既選擇都幾多, 燒肉通常以100g 計, 大食既可以揀200g~一番燒肉拼盤套餐套餐入有牛胸腹、豚五花、雞腿肉, 仲加送一客牛五花50g~牛胸腹、雞腿肉、豚五花及牛五花牛胸腹係一層脂肪一層肉交替而成, 燒烤後脂肪被大火迫出, 入口焦脆, 有油花既甘香味道, 肉質結實有嚼勁; 雞腿肉份量都幾多, 足足係成隻大雞腿, 雞味雖然唔算濃, 但肉質好嫩滑~豚五花及牛五花同樣都係脂肪含量比較多, 不過豚五花既肉色較淺, 而牛五花就較深, 我個人嚟講鐘意豚五花多啲, 除咗因為佢油脂豐富, 口感亦較軟嫩, 烤一陣表面就已經好酥脆, 肉質彈牙爽口, 唔會油膩膩! 而牛五花同牛胸腹外型、肉質同口感好接近, 基本上可以話係一模一樣, 所以食完無太大既感覺!另外, 套餐已經包咗日本珍珠米飯、麵豉湯及精選前菜, 我就升級將珍珠飯升級做紫菜飯, 精選前菜轉為泡菜~飲品方面，種類就較少，不過，都有汽水、梳打外，同埋啤酒揀。牛胸腹＆牛小排套餐另外, bff點咗牛胸腹＆牛小排套餐, 如果牛胸腹同牛小排做比較, 我會鐘意牛小排多啲, 牛小排有霜降紋理, 油脂無牛胸腹咁多, 不過入口嫩滑多汁, 牛肉味濃郁~扇貝扇貝真心推介，真係好新鮮，而且扇貝隻隻飽滿 ， 貝內更加入咗蒜容粒及牛油粒，係爐入要燒一陣，牛油粒就慢慢融化，味道鮮甜Q。牛舌芯牛舌芯價錢有啲貴, $108就只得4條, 不過就係厚切, 講真, 味道係唔錯, 口感嫩滑爽脆, 唔會好結實, 入口仲要QQ彈彈, ,好有彈性!骨付牛肋肉牛肋骨燒熟後, 四邊微微蕉香, 油脂豐富有肉香, 薄薄既筋膜又多咗幾分咬口~…Read More

平日工作太忙, 星期六想抽d時間放空, 就一個人嚟到太古城 chill 下. 第一站就嚟到Blooms Coffee嘆杯咖啡, 呢間咖啡店相信大部分人都知道係陳豪創立. 全店以白金色為主調, 設計開揚又簡潔. 而店內所有咖啡豆都由moses 從世界各地挑選當季優質既精品返嚟～ 而除咗咖啡, 店入面仲有好多精緻蛋糕～ Mocha店員好貼心幫Mocha 蓋好lid, 感覺好衞生, 打開蓋就見到靚靚既接花圖案, 莫卡好重朱古力味, 口感絲滑, 味道濃郁香醇基, 咖啡隨後慢慢湧出, 值得一讚係入口完全無咖啡既酸苦味, 唔錯唔錯！Pistachio and Chocolate MousseMousse Cake 同樣高質, 蛋糕上面放咗好多果仁粒粒, 雖然果仁入過雪櫃有少少淋, 但都完全無阻佢既層次感香香脆脆, 而慕絲蛋糕質地好柔滑, 基本上每一啖都充滿開心果味, 而蛋糕中間仲有一層甜甜酸酸既果醬, 減輕咗mousse cake 既膩滯感.…Read More

以往bff生日, 我都會同佢去cafe慶祝, 今年佢特別要求, 話想食粵菜, 最後就揀咗佢屋企附近既中式酒樓“雲海滙”食慶生飯!雲海滙位置都幾方便, 由南昌站出, 經V Walk上天橋一直行, 5分鐘唔使就到~入座後待應極速送上熱茶($13@)及秘製酸菜($15)~除咗小菜選擇多, 仲有好多優惠套餐, 好似晚餐皇牌五選一, 或者自選海鮮百搭餐～原隻火瞳燉花膠盅待應同我哋力推“原隻火瞳燉花膠盅”, 聽講係用原隻火瞳加上等花膠及老雞餚製, 再用文火燉足 6 小時, 每一滴都係精華所在~湯頭好鮮甜, 有好濃郁既鹹香及雞香味, 花膠份量都好多, 入口有黏黏既膠原感, 大大盅足夠4-5人用！上湯龍蝦伊麵(半隻)待應話如果要酸菜, 就可以係晚餐皇牌五選一揀一款食物, 我就揀咗上湯龍蝦伊麵(半隻), 伊麵雖然細細碟, 但龍蝦就絕對唔欺場, 入口啖啖肉口感爽彈, 味道鮮甜!鮑魚滑雞煲鮑魚份量十足, 而且煮得好入味, 入口Q彈鮮甜, 雞肉嫩滑, 雞味濃郁, 味道甜甜地，超惹味，用嚟佐飯就最好不過！竹笙羅漢上素嫌雞煲太邪惡, 唯有點個竹笙羅漢上素減輕罪孽, 全個素菜口感都以爽脆, 因為入面有竹笙、雲耳、菜心、冬菇、豆芽及雪耳, 味道清清地, 幾好味！最後待應主動送上紅豆沙做飯後甜品, 感覺好幸福！…Read More

早前陪bff去九龍城睇中醫，打算睇完之後就去附近食店醫肚，但最後佢竟然遲大到，咁我唯有自己一個人先開餐，之後再同佢匯合。係街上面行咗陣, 見到有間日本餐廳, 係人來人往嘅街道入面, 採用半落地玻璃設計, 創新又大膽，吸引咗唔少途人注足, 而我就係其中一個, 見到壽司師傅用火槍燒緊火炙壽司，好似好好食, 好喇, 俾個機會試下佢!除咗餐牌上嘅壽司刺身, 仲可以叫黑板上嘅重點推介食物~我一次望點咗兩樣食物, 火炙盛合＆火炙丼, 望住師傅係我面前拎住火槍燒魚生, 感覺賞心悅目~霜燒魚生丼所謂霜燒魚生, 其實就係火炙三文魚＆帶子丼, 三文魚肥美, 加上係厚切, 大大塊, 表面用火槍略略燒過, 三文魚介乎半生熟, 入口有濃濃嘅魚油脂香, 肉質細緻嫩口, 有魚香; 帶子同樣厚切，火炙點到即止, 味道鮮甜有彈性, 同三文魚好搭, 一口三文魚, 一口帶子, 配埋日本米, 大滿足!火炙壽司盛合盛合入面有好幾款火炙壽司, 好似三文魚、油甘魚、鰻魚、帶子、左口魚、赤蝦及原條鰻魚！火槍將三文魚油迫出嚟, 口感仍然能夠保持嫩滑細緻, 放入咀喥細嚼, 三文魚獨有嘅魚香味, 久久不散~油甘魚經過火炙後, 帶有焦香, 口感圓潤, 入口鮮甜有魚香！]赤蝦幾大隻, 蝦肉半透明, 肉質爽身, 上面加咗少少蝦膏, 大大提升咗蝦鮮味~]鰻魚入口有微焦香, 醬油味甜甜地, 味道鮮美!]左口魚雖然魚味較淡, 但勝在有彈性, 上面加咗少少蘿蔔蓉, 味道清新!…Read More