喜兒's Profile

而家經濟唔好,出年仲話大簫條,而家真係慳得就慳。此店係泰國人開,每日有超過7款lunch set,大大碟,配熱/凍飲只需25蚊,真係物超所值。所以小小的店, 長期坐滿。 雖然lunch set唔會轉款, 但我就食極唔厭。金不換海鮮抄金邊粉,lee 度用豉油炒,非常有獲氣,有少少似干抄牛河,加上金不換,不但增加香氣,亦賣相更靚,但一點也不油膩,且都用料不俗,有蝦, 魷魚等,煙煙韌韌的金邊粉令人一食再食。 青咖喱雞脾飯,我不太嗜辣,所以青咖喱較適合我。青咖喱煮得好香,大大增加食慾, 大雞脾已切件, 泰式茄子索滿青咖喱, 非常好吃。…Read More

多數係中午時候黎西貢, 我都會選擇去滿泰, 心思思會想著鹹豬肉雞飯。鹹豬肉雞飯份量好似少左, 但無損我對佢的喜愛, 鹹豬肉好脆, 好惹味, 配上自製的醬汁, 辣得好過癮, 愈食愈想食。泰式海鮮炒金邊粉, 即叫即炒, 獲氣夠, 海鮮不多,有蝦、魷魚等, 粉炒得夠乾身, 酸酸甜甜, 好開胃。煙韌的金邊粉, 用酸甜汁或豉油炒都咁好食。…Read More

聯和墟的食肆愈開愈多, 愈來愈多元化, 更多選擇。充滿童年回憶的美奇執左後, 開左間米線, 聯和墟獨市一間米線, 應該做得住。每次食米線, 必要炸醬和腩肉酸辣米線,要小辣,碗好大,反顯得炸醬和腩肉少,湯的顏色夠深, 喝一口, 酸辣度不足, 味較淡, 口感較薄, 配上米線就唔夠味, 要中辣會較好?唔好肥膏,腩肉半肥瘦,合晒心意, 亦好夠味。炸醬比較辣。配菜有芽菜, 咸菜, 如加上腐竹比較完整。…Read More

地方好大, 但裝修非常普通, 做街坊生意, 門口可以泊車, 所以不時會黎幫襯豬骨煲, 非常足料, 有十幾舊大豬骨, 配以粟米, 蘿白等, 煲成奶白色既湯水, 我飲左3碗 。 豬骨湯有豐富骨膠原, 飲多D皮膚都滑D!紅酒燴牛尾, 每次黎都必叫, 牛尾好入味, 用此汁撈飯, 必吃上一大碗咖喱豬軟骨, 好重香料, 非常惹味, 但豬軟骨偏硬, 小妹鍾意炆冧D既口感燒牛仔骨及大蝦, 即叫即燒, 熱辣辣, 燒既時間把握得好, 唔需要點醬汁已好好味 BB乳鴿, 都係即刻燒, 皮脆肉嫩, 但肉就較少燒豬手, 半肥瘦, 送酒一流, 如果塊皮脆D仲正蒜茸飽, 即烘, 好香蒜茸味, 單食已好好味, 亦可點紅酒燴牛尾汁/ 咖喱豬軟骨汁份量都算多, 價錢都公道, 食左咁多野, 埋單都唔駛$500, 仲有木瓜燉雪耳糖水, 抵! …Read More

裝修都幾靚, 店內唔算多人, 環境都好舒適。日本甜蕃薯, 蕃薯外皮炸得香脆, 配上糖槳, 甜甜的, 有部份比較乾, 影响口感, 但仍可接受。始終係蕃薯, 同幾個朋友share 會無咁濟芥辣墨魚軍艦, 每次食有芥辣既軍艦, 都會好過隱, 好味之餘, 又會有時辣到標眼淚, 今次lee 件都好食, 但如再辣少少更刺激自從上次係元朗食過巨型卷物後, 而家見到d卷物都要諗一諗先叫, lee 度一碟兩件, 可以試多幾樣軟殼蟹卷size 正常, 軟殼蟹仍香脆, 但咬下去會有油, 放左一段時間定用左太多油去炸?Lee 種三文魚壽司小妹最鍾意食, 厚度適中, d飯亦軟硬適中, 起碼要叫一至兩碟自已食珍寶帶子壽司, 非常大隻! 好新鮮!火焰三文魚壽司, 好香, d魚油出晒黎, 好吸引牛油果炸蝦卷, 比軟殼蟹卷整得好, 顏色配搭討好, 朋友話牛油果其實唔係好肥,係不飽和脂肪, 真既?…Read More

每次經過, 都會隱隱約約睇到窗邊枱, 感覺好浪漫:-)餐廳比我想像中細, 晚上7 點半, 全場Full晒, 雖然book左枱, 但都要等十五分鐘到先可以入座。今次多人一齊食飯, 所以都試左幾多野, 每個Set 份量都好大。 酥皮魚翅湯,湯足料,有魚翅, 但可焗耐d令酥皮更鬆脆。配蒜茸多士, 非常好吃, 似即整, 好香好脆。前菜有焗田螺、青口配薯茸, 中規中舉, 薯茸偏淡紐西蘭牛柳,厚切,肉嫩,但表面唔夠香口,如燒過有網紋會好味D。 T骨扒、西冷扒,size 大過塊面, 味道ok 羊鞍,重香料,好嫩甜品係啫喱, 非常普通, 好似細個係屋企整既平均每人$120, 算抵食 Lee 排食得太多, 有d食濟左, 睇黎黎緊個week 都唔駛點食野…Read More

次次黎lee度食飯都會叫好多野, 今次都唔例外螺片燉湯, 好夠火候, 好入味, 好好飲片皮鴨, 因為唔想咁肥膩, 叫侍應左起d肥膏, OK Wor, 有d似北京便宜坊咁 (當然便宜坊好食D)上湯龍蝦, 有3斤, 但煮完出黎又唔算多, 好新鮮, 食左兩件, 正!大硯煮絲瓜, 大硯同絲瓜都吸晒D湯 , 硯好大隻, 隻隻脹卜卜, 一咬落去 D湯湧出黎, 非常鮮甜花雕蟹蒸蛋白, 離遠已聞酒香, 蟹已拆件, 中等size, 蟹肉鮮甜, 而蛋白吸收蟹汁, 好香好滑清蒸老鼠斑, 蒸既時間啱啱好, 魚肉非常滑花膠雜菜粉絲煲, 有好多花膠, 已炆到好冧蜜姚金沙骨, 味道酸酸甜甜, 好醒胃酒樓送左壽包, 紅豆沙同生果盤, 壽包剛剛出籠, 好軟熟, 蓮蓉唔太甜, 即使好飽都食晒一隻而紅豆沙煲到起晒沙, 好足料, 但真好飽, 只淺嘗少少好飽好飽, 非常滿足! …Read More

點左三文魚、鰻魚、吞拿魚壽司, 沙律腐皮壽司等Lee 度D 壽司上既魚生真係好長, 都算新鮮但舊飯都好大, expecially d 卷物而且較硬, 食左幾舊都好飽反而熟食比較好,燒牛仔骨同金菇牛肉卷都幾好食質素普普通通, ok la未試過既可以黎試吓睇吓魚生有幾長 …Read More

尋晚一行7人食飯, 聽聞lee度既buffet好好食, 所以一於黎試吓。放食物位置就係入口旁邊, 比其他酒店集中, 好快就行完一圈, 感覺上款式唔多。一開始就食最鍾意既海鮮, 非常豐富:- 長蟹腳 (小妹超鍾意食), size 中等, 味道ok, 海水味唔算好重, 食左一碟, 去再攞, 發現無左, 問吓個職員, 佢就話今日返貨好少, 攞左碟係d人頭先夾淨比我夾, 得好少同比較削, 但我都攞左一碟- 澳洲生蠔, size 好細, 唔算肥美, 但味道鮮甜, 職員不停即場開, 有好幾款醬汁選擇, 一向對生蠔麻麻地, 都食左5隻- 凍蟹有兩種, 一種size比較大同蟹腳有毛, 有膏, 好多肉; 另一種細隻d, 肉較少, 但同樣鮮甜-琵琶蝦, 已切開一半, 用叉一”吉”就起晒肉, 好爽, 但咪道較淡- 仲有蝦, 青口, 同埋螺朋友話以前有龍蝦食, 但而家唔見, 可能因為通脹, d野都貴晒, 所以無得食卦食食吓, 突然見到有個waiter 捧住2 隻碟, 共有4隻龍蝦, 比隔離張枱, 我地好出奇, 朋友問waiter係咪d客另外order, waiter就話”幫我地跟跟”, 我地都唔明要跟d咩? 過一陣, 個waiter 就攞左 4隻龍蝦比我地! 正呀! 隻隻大過我手掌! 有d仲有膏。原來要問先有!食完海鮮, 都飽左一半, 再黎刺身, 有三文魚, 吞拿魚, 赤貝, 北寄貝, 另外有鰻魚壽司同卷物, 仲有冷面。質素ok! 再睇吓有咩食先, 有salad吧, 2 款湯, 試左冬蔭公, 好香, 好飲wor! 另外有芝士, 巴拿馬火腿, 生果等熟食, 選擇比較少, 炸蝦仁, 班球, 花膠 (放得後排好邊, 差d miss 左! 好食! ), 烤牛肉 (得一款, 即切), 有片皮鴨 (用黎包住鴨既皮好厚好乾, 似放左好耐, 唔好食), 上湯煮芥菜, 蒸豆腐, 咖喱, 即烹粉面。 食左好少, 因要留肚食甜品。甜品好靚, 都幾多款, 士多啤梨拿破倫超好食! 拿破倫餅好脆, 吉士好多好好味! 朱古力蛋糕同白朱古力蛋糕都好好食, 朱古力好香好滑, 而白朱古力蛋糕較甜, 比人好sweet 既感覺! 好好味! 開心果朱古力蛋糕都好好食! 仲有芝士蛋糕 (係焗嗰種, 芝士味好重但偏咸), 低糖芝士蛋糕 (質地鬆軟, 有少少似梳乎喱), 檸檬批, 蘋果批 (好多蘋果好足料) , Tiramisu (普通, 無層次感, 食唔到酒味), 杏仁糊, 即整pancake, 同4款雪糕.而家d buffet 愈黎愈貴, 今次用HSBC platinum card 有20% off, 連加一每人$374…Read More