sf_berry's Profile

 黑福多拉麵坐得舒服，最重要是不多自遊行一路嘈一路食。叫左吉列豬扒博多豬骨湯底拉麵。吉列豬扒好香口，豬骨湯夠濃夠熱。不錯……拉麵好彈牙，份量好夠。除了拉麵，其實小食都ok~叫多個照燒雞翼。雞翼夠熱好入味。好好味……叫多個火炙三文魚炸蝦卷，即叫即做，三文魚好鮮，入口即溶解，熱辣辣，炸蝦好脆~正個服務員好好人，見我一個人，同我傾左2句……好開心。 …Read More

之前晚上試過大和豚的美人鍋。 幾好食。原來呢度有lunch set. 價錢唔貴試個三文魚刺身飯set。$88有麵鼓湯同飲品。不得不讚個刺身飯。大大碗而且刺身大片又厚肉又新鮮……吾同出面D刺身飯又細片又普通。第一次試果然喜出望外。另一個叫左义燒豚骨湯拉面set, 包1個小食同飲品。呢度吃豚為主，所以豬骨湯拉面有一定水準。朋友話呢個choice夠穩陣。好笑是，朋友見我個刺身飯比較吸引，結果齊齊share.看來都是刺身飯win.…Read More

I like waffles. 朋友介紹話D度strawberry waffles好食。見枱枱都叫士多啤梨waffles. 份量大，完全夠2人食。窩夫呢度比較特別，面脆口，入面軟林林。加埋strawberry ice cream 同醬……presentation 又靚……must eat@@叫多一個芝士番茄煙肉多士，多士熱辣辣……好足料加埋沙律菜……2人分perfect.:)見個個叫咖啡，不過同行朋友話D咖啡麻麻兼貴:(。我地叫左個芒果凍茶同士多啤梨凍茶……凍冰冰。食完咁膩嘅窩夫同烤多士……其實仲好過咖啡。…Read More

聖誕節假期後，同媽和細路一同去沙田禾輋探人再搵食，搵到呢間食拉麵的鋪頭。待應姐姐話客人多數叫傳統义燒拉麵，我覺得拉麵主要吃湯底，豬骨湯底夠熱,有濃濃豬骨味…..待應姐姐另一推介媽吃黑墨豚骨湯底，雖然湯底是黑色，但有很香口蒜味，媽媽出名食得慢，拉麵都冇因為湯放耐左變’林’， 义燒同豚角煮入口不錯，抵讚。對比出面一百蚊一碗拉麵，呢間拉麵館七十幾蚊一碗，而質數不錯，可再幫襯。細路麻麻地食拉麵，叫左個燒牛肋肉蕎麥麵。蕎麥麵份量不多，夠女孩子份量，不過蕎麥麵麵質彈牙, 點埋湯汁，清新。燒牛肋肉ok la..加上有什菜，好健康~ 拉麵以外，另一個選擇。小吃叫了個珍寶雞翼，雞翼炸得脆口, 精髓在於醬汁。有粒粒芝麻、蜜糖，’林’落雞翼上，一個字~正~…可惜得3隻，一人一隻，唔夠喉。…Read More

当吉吉列間中有光顧。吃慣吉列豬扒定食，今次試了滑旦吉列豬柳飯，價錢更實惠。以為滑旦会令吉列變淋。完全沒有，加上滑旦，保持一贯当吉吉列豬柳質地。除了当吉人手芝麻加豬扒汁呢個黄金组合。旦加豬扒也有驚喜，而且飯仲好熱，以前好似忽略了呢個飯……哈。当吉椰菜絲依然好脆口, 新鮮, 每次都encore椰菜絲. 沾上紫菜汁. 更好味還叫了一客吉列帶子定食 ~ 帶子外表脆同好厚肉。野苺雪芭，沒有期望，沒有失望。唯一好處是吃了吉列，清涼冰凍有清口腔之用…Read More

第1次來yamaton，是新店(吃豬肉為主)。dinner time和友人一起吃。落地玻璃，環境寬敝…座位空間大…反而可靜靜地吃個好hea的dinner。點了2個主菜……5品燒肉…menu講明即是5種不同豚肉部分…先上鐵板，有一大堆配菜，高大的waiter 哥哥教我地怎樣燒。放泡菜在鐵板高處，冬菇呀芽菜呀放低處，肉類放中間……因為泡菜D辣汁渗入肉類同芽菜喎……唔講都唔知日式烧肉可以咁講究。點埋個麵鼓醬，用個生菜包著肉食。冇左油腻感。3個人一齊食……不錯。燒燒下，個高大waiter得閒就走過黎提我地幾時食得，service 细心。有燒肉當然要飲啤酒。竟然呢度有hoegaarden~烧肉+冰凍啤酒……正！可能食豚肉，有叉燒拉面食。水準中規中距……有3片叉燒，湯也夠濃和熱。叫多個iced lemon tea. 3個人傾下笑下就hea左一個晚上。 …Read More

岩岩上星期六同屋企人一行4人行新城市shopping完去左pokka café grill 食dinner. 平日行過都唔覺眼，原來呢度食鐵板燒。我叫左個鐵板燒牛柳，原來係DIY吃法。個waiter上菜幫我燒左幾下, 介紹左點食，仲跟3個醬汁同蔥花。食落牛柳幾厚身, 都juicy. 我選擇點燒肉汁，幾惹味老豆叫左個’燒雞肉煎意大利飯’… 燒雞肉算滑…煎意大利飯比較特別…熱熱地，幾爽脆…ok la!細路叫左鰻魚元貝炒飯，跟一個鐵鍋上，仲有一個鰻魚汁，自己加汁炒飯，細路話幾好玩。哈哈~~到甜品第二個胃時間 : Tiramisu格格多士必食，好好味~~chocolate凍飲. DIY again.~自己加棉花糖同chocolate, 岩女仔多d我飲熱鮮果茶，吃完鐵板燒同dessert，可消滯(總括來講，呢間都可以，新城市都冇類似呢類食物，下次shopping完都會幫襯)…Read More