Hong Ha 's Profile

慶祝主子大病初癒想出街慶祝. 天下著毛毛雨, 就食個餃子吧.喺深水埗, 選擇多的是. 但係, 豬腳薑加餃子套餐就只有全記先至有. 店舖光猛乾淨. 一入門口就係廚房, 一碗碗湯餃就係喺呢度製作. 假如你有選擇困難症, 唔使驚 - 姨姨唔會吹你落單. 慢慢睇. 如果啲combo夾唔掂, 唔使驚 - 姨姨不厭其煩地介紹他們的出品： 餃子, 豬腳薑, 燉湯等. 親民有禮.上菜非常之快. 芫茜香餃皮薄, 餡靚. 豬腳炆得入味, 入口融化. 薑係清香, 鹵水蛋吸曬啲汁, 食到舐舐脷. 微辣,甜度和醋的比例調教得好. 湯餃個湯, 飲完唔會口渴. 普通湯餃40蚊有八隻, 價錢十分均真. 其他飯和燉湯, 價錢亦親民. 我食最豪就係呢個八隻湯餃加豬腳薑combo, $85. （包嘢飲）他們有個自助小菜station, 有醃蘿蔔, 麻辣菜脯和耳根. 醃菜爽口美味, 餃子係主角, 都要有綠葉扶持 - 正. 食完去收銀找數, 有位熟客專登揸車嚟買餃子返屋企食. 姨姨正在煮緊一鍋湯餃, 她抬起頭來問我, "我嘅餃子, 好味嗎?" 笑容可掬. 我微微點頭回答, "掂! 下次見!"…Read More

6.30pm在荔枝角MTR交收二手書, 手痕下search“越南菜” - 好, 就你吧.📚👍🏻在G-map 的帶領, 步行十分鐘後便到達毫不起眼, 但燈火光明, 而且一眼看通的小舖 - 半open kitchen, 只有十多座位的兄妹越南粉.💡妹妹笑容可掬, 溫文地說聲“隨便坐”. 兄長穿著黑T-shirt 喺kitchen坐陣, 微微點頭.💁🏻‍♀️👨🏻飛快地叫咗牛肉加牛腩pho. 任何一間越南餐廳, 他們的練門就是湯頭. 不敢抱太大的期望, 只怕換來是是靠味精調出來的有味水, 所以叫埋咸檸七. 🍋🥤五分鐘後, 妹妹輕輕地放下熱辣辣的pho, 跟著提醒一句, “湯是可以加的”.🥣 吓？居然對自己的湯頭咁有信心？？Yup. 掂. Yes. You. 湯清,但濃味. 口腔不苦不澀. 問妹妹攞咗一小碟魚露. 放了兩三粒切碎嘅紅辣椒, 再加幾滴青檸汁, 牛腩輕輕點了這個醬汁放入口. Hmmm...鬆化.😌眼見客人都逐漸落下自己心頭好-撈檬, 雞串. 耳邊聽著哥哥輕輕地亨著越南流行曲, 忙而不亂地逐一為客人準備晚餐. 妹妹兼顧樓面和清潔. 兄妹之間有一定的默契. 有一個家的感覺.十卜.…Read More

轉眼間, BOLD已經可以稱為在基隆街咖啡店老臣子之一.咖啡店裝修簡單, 營造輕鬆舒適氣氛. 嗯. 見到有個金絲眼鏡, 書卷氣哥仔坐鎮嘅coffee shop. 😌一入門, 自然地望看右邊嘅counter, 走埋去落單（我以為）. 哥仔沒有落order, 換來是輕聲地問, 你坐邊？在沒有枱号, 只有3枱客之下, 我示意沒有人的角落頭. 👍🏼可能“坐嗰邊”唔夠清楚. 換來是你嘅輕反白眼, 語氣帶點不耐煩說,“咁你去坐低先啦...”. 呆了一呆. 人係犯賤的. 就是你這個不經意的小動作深深吸引住我. 🫥哦. 呢度規矩要你坐低先, 人哋會幫你order呢. （見到哥仔都唔使咁猴擒🙈)聽話的我自然坐低, 等候下一個instruction. 點知換來的等. 我是那麼期望你的目光會望住我, 走過來我的身邊, 輕聲溫柔地在我耳邊同我講, “你頭先所落嘅order已經幫你入咗.”🥹鼓起勇氣的我於是起身再走去counter落order. 你清晰地同我講咗我坐嘅枱號. 我忍唔住問, 如果張枱冇number, 你點expect個客講枱number俾你聽? 換來的是你輕聲回應,“係.攞走咗喎.”😶到妹子一言不發收錢. 一問要三答(用最低嘅音量不要破壞這恬靜氣氛). 都係我嘅錯, 要俾cash. 一個簡單的加減數妹子都load咗一陣, dead air. 係. 都怪我唔攞張八達通出嚟doot.都係我破壞這chillax的氣氛, 增加了你的stress.🤦🏻‍♀️廚房飛快地上餐 - 正. 炒蛋是香噴噴的.沙律係新鮮的. 沙律汁毫不吝嗇地蓋過生菜.Hang on. 居然個餐快過杯flat white. 嗯. 慢工出細貨吧. 等下啦. 聽到哥仔同妹子細聲講, 大聲笑.在咖啡癮作惡之下, 我妒忌妹子. 哼, 我有什麼比不上起她. 這一刻, 我突然清醒, 原來我嘅出現, 是破壞了他們員工之間互動嘅良好氣氛. 🥹 食物出品ok., 咖啡也ok. 完. No really, that's it. The end. …Read More

經營社企不是易事. 不可依靠賣良心, 因為醫唔好個客個肚, 係留不住顧客的心.Cafe Imagine 是一間一個小女人,大力量的素食餐廳.她的招牌麥芽素叉燒飯簡直冇得輸. 素叉燒色香味俱全；菠菜滲著淡淡的麻油香配炒蛋(豆腐)撈飯👍🏼👍🏼. 分量可以K.O.一個男士.我選擇了一個 main + $40 (前菜+飲品). 負責人溫柔地介紹食材的原產地(香港嘅農莊).見到其他客人食墨西哥捲餅和韓式粉絲, 食得津津有味, 也沒有浪費.餐廳位置在長沙灣地鐵站C2出口步行大約七分鐘.期待嘗試其他出品. 十卜.…Read More

有兩個鐘頭空檔時間, 要搵個地方落腳. 所以在朋友的推薦下, 來了空間寬敞而坐得舒服的 Urban Coffee Roaster. 每位員工都溫文有禮, 輕輕地放低一張印著枱號的QR code落order紙仔後, 便悄悄後退. 我選擇了cold brew 和 pancake. 上order 非常之快, 員工亦體貼地不停為客人加水. 由落order 到上pancake 只雖大概六分鐘, 所以個pancake是現成的. 收到order 後員工便去加熱. 唯一扣分之處, 便是那個不熱不溫的pancake. 外圍剛剛夠熱,但可能個pancake比較厚身, 中間很可惜地是只是微溫.我見到其他客人都有order其他食物. 但我自己會下次只會選擇享受咖啡, 止步於食物.每位客人都非常尊重呢一個銅鑼灣綠洲, 悄悄地談笑風生, 所以無論單身、拍拖、同朋友聚舊等, 是一個不錯的選擇.…Read More

這是一間由三個八十年代樂嘟牌電飯煲已經撐起一間港式糖水舖的故事.現在一個普通的廚房, 少不了識唱歌的電飯煲, 慳時間的氣壓煲, 疫情思物的氣炸鍋, 怕熱氣的蒸氣爐和鎮山之寶微波爐.在芳姐的巧手下, 煮出家的味道只是靠實而不華的舊式大電飯煲. 一間小小的糖水舖,已經有綠豆沙,紅豆沙,豆腐花和番薯糖水. 湯圓是自己整的. 所有糖水,滋潤而不膩. 真材實料. 喺度要加個港女tone,“啲糖水唔係太甜囉. 紅豆沙有紅豆沙味,而綠豆沙有綠豆沙味囉...”紅豆沙為例, 匙羹輕輕在碗內一抖, 蓮子、百合等已經浮上面, 十分足料. 綠豆沙入邊滲著輕輕的臭（香）草味. 番薯是用薑汁糖水煲出來的. 大大碗,男女老幼, 在狹窄的舖頭內,都會發出燙口的雪雪聲. 搓搓肚皮.十分滿足. 老闆老闆娘親力親為,和藹可親. 在一間毫不起眼,裝修簡陋的港式糖水舖內,我十分慶幸和感恩找到家的味道.十卜.…Read More

在這不起眼的小舖中, 隱藏著對咖啡豆充滿熱誠和研究的barista.眼見深水埗逐漸被不少因“咖啡文化”而慕名來開店. 在花姿招展的KOL影下的所謂“五秒咖啡”, 這一個潮流可以伸延到多久呢？ 是好, 是壞？暫時只可以說: 觀望中.所以Will's Cafe 的出現, 成就咗一班咖啡友的一個聚腳之地.麻雀雖小, 五臟俱全. 老闆和老闆娘在廚房之間的默契也是買點. 慢工出細貨, 他的bagel和牛角麭也有捧場客. 每位客人都是靜靜地和有自律性地排隊落order和取外買. 老闆&老闆娘和藹親切. 鍾意嘅, 可以同老闆傾兩句咖啡經. 想靜靜的, 可以默默望著大埔道, 睇住剛剛在附近買完餸的街坊, 緩緩地拖著買餸車回家煮飯. Will's Cafe 是極少有的咖啡店在8am開門, 為真正飲咖啡的人去服務. 希望你不是曇花一現, 而是在這區紮根的barista. 十卜. …Read More

5.59pm 踏入街坊冰室."卡位坐低唔好急.俾你叫埋個下午茶.""咁...其實我想食D餐-梅菜蒸鯇魚.""你想食邊part呀?""吓有得揀?!" （居然可以俾客人揀?!）"係呀.你想食邊part咪出聲囉.有一定俾你.勉強冇幸福.” 美女豪爽"呀ger"不厭其煩地說. “Dog”餐飯很快上到. 喜歡食蒸魚嘅人其實最怕舊魚蒸老咗, 肉質變梅. 但係呢間冰室嘅出品一啲都不馬虎. 蒸魚時間剛好,而梅菜上面加上少少芫茜點綴. 例湯內居然發現南北杏和果皮！ 午餐和晚餐都係同一個set menu： Set A-F$40, G-H$41.包熱飲和每日例湯一碗. (係. 你冇睇錯.呢個set餐係包一杯熱飲和一碗湯, 無需選擇或加錢.)一邊食飯,一邊聽住美女豪爽"呀ger"跟住speaker唱90年代金曲, 其實在坐每位都好想跟住唱. 一有客到, 都會立刻招呼. 如果係熟客, 美女豪爽"呀ger"更會記得熟客的喜好, 逐一快手落單.街坊冰室客源甚廣 - 由單拖呀叔, 地盤佬, 情侶, 型男港女. 相信都是被美女阿豪爽“呀ger”嘅親和力又不做作嘅態度感染. 除了蒸魚, 蠔仔肉碎湯飯, 蝦醬牛粒炒飯和鮮茄焗豬扒飯都是非常美味的選擇.找數時,便順口問,“限制令放寬,生意好些了嗎？”“一定有好啲！但係做生意都係咁啦. 有起有跌. 大家一齊加油！” 美女豪爽呀'ger笑住回答. 冇錯-大家一齊加油...💪🏼…Read More

香港有不少打著 “越南菜”的餐廳. 但係豬頸肉撈檬似食泰國菜；pho就似中國米線. 更加唔係每間餐廳都有banh mi.但係Q1 第一郡是少數脫穎而出的越式小店.在毫不起眼的大門口後是一間少於30座位, 主打撈檬,湯河和banh mi.菜單就是一張過膠A3 size, 所謂貴精不貴多.最難得的是在菜單上的相片同真實版本係一模一樣! 我最喜愛的是番茄蟹膏湯檬. 無論係材料(蟹膏餅,扎肉,豆腐卜,蕃茄,豬紅+生菜同羅勒）和濃厚的湯底, 都是令人十分回味. 魚露,新鮮切粒辣椒和檸檬汁是可以問姐姐另外上. 值得一提-個湯底是濃而不鹹.食完唔會覺得口渴.他們的banh mi也是十分出色,口味十分接近在越南食過的.在炎熱的夏天,滿足地一口咬落烘得脆脆的法包, 加上紮肉,酸菜,青瓜,肝醬等清新可口的餡料,是一個十分好的選擇. 他們的糕點也是十分歡迎. 雖然我自己未嘗試過,但不時聽到隔離枱的客人食到“唔！”滿足的一聲.在小店後面就是一班姐姐們預備材料的地方.見她們一絲不苟地準備羅勒,酸菜,蔥,青瓜等材料,更加似置身於越南的小餐廳. 自己一個月都去到兩至三次, 每次品嚐到的出品都是十分平均. 希望這間越南家庭式小店可以繼續堅持落去.…Read More

幾年前, 看到一篇報章見到布行老闆輕描淡寫地道出開豐信餃子店的原因 - 試下囉...數年後, 豐信餃子店依然屹立在太子. 眼見附近的基隆街、大南街等昔日盛行的布行貿易公司摺一間就少一間, 新一代的老闆憑著“試下囉”的態度挑戰飲食界, 值得佩服. 湯底是椰子雞湯, 配上新鮮的食材製造餃子. 眼見姨姨們不停地把豐富餡料的餃子, 一隻一隻埋口, 感覺就像小時候回到婆婆家裏, 睇到姨媽姑姐包餃子的樣子. 自己算是常客,一個星期起碼幫襯一次. 公平啲講, 湯底就有時清啲, 有時濃啲. 但餃子的大細, 餡料和味道, 就真係值得一讚. 因為每次餃子味道都是平均的好, 保持到出品均真. 煎餃vs湯餃自己比較鍾意湯餃,因為煎餃比較油膩,咬落口會滿口油,影響質感.服務員大部分都是後生女. 不知是否家族成員.每次都是冷臉不言, 落order收錢及找錢. 但無阻影響享受熱騰騰食湯餃的滿足感.…Read More

叫咗半份格仔餅+豆腐雪糕, 都係十幾蚊.格仔餅係即叫即做. 豆腐雪糕清淡但不失味道,有啲似無糖維他奶. 我係要兩隻手捧住+夾實份格仔餅,大大口咬落去. 燙熱的格仔餅配上 creamy的雪糕口感十分過癮. 味覺+肚腩十分滿足.最難得係老闆不忙回頭笑著說,“係咪好抵食呢.” 看到老闆對食物出品嘅熱情, 同執著地盡量保持貼地的價錢. 不論男女老幼, 都只可以點頭回答,急不及待享受這一時刻的滿足.…Read More

湯底是用大魚+魚骨淆出來魚湯. 味道清澈,容易入口. 全碗湯飲完見底都一點不見口渴,證明是真材實料. 一大碗米線湯粉滲著淡淡清香, 十分可口 ,價錢亦親民. 最難得係老闆（亦都係大廚）同店員十分親切. 十卜用心做出來的味道. …Read More