Alanis的個人專頁

餐廳環境餐廳以深藍色旗幟、漁業主題及大型吞拿魚燈籠裝飾，營造出一種濃厚的日本海港氛圍。食物評價主打吞拿魚丼一上桌即吸引眼球，厚切大拖羅及吞拿魚赤身鋪滿整碗，色澤分明，油脂豐盈，入口即化；搭配紫蘇葉、海苔和新鮮芥末，層次豐富，鮮味十足。另外加58蚊附上的新鮮三文魚子小碟，晶瑩剔透、咸香分明，與白飯一同入口滋味無窮。配餐沙律和茶碗蒸亦見誠意，蔬菜爽脆、蒸蛋滑嫩。套餐配以清爽可樂，既解膩又能平衡味道。下次再encore…查看更多

上次裝修之前，招牌蒜蓉牛油消失，今次裝修之後，又一名物消失，無咗牛尾湯。錢貴咗，理解。主餐牌種類越來越來越少，又話堅持保留最經典菜式，唔通佢指係佢哋最弱嘅所謂意大利飯同意粉？外子叫另一馳名菜色，紅酒燴羊膝，話無。要再諗食乜，侍應去如黃鶴。之後叫咗個所謂的帶子意大利特色飯，其實係淡貿貿汁撈普通飯。另外叫咗個星洲炒米，佢話好耐嗰喎。。。。唉～作為九龍東三十年老街坊，我都真係唔想寫衰佢咖，與其見到一間盛極一時嘅餐廳逐步腐敗，我寧願佢最風光嘅時候引退。…查看更多

簡單啲講，訂咗無送嚟!過咗送貨時間，千方百計又電話又whatsapp又facebook messager，半個鐘先覆。推卸責任，聲稱當天下午曾經打電話俾我但我無接所以無送嚟，提供唔到來電話記錄作為証據，話一日打四十幾個電話唔會record咁話，又唔識留言又唔whatsapp，好似活喺50年代咁。網頁所講嘅遲到一分鐘減一蚊遲到半個鐘免費係會兌現嘅，等你開完生日會先話送嚟。但送貨司機又話免費嘅單係唔會送! 小小公司架構異常複雜，又司機又生產又客戶服務，搞咗我兩粒鐘仲打嚟要我由頭到尾交代一次，人哋講明開緊生日會搞咗兩粒鐘都仲唔放過我，好似欠咗佢哋咁，明明一切對話已經喺哂facebook messager仲要我講？!唔係話送返個免費嚟就彌補到，開完生日會個生日蛋糕仲有咩用？做生意誠信好緊要。…查看更多

一餐美味嘅大餐後，monkey話仲爭緊啲嘢。食極唔肥嘅佢正魔鬼，於是乎一行6人驅車返屋企樓下食甜品。怪只怪太方便，實在食得太多！近年來真係勁鍾意食朱古力，天寒地凍又想食個熱嘅甜品，唔想食嗰啲芒果撈撈撈，所以叫咗心太軟~~佢仲跟兩球雪糕，我揀咗朱古力同曲奇友人見到隻熊仔興奮到V哇鬼叫，可能因為食得太多次，我都不以為然，佢除咗畫熊仔，仲有大笨象同豬~(唔記得係咪好似有兔添)朱古力味比自家整嘅無咁濃，都合格。流心質素好，未試過失手，抵讚！…查看更多

噚晚友人做老闆，請我同monkey去食龍蝦燒，原來間舖嘅名直頭係叫龍蝦燒，喺佐敦渡船街。友人揸車同我哋過去，好好彩咁啱對面有車位，唔駛走來走去，另一對友人就自行過去，最近的港鐵站係柯士甸啩~店面小小，都算逼夾，但價錢親民，小龍蝦燒38蚊一隻，大龍蝦燒48蚊一隻(又唔好幻想到好大~)，蟶子皇30蚊一隻，嗰啲咩燒牛柳、燒雞軟骨之類就10-20蚊/串，都唔算好貴~有唔同嘅香料(左起)：應該係rosemary之類、花椒粉、孜然粉、勁辣粉、味椒鹽、辣粉蒜蓉飽不錯、燒粟米勁甜唔乾必叫海鮮類 (奉勸唔好一上枱就掂個殼，因為係透過個殼燒熟啲肉，個殼就好似個煲/穫咁)蒜蓉扇貝：感覺好似蒸咁、爭咗啲粉絲蠔：唔會縮到好細、燒完都有海水味魷魚：香、但唔夠味，可能for自己落辣粉蟶子王：好肉、都係好似蒸咁、好香清酒煮青口：幾甜，但無乜酒味，唔知係因為蒸發咗，定因為我飲緊Asahi唔覺呢~主角來了！龍蝦燒！呢嗰係大size。有個缸養住，即叫即劏。好新鮮！每人一隻！燒菠蘿：好多汁，食到成手都係燒烏頭：太多嘢食、求其食咗兩啖咋燒豬頸肉：好滑呀、點孜然粉食正焗西蘭花，汁好濃其實一行6人唔止食呢度咁少，仲有茄子、雞軟骨、牛柳、羊架，但天寒地凍啲食物好快凍，顧得食嚟又唔顧得影，只係影咗最精華嘅部分。打算去食宜先book位&留龍蝦，見到啲開飯評有啲人去到都無龍蝦食~~食完又呼一聲.....飛車到下一站lu~ (見龙虾烧後的~~甜品)…查看更多

又去澳門喇~今次一落船飯都唔食(其實喺船上面食咗佢供應嘅鰻魚飯上面嗰條鰻魚)，即係飛去今年新開張嘅東方文華酒店嘅high tea~都算唔錯啦~High Tea 2pm - 5pm 供應，一set有10件件件都好好味價錢大約MOP180/位 (另加一&稅)感想：個set好好味，雖則話有10件嘢，但食完又唔會飽到反肚嘅(可能我無食晏啦=^.^=)，尤其係件三文治同埋puff~環境都幾清靜，但好似open咗啲，加高少少啲屏風會好啲佢除咗呢個classic high tea，仲有中式嘅，可以睇下個menu吖http://www.mandarinoriental.com/macau/images/lobbylounge_menu.pdf…查看更多

上次波友介紹入去西貢食Pizza，呢度最著名嘅係佢勁大24吋Pizza，成張枱咁大，上次我哋見到人哋食都好驚訝，因為想試其他嘢食所以唔敢輕舉妄動，只係試咗16吋。自從上次之後總係心掛掛，好想挑戰24吋Pizza，但呢件事要集體行動，至少要6條友先可以嘗試征服，咁啱上個禮拜六又有波友入西貢，咁我哋call埋啲friend湊湊埋埋7個人入去食。呢度地方真係好淺窄，又多人出出入入，要接受到先得，店內多數2人枱，得2張4人枱，多人要坐街邊，全自助，要自己等位，唔會有店員叫飛，今次我哋都ok好彩只係等咗10分鐘。另外要自己買飛，買完飛等order到，佢有一個order no喺飛度，有嘢出店員會大叫order no，係你嘅就要舉手叫佢過嚟。奉勸好肚餓嘅就唔好食呢間，因為佢啲order全部即叫即做，叫親pizza都叫你預45-60分鐘，但其實大約30分鐘就有。同埋要自己攞紙碟同刀叉。7個人，我哋叫咗1個凱撒沙律、1個菠菜綿羊奶芝士雲吞、1個24吋Paisano's Pizza凱撒沙律：太快消滅所以無影到，勁多芝士菠菜綿羊奶芝士雲吞：堅正，個汁同啲餡都有菠菜主角24吋Paisano's Pizza，半徑有我隻前臂咁長，真係飽都呆咗，有一個朋友因為唔食creamy嘢無食雲吞，所以認頭咗2件，佢食完飽到對眼爭啲跌出嚟overall嚟講啲嘢都ok，你話勁好味又稱不上，有一半係因為佢新鮮熱辣，所以如果下次叫大pizza最好有齊8個人，因為食第二件嘅時候凍哂就無咁好味，但以呢個價錢嚟講真係無得彈，我哋7個人叫咗3樣嘢370蚊，一人53蚊，嘢飲你可以喺度叫又或都去7仔買，佢唔會干預你，我就叫咗杯大Asahi 30蚊。唔夠人又或者唔想叫一個又想試吓大Pizza嘅，佢有個餐係24" one slice cheese pizza + 1 bottle beer set = 40蚊。滿500蚊可送外賣，最遠送到將軍澳。將軍澳以外嘅朋友就要自己揸車入去攞喇！下次想試脹卜卜嘅意式餡餅~…查看更多

同老公、妹妹&佢BF去澳門玩，上次老公嚟澳門影煙花嘅時候同班龍友嚟食過，本來去隔離嘅法蘭度，但太多人，排第六頁等兩粒鐘，所以去咗隔離呢間食，無諗過都好好食。老實講門面唔靚，但入咗去係另一個世界，花園有人燒烤，好有外國人Backyard搞BBQ Party嘅feel，侍應問我哋坐出面定入面，雖十一月但仍天時暑熱，我哋揀咗入面，入面嘅環境都OK。一打開餐牌見啲嘢食都幾經濟，一般都係五六十蚊，我哋叫咗6樣嘢，餐前豬仔包係送嘅：1. 馬介休炒椰菜好味，馬介休唔太碎，有咸香2. 葡國雞 (跟飯):)我哋都幾肚餓，所以叫咗個飯，葡國雞分大細，我哋要咗個細，典型葡國菜，有黑水欖、葡國腊腸、洋蔥做配料，都幾好味，不過下次唔叫，留返啲quota食燒烤嘢3. 燒春雞一隻皮脆多汁，平時我怕肥唔食皮，但呢隻雞真係燒得好好，啲脂肪溶哂，皮脆卜卜4. 辣汁中蝦最好味，出預期出色，份量多，四個人一人都有四五隻，個汁唔係好辣，但好好味，下次留返面包點汁5. 燒豬肋骨OK啦，BBQ味，下次可以試吓牛6. 燒秋刀魚魚油溶哂出嚟，同雞一樣，塊皮脆卜卜，但肉淡咗啲，要落鹽我叫咗一支Corona，老公要咗菠蘿冰，妹要咗椰青，妹BF要咗Fruit Punch，埋單MOP450，以此質素抵食！會再來，但至少四個人先好嚟，我見附近有人兩個人嚟食得好少嘢咋！…查看更多

食得辣既朋友，不妨試下呢度既口水雞，好正，不過都好辣，雞好入味，仲有惹味既大蔥，每次去九斗半必叫，但其他食物一般，每次去都係為左食呢道菜。要有心理準備，位置都幾迫。不過呢間店有一樣唔好，就係成日有烏蠅仔"褸來褸去"唔係咁衛生囉！…查看更多

我同老公去過兩次，覺得好失望！<br>既然係香港著名旅遊點，食物當然要有一定水準，可惜成個餐廳最成功的係個view，D食物不予置評！如果間餐廳係located o係銅鑼灣都冇問題，你搵人笨之餘亦有人肯俾你搵笨，但是當你搵完遊客一次笨之後，香港的形象就遭你大受破壞！<br>希望餐廳努力做好自己，唔為自己生意都為下香港的形象著想啦！…查看更多