candynng's Profile

見到社交媒體網站，今日放工同另一半專登過嚟試吓。餐廳細細間，有預約嘅關係唔使等位，不過我食食吓見到Walk in都冇位。叫咗個二人餐幾抵食，有兩個主食，又有湯，有甜品，有嘢飲。上菜次序有少少怪，先上主食再上湯，然後再上頭盤😅。食物中規中矩，以泰菜嚟講完全冇乜辣，但賣相唔錯，襯托柔和燈光影相都幾靚。食夠$400就有🎲擲骰仔享優惠嘅遊戲，最後我好好彩擲到兩個六，成功獲得八五折！慳返嘅錢搭的士返屋企啱啱好😁😁…Read More

最近見到廣告就去試吓佢嘅$168壽司刺身放題，有兩張壽司刺身紙，基本上係一模一樣，有三文魚、希靈魚、蝦、吞拿魚之類，壽司只係多舊飯，質素就睇相啦，好似好多年前嘅K buffet嗰種壽司。最後真係太難食，連冰都慳返，又乾又硬又霉，完全食唔落，唯有加$88叫多個定食填下肚，定食就正常少少，但都係唔好食，好似七仔翻叮定食。成間野唯一可取嘅就係個環境幾好，但今次食物方面明顯中伏，之前仲見佢好多正評，總之冇下次。…Read More

今日來試下呢度嘅肉骨茶，叫咗呢個棒棒骨，上菜嘅時候只有兩條，跟住我就個侍應唔係三條咩？佢話大既得兩條。但點睇都唔係大囉😅。我再問佢點為之大，佢話我唔會知，佢哋返貨先知。跟住我話真係唔係大喎，同你幅相差唔多咋喎，跟住另外一個過來發皮四，一手搶左兜野，話咁換俾你囉！跟住擰轉面走咗......一陣之後，佢換一兜完全一樣的返嚟，但係加咗一條骨。我一直都好聲好氣，呢間野真係食到一肚氣。上一次食下午茶就冇機會試佢嘅肉骨茶，上次對面叫碟老鼠粉，上邊有啲細蚊仔飛來飛去。我應該以後都唔會再幫襯。…Read More

一個人搵食，之前睇過鵝肝堡食評，一直念念不忘。今日終於可以試吓。土瓜灣區一向唔係主打酒巴，No.9 土瓜灣區算系高價漢堡。Order 五成熟牛肉，但來到是差不多全熟，有少少乾。好彩鵝肝好味，不過好薄好細片。面包非常鬆軟，值得一讚。一個人的浪漫，埋單140。…Read More

第一次去呢間餐廳，除咗我哋之外就只有一台外國人。餐牌嘅喇沙幾吸引，除此之外就有鐵板咖喱，飲品方面就同茶餐廳再加果汁梳打。兩個人叫咗個咖喱飯同大廚房喇沙，醫肚都算唔錯啦。…Read More

食完千兩壽司心思思又想食啲甜嘢，見食評唔錯而且又近戲院，就去The Pantry試吓佢嘅waffle同pancake.裝修唔錯，坐得幾舒服。落單係用iPad。叫咗兩個甜品，一個係waffle, 一粒粒嘅朱古力圍邊原來係爆炸糖，識落幾特別。另一個係tiramisu on pancake, 同個Menu完全唔同樣，一啲tiramisu味都冇，pancake 的確係有啲似soufflé, 但係兩大塊真係好漏，其餘嘅嘢就冇乜特別。算係貴嘅甜品，只可以話一般般…Read More