Rangsit Thai Boat Noodles

見到社交媒體網站，今日放工同另一半專登過嚟試吓。餐廳細細間，有預約嘅關係唔使等位，不過我食食吓見到Walk in都冇位。叫咗個二人餐幾抵食，有兩個主食，又有湯，有甜品，有嘢飲。上菜次序有少少怪，先上主食再上湯，然後再上頭盤😅。食物中規中矩，以泰菜嚟講完全冇乜辣，但賣相唔錯，襯托柔和燈光影相都幾靚。食夠$400就有🎲擲骰仔享優惠嘅遊戲，最後我好好彩擲到兩個六，成功獲得八五折！慳返嘅錢搭的士返屋企啱啱好😁😁

味道偏甜，中規中矩。

雖然係飛天炒芥蘭，但係食唔到辣味。

椰子雞湯味道不錯，顏色賣相幾靚，但完全唔辣

青咖喱比較稀，但夠味。豬肉是肉片，都算多，而且入味，整體賣相不錯。

二人餐加一蚊嘅拼盤，全部正正常常，唯獨豬肉條有少少油。

呢個甜品味道似三色冰，椰汁味濃，甜度剛剛好。

擲骰仔響優惠，越多六折扣就越高。