兇猛的小白兔's Profile

係元朗食泰國野，基本上我都係會黎食呢間雖然店內唔係冠冕堂皇嘅裝修，但每次一進鋪必定會帶俾我好似去左泰國一啲本地人餐廳嘅感覺💕今日午餐時間又黎泰妹記，我揀左泰式豬頸肉濃湯金邊粉。湯嘅味道同係泰國食船河嘅湯底一模一樣😍香濃，但手唔會死咸，飲完唔會覺得口渴餐應亦有提供泰式湯河四寶（魚露，糖，辣椒粉，辣椒醋水），客人亦可以自己調出最商合嘅咪道豬頸肉份量足，亦十分爽口👍🏻每次當我有Thai food craving, 必到泰妹記😉…Read More

最近因為疫情，少左外出，基本上出外覓食都係留返係元朗區，好彩元朗有好多不同類型可以選擇前排見呢間日式燒肉店有做2人餐，終於的起心肝去試試餐廳空間都算幾大，座位闊落又好坐食物方面，每人一碗麵豉湯，味道尚可沙律的魚生和蔬菜都新鮮鮮甜茶碗蒸味道ok,有鰹魚湯香味用碗中牛油搽上蔬菜再燒，真係香好多，呢個大推就咁望好似份量好少，其實係夠2個人食。幾款牛肉嘅肉質好好，而且好香牛味，正特飲以498加一黎講，呢到嘅環境同埋食物質素係超值啊😍…Read More

成都冒菜由剛開張已經開始幫襯，主打以新鮮豬骨熬成湯底。熱愛食薯粉嘅我，基本上每星期都會去食1-2次剛開鋪個陣飲到個湯底真係用豬骨熬出黎，食材又足，所以成日心思思過去食。但上年年底唔知點解個湯底差左，辣度又好飄忽，搞到食親都好失落最近呢4個月個湯底又好味返😍水準亦都保持返，唔會一時唔辣一時好辣，所以宜家成日都返黎食大力推薦新鮮魚片，無骨而且肉質爽每次我個配搭必定有新鮮魚片，豬皮同牛餐肉😆，其他就睇當時心情再決定以$48 6個餸，相當抵食啊…Read More

呢一年半小弟都好忙、冇再寫食評。但今晚食到呢間老式扒房令我忍唔住上黎寫不嬲都知呢間野要硬性搭枱，呢層冇所謂，所以我同老公坐左係卡位嘅一邊坐對面嘅食客叫左個T骨扒，個待應一野放個鐵板係中間，問都冇問就倒啲汁落個鐵板，當時我低頭飲緊湯，差啲彈到囉！張台已經好細，幾個阿姐係到行黎行去又唔係上菜又唔係落單但冇收麵包碟，要叫佢先收。碗湯我本身飲緊（飲剩四分一）但因為我差啲俾對面食客個鐵板啲汁彈到而抬起頭，下一秒離奇地個侍應就收走我碗湯......我叫個是日晚餐，一黎就上個又硬又實嘅白方包，而晚餐個魚柳係冇味同唔熱，就咁淋啲汁上去就算，個豬扒意粉等左勁耐先出，個意粉漲到粗面咁，豬扒用粉拿到好淋。我平時都會準量食晒啲野，但今次真係難食到頂唔順，係咁咦食幾啖就食唔落，連相都唔想影！呢間野服務又差，野食質素又差，唔會有下次囉！…Read More

今朝要過炮台山做野，所以就去個邊搵食😆😆😆😆行到個邊見到一間裝修都好靚嘅餐廳梗係入去試一試啦😎😎餐廳嘅食物種類唔算多，但價錢尚算抵食而我就叫左個H餐 - 脆炸魚柳 + 火腿滑蛋 + 奶醬脆豬同凍檸茶個早餐一到見到我對眼即刻發晒光😍😍😍😍因為個奶醬豬啲醬夠多而且搽得好均勻👍🏻👍🏻👍🏻值得一讚個魚柳唔會油，脆卜卜而且味道調得岩岩好，滑蛋嘅生熟程度岩岩好，唔會過老或者太水汪汪。至於個奶醬豬，唔至得個樣架，仲超級正添啊！個包脆得黎有少少煙煙unun，唔會話因為脆而好硬而且啲醬又夠，成件事恰到好處😍😍😍😍另外值得一讚嘅係杯凍檸茶，一上枱就知個茶底靚，因為啲色已經望得出，杯茶夠濃夠香，飲完個人即刻醒晒😍買單時同老闆講左兩句，老闆好好人而且佢仲推薦我下次試下佢地嘅沙嗲牛肉麵，話同出面係唔同嘅，等我下次有機會再黎幫襯下先😝😝…Read More

幾日連假所以就出去尖沙咀行街兼食飯，因為小弟好鐘意食烏冬，所以就提議食萬豚屋啦～入到黎小弟就叫左香菌濃湯吉列豬扒手打烏冬，男朋友叫左厚燒十勝豚肉飯，再叫多個黑松露金箔冷豆腐。值得一讚係個湯真係好香菇味，吉列豬扒唔會太厚粉同一啲都唔油。但萬豚屋主打烏冬架嘛，個烏冬得個淋字，冇煙煙unun嘅感覺，好一般。講真，呢個唔建議叫啦....黑松露嘅味同豆腐嘅味唔係好夾，兩樣野襯埋一齊有啲牽強。冷豆腐冇咩豆腐味根據男朋友講，呢個豚肉味道可以，啲肉都唔會太老，但食完好口渴...咁姐係好重味精啦...呢樣就唔多buy啦我估我短期內都唔會再黎食，味道普通，材料普通，唔值得特登排隊囉...…Read More

最近小弟長期出差，搞到好懶冇咩點寫食評。點知琴晚食左一餐相當有驚喜嘅餐廳，突登login入黎寫食評。話晒小弟同男朋友周年紀念，諗住食返餐好嘅但又冇咩頭緒，咁岩朋友推薦warren食法國菜,所以就book左呢間餐廳。餐廳門面好有bistro嘅感覺，雖然餐廳面積唔大，但坐位都好鬆動我地坐底左之後waiter俾左餐牌我地，小弟同男朋友揀左4 course dinner。Starter小弟揀左XO醬龍蝦沙律，初初仲諗隻味會唔會怪怪地點知一食落口，XO醬同龍蝦一啲違和感都冇，XO醬唔會太咸太濃搶左龍蝦味，龍蝦本身亦好彈牙同香，而且啲肉唔會好碎，係大大粒架而男朋友揀左鵝肝，本身小弟係完全唔食嘅，因為之前食親都食到好大浸油/脂肪味。但見到男朋友係咁食又唔出聲，所以就叫佢分少少俾我食。食左一啖，嘩！即刻再搶多啖黎食😂 入口感覺係香鵝味，好嫩滑，再加芒果醬，成件事好清爽，唔會覺得好似食緊一泡油咁，好正！呢個下次黎必食！至於湯我地揀左龍蝦湯同洋蔥湯。龍蝦湯唔會死咸，有龍蝦嘅香味 而洋蔥湯就好香濃，但飲完唔會覺得好口渴，唔錯唔錯！小弟揀左雞胸，呢道菜係令到小弟覺得最有驚喜嘅一道菜！大家都知雞胸雖然係成隻雞最有雞味嘅地方，但就比較「鞋」，平時基本小弟係唔會點食嘅。點知......呢個雞胸係好軟熟，一啲都唔鞋口，再加上雞味濃郁，配埋個蘑菇汁，呢道菜無得頂啊至於男朋友揀嘅西冷配龍蝦尾，龍蝦尾質素同沙律一樣咁good至於西冷牛扒，肉嘅質地煎得岩岩好，而味道亦好香，完全無牛騷味，個汁配埋牛肉好正啊甜品小弟揀左焦糖芝士蛋糕配雜莓雪糕，男朋友揀左檸檬慕絲配雲尼拿雪糕如果大家黎呢間餐廳食飯，雜莓雪糕係必食嘅小弟係唔鐘意食雪糕，成日覺得甜耶耶咁有咩咁好食...但係呢個雜莓雪糕真係好得，莓味夠濃但佢隻莓味係好天然，完全唔係人工嘅味，酸酸甜甜但唔會好「流」，男朋友都係咁搶我啲雪糕食啊呢間餐廳食物嘅質素好，而且價錢合理，經過今餐，呢到將會成為小弟嘅飯堂…Read More

早排搭車經過見到呢間餐廳裝修得好有特色，所以突登去試一試睇下啲野好唔好食先內部裝修都係行懷舊風，牆上嘅poster都好有特色！店面相對較細，所以坐位都比較逼少少佢地有串燒，煲仔飯，酸辣粉同小菜，係四川口味小弟同男朋友就叫左個秘製通菜雖然落左辣椒炒，但其實唔係好辣。當初我見到呢碟菜心諗「冇咩特別姐......邊到秘製啊？」食落口就知係有特別嘅通菜好新鮮，少少辣同埋佢地落左「孜。然。粉」炒啊！個味好香好特別而且好新奇，可以試下第二樣野就叫左涼拌黑木雲耳呢碟我就一般，個味唔算太辣，其實個味係唔錯架，不過呢碟野同涼拌一啲關係都冇囉......呢碟野上到黎係有少少暖，本身諗住食啲涼涼地嘅野開下胃，食完有啲失望，希望餐廳會改善下呢一點跟手叫左燒扇貝同墨魚咀燒扇貝必食！！！扇貝本身個味夠鮮甜，再加上一啲秘製嘅調味，唔會好寡得浸孜然粉味，好香好正啊至於墨魚咀，調味同扇貝係一樣嘅 ，但.......但都幾un下 好難咬最後我地叫左北菇滑雞煲仔飯加多條潤腸呢個飯都幾多餸，而且..........有飯焦啊！！！總括咁講，餐廳食物算唔錯，但如果你好趕時間就未必岩啦。因為唔會一次過上晒啲餸，每款菜中間都要等一段時間架。…Read More

小弟成日都想食華嫂，但次次都大排長龍，所以雖然小弟住觀塘，但一次都冇食過華嫂。最近小弟公司放長假，所以特登揀平日同男朋友去試，等左十幾分鐘就有位啦男朋友揀左招牌菠蘿包，個包好鬆脆，有面粉香，最鐘意食個蛋邊煎到脆卜卜，但可能我唔鐘意食蕃茄，我覺得個包一般姐到左我點嘅招牌芝士咸牛肉蛋豬仔包，本身以為係一個普通豬仔包，食左啖先發現個豬仔包有焗過，外脆內軟！同個煎蛋脆卜卜邊好夾啊再加上咸牛肉加芝士係絕配，呢個包無得輸啊！！！個人認為好食過招牌菠蘿包！！！我地仲叫左個蕃茄湯底雞翼豬扒出前一丁。呢個反而有啲失望，蕃茄湯夠濃鹵水雞翼好入味，而且啲肉好嫩豬扒唔會落得太多鬆肉粉，又唔會煎得過硬但個一丁唔係平時食嘅一丁.........隻麵唔彈牙而且唔索湯汁，晒左個咁濃嘅湯底。如果下次再叫呢個，叫通粉會比較好。…Read More

小弟過左幾個月空中飛人嘅生活，12月終於可以唔洗出差，梗係即時約朋友仔出黎食飯吹水啦～今次呢間餐廳係經係觀塘返工嘅朋友仔介紹，餐廳地方夠大，又有露天area，唔洗坐到好逼咁，幾好幾好～我地首先點左小食拼盤同凱薩沙律小食拼盤入面我最鐘意係個水牛城雞翼，啲汁夠惹味，啲肉又夠嫩，正個焗薯皮好香口，而且啲芝士味唔會過濃，唔錯唔錯啲沙律菜夠新鮮，而且好多煙肉碎，份量而都好多，抵食啊之後我地點左牛肝菌忌廉湯，生蠔同燒排骨個湯嘅味道唔會死咸 清清地但有牛肝菌嘅香味。生蠔夠新鮮，澳洲哥分灣生蠔個邊好爽口，我幾鐘意呢隻燒排骨係我同朋友嘅最愛，我地點左半份。上菜見到份排骨好開心,有成8條骨咁多～燒排骨啲肉質好嫩，唔似有時會食到啲燒到好似柴皮咁嘅排骨，而且個汁夠濃，食完4條我仲想食啊！我地點嘅飲品，仲有somersby 防水袋送～哈哈成晚我地不斷吹水 係咁細聲講大聲笑～真係好耐無同呢個朋友仔見面啦，所以唔經唔覺坐到人地差唔多收鋪點嘅我呢篇食評嘅標題係服務熱情嘅餐廳呢？係因為呢到嘅侍應就係好細心，一留意到我地隻碟污糟即刻幫我地換，水杯冇水即刻添水，又會主動行埋黎問啲野食好唔好，夠唔夠～呢一點小弟我真係好欣賞臨走個陣，佢地俾左佢地嘅聖誕menu俾我睇，叫我聖誕再去佢地餐廳。如果約到朋友，我會黎試下佢個聖誕餐～到時再寫過…Read More

今日同朋友去左食Shabu Shabu原來新張試業，所以唔洗點等就入得！ 正一黎就揀湯底先今次揀左御前海鮮湯同埋黑松露豆乳湯想讚下係海鮮湯個材料係另上好suprise個湯滾到咁上下，超鮮味囉！入面勁重海鮮味！蟹肉唔晦！花甲青口都好鮮甜除左火鍋，仲有刺身可以點份量足夠，唔似其他放題咁得兩塊薄片火鍋材料都有好多款揀呢個大大粒長洲魚蛋真係一定要食爽口又彈牙仲要無雪味而鹿兒島豚肉，肉味香，但唔蘇好食飲品係任飲嘅而且勁多選擇呢個菠蘿爽我同朋友都愛不釋手以咁高質嘅食材黎講，真係無得輸呀！性價比好高！ …Read More

小弟今日又有幸去荃灣做野，所以今日晏晝又去荃灣廣場搵食其實小弟本身係偏好食素食，當我發現大自然素食係荃灣廣場有分店，當然即刻狗衝過去啦餐廳雖然唔算好大，但落地玻璃令到成間餐廳感覺好開揚，坐位亦都唔算太逼一坐底店員即刻上玄米茶同小食-醃漬蕃茄仔蕃茄仔冰冰涼涼仲要微酸帶甜，好開胃啊望完一輪餐牌之後，就叫左個黑椒海鮮炒烏冬，店員就即刻上個例湯。例湯味道好清而且冇乜油，有粟米，紅蘿蔔同牛蒡（我估係牛蒡掛😌）由於小弟唔鐘意浸藥材味（牛蒡味）所以我覺得一般炒烏冬大大碟，黑椒味夠香而且唔太油，相當抵讚啊點解li篇食評叫齋口唔齋心嘅素食店呢？係因為……佢啲素蝦素帶子素魚片不論味道同口感都好似食緊真蝦真帶子真魚片咁啊（素魚片唔記得影相）今次係小弟第一次食大自然素食，雖然店員服務普普通通，但上菜速度好快，分量都算多，味道又好，價錢合理（埋單連加一茶介係$51.7）小弟一定會再黎食過…Read More

小弟係上海人，由細到大最憎食嘅野就係廣東雲吞麵，個浸梘水味會令到我頂唔順，至此之後我會避開唔食......話說小弟男友食開一間麵店，話li間鋪嘅雲吞麵好食又抵食，死都要捉我去食，我唯有免為其難去啦，點知一食就愛上左仲成日都心思思想去食tim~其實間麵鋪好細間，只係放到3張摺檯，門外亦都有幾張摺檯主角雲吞面，細細碗入面有5粒雲吞。雲吞放底，麵放係雲吞上面，等啲麵唔會淋。個麵係完全冇梘水味架！！！雖然冇梘水味，但一樣都係咁爽口彈牙，雲吞蝦肉同豬肉比例好好～碟腐乳通菜嘅腐乳量夠多，通菜亦淥得岩岩好，非常爽脆另一主角係大家估都估唔到嘅胡椒粉。Li間麵鋪用嘅胡椒粉並唔係係其他餐廳食到個種（姐係落極都冇味）佢地嘅胡椒粉，落少少已經好香而且夠辣，一路食一路好過癮，食完個胃即刻暖晒tim啊Li間麵鋪雖然內部環境好一般，但係佢做出黎嘅麵食相當傳統，而且十分抵食，今晚我同男友食左兩碗麵加一碟油菜都只不過係$63。小弟亦因為係li間麵鋪食過之後對雲吞麵完全改觀！…Read More

話說小弟今日去荃灣做野，聽朋友介紹小王牛肉麵係一個唔錯嘅選擇，所以今日lunch突登去試試佢餐廳燈光偏柔和order紙方面係幾環保幾抵讚。佢地嘅order紙全部過膠，然後會俾枝紅色蠟筆客人係order紙上剔，張order紙之後可以reuse 小弟我就點左排骨湯麵+肉鬆皮蛋豆腐小弟食完個豆腐有少少失望，因為個皮蛋係冇乜味.........另外個湯麵就不過不失，麵質比較硬身反而個炸排骨幾香黑椒味同埋唔會炸過頭，哩樣唔錯由於小弟唔鐘意食甜野，所以跟餐嘅蜂蜜冰茶我係揀左走糖。可能因為有朋友推介令到小弟期望過高，今餐我係有啲失望。…Read More

有一次無意中發現泰昌開左間cafe係荃新天地，自此每當小妹去荃灣做野時，一定會捉埋男朋友黎食返個早餐T's Cafe 1954 嘅室內設計相當有心思，走80年代懷舊復古風除左有餐廳部分，亦都有bakery 賣面包每次小妹例牌叫英式早晨全餐而男友每次必點西式扒餐小妹揀左飲伯爵茶，佢地係提供twinings茶包，但唔知點解今次俾左English breakfast tea 我:(早餐份量可能對對男士黎講就未必夠飽啦，女士就剛剛好味道方面就不過不失，豬扒都幾大牌，唔乾，有肉汁而點解我成日都鐘意哩間cafe食早餐呢？係貪佢夠寬敞舒適，好好坐，可以悠閒咁食早餐～…Read More