肚餓的遊戲的個人專頁

星期一真係令人疲累，放工要好好食一餐準備要返多四日工先有得再放假。餐廳好近尖沙咀站A出口，同朋友好肚餓一坐低就叫野食啦。我地叫咗香煎西班牙墨魚仔沙律拌辣肉腸、蟹肉卡邦尼意粉、薯條同埋10安士嘅加拿大豬鞍。首先係餐廳附送嘅餐包，我個人好鍾意中間黑色嘅脆餅，非常有質感想食多幾塊。然後就係香煎西班牙墨魚仔沙律拌辣肉腸啦，可以見倒墨魚仔嘅數量好多，辣肉場辣度適中，配上酸酸甜甜嘅番茄同青蘋果條，整個沙律好清新，食下食下就清晒。之後就到蟹肉卡邦尼意粉啦，卡邦尼意粉十分creamy但份量剛剛好，唔會食完就濟。食到都飽飽地，薯條哩個時候就到啦，驟眼睇薯條幼身以為都係普普通通無甚驚喜，但係原來好好味！配上偏甜小小嘅茄汁簡直係畫龍點睛，同朋友好快就清晒成碟，真係覺得自己好誇張。最後就係主角啦～10安士嘅加拿大豬鞍配上汁煮薯條，豬鞍大大塊十分厚肉絕對冇呃秤，咬落去肉質厚實味道相當不錯，唔經唔覺清晒全部野食。見倒隔離叫咗牛扒好香煎得好靚，今次叫得太多野食未有機會食牛，下次一定要試！…查看更多

好耐冇同朋友聚會啦，當然要揀一間好餐廳食下野傾下計。餐廳喺apple store附近位置就腳，行完街18:30啱啱到晚飯時間。餐廳係簡潔設計，雖然地方細但座位同座位間一D都唔逼。一場嚟到梗係要食D廚師推介咖啦，我哋2個女仔就叫咗個細嘅Co-DS小食拼盤、西班牙黑毛豬串燒、招牌黑松露菌麵包蟹蓋意大利飯，仲有比利時特濃黑朱古力幼昔。比利時特濃黑朱古力奶昔真係如其名，朱古力味十分濃厚，我個人好怕好甜嘅朱古力飲品，但哩杯奶昔嘅朱古力甜度苦度剛剛好，如果唔係驚肥一定會再飲多杯。小食拼盤嚟啦，好大份好大份好大份，同朋友一開始仲喺度諗咗好耐要大份定細份，好彩最後揀細份咋。炸雞翼一咬落去入面嘅汁即刻流出嚟，另外仲有炸番薯薯條，又甜又大大份，餐廳真係完全唔孤寒俾足誠意。主角西班牙黑毛豬串燒登場啦！每粒黑毛豬都份量同口感十足，同番茄相隔為串，點上醬汁十分惹味，配菜有沙律，另外仲可選番薯條或普通薯條，又係超多超多！最後就到餐廳嘅招牌菜黑松露菌麵包蟹蓋意大利飯，一上枱就已經聞倒好濃香嘅味黑松露味，食一啖，黑松露菌同蟹肉好似比飯更多，仲有拉絲芝士，真係好滿足呀。同朋友都係大食之人，但食到就快爆肚都食唔晒，餐廳嘅份量真係好有誠意，大家order時要考慮埋自己嘅食量呀～…查看更多

食肉癮發作，黎到銅鑼灣新麻蒲安撫我嘅胃睇到本menu，覺得有大長今食譜嘅feel比大家望下有咩揀先，同朋友一齊黎可以揀豬/牛/海鮮嘅燒肉套餐未落order店員已經送上一碟碟配菜，仲有任加嘅爐邊泡菜蛋我地叫左豪華版嘅豬肉套餐，岩大約兩個人食用上等嘅新鮮豬肉，即使火燒得猛都唔會過乾過老，反而有肉汁溢出另外叫左一jar青提子有氣果汁解渴同解熱，仲有好多其他飲品選擇。五花腩肥瘦分明，肉質非常嫩滑最後都係hk$4xx兩個人…查看更多

好耐冇同朋友打邊爐啦，聽朋友講天后有間火鍋湯底好好飲，於是今日就嚟到天后覓食啦。餐廳有4款特式火鍋，想飲清湯嘅我就叫咗滋潤椰子雞煲，湯底除咗雞外仲加入大蔥、木耳、蟲草花同菌類，難怪咁清甜！同朋友飲咗幾碗先捨得落其他火鍋料。另外雞件份量都好多下，可見餐廳完全唔吝嗇。配料方面，我地2個女仔總共叫咗5樣，分別係細美國安格斯雪花牛肉、桂花蚌珊瑚蚌雙併、墨魚滑、韭菜餃同埋芋絲。其中最鍾意嘅就係美國安格斯雪花牛肉！牛肉脂肪比例均衡，牛味十足，放入鍋中涮個10秒，入口即融！同朋友都好後悔冇叫到大碟，因為太好味我地之後要再追加咗一碟。然後就係桂花蚌珊瑚蚌雙併，只可以講十分新鮮！爽口彈牙仲鮮味十足，建議大家滾5-8秒就可以食。墨魚滑以竹筒呈上，放入鍋待浮起即可享用，同樣十分彈牙！韭菜餃不知是否自家包製，但內餡嘅韭菜份量好多，味道也不錯。…查看更多

星期二返工返到冇晒心機最啱就係食放題了，同同事做完gym就決定要好好慰勞自己，於是就去食放題！食放題最重要係種類多，一入到去有個自助bar有熟食同壽司等等。但最令我興奮嘅係有超多種類嘅野飲，由無酒精到有酒精用好多個大雪櫃排得好整齊，見倒都覺得滿足。同朋友一坐低就瘋狂點野，太肚餓了，因為腸胃炎完醫生叫我唔好食生野住所以今次刺生冇我份… 只可以望住朋友食得津津有味。首先係壽司，我個人好鍾意食沙律系壽司，所以係放題必叫，另外仲叫咗鵝肝、海鰻同和牛壽司。然後就係肉食啦～肉方面我地叫咗燒牛舌、蒜片牛粒、羊架同炸蝦天婦羅。真係好推介燒牛舌！質感十呎又入味食完一轉即刻加單叫第二轉！食個不停，再嚟就係我同友人嘅大愛！麻薯波波波！除咗叫芋頭萵，仲叫咗榴槤，榴槤真係好高質呀！！！身為榴槤愛好者，至少都要食返4粒嚟過下癮。仲有就係芝士年糕，全部即炸，外脆內軟，正！食到咁上下都差唔多飽，即刻叫個燒菠蘿嚟解下濟，酸酸甜甜，可惜冇影相～解完濟又係時間食甜品！見倒哩粒不知名物體咁受歡迎，我又夾咗兩粒嚟試下，原來係榴槤mochi嚟咖！煙煙umum煙煙umum加埋入面嘅榴槤蓉真係最好配搭。朋友叫咗杯哈根大師期間限定櫻花味雪糕，而我當然係叫返榴槤啦！哩個榴槤gelato好似榴槤沙冰咁，啖啖榴槤香，除咗好正都冇野好講了！走嘅時候先發現原來一入門就有爆谷機，真係眼大睇過龍，但太飽食唔落了，下次再戰啦！…查看更多

行開南華會附近，見倒開咗間麵店香氣滿溢，超超超鍾意食貴陽牛肉粉嘅我一聞就認得嗰陣除，當然要立即去食！踏入鋪頭，係一間小店一眼望晒，店員好熱情地介紹店舖的主打，細聽之下才得知原來大廚係貴陽人，嚟咗香港十幾年了。唔係講笑，牛肉粉一定要貴陽人整先夠地道有風味！店員知道我地好辣，推薦我地食紅油牛肉粉，我同友人就各自點一碗紅油牛肉粉，再加個口水雞，當然唔少得貴陽最出名嘅冰粉！！紅油牛肉粉好快就到啦！超大碗超大碗超大碗！貴陽牛肉粉嘅香氣真係冇其它食物可以相比，先試一啖湯，大廚話湯係佢每日朝早六點就起身用牛肉豬骨同雞煲成，加上辣油，麻得好爽！牛肉份料好足而且有咬口之餘入到口中就化開。最令我驚喜嘅係牛肉粉加咗自家製酸菜入去，而個粉係貴陽特有嘅粉，每日由貴陽運到，爽口Q彈，同香港其他間牛肉粉嘅質感真係好多分別。個麵好啱我口味，於是我對口水雞都好期待！口水雞嘅做法好正宗，口水雞出名係多佐料，而哩道菜最特別嘅除咗係雞本身鮮外，仲有一點小心思，就係雞下面鋪嘅木瓜絲！浸住口水雞嘅醬汁嚟食一流！大廚見我地食辣，怕我地太辣仲送咗杯苦丁茶俾我地解辣，一直以嚟喜歡小店嘅原因就係咁簡單，食客同小店老闆同員工係有交流，充滿人情味。苦丁茶入口苦澀，但隨之而嚟嘅就係甘甜，不錯不錯。最後就係我最期待嘅冰粉！貴陽冰粉同雲南冰粉不同之處就係貴陽冰粉材料超多！冰粉係好類似啫喱嘅質感，但更軟更滑，用高山玫瑰做底，加上醃漬的黃綠甜椒提子，炒香的花生，再撤上一把芝麻，簡直係天堂嚟嘅甜品！而且都係勁大碗！言談間feel倒老闆係一個好有心去做家鄉味道嘅人，哩個地段哩個價錢，性價比極高，一碗牛肉粉都已經食到超超超飽了！咁樣有心又做得好食嘅小店真係越嚟越少，下次一定會再返嚟食大廚推介嘅素粉！！！…查看更多

因為有朋友成日喺附近游水嘅原因，以前成日都會嚟炊豕店食炸豬扒，但佢搬咗之後就一直未去過，今日就特登去試下水準有冇差到先。今次我地2個人就叫咗2款小食，分別係麻辣大炸魚蛋同辣味海蜇。飯方面就叫咗一個蔥油豬扒飯+厚餐肉同埋一個最出名嘅秘製豬扒飯。飲品方面就一個飲蘋果汁，一個飲橙汁。先講小食先，麻辣大炸魚蛋同辣味海蜇辣度中等，食唔倒辣嘅朋友都可以接受得到，麻辣大炸魚蛋十分弾牙，配合辣椒醬真係不錯！秘製豬扒飯係一向食開的，水準依然維持倒。哩個價錢喺CWB有咁大大塊豬扒，性價比真係好高，尤其豬扒炸得香脆而又唔會刮口。蔥油豬扒飯係期間限定的，而我就另外加咗塊厚餐肉。豬扒上面鋪嘅蔥油炒得十分香，連埋豬扒一齊食味道配搭得十分好。餐肉厚切煎香，雖然唔係咩名貴食材，但都足以令我開心一整日。…查看更多

今日同同事心血來潮想食日本野，就即刻去朋友推介過嘅岩鹽日本料理試試佢啦。餐廳主打釜飯，同同事一見倒釜飯2個字都有點黑人問號，細問之下原來釜飯和煲仔飯有一點點點相似，不過前者以真空慢火燜煮，後者用大火煮成。餐廳環境不錯，外面還可看廚師即席製作釜飯。一場嚟到當然要試下釜飯係什麼料子啦。我點就叫咗一個和風牛肉釜飯同一個精選壽司牛肉烏斥定食。和風牛肉釜飯另外搭配沙律、魚生仲有醃漬嘅蘿蔔，淨係前菜都夠多。講返釜飯先，釜飯除咗有主角牛肉仲有3種蔬菜、冬菇同埋一隻半熟蛋，識食一定係撈勻食！米飯係比較軟身的，正中我下懷！另外一個就係精選壽司牛肉烏斥定食12件壽司，最鍾意每種壽司都淨係食一件嘅我揀哩個套餐真係冇揀錯！套餐大大份，仲有沙律、燉蛋、麵鼓湯同牛肉烏冬。牛肉烏冬伴有海帶，哩個我十分喜歡！1人1個套餐食完都要捧住個肚走，LUNCH TIME時間好繁忙，建議大家先訂位呀～…查看更多

喺灣仔做野好似成日都搵唔倒好野食咁，聽講最近開咗間沾麵好好味，當然要同同事去試試。餐廳好貼心，有埋好得意嘅公仔教你點食。同埋另一樣好得意嘅就係有得比你揀麵嘅份量！哩樣真心貼心！建議細食女仔可以揀200g就夠。同同事一人叫咗個麵，分別係肉盛豚骨魚介沾麵同辛辣豚骨魚介沾麵，另外仲加咗辛口沙拉羽根餃子同一隻味玉。對於2個女仔嚟講好似太多了哈哈～我就叫咗肉盛豚骨魚介沾麵，話明肉盛，就係好多肉嘅意思，總共有4塊大大塊肉，豚肉脂肪比例均勻，食晒都唔覺得油膩。而沾麵十分有口感，我個人鍾意比較硬身嘅麵，哩個麵嘅質感爽滑符合我嘅要求，加上個濃稠嘅湯，搭配住一齊食，大快朵頤。同事叫嘅係辛辣豚骨魚介沾麵仲加咗個味玉，味玉嘅熟成度控制得剛剛好，一咬落去就見倒橙黃嘅心啦！！！最後仲有辛口沙拉羽根餃子，但其實我地2個已經飽到食唔落了….都怪我地太貪心叫咗300g嘅麵…埋單都係每人百零蚊，唔知係咪新開張仲有coupon送，正呀～～～…查看更多

同朋友行開附近，見倒醋娘子哩個名好得意，一於去試試～醋娘子算係小店，一入去員工就好熱情招待同我地傾下閒計咁。打開餐牌，款式都好多下，原本想試下四川擔擔麵，但朋友話想食飯，咁就叫餸食飯啦，分吃叫咗麻辣牛展拼海蜇、糖醋魚塊同椒鹽豬排，另外再叫2個菜飯。先係涼菜麻辣牛展拼海蜇，海蜇爽滑，牛展有口感，我最喜歡係個辣，辣度剛剛好，又帶點麻嘅感覺，唔錯唔錯！之後就係糖醋魚塊同椒鹽豬排啦。其實每封係糖醋煮嘅野，我都唔會食入面嘅菠蘿，但係哩個糖醋魚塊嘅菠蘿真係好味，夾住魚嚟食送飯一流。而椒鹽豬排份量十足，豬排大大塊咁，食極都好似食唔完，蒜加辣加豬排真係好好嘅配搭，雖然比正確咸咗小小小小，但用嚟送飯真係好正。今次冇食到好多辣野，事源朋友唔太食得辣，下次再嚟要食晒佢全部辣野先得！…查看更多

晚上友人在荔枝角下班，search完一輪就決定去試試西餐BONDI啦～餐廳行輕工業風路線，座位十分寬敞。晚餐menu有分飯麵類同肉類，我同友人就各點一份share，分別是澳洲草飼肉眼配燒汁和自家製乾蕃茄香草醬野菌意粉，另加了$68upgrade做set。除了餐包外，前菜方面我們選了焗蠔和水牛芝士蕃茄沙律，而湯則一人試一款，分別係野菌湯和soup of theday的南瓜湯，湯打的很綿密，菌味及南瓜味十足。澳洲草飼肉眼配燒汁十分特別，平時的配菜薯蓉是用薯仔，但這個配菜拒絕死板，用了甜番薯，令人感覺清新！我和友人都十分喜歡！而肉眼大大的一塊，唔洗怕食完會餓。我很推介自家製乾蕃茄香草醬野菌意粉，餐廳將野菌炒得十分香，連油都沾有野菌的味道，搭著意粉吃十分香濃！餐廳自家製的乾蕃茄質素亦相當不錯，值得讚賞！最後餐廳還送了檸檬撻做甜品，好好味呀！！！！帶有點點檸檬清新，小酸中透出甜味，我鍾意！睇倒隔離叫咗羊扒好吸引！下次就試下！…查看更多

今晚嚟到中環新開嘅「火鍋撚」打邊爐，聽個名已經夠串，但佢又真係串得起。餐廳裝修古色古香，有什麼多兵馬俑擺設，價錢雖然偏貴，但質素對得住個價。湯底方面，我和友人選擇了火鍋撚推介的媽媽滋補老火湯鍋，店員提醒落材料前要先飲下個湯。奶白色嘅湯鋪滿了藥材同鴨血、蜂巢豆腐，飲一啖，果然一鳴驚人，湯身呈現滿滿的人參味，十分好飲。唔係誇張，我同友人都飲咗幾碗先開動。而餐廳嘅鴨血特意整得扁身方便食用又快熟，十分貼心。材料方面，我哋就叫咗大火鍋撚御用手切肥牛、極品黑豚肉、蟶子皇、流心咸蛋黃豬肉丸、雙併黑松露同香菇貝鮑滑。飲品方面就叫咗冬瓜檸檬茶沙冰。御用手切肥牛落鍋8秒即食得，牛味十足。大大大推介極品黑豚肉，入口即化，而且味道極佳！食完想一塊接一塊！蟶子皇大大條，又係唔洗滾太耐放入鍋中又係8秒就食得。雙併黑松露墨魚滑同香菇貝鮑滑超級超級彈牙！一定要試！我個人就鐘意黑松露墨魚滑多D，松露味超濃郁，食上癮呀～最後係我最最最鐘意嘅流心咸蛋黃豬肉丸，咬一啖嘅咸蛋黃沙即時流出嚟，對於係咸蛋控嘅我嚟講，真係天堂。餐廳新開業做緊同鴨血同蜂巢豆腐任加，店員十分熱情，基本上每十分鐘就會過嚟加鴨血、蜂巢豆腐同湯，抵讚。最後仲有甜品送，係雞蛋腐竹糖水打成嘅沙冰，用秦始皇杯裝住造形超特別。建議大家可以試下特別啲嘅嘢食，例如蛋牛包心墨魚丸、法式龍蝦湯爆漿牛丸、酒糟五花肉等等，全部都好似好特別但無奈我個肚真係裝唔晒了，真係食到飽一飽，下次再試其它！…查看更多

上次經過臭臭鍋門口，見倒大排長龍，於是今晚特意早點去試這家台灣很有名氣的台式臭臭鍋。到達餐廳時是六點半未見人龍，可是一到七點，台外排滿了人，所以建議大家要食的話要早點去呀～和朋友兩人都點了餐廳招牌臭臭鍋，畢竟這可是餐廳推介的第一位呀。招牌臭臭鍋有大中小辣選擇，而想過下口癮的我就選了小辣，每個臭臭鍋都可以選擇配飯或粉絲，絕對吃得飽。待餐廳上菜之時，可先根據餐廳對配醬的完美比例調製醬料，分別是3匙豆瓣醬/沙茶醬+2匙鼓油+1匙蒜蓉，喜歡沙茶醬的我則多加了兩匙沙茶醬哈哈，這個完美比例的確好!好!味!和朋友在等上菜時不經不覺用筷子點了很多來吃。終於上招牌臭臭鍋了，招牌臭臭鍋之所以叫招牌臭臭鍋，原因是它的材料有一切「臭」的元素，包括臭豆腐、米血糕、豬大腸、豬紅。除了這些元素，還有豚肉、鵪鶉蛋、沙白、粉絲等等材料，大大鍋的不用怕吃不飽。餐廳調製的完美醬汁，搭配鍋物一起吃，除了好吃，也沒有其它說話好講了。其中我最喜歡的就是米血糕，之前在台灣試過一次不好吃的米血糕，令我對米血糕的印象好差，但餐廳的米血糕一點都沒有騷味，而且煙煙靭靭，我連朋友鍋裡的米血糕都搶了來吃。看見隔離在吃羊肉鍋吃得津津有味，下次一定會再來試羊肉鍋!…查看更多

看到友人的IG post了一大板海膽，細問下原來是Candies Foodies，趁著假日，便前去這家餐廳一探究竟啦！要進入到餐廳，首先要上一條短短的直樓梯，餐廳就像鬧市中的靜土一樣，播放著輕音樂，裝修亦充滿藝術感，單是欣賞牆上的貼紙和燈光都用了很久。來到當然要試試原板海膽龍蝦忌廉汁燴飯，和友人看到「荷蘭薄餅」覺得很有趣，於是又點了個煙三文魚刁草水瓜忌廉芝士荷蘭薄餅，兩個都upgrade轉了餐，有前菜及餐湯。我和友人都點了巴馬火腿沙律，我的湯刖是是日餐湯栗米湯，友人則又升級轉了龍蝦湯。栗米湯不會太濃身，清甜可口，我非常喜歡！而友人的龍蝦湯蝦味十分濃郁，對於只加20多元就有前菜及餐湯的質素來說是超值的。再來就是我最期待的原板海膽Ÿ龍蝦忌廉汁燴飯了，海膽在燈光下閃是發光，我都不客氣地吃了起來，龍蝦忌廉汁燴飯是我超級推介的！燴飯很難做得好吃，而這個燴飯的龍蝦味出眾之餘，飯的質感亦剛剛好，而海膽亦作畫龍點睛之用，我和友人都十分滿意。再來就是煙三文魚刁草水瓜忌廉芝士荷蘭薄餅，這個薄餅真的令我有驚喜的感覺。店員特意吩咐要趁熱食，最好捲起來吃，隨便拍了張照就開吃了。我先試了一小塊餅底，是薄薄的帶點甜味，然後捲起來配上三文魚和刁草一起吃，味道超！級！好！荷蘭薄餅是從荷蘭來的嗎？如果是，我要愛上荷蘭了！吃完後店員提醒like Facebook Page的話能得到一份免費夾糖，可是這次因為趕時間就沒來得切夾，可是荷蘭薄餅，我會再回來的！…查看更多

久不久就會想念台灣的味道，得知銅鑼灣有家主打新派台菜的餐廳，就拉著友人去試試了。到達時還只是六點多，未到繁忙時段不用排隊，太好了！餐廳設計簡單但不乏窩心設計，椅子下有個小籃子可以放袋，咁就唔洗攬住個袋食嘢咁麻煩啦～同朋友各自點了個晚市套餐，我選了黑松露蚵仔燉飯，而朋友則點了咖哩鳳梨雞柳燉飯，另外仲叫咗個鹽酥雞。而飲品方面就叫咗杯珍珠奶茶同蘋果乳酸。晚市套餐包括沙律同餐湯，沙律的菜新鮮灑上芝士碎，是日餐湯為南瓜湯，湯blend得細膩，放入口中，陣陣南瓜夾著奶香散發出來，我很喜歡。再來是黑松露蚵仔燉飯，燉飯的蚵仔數量很多，基本上一口至少有1-2粒，這樣的價錢都放上足料蚵仔實在抵讚，一碗吃下去，飽得要摸著肚子坐。我試了試朋友的咖哩鳳梨雞柳燉飯，原以為菠蘿同咖哩是風馬牛不相及的兩種食材，怎料到搭在一起可以得出這麼驚喜的味道，果然是新派台菜。最後是鹽酥雞，外皮穌脆內裡鮮嫩，有台灣夜市水準！而且價錢相宜，份量卻很大，我同朋友最尾都吃不完。吃完這麼多美食後，飲一杯台式珍珠奶茶簡直是滿足。…查看更多