今次我地2個人就叫咗2款小食，分別係麻辣大炸魚蛋同辣味海蜇。飯方面就叫咗一個蔥油豬扒飯+厚餐肉同埋一個最出名嘅秘製豬扒飯。飲品方面就一個飲蘋果汁，一個飲橙汁。
先講小食先，麻辣大炸魚蛋同辣味海蜇辣度中等，食唔倒辣嘅朋友都可以接受得到，麻辣大炸魚蛋十分弾牙，配合辣椒醬真係不錯！
秘製豬扒飯係一向食開的，水準依然維持倒。哩個價錢喺CWB有咁大大塊豬扒，性價比真係好高，尤其豬扒炸得香脆而又唔會刮口。
蔥油豬扒飯係期間限定的，而我就另外加咗塊厚餐肉。豬扒上面鋪嘅蔥油炒得十分香，連埋豬扒一齊食味道配搭得十分好。餐肉厚切煎香，雖然唔係咩名貴食材，但都足以令我開心一整日。
