莉莉子日記's Profile

受到朋友邀請話晚市自助餐有半價優惠，三百幾蚊就可以全食長腳蟹、打邊爐、刺身壽司、港式叉燒豬頸肉，原來就係沙田麗豪酒店既L’Eau Restaurant 濠餐廳🥰🥰麗豪自助晚餐一向都好多捧場客，主要因為佢旁旁為沙田河，黃昏景色浪漫，加上價錢大眾化，食物選擇又多，點都要黎試下。個人特別喜好熟食熱食，所以試左佢地好多熱辣辣既小菜，包括咖喱牛腩煲、葡式炒雜菜、冬陰功青口，辣味唔算好重，小辣既愛好者不坊黎試下，我個人就簡簡單單鍾意用烤麵包配咖喱，正宗葡式口味🥘🥘🥘海鮮檔選擇都唔少、熟蝦青口蜆、仲有大量長腳蟹田螺任食，食幾多都有🤗🤗特別介紹港式自家打邊爐，估唔到酒店都有得打邊爐，丸類鮫類麵類應有盡有，仲要配秘制自家藥膳湯底，食完即刻暖哂值得一提係酒店8點左右突然熄燈，原來係經典既「火焰雪山」蛋糕，以即場點火燒起蛋糕表面，內層係雲尼拿雪糕，冰火交融，層次分明，一陣間就俾人食哂啦😂😂喜愛葡式港式自助餐既您唔好錯過啦…Read More

旺角最近新興一間名為韓式料理店outdark 每日店門口都大排長龍，莉莉子試過好幾次同朋友去門口排隊，但因為實在太多人，結果都係放棄😬😬最近朋友好叻甘提前訂枱，終於可以試到呢間人氣打卡店啦🤘🤘🤘入到門口，嘩.....全場爆滿，基本上你唔訂枱應該好難入得到。店內播放住韓國最潮音樂，成個氣氛都非常有韓風，非常舒服😌 而且聽聞老闆仲要係一位oppa 真係韓國人黎嫁，更令我非常期待😊😊😊1. Outdark 西柚 ade + 西柚蜜糖茶☕️☕️🥤🥤點選野食之前，莉莉子先同朋友叫左兩杯西柚特飲，分別係冰凍既西柚Ade 同熱辣辣既西柚蜜糖茶🍵🍵大熱天時，唔叫埋杯冰凍飲品又點對得住自己呢，西柚Ade 絕對要試，酸酸甜甜既西柚汁特飲，混合梳打，加埋一小片薄荷葉，夏日特別清新😎😎2. 豬肉炒粉絲🐷🐷🐷韓式粉絲向來都係女士們既最愛，莉莉子本身都好鍾意自己整粉絲，可惜既係整極都係麻麻，不如去餐廳叫仲好過🤣Outdark 既豬肉炒粉絲味道好濃郁，調味調得非常到位，粉絲非常軟腍入味，豬肉炒到好香口，更重要係份量足夠兩三個人share正呀3. 雙式炸雞拼盤🍗🍗黎到重頭戲「韓式炸雞」，莉莉子揀左原味同蜜糖蒜味雞🍗🍗，等左十分鐘左右就有啦，超超超超大碟上枱，講緊$190蚊，爆多炸雞、薯塊同薯角🍟🍟🍟 仲要灑滿哂芝士粉，雞肉如圖所見，炸到又香又脆，好食到完全停唔到口，朋友勁鍾意蒜香味道，配埋西柚特飲，超級你得彈🤘🤘最後莉莉子同朋友好貪心甘叫埋佢地既韓式炸蝦飯卷，飯卷加左甘荀絲、韓式黃蘿蔔、青瓜同炸蝦，炸蝦熱辣辣，而且飯卷包得好豐富好大份。今晚既韓式晚餐絕對係非常地道，要試就提前訂位啦！十…Read More

又到假期，莉莉子朋友帶左我去一間位於牛頭角站附近既樓上cafe，叫做non kitchen ，就甘睇個名都未必知道佢係主打哂形式既菜式，直到入到門口，大大塊牛扒、自家pasta 意粉等等，你就知道呢間其實係一間隱世西式cafe。叫得隱世，當然唔係講緊食物甘簡單，據莉莉子所知，呢間餐廳既師傅係前文華酒店主廚，怪唔得菜色比一般餐廳特別，而且充滿住驚喜😆😆1.前菜及餐包所有晚餐都會俾埋紅莓麵包同芝士棒，紅莓麵包入口鬆軟，而且仲要係佢地自家製，出面買唔到嫁😊😊2. 沙律🥗泰式海蝦青木瓜沙律😎😎，坊間西餐廳好少會有泰式沙律提供，反而non kitchen 竟然會有，仲要醬汁非常地道🍤🍤，大蝦蝦肉彈牙煙韌，醬汁加左少少辣汁同泰式醬，甘甜帶酸☺️☺️非常開胃3. 鮮蜆意大利扁麵🍝🍝Non kitchen 既意粉同pasta 絕對係上品，麵質口感超好，睇到師傅花左好多心機研究意粉要烹調既時間，所以岩岩好。更重要係鮮蜆經高溫煮熟後天然鹽份蒸發，令意粉鹽味提升，配搭鮮味蜆肉，超級好食，真係要試下🤘🤘🤘4. 安格斯牛冷🥩🥩🥩🥩主角終於到左，就係呢份必試既non kitchen 安格斯牛冷。牛冷肉質鮮嫩，表面灑上黑椒粒，牛冷落order時要5成熟，上枱時無令人失望😎😎最後要講講佢地旁邊既大桌球🎱枱，估唔到甘正宗既西式cafe竟然有埋甘大個地方俾客人飲杯野打下波chill下，兩個人埋單$800蚊，絕對無令人失望😋😋…Read More

蘇豪區呢個地方，從來都充滿住好多神秘感😊😊莉莉子仲記得細個既時候成日同一大班朋友係西灣河附近海滂傾計飲野，眨吓眼呢個細細個好熟悉既地方已經完全唔同哂，反而成個蘇豪區感覺勁似去左外國😎😎蘇豪區入面有爆多餐廳酒吧，莉莉子今日約左住係附近既朋友去左一間叫做「鮨玥」既日本壽司店，原本以為呢間餐廳主力做omakase 點知原來唔止，仲有好多好多好多日本直送刺身壽司🍣同定食可以揀😎😎1. 本鮪壽司盛🍣🍣呢份包括大本鮪魚腩、中本鮪魚腩同本鮪刺身既「本鮪壽司盛」簡直好食到難以形容，莉莉子都未試過食到翔鮮甘濃郁既鮪魚，入口軟滑，忍唔住幾分鐘就食哂😋😋😋2. 豚肉烏冬🐷🐷莉莉子朋友每一次去日本餐廳，一定指定叫一碗味道最簡單既湯烏冬🍜🍜朋友話一碗簡單既清湯，入口甜甜地，有少少雞湯味道。豚肉片肉質嫩滑😌😌烏冬超級彈牙，價錢仲要只係$50蚊，非常底食3. 特盛蔥本鮪魚腩卷齋食一兩件鮪魚壽司點會夠呀，當然要叫埋鮪魚腩卷啦😎😎如圖所見，大大pat鮪魚蓉放哂上紫菜卷上面，真係超級正，非常豪華又高級既享受😋😋😋4. 蚧籽青龍卷🍣🍙🍚🍘簡單既炸蝦卷，整到好似藝術品甘，莉莉子真係覺得非常之靚🥰🥰炸蝦夠大隻脆身、一層紫菜一層脆蝦，層次感分明🥰🥰食完鮨玥，行出海滂行下，絕對係男女拍拖一大好地方🥰🥰🥰…Read More

旺角從來都係一個美食之都，莉莉子今日夜晚食完正餐，口痕痕當然想食埋甜品先返屋企啦😌😌旺角煙廠街附近，一向都係隱世美食集中地，甜品餐廳當然唔少得啦😎😎偶然下係煙廠街轉角位，莉莉子俾一間門口放住自家制pancake既相片吸引，原來呢間餐廳叫「甜牙牙🥰🥰」。甜牙牙同一般甜品店最唔同既地方，就係除左冷熱糖水之外，仲有佢地自家制既厚厚pancake 🍮🍮🍮莉莉子同朋友揀左兩款甜品，包括熱辣辣既椰汁燉桃膠🤘🤘以及芒果焦糖Pancake 🥭🥭🥭「椰汁燉桃膠」：濃濃既椰汁上枱既時候仲要熱辣辣，即叫即煮。而且呢碗桃膠特別之處，就係甜牙牙加左好多材料，雪耳口感配上滑捋捋既桃膠，非常美顏健康🌞🌞「香芒焦糖Pancake」🥭🥭：自家制既pancake 非常厚，而且仲要配上香芒果肉以及忌廉。最特別之處係pancake係師傅自家制，蛋味超重，口感鬆軟，最正既係pancake 表面有微焦既焦糖，甜甜地又脆脆地，仲有超正既冰凍芒果雪糕，大滿足🥰🥰埋單兩個人都係$100左右，下次要再試下窩夫同雪花冰先😌😌…Read More

莉莉子平日最鍾意去旺角太子行街㗎啦，旺角出咗名咩類型嘅食物都有，中式啦西式啦日式啦泰式啦，莉莉子黎到旺角往太子彌敦道附近俾我巧遇一間隱世cafe - Hami Harmony ☺️☺️全白色既裝修俾人一種優雅既西式cafe味道，而且店內又播住輕鬆既歌曲，成個氣氛都好舒服☺️☺️☺️店內既菜式選擇都多，如果情侶們既話二人餐都係一個唔錯既選擇。而莉莉子就同朋友揀左alaka 方便大家share 😊😊1. 小食併盤🍗🍗原本諗住單點雞翼同脆魚手指，但見到併盤咩都有就決定揀返併盤。併盤百幾蚊有芝士薄餅、芝士魚手指、水牛雞翼、炸甜薯條😍😍水牛雞翼辣辣地，大廚預先炸香，再混入水牛雞翼辣醬，甜甜地辣辣地，非常醒胃🤘🤘🤘芝士薄餅，呢個真係非常好食，餡料係超濃郁既芝士醬，莉莉子忍唔住自己再加千島醬上去，爆濃郁爆香口🌮🌮🌮脆炸芝士魚手指，絕對令人驚喜🥰🥰魚手指入面釀入芝士醬，一咬開就有拉絲效果🧀🧀🧀帶子黑松露雜菌飯- 雜菌飯味道非常濃郁，而且白米粒煙煙韌韌，好有口感。至於日本帶子微微煎香，配上白汁非常幼滑😆😆虎蝦配自家製鮮茄寬麵 🍝🍝🍝不得不讚讚，呢一款寬麵大大塊，加埋廚師精心自製作，虎蝦肉彈牙，醬汁濃調，絕對充滿驚喜☺️☺️☺️…Read More

青衣呢個地方一向俾莉莉子覺得係自給自足，同外界斷哂聯絡。今日去探朋友，更加覺得係。話說今日一早出發去美景花園探一探uncle，大概用左十分鐘時間由青衣站搭小巴就到，都算方便。由於莉莉子好早到左，當然要試下呢度屋邨商場既食物，早餐係莉莉子覺得唔會出事既地方，點知都係令人失望。呢間叫「紫甜」既餐廳，望個名以為係賣甜品，誰不知係一間茶餐廳，莉莉子叫左個沙爹牛肉麵餐，配煙肉及煎蛋🍳，上菜速度好快，但味道只是普通。煎蛋係流心，質素ok，但煙肉比較乾身，牛肉同沙爹汁感覺似分開黎食，方包亦麻麻😬😬莉莉子唔能夠講唔好食，但味道確實需要改善下🙄🙄🙄…Read More

凳凳凳凳，馬來西亞人氣品牌Ambon Boenda 千層蛋糕終於到左香港啦，仲要登陸左尖沙咀呢個人煙稠密既地方。話說莉莉子今日同朋友經過尖沙咀美麗華一帶，朋友平日係相機發燒友，晏晝陪佢黎到尖沙咀香檳大廈整機，竟然俾莉莉子發現左呢間隱世蛋糕店。店內最靚既一定係佢地既裝修，牆身畫左大大隻貓貓既畫，貓貓仲要一手捧住蛋糕一手黏緊隻手，非常可愛🥰🥰House of layer 主打四款千層蛋糕，當中包括斑蘭味千層蛋糕、白咖啡、原味以及Mocha 朱古力味，而且佢地有時仲會推出限量產品好似係「黃金糕」以及「D24榴連糕」添😎😎1. 斑蘭千層蛋糕🍰以新鮮斑蘭汁制作，每日新鮮空運到港，絕對需要支持。斑蘭蛋糕每一層都層次分明，而且斑蘭香味十足，蛋糕口感軟綿，好岩女仔食😌😌2. mocha 朱古力🍫千層蛋糕呢款千層蛋糕味道比較濃，主要因為係咖啡加朱古力關係，口感同樣綿滑，男士要試下🥰🥰100G起都只係賣緊$58，配埋一杯latte ，足夠過一個輕鬆下午😎😎…Read More

尖沙咀德美壽司向來都係城中其中一間好受歡迎而且人氣爆燈既日式料理壽司店，莉莉子好多朋友都大讚呢間壽司店唔貴之餘，食物仲要非常高質素😎😎今日收工經過厚福街，二話不說當然要同朋友走上去德美壽司試試，可惜一出門口大排長龍，本身莉莉子打算離開之際，就俾佢地最近推出既「9折外賣優惠」吸引😎😎😎😎 唔通連個天都想莉莉子食，甘莉莉子唯有大叫特叫啦😂😂😂1. 牛油果🥑軟殼蟹卷平時出面食到既連鎖壽司店，好多時都已經整定好哂，一式一樣，德美最吸引既地方就係即叫即整。軟殼蟹即叫即炸，仲要原隻上，絕不馬虎😊牛油果入口軟腍配埋香脆既軟殼蟹真係好夾，外賣都仲熱辣辣😊😊2. 大蝦天婦羅🍤吞拿魚茸卷德美餐牌可見到，吞拿魚係佢地另一主打產品🤘🤘所以佢地既特色壽司、手卷等等都加左吞拿魚元素入去。呢一款大蝦天婦羅同樣即叫即炸，特別之處在於卷物上加上吞拿魚茸及爆多蟹籽，就算外賣，蟹籽都爆到出，吞拿魚茸香濃，加埋一粒粒超有口應既蟹籽，正🥰🥰3. 洋風鰻魚班戟🥞🥞班戟相信大家都食得多，呢款只有德美制作既鰻魚班戟，加入芒果及沙律醬，感覺更似甜品，非常吸引😆4. 紫蘇沙追魚海膽天婦羅同樣係德美先有既產品，將紫蘇葉加入沙追魚及海膽，絕對係創意之作🥰🥰海膽半熟半生，保留鮮味🎉🎉同場外賣左燒雞肝同牛舌，即叫即燒，非常惹味。外賣甘多野食仲有9折，全家人食都係$300多，一定要支持啦🤘🤘🤘…Read More

莉莉子對將軍澳呢個地方唔算好熟悉，但知道呢幾年開始將軍澳發展得非常快，而且將軍澳海旁位置愈黎愈多豪宅起左，好多好多特色餐廳都開左，而莉莉子好好彩搵到間叫做「A tavola bar and grill」餐廳。呢間餐廳既侍應都係外國人，配合埋餐廳入面流行英文歌曲以及近將軍澳海旁既環境，令人感覺置身於外國當中，好有feel呀🥰🥰🥰野食方面，莉莉子就叫左個牛肉千層闊麵beef Lasagna，我見入座既客人都會叫呢一款☺️☺️上面個層芝士焗到非常脆身，而牛肉碎好香口好嫩滑，夾住一層層闊條麵入口香濃，一定要推介俾大家🤘🤘除此之外，莉莉子朋友仲叫左個「意式Pama ham Pizza」，朋友仔話意大利餐廳一定要試試pizza，呢間餐廳既pizza 款式都超過8種，最特別係佢地連素食款式pizza 都有🍕🍕🍕非常貼心pizza 叫左10寸薄批，批底夠脆身，而表面既Parma ham 咸香夠，兩個人都食唔哂另外去得酒吧，當然要叫返杯啤酒啦，pizza lasagna 配上一杯冰凍啤酒，人生一大享受😎😎值得加分既係莉莉子侍應埋單時仲會貼心幫你打包，有埋個靚靚外賣紙袋，令客人消費體驗提升哂🥰🥰🥰下次再黎將軍澳一定再幫襯…Read More

韓式餐廳係香港既數量愈黎愈多，不過好多時都係韓式芝士炸雞，韓式粉絲，食都食到厭厭地🥶🥶最近莉莉子朋友介紹我尖咀最近開左間韓式牛肉主題店，佢地既燒牛肉套餐好食到痺🤣🤣既然甘利害就要試下啦😎😎莉莉子兩點幾先去左呢間「牛魔」燒肉店，入面牆身既女仕畫像非常靚🐂🐂 因為太早關係未算好多人，莉莉子同朋友坐左二人位，見到佢地午餐既選擇都非常多，而莉莉子就對佢地既二人餐特別有興趣☺️☺️1. 牛魔午市二人套餐🐂🐂🐂二人餐每款配上3種肉類，A餐配美國prime 牛肋肉+黑椒鹽花牛肋肉+和牛牛五花🥩🥩，配上前菜沙律+泡菜，兩個人都係$300幾蚊，非常底食😊😊大概15分鐘左右就送到，而侍應姐姐預先開定燒爐，最前既分別係：- 美國prime 牛肋肉，一件足足8寸長，而且一條過絕無欺場，而且仲預先調味𠝹好，肉質嫩滑，放係燒爐大概30秒左右已經燒到表皮香脆微焦，原條既燒肋骨非常香口🤪🤪- 黑椒鹽花牛肉，三款肉類中味道最濃，燒約15秒已經焦香，因預先醃製關係，味道濃郁，配上白飯一流🥰🥰- 和牛牛五花，顏色最鮮紅，而且肉質最軟腍，雖然牛肉教厚身，但燒得耐都唔會太硬，和牛確實優質，配上wasabi 微辣香濃，一試難忘🤪另外我地各自點了巨峰梳打及乳酸梳打，熱辣辣既燒肉，配上透心涼既梳打，酸酸甜甜，weekend 最爽既一日🤘🤘🤘…Read More

話說今日莉莉子經過觀塘區，突然好想食下附近新開巴手撕雞專門店 - 二少廚房🥰🥰二少廚房係正「愛琴坊」門口，簡單既裝修換來不簡單既食物😌😌二少廚房係一間專門賣手撕雞店同自家燉湯既地方，提供多款手撕雞款式俾客人選擇，而且每一款都非常吸引。二少廚房嘅手撕雞款祖包括：薑蔥手撕雞、麻辣手撕雞、日式麻醬手撕雞、客家鹽焗手撕雞同奶油蒜香手撕雞每款套餐餐牌更加可以選擇將白飯改為指定湯底😎😎估唔到仲有酸辣湯添。等左五分鐘左右，食物就到左手，莉莉子叫左日式麻醬手撕雞，份量都唔少，配上麻醬俾客人自行撈黎食。雞肉嫩滑唔鞋口，最正既係佢地會俾一壺湯杯你自己加，如果想買外賣食既，呢度非常岩你。除此之外，靚湯同樣係二少廚房既主打，二少廚房有好多唔同嘅湯款選擇，當中包括蟲草燉雞湯、花膠燉雞湯、海底椰雞湯、花旗參烏雞湯。大家可以因應着自己嘅喜好揀選一款啱你嘅自家製湯水，莉莉子自己呢就叫咗碗海底椰燉湯。如圖所見，非常足料，仲有成隻雞腳係入面，海底椰甘甜令到雞湯更入味，絕對同媽咪煲既一模一樣，等莉莉子下次再試埋其他湯款先🥰🥰🥰…Read More

莉莉子今日終於有機會同朋友試到米芝蓮推薦既星級omakase 啦！話說呢排返工返到悶，又無咩心機，所以六日就襯機會約朋友周圍行吓。銅鑼灣絕對係一個唔錯既選擇😎😎唔講唔知，原來開平道一帶呢幾年新起左好多商場寫字樓，上面就係寫字樓，下面低層就係食肆。今日莉莉子就同朋友黎到cubus 試試7樓既「玄鮨」日式壽司刺身店，「玄鮨」原來已經攞過幾年米芝蓮推介既獎項，實力一定有保證😎😎莉莉子同朋友坐低左，侍應即刻俾左熱辣辣毛巾俾我地，真係又貼心亦好細心🥰🥰加分🥰餐牌lunch一共有十款，平均價錢預400蚊左右啦，而且有刺身、壽司飯等等，款式方面就按當日師傅自己視乎食材新鮮度而定啦。莉莉子就揀左刺身飯同特盛刺身set，每款味道都超有驚喜😋😋😋1. 前菜白身魚南蠻漬🐟🐟，雖然唔知白身魚係點樣，但外皮微微焦香，甜甜地，好醒胃🥰🥰2. 燒魔鬼魚翅呢個真係爆正，魔鬼魚魚肉原來係一梳梳嫁，魚骨仲要咬落去勁似豬軟骨添😊😊女士們一定要試3. 特盛刺身set大家睇到嗎？足足八款以上既刺身可以選擇，而且每一款刺身都勁新鮮，個吞拿魚腩油脂分布平均，一夾入口油花都溶哂，爆鮮😋😋 至於其他既刺身好似係劍魚啦、帶子啦、帆立貝群邊啦，都非常好食。賣相最特別係其中一款用魷魚肉夾住青瓜，口感好清新🥰🥰4. 刺身飯朋友點既刺身飯同樣包括8-10款新鮮刺身，三文魚夠鮮、海膽夠幼滑、三文魚子大大粒魚油充足，要特登讚讚廚師自己磨既生葵粒（即係wasabi)，好有層次感。最後晚蒸蛋，清清淡淡，中和返濃烈食材口感，令到莉莉子覺得超級滿足呀！🤪🤪🤪…Read More

銅鑼灣不嬲都係香港其中一個美食之地，莉莉子黎過呢度不止百次，中式、日式、西式，每一款都可以係呢度搵到，但估唔到偶然之下，竟然俾莉莉子遇到一間經典既「印尼餐廳」😋😋😋「班蘭印尼美食」提供一系列傳統地道印尼本地菜式，當莉莉子以為只有簡單既班蘭糕點同印尼炒飯外，估唔到連「印尼地道燒雞同斑蘭飯」都有，絕對係超級驚喜😁😁 1. 燒雞斑蘭尖塔飯🍗🍗🍗話說莉莉子望見甘多款食物都唔知揀邊款既時候，說主動搵左印尼既侍應姐姐介紹。姐姐話燒雞配斑蘭飯係最好，燒雞用左印尼秘制醬汁醃制，再用高溫燒焗🤘🤘燒雞雞皮帶左少少甜味同焦香味，雞肉超級嫩滑。至於斑蘭飯，莉莉子第一次試到甘正宗既斑蘭飯，飯味帶點椰汁及斑蘭香，唔算好甜，一隻手套夾起燒雞肉，再夾埋一口斑蘭飯，正！好正宗既印尼食法☺️☺️2. 虎蝦花膠湯粉皮🦐🦐🦐呢個粉皮湯，一塊塊超大塊既粉皮好軟腍，配上岩哂莉莉子既花膠湯，一㗳花膠大大塊，一㗳花膠湯，超級健康😊😊虎蝦亦都係一樣，炸得非常香脆，咸咸地，配上清甜既湯粉皮絕對係最好不過😋😋最後莉莉子再點左杯印尼椰汁綠豆冰🍹🍹🍹絕對透心涼，唔算太甜，值得推薦🤘🤘🤘…Read More

長沙灣要食到正宗自家燒物唔係一件容易既事，特別係當你夜晚人生路不熟，係長沙灣行黎行去既時候。莉莉子今日晚上完成左工作後，黎到長沙灣附近，想飲杯野食下日式燒物，朋介紹之下黎到呢間叫「燒夜食堂」，簡單既裝修換來唔簡單既食物。入到門口，侍應會先俾一張落單紙，客人可直接掃QR code自行落單。食物既選擇非常多，當中包括拉麵、前菜、燒鳥、海鮮、野菜等，莉莉子感覺同日本最傳統既居酒屋好似，女仔人家最後無點酒，反而叫左個蜜桃梳打🍑🍑🍑食物大概5-10分鐘就到啦，即叫即燒，絕對唔係燒定好既。莉莉子點左雞腎、雞肉串燒、雞軟骨、日本菇同蕃茄仔😊😊雞肉入口非常嫩滑，而且燒到好焦香，雞肉包住大蔥燒，蔥香味入哂雞肉入面，好正呀😊😊😊至於雞腎就一定要推薦，朋友都話配啤酒一流👍👍另外女仔始終都要食d蔬菜，莉莉子點左一份芝士蟹籽翠玉瓜，翠玉瓜燒得夠乾身，半融既芝士入口濃郁，絕對要介紹下☺️☺️朋友鍾意食烏冬，所以都點左個流心蛋芝士烏冬，價錢仲要唔貴，一搭芝士一搭半融流心蛋汁，非常吸引😋😋😋最後到我既「蜜桃梳打」，賣相已經好吸引，韓國制，好夠氣，配埋燒物簡直無得彈，兩個人食左300蚊左右，非常優惠🥳🥳…Read More