二少廚房係正「愛琴坊」門口，簡單既裝修換來不簡單既食物😌😌二少廚房係一間專門賣手撕雞店同自家燉湯既地方，提供多款手撕雞款式俾客人選擇，而且每一款都非常吸引。
二少廚房嘅手撕雞款祖包括：
薑蔥手撕雞、麻辣手撕雞、日式麻醬手撕雞、客家鹽焗手撕雞同奶油蒜香手撕雞
每款套餐餐牌更加可以選擇將白飯改為指定湯底😎😎估唔到仲有酸辣湯添。
等左五分鐘左右，食物就到左手，莉莉子叫左日式麻醬手撕雞，份量都唔少，配上麻醬俾客人自行撈黎食。雞肉嫩滑唔鞋口，最正既係佢地會俾一壺湯杯你自己加，如果想買外賣食既，呢度非常岩你。
除此之外，靚湯同樣係二少廚房既主打，二少廚房有好多唔同嘅湯款選擇，當中包括蟲草燉雞湯、花膠燉雞湯、海底椰雞湯、花旗參烏雞湯。
大家可以因應着自己嘅喜好揀選一款啱你嘅自家製湯水，莉莉子自己呢就叫咗碗海底椰燉湯。
如圖所見，非常足料，仲有成隻雞腳係入面，海底椰甘甜令到雞湯更入味，絕對同媽咪煲既一模一樣，等莉莉子下次再試埋其他湯款先🥰🥰🥰
