Alice Fu's Profile

同朋友沙田新城市行街，見到呢間食和牛既餐廳未試過，一於試下。叫左個A5和牛7道菜一人餐，初時擔心食物會唔會唔夠。但上菜時見到除左有壽喜燒、仲有shabu shabu 同埋和牛壽司，份量其實都唔少。$298 有7道菜食，牛肉肉質軟綿，牛味濃郁，唔錯👍🏻朋友就揀左個一人火鍋定食，肉係宮崎黑毛和牛，見到佢D牛肉好靚，配菜有本菇、蔬菜、豆腐，仲有白飯，配菜夠豐富，超級正。我哋見D 牛肉咁靚，上網特登搵咗資料，原來餐廳係原隻牛送嚟香港，之後喺香港有自己嘅工場去切牛。😲而一啲比較難食到嘅牛肉部位都可以喺呢度試到，下次要再來試下食其他部位。…Read More

假日一家人去荃灣逛街，夜晚在街市附近見到呢間餐廳都適合一家大細，便決定食埋晚飯再回家。雖然餐牌有任食放題，但因為同行有小朋友，所以叫小菜適合些。自選二人套餐：可以選酸菜魚/烤魚/雞煲、一份小食、一份青菜。酸菜魚（不辣）：份量很足夠，酸菜的清爽與滑嫩的魚片完美結合，味道一流👍🏻口水雞（不辣）：難得可以食到不辣的口水雞，雞很滑，芝麻香氣撲鼻，搭配花生的酥脆，令人回味無窮。蠔油娃娃菜：醇厚的蠔油滋味渗透娃娃菜，很入味。沙嗲金菇肥牛煲：沙嗲醬香氣撲鼻，搭配鮮嫩牛肉與金菇，湯汁濃郁，口感滑順。…Read More

朋友揀咗間喺旺角嘅餐廳餐廳很闊落，主要都係卡位，唔知係咪新開，星期五晚市時間都不滿座。睇完餐牌後，覺得散叫冇咁抵，所以決定食$298 一位既set dinner。餐前麵包比較硬，鍾意牛油係唧花形狀，但明顯為方便，應該係一早預備好，放入雪櫃，所以牛油比較硬。前菜有兩款，三文魚配紅番石榴，番石榴子酸酸甜甜，幾開胃。香煎帶子配黑松露，帶子鮮甜。主菜有3款可以選擇：黑鱈魚、肉眼扒或蜆肉意粉。今次選擇了肉眼扒，肉質鮮嫩多汁，份量足夠。最後甜品還有芝士蛋糕🍰👍🏻 整體用餐感覺良好，食物足夠。餐廳冷氣比較凍，上菜較慢。但職員服務很好，雖然不能調較冷氣，但職員知道我地覺得凍，會貼心的送上一杯熱水。…Read More

初時以為葵芳新都會新開呢間係沙嗲王，原來係白咖喱公司，2間有少少分別的，食物可以配白咖喱汁，但沒有沙嗲湯底。星期六既接近2點，4人枱要等20幾張枱，不過門口唔算多人，所以就照等吧。等左20分鐘左右，便可入座。餐廳面積唔算大，手機二維碼落單，送餐用機械人。白咖喱香茅豬扒飯- 完美配搭，豬扒外焦內嫩，白咖喱好味，係呢間餐廳嘅王牌款式。跟餐可以加配一份小食，而飲品用外賣杯上。蔥油豬扒煎蛋飯，鮮嫩豬扒配上蔥油香，十分惹味。…Read More

之前朋友講過呢間上海菜唔錯，襯住放假前一晚，放工去左尖沙咀試下。餐廳以深綠色及竹為主題，剛行入去就見到左面係箱房，右面係梳化卡位，座位好寬敞，私隱度頗高。鹹肉煮津白：可能因為鹹肉，略為偏鹹，但津白清爽脆口，湯汁鮮美。慢燒煙燻脆皮雞：開蓋時真係聞到煙燻味，外皮金黃色同埋很酥脆，肉質鮮嫩。鐵板上的小籠包：小籠包有5粒，因為係用鐵板上，外皮微脆，而裡面有滿滿湯汁，口感層次豐富。整體用餐體驗良好，環境清幽舒適，食物味道不錯，另外，值得一讚既係職員服務態度好，很有禮貌。👍🏻…Read More

晚餐時間經過，見到呢間舖頭入面都幾多人，諗住應該唔差，所以入去試下。叫左正宗泰式海南雞飯 跟餐可以加配小食，小食可選酸辣鳳爪沙津/雞翼4隻/魚餅3件/蝦餅2件。海南雞還好，雖然肉質唔係超滑，但尚算合格。反而油飯非常乾身，口感粗糙，完全無法搭配海南雞的美味。泰式香茅豬扒河，加$10轉為篤篤湯底，湯底味道顯得有些過咸。至於豬扒，肉質偏硬，吃起來缺乏應有的鮮嫩感。反而酸辣鳳爪沙律比較出色，醬汁酸酸辣辣，配有洋蔥和紅蘿蔔絲。總括而言，呢一餐非常失望😵‍💫，實在不值推薦…Read More

今日諗住去荃灣IKEA，就喺附近愉景新城食個lunch。商場既餐廳普遍人均$100以上，見到呢間午餐價錢唔錯，加上平時Italian Tomato蛋糕質素幾好，所以決定食呢間。午餐有主食+湯+飲品，另外可以加配薯條、蛋糕。卡邦尼煙肉蘑菇雞蛋伴意粉 - 奶香濃郁、口感滑順，流心溫泉蛋真係好正。辣肉腸pizza- 餅底幾脆，整體普通。薯條配黑松露蛋黃醬 - 熱既薯條香脆可口，除咗黑松露醬，仲有茄汁選擇。可能因為係親子商場，用餐時店內都唔少一家大細，始終多小朋友，所以用餐時環境比較嘈吵；加上店舖門口對住個商場活動舞台，表演者唱歌嘅音量，真係好大聲😓。…Read More

同事話D2對面新開左間車仔麵，今日想一齊去試下。平時出去食車仔麵通常都係比較擠迫及環境一般，講呢間舖頭一入去感覺係乾淨企理。餐廳係用點餐機落單，一入門口有2部，旁邊有個職員協助。似快餐店形式，落完單入去坐低，等叫號，再出去拎餐。取餐處旁邊有配料可以自己加，主要係醋、蔥(果日無晒)果D，另外可以自己斟水飲。今次叫左3餸麵，基本麵底款式都有，另外可以加錢轉烏冬或一丁。牛根、貢丸、響鈴粗麵配牛腩汁湯底，全部餸菜都正常發揮，正正常常，不過不失。湯底唔錯👍🏻比較特別既係枱面有牙線捧機，喺香港來講真係好少見。…Read More

記得呢間雲吞麵舖已經喺深水埗好多年，以前都幫襯過，今日出開深水埗買數據卡，順便去食個lunch。午飯時間，店舖基本上都坐滿，要等一陣先有位。舖頭面積唔大，因為做街方生意，都預咗一定要搭枱。套餐好抵，一碗麵+飲品+菜先$40。今時今日，其他地方食一碗麵可能都唔止呢個價錢。今次叫咗碗雙拼麵（雲吞牛筋河多蔥）+凍飲，雲吞有三粒，咬開見到大大隻蝦，口感好滿足。而牛筋都整得好淋👍🏻 如果唔係要求店舖要有裝修，好舒適的話，呢間總括嚟講，性價比都高的。…Read More

星期五的晚上，就朋友遲收工，喺南昌站商場搵野食。見到呢間食越南菜唔多人，等左陣好快就有位入座。🍤鮮蝦柚子沙律清香柚子味，口感清爽，味道酸酸甜甜。沙律係放在碗內的，可能想營造滿滿既效果，但反而我覺得夾既時候好容易會掉。香茅燒豬頸肉豬頸肉香口惹味，平時出街食豬頸肉好怕會好乾身，但呢間完全無呢個問題👍🏻火車頭湯河 正常味道越南湯河，味道清甜，不過不失。飲品做緊推廣買一送一👍🏻，除開廿幾蚊一杯都抵既，可惜沙冰除外，所以就無點飲品了。…Read More

農曆新年前夕，今次選擇左朗豪坊Pizza Maru食一家四口既團年飯。很耐之前同朋友聚會食過，覺得Pizza同炸雞好出色，決定今次帶小朋友一齊試下。太陽番茄芝加哥Pizza配料看似簡單，但Pizza充滿芝士香味，有雙倍馬蘇里拉芝士、芝士條、巴馬臣芝士，幾款芝士夾埋原來非常美味可口。蜂蜜蒜泥炸雞配蝦片很Juicy既炸雞，配搭甜甜蜂蜜味，雞皮很脆身，而雞肉仍然很嫩滑。👍🏻Mango Passion Iced Tea豐富的果香，配上冰茶清新口感，好味!整體食物質素高，值得再次光顧!…Read More

呢間舖頭在荔枝角舊舖時已很受歡迎，今次搬來瓊林街呢邊新大廈既地舖，店舖比之前闊落舒服。由午餐到下午茶時間，一直都見到門外有不少人排隊輪候入舖頭用餐。今次幾位同事一齊去試下新舖水準，無論味道、食物質素都維持到，而價格不變。👍🏻黃金雞扒飯伴香草忌廉汁雞扒煎得香脆，肉質仍然鮮嫩。配合味道很好的香草忌廉汁。沙律餐有多選擇，可以有不同配搭。皇牌經典套餐，除咗滿滿沙律，仲有酥脆的牛角包。而幾款生果都很新鮮，份量仍很足夠!…Read More

平日午餐時間，餐廳唔滿座，唔需要等位叫左碗黑魚片米線轉酸辣湯底，另外加$10配凍飲一碗有大約7-8片魚片，魚片都滑，無骨，另外有一件響鈴，見到時都有D意外響鈴唔係特別脆，不過不失，叫做多一份口感米線整體幾大碗，偏淋，但夠食…Read More

美孚唔算多餐廳，咁啱今日想食米線，諗住附近有間Ben哥，就去試試。2:30pm下午茶時間，2:25pm問舖頭可否坐低等夠鐘叫下午茶，但職員話下午茶要夠鐘先可入座…叫左碗酸辣少少辣米線，配豬軟骨+墨魚頭，下午茶可減$5加送飲品無留意原來職員落錯麻辣米線，惟有叫佢畀碗酸汁自己後加，味道變左麻酸辣又幾好味。墨魚頭好彈牙，豬軟骨亦都好冧，雖然係下午茶，但份量係無減少的。不過以下午茶，已減左$5優惠及送飲品優惠來講，$60食個下午茶米線算係比較貴。…Read More

一直覺得COMEBUYTEA茶飲質素不錯，商場經過舖頭見唔算多人等，就買杯茶解渴叫左推薦爆款︰柴茶鮮奶珍珠 (其實我唔知咩係柴茶)，買完之後見到係錫蘭紅茶+鮮奶+珍珠，普普通通茉莉綠茶+鳳梨汁+椰果晶鑽 - 鳳梨汁好味，但呢杯好甜…Read More