蝦仔記粉麵

Open Now

Now Closed

記得呢間雲吞麵舖已經喺深水埗好多年，以前都幫襯過，今日出開深水埗買數據卡，順便去食個lunch。午飯時間，店舖基本上都坐滿，要等一陣先有位。舖頭面積唔大，因為做街方生意，都預咗一定要搭枱。套餐好抵，一碗麵+飲品+菜先$40。今時今日，其他地方食一碗麵可能都唔止呢個價錢。今次叫咗碗雙拼麵（雲吞牛筋河多蔥）+凍飲，雲吞有三粒，咬開見到大大隻蝦，口感好滿足。而牛筋都整得好淋👍🏻 如果唔係要求店舖要有裝修，好舒適的話，呢間總括嚟講，性價比都高的。