陳俊揚's Profile

早排朋友send咗份優惠比我睇 係sodam chicken做緊優惠。我見係炸雞就諗都唔諗叫朋友預訂一齊去食。Sodam Chicken位於銅鑼灣時代廣場後邊。行多大約5分鐘就到啦，第一次搵可能要啲時間嘅。一入場坐低因為得75分鐘限時我哋就即刻嗌嘢食啦，大家如果book咗限時果個plan嘅話記得要預先睇定食咩啦！餐廳環境好光猛，又有部大電視機一邊播坐啲韓團嘅MV，食嘢芬圍幾好👍🏻第一輪先嗌咗一件香草青檸炸雞、兩件檸檬柚子炸雞、兩件黃金咸蛋焗雞、兩份韓風紫菜焗雞、兩份柚子醋沙律同一份紫菜薯條🍟兩款檸檬口味嘅炸雞個人覺得都夠酸夠開胃，食完都有種清爽冇咁油膩嘅感覺。唯一麻麻哋就係炸出嚟外皮有少少硬 個人唔太啱食，但係肉質都係非常嫩嘅。咸蛋焗雞就好濃嘅咸蛋香味啦，紫菜焗雞都冇咩特別可言 正正常常不過不失。柚子醋沙律都係正常沙律菜配小蕃茄，不過落咗柚子醋有啲苦味特飲我哋嗌咗菊茶蜜特飲同蜜桃特飲，造型上唔錯嘅 大大杯幾吸引🤣咬完咁多件炸雞唔夠過癮就嗌多一份pizza，一份細細份切開4塊唔同口味：千島加勒比海、熱帶風情、明蝦水牛芝士、瑪嘉麗塔皇后。薄餅邊比較硬…..😗仲有個涼拌水冷麵唔記得影相…….勁細碟當小食開開胃就好…Read More

今日喺炮台山附近散下步，行到去蜆殼街果頭咁啱肥見到有間雞蛋仔舖。我自問都係一個雞蛋仔迷又點會放過呢～同媽咪雞蛋仔一樣，佢都係主打多口味嘅雞蛋仔搭配唔同款嘅飲品：有洛神花茶、紅豆奶茶、冬瓜茶等等。我今次冇配到飲品淨係試咗個雞蛋仔先～😋我嗌咗原粒榛子朱古力味。啱啱整好出嚟熱辣辣仲迎面有股香濃嘅朱古力味🤤食落亦都幾乎啖啖都有幾粒大粒嘅榛子，同正常雞蛋仔比起，呢個食完純對更加濟同口乾，所以搭配埋佢哋嘅飲品真係可以一試。…Read More

今日行去太古坊後面搵間餐廳買午餐，唔覺意見到間新開嘅海南雞專門店。睇佢menu仲有好多其他嘅選擇：咖哩雞扒、口水雞、咖哩腩、狀元蹄，仲有啲炸蝦餅咁嘅小食。感覺唔錯下次都可以去試下嘅～今次就先試下佢個招牌無骨海南雞飯，話晒人哋都係海南雞專門店嚟。姐姐好好人咁比咗個髀我😋仲有例湯跟比我。飯係油飯嚟，仲係珍珠米，所有食落個人都覺得香嘅。雞因為佢去咗骨所以食得好方便，但係今次隻雞麻麻...比較多肥脂，皮都比較肥。總體嚟講，都叫係過得去啦，呢個價位有髀又有例湯跟，同大家樂都有得揮啦。…Read More

中午放飯喺康怡廣場搵嘢食，路過見到丸龜製麵，諗諗下好似好耐冇食過就入去食返次啦。嗌咗個大碗麻辣烏冬 加配洋蔥牛肉。大配係幾夠大碗嘅...烏冬嘅麵質都唔差，但係個湯嘅辣度好似真係唔夠咁，可能真係大眾口味... 覺得再辣啲同埋個湯頭可以再熱啲。另外都加配咗個日式炸年糕，呢個就真係唔夠熱啦，食落口凍凍哋，又咸又甜咁。我相信如果熱食就真係會好好食。…Read More

今日同女朋友出街食中午飯，講起原來佢唔知鰂魚涌東達中心有間樓上餐廳好好食。咁就帶佢上去試吓啦～可能因為撞正中午office放飯時間，人比較多，不過都唔係等咗好耐就有位啦。我嗌咗煙三文魚野菜沙律🥗配飯，雖然話係即叫即整，但都唔係等咗好耐就上餐啦！佢主打係個三文魚同沙律，所以飯量會比較少，但係三文魚就夠晒大塊，沙律都有落黃芥末醬，聞落已經好香。😋女朋友係叫西西里海鮮意粉🍝，配咗3件青口，仲有啲青紅黃椒同蝦，的確係好有風味😆埋單$130，價錢適中啦唔貴唔平又好食。…Read More

我自己個人就勁鍾意酸奶呢樣嘢嘅，有時行過便利店都會買啲酸奶嚟飲下。今日行灣仔路過一間酸奶君，我呢過酸奶控自不然一定要試飲下。叫返個平平哋嘅吃米酸奶試下水溫先，見佢有加紫米嘅我就更加鍾意啦！酸奶本身唔差嘅，係平時飲開嘅味道；而紫米雖然冇乜特別米香味但係食落煙煙韌韌咁，口感幾好。而且佢紫米都落得好足料，唔似有啲紫米露得一羹紫米，呢個係飲落啖啖都係滿滿的紫米同酸奶。下次都想試下個吃米特濃酸奶，唔知紫米溝oreo溝酸奶又會唔會擦出啲咩新火花呢？…Read More

因為疫情關係喺屋企禁足禁得太耐個人就黎發癲。趁今日出咗糧終須忍唔住要出去洗下錢玩返一日。搵咗個frd去到以前成日去嘅深水埗睇下玩具 模型，去到福榮街果頭見到呢間媽咪雞蛋仔我frd就話好好食一定要食一於都係嗌返最隱陣嘅口味，朱古力，因為佢係即叫即整所以落完單要等返3-4分鐘。整完出嚟成餅雞蛋仔熱辣辣，聞落都已經有好濃朱古力香味，食落都feel到有少少一粒粒嘅朱古力，外皮香脆，內餡都好鬆軟又好有朱古力香味。…Read More

熟悉我嘅人都知道我好鐘意食韓燒，無論幾忙都好一個月總會食返一兩次。今日終於比我約到個韓燒同好一齊燒一燒。嚟到呢間喺旺角嘅OPPA Korean Restaurant真係好受歡迎，差啲以為walk in 會冇位，好彩都等到。一坐低即刻落單，先嚟個黑毛豬拼盤、多春魚、八爪魚、佢7點前落個迷你和牛拼盤好似係會平啲。A4、M6、牛小排、牛肋肉、牛舌，牛嘅各個位幾乎都可以食晒，仲有石鍋飯同五花腩。送到嚟啦⋯⋯石鍋飯超香，夠晒熱，keep住聽到啲喳喳聲，肉同飯焦一齊食根本絕配。入到正題開始燒啦！一口氣落晒啲肉一齊燒，雪花牛入口即溶，咬都唔洗咬，一口牛咁濟。另外牛舌都夠咬口，倒埋燒汁澆多振，攞生菜包住嚟食更加正多春魚同八爪魚都有個侍應過嚟教我哋點樣煎先最正，多春魚要煎燶少少一面先好反第二面，咁就唔易甩皮。呢間啲肉基本上完全能夠滿足晒我哋呢班食肉獸嘅欲望，肉同海鮮都好新鮮，絕對推薦大家行過路過見肚餓都可以入去感受下，包你滿意。…Read More

阿媽突然帶咗張宣傳單返嚟，話呢間嘢好似好吸引咁超想去試下，老豆見到都表示好似好正咁。好計啦，好彩今日有得早收工，就同屋企人出去食呢間啦。佢就喺康怡廣場，大快活隔離。叫做係道頓堀御好燒專門店，主力係食燒肉同埋大坂燒廣島燒之類嘅。我哋6點幾到，人流唔多，walk in 就有位。我哋食嘅係57品放題，應該係最抵食嘅一款嚟嘅。仲有張List介紹日本唔同燒嘅唔同做法，感覺都真係幾講究下喎。一叫啲嘢燒嚟食下先，我哋叫咗豬五花、牛五花、牛舌、牛肋肉、豬頸肉。肉類就比較上普通啲，有啲硬，唔感冇咁好，不過好在有比牛油去燒，會香口啲。另外仲有海鮮：虎蝦、魷魚、蒜茸牛油帶子同鐵板泡菜魷魚。帶子係當中值得一試嘅，同埋泡菜都做得唔錯。然後就係今日嘅重頭戲啦！今次試咗個廣島燒同埋野菜盛合。係呢度我唔詳細講步驟啦，大家睇圖啦！燒得又幾似模似樣㗎！食完個燒我可以好肯定咁講呢間嘢主打只有呢種御好燒，其他啲燒肉呀海鮮呀根本唔重要。最後我哋每人仲會有一球食黃少少果兩個係柚子味，少少甜又不失柚子嘅少少酸味；另外就係雲呢嗱味。…Read More

難得今日早收工，一於就約屋企出街食啦，聽老豆講屋企附近有間酒樓有做任食火鍋。就聽佢講去試下啦。可能因為未到晚市時間，6：30左右冇乜人，我哋一到就有大枱坐。冇理，把握時間即刻叫嘢食先！肥牛、雞子、牛柏葉、烏冬、鮮蝦雲吞，呢啲絕對係食火鍋必叫㗎啦，質素唔差得去邊，水平一般般，係個肥牛片真心有啲老咗少少。後尾仲補加咗豬肚、魚滑、魚豆腐、響鈴同腸仔。個人最鍾意係鯇魚片同生海蝦，個海蝦好大一條而且夠鮮。最後同大家開估，呢間係位於鰂魚涌嘅長發海鮮酒家。…Read More

終於約到以前嘅補習阿sir同幾個同學一聚啦！順便去一齊復仇者聯盟4，睇之前仲有成2個鐘時間我哋就先去食咗晚餐先。我哋喺西灣河呢間101手工小火鍋，之前我自己食過一次午市，真心好推薦。今次晚市我都好期待。不過睇嚟晚市比較受歡迎，7點左右已經滿晒座，攞咗飛都要等多半個鐘先有四人位比我哋。等嘅時候我哋就先揀住嘢落定單先～我就叫咗沙茶牛肉小火鍋配公仔麵，飲品我都幾期待：盆栽特濃朱古力。其他人就叫咗麻辣卜卜蜆小火鍋、蕃茄濃湯雞脾肉小火鍋、沙茶牛肉小火鍋。仲有加料一碟肥牛片。我哋啲飲品先到…哇！我個盆栽朱古力都幾大杯下，真係有少少盆栽嘅感覺，其實就係大杯版阿華田，上面灑咗大量朱古力粉當盆栽泥土咁，仲有一片香草當葉仔嚟修飾。我哋啲火鍋到齊晒啦，開飯啦！個個鍋都好香呀！特別係我個沙茶鍋，係聞到沙茶醬香味。而且每個鍋都非常之足料，堆到個鍋滿晒…雖然肉都比得足夠，但係菜類真係比得太多。入面仲有肉片、魚腐、玉子豆腐、包心菜、粟米、金菇、豆卜同台灣腸，所以真係非常之足料。其他嘅鍋大概都有類似嘅火鍋料偷偷地食咗一片Frd嘅肥牛片，幾新鮮同嫩口，唔會老。阿Sir個蕃茄濃湯鍋都好香呀點算呀，佢哋個個鍋我都想全部試一次……最後梗係煮返我哋啲麵嚟食啦，有普通公仔麵同台灣手工拉麵。不過有沙茶香味嘅公仔麵都別有一番美味，大家可以試下。食飽飽就準備好去睇呢場史詩級電影啦！…Read More

同朋友喺鰂魚涌呢頭搵嘢食，搵到間刺身料理店：魚願以嚐。間嘢其實幾隱世下，係啲屋邨入面，唔喺大街真係好難發覺到，應該係主力做住客生客。店面入面設計有樣好獨特嘅嘢就係佢周圍都貼晒海賊王同龍珠嘅海報，都算係有日本風。菜單有刺身丼、壽司刺身、手卷、日式小食等。刺身丼仲有分大中細飯量，我frd叫咗中飯量、 蟹柳、螺肉、中華沙律、飛魚籽同三文魚。跟餐仲送一配味噌湯。三文魚刺身好大好厚，而且其他配料都唔會唔新鮮。我就叫咗加洲手卷同吉列蝦手卷，蝦同蟹柳好大一條，成條手卷啖啖都食到。…Read More

最後一日紅日長假梗係要好好利用下啦！今日一於一早就出門周圍行下街先。一個明朗的早晨就一定要配返個唔錯嘅早餐。其實有間茶餐廳我想去試下好耐了，每次落北角我都會經過呢間次次都話食最後都冇…今次終於有機會啦：漢斯茶餐廳入面裝潢幾有清新嘅風味，色調都係以淺色系為主。叫咗個沙嗲牛肉雞湯通粉，跟餐配咗炒蛋+厚多士，熱奶茶。通粉用咗勁大個碗裝住，而且試咗個湯都幾有雞湯味，通粉都係比較長條啲嘅，又有啲蘿蔔粒、粟米、青豆，牛肉都好大塊，不過就唔多，好似得3，4塊。炒蛋同厚多士～…Read More

今日做一日乖孫，落咗北角探我嫲嫲，探之前先同咗老豆喺北角食返個早餐先。老豆帶咗我去食佢一直食開嘅茶餐廳：強記飯店。成間店大到呢…真係唔覺佢係一間普通茶餐廳…聽老豆講係開業咗好耐，佢年輕時已經有了。原來歷史悠久呀！叫嘢食先，我叫咗個沙嗲牛生菜通粉，熱華田。通粉唔係果種快熟粉，所以煮仍然比較硬身，冇快熟果種咁軟熟。老豆唔肚餓，就隨便叫咗個奶醬多嚟食，不過塊多士都真係烤得幾好，熱熱哋外皮脆脆哋唔錯，內餡應該係煉奶同花生醬。…Read More

今日又係喺深水埗上堂，終於等到放飯，約埋一班朋友一齊出去食餐晏晝先。點知傷心酸辣粉竟然未開添，唯有去隔離間茶餐廳食啦。間嘢門面都幾大間下喎。叫嘢食先，因為我哋人太多，所以我哋分咗兩枱食。我叫咗個午市F餐，凍奶茶。同我同枱兩個frd都叫咗燒味飯食。我哋每個人都附送一碗老火湯。今日係佛手瓜豬骨湯，睇嚟係每日都會唔同。F餐係焗葡汁雞扒火腿飯，我個餐係咁多個人入面最遲送到嘅，應該係仲焗緊啫…出到嚟個飯賣相唔錯，味道都好正，葡汁同雞扒非常之高質，幾嫩口。成個飯雖啖啖都好熱好辣口，但係好食嘅程度都抵返晒。…Read More