一坐低即刻落單，先嚟個黑毛豬拼盤、多春魚、八爪魚、佢7點前落個迷你和牛拼盤好似係會平啲。A4、M6、牛小排、牛肋肉、牛舌，牛嘅各個位幾乎都可以食晒，仲有石鍋飯同五花腩。
送到嚟啦⋯⋯石鍋飯超香，夠晒熱，keep住聽到啲喳喳聲，肉同飯焦一齊食根本絕配。
入到正題開始燒啦！一口氣落晒啲肉一齊燒，雪花牛入口即溶，咬都唔洗咬，一口牛咁濟。另外牛舌都夠咬口，倒埋燒汁澆多振，攞生菜包住嚟食更加正
多春魚同八爪魚都有個侍應過嚟教我哋點樣煎先最正，多春魚要煎燶少少一面先好反第二面，咁就唔易甩皮。
呢間啲肉基本上完全能夠滿足晒我哋呢班食肉獸嘅欲望，肉同海鮮都好新鮮，絕對推薦大家行過路過見肚餓都可以入去感受下，包你滿意。
