唔臭嘅豬's Profile

今日同朋友嚟Y Pasta食飯 雖然係禮拜四晚 但係都幾full下 好彩我哋嚟到嗰陣 啱啱好可以坐到全間鋪頭第1001張枱 所以唔洗等 (坐低之後見到下一位客人已經要等起碼10分鐘)我地嗌咗個泰式冬陰公香辣肉碎寬麵。個意粉都幾好食 但係fusion得來有少少怪。冬陰公比我個印象一般都應該係要夠先夠辣先好食 但係佢就加咗啲忌廉汁黎煮 變咗少咁啲泰式風情嘅感覺 比較似鬼佬冬陰公多啲。個人比餐廳嘅意見係如果可以唔用忌廉黎煮個汁嘅話 應該會比較好食有泰式風情一啲。但係整體而言都係好食嘅 幾特別 值得一試。另外我哋仲嗌咗忌廉汁黑松露醬巴馬火腿扁意粉 跟套餐。套餐就有一個湯同埋嘢飲 我哋加咗少少錢 令到個嘢飲upgrade做紅酒。以加咗幾十蚊就有嘅紅酒黎講 呢度個紅酒真係算超級出色。另外佢個意粉嘅黑松露味超重 超足料！呢個真係超級無敵推介！小食方面我哋仲嗌咗個香辣水牛城雞塊。一般餐廳嘅水牛城雞塊都會跟sriracha sauce and blue cheese sauce。呢度嘅芝士汁就有啲稀 有少少扣分 但係個雞塊就okay好食嘅。…Read More

食完晏仲係有啲心思思想食野，所以就去左公司附近嘅一芳買野飲。之前已經聽過朋友講甘蔗青幾好飲，上網search果陣發現有分甘蔗青茶同甘蔗牛奶 （但係好似聽人講話飲青茶多啲）， 同埋上網見到啲人一般都係買微糖，甚至無糖。👩🏻‍💼健康嘅我當然係揀無糖啦 為咗養生仲揀埋熱飲添。😎飲落果然好清甜 有微微嘅蔗甜味。甜度對我嚟講啱啱好，但係對於想甜少少嘅朋友，聽講可以叫「甘蔗濃」，就可以加啲天然嘅甜味啦。🙆‍♀另外，個茶仲有好輕微嘅青澀味 我諗就係因為青茶嘅味道？都幾特別幾好飲。但係作為熱飲，佢都幾唔熱下，似係室温多啲，哈哈。😅有飲開一芳嘅朋友應該都知道買滿HKD30就可以儲印仔，儲滿10個印仔就可以換一個中杯嘢飲。但可惜。。。我杯甘蔗青茶啱啱好HKD29。。。差一蚊！wuwu 😭Overall嚟講係好飲嘅，會返嚟飲。但下次我一定會加啲料，令到佢變返HKD30以上，哈哈，咁樣感覺上抵好多嘛，kuku！😛…Read More