Foodie Baby's Profile

同friend打完波過黎呢間酒吧餐廳試試佢，極罕高質喎。Fusion菜得黎唔會夾硬黎，配搭好好食，而且半開放式Roof Top仲可以欣賞到270°啟德景色，呢啲餐廳喺外國閒閒地都人均過千落樓，而家竟然人均三兩百攪掂。如果咁岩附近睇演唱會過黎食會唔會太型太有feel！？真心覺得係好食，尤其是黃金花生醬單骨雞同擔擔麵。酒吧食雞翼，單骨最易食，即炸超脆皮，好香咸蛋黃同花生味；擔擔麵係有80%香辣花生味湯底同肉碎，麵掛汁唔會太淋。就算燒鱸魚、炒雜菜，個汁都特別d（胡椒蔥牛油、辣酸汁）、擺盤都靚。到最後諗住叫個甜品，無諗過有咩期待果然係最好 - 係煙燻Ricotta 芝士，有雙重朱古力脆餅同梅酒浸雜莓；另一款甘夏蜜柑柚子黑椒拿破崙配柚子雪葩，都係特別又好味，甜品幾種味道同口感、香、滑、軟、脆、酒香、清新；甜品必點。…Read More

好耐無食過咁好食嘅泰菜，可能因為新式煮法，d味道好岩我。小食拼盤可以揀4款，香茅雞翼、紅磚豆腐、炭燒豬頸肉、酸辣無骨鳳爪，最好食首選豬頸肉，爽肉質感唔肥膩；豆腐有香口薄炸皮裡面滑嘟嘟；雞翼炸皮香脆鬆化唔油。泰式椰子鮮雞湯係common泰菜，湯感無咁杰同唔辣，味尚算ok；食完個黑胡椒和牛炒糯米河，覺得係呢度嘅世一！首先好勁胡椒味香辛味，牛肉軟嫩仲好有牛肉香味，粉兜得好勻循，蛋碎沾滿精華，糯米粉好煙靭Q彈。叫左個黑糖椰子雪糕，好好味呀！椰子味濃雪糕非常soft，椰絲椰子乾、黑糖、桃膠同水晶啫喱，超好味～呢度個Bar Tender都幾勁，除咗酒之外，見佢整左好多唔同種類嘅嘢飲，又快又型又靚。Drinks Menu超多野揀，叫嘅Mocktail都好飲。餐廳座位私隱度唔錯，設計到每檯客自成一角，岩邊傾邊食。…Read More

呢間新開嘅日式小店好正，無加一，我地食左兩個餐兩款肉，跟酸籮蔔、蔬菜盒、日本蛋同飯。Optional可以加其他嘢，都唔貴。例如可以加$10轉香蔥溫泉蛋飯，$38和牛漢堡。認真溫泉蛋飯同和牛漢堡好值得追加，質感味道比白飯更香濃，和牛漢堡好大件好juicy，整個用餐體驗會滿足好多～喺鍋微熱嘅時候放牛脂肪同洋蔥，每面牛肉加上壽喜燒湯煎10至20秒。先食鹿兒島A4黑毛和牛肩胛，入口食到三種香味 - 香甜醬油味、蔥同牛味，有纖維感但唔會靭。再食，纖維感無咁強，好軟嫩juicy，牛味比鹿兒島A4牛肩胛無咁重，會食到較香甜醬油同蔥味，兩者都各有優點。燒完牛就放鰹魚湯落鍋底嘅精華，煮埋蔬菜盛合，蔬菜新鮮，豆腐好香黃豆味，結實且滑，索哂味熱辣辣。有水提供，另外叫飲品嘅話，香茅鴨屎香檸檬茶 $48，價錢合理～…Read More

呢度食片皮鴨勝在人少人多都有唔同份量揀，order左嘅片皮鴨係即席堂上切片，而家做優惠，有一食烤北京填鴨半隻，包左一籠餅皮；二食冬瓜鴨架湯，冬瓜清潤得黎湯頭濃郁，一窩足4碗。價錢比正價差不多平左一百蚊，好抵食。皮香鴨香，包喺餅皮入面，配搭有青瓜、哈蜜瓜、京蔥、酸甜醬、甜醬，擺盤會令人急不及待。當中另外分開上檯嘅一口脆，沾白糖別有一番風味。叫埋上海粗炒，一碟足4碗多，真係飽哂。值得一提玫瑰荔枝茶好好飲，茘枝味濃，非常解膩。…Read More

新開嘅中餐館，好姊妹結婚諗住喺度擺酒，邀請我一齊黎睇下。環境幾有藝術氛圍，餐廳名「璞」，呢個名象徵永恆、尊貴同典雅，感覺有氣質亦有中華⽂化氣息，都幾fit好姊妹嘅要求。晚宴考慮嘅菜色味道都唔錯，擺盤係典雅高級粵菜類別。松茸菊花豆腐 - 廚師即叫即整，非常考刀工，就算𢳂起，菊花形嘅豆腐都仲keep到形態，好滑湯好清甜。椰皇螺頭燉花膠 - 清甜，花膠屬爽滑，螺頭仍然有鮮味。蜜餞西班牙黑豚肉叉燒 - 希望到擺酒都有呢道菜，招牌野，香甜蜜味，肥瘦適被肉質嫩，好正。兩款魚之間（麒麟荷葉蒸星斑球、欖角酸薑銀鱈魚），各有特式，星斑球雖然有荷葉味熟度剛好，但新式煮法嘅銀鱈魚略勝一籌，配搭新鮮而且好味。生啫本地唐菜膽 - 個人覺得雖然呢樣菜未必適合婚宴，但又未嘗不可。因為菜膽只用上最嫩爽嘅部位，蝦乾超鮮又咸香，唔係一般用料。…Read More

又一東京好店黎香港開舖，座位唔多，黎到要等一陣位。我地無叫出名嘅江戶前壽司，但叫左CP值幾高嘅丼飯，送足料鯛魚茶漬湯，好飲～三味吞拿魚丼 - 吞拿魚好鮮，當中大拖羅同中拖羅我覺得最好食，油脂較多滿口魚油香，飯底適量已加醬油、芝麻同紫菜，刺身份量十足，每啖都好豐富。火炙漁夫丼 - 好多種火炙海鮮，當中海鰻、帶子、吞拿魚最正，好香火炙味，一個丼飯一次過食到6種火炙海鮮，飲啖fresh嘅青森萍果汁，好relax～呢度飲品都真係唔錯，巨峰乳酸梳打乳酸味濃帶巨峰香，非常解喝。而是日雪糕$38竟然食到開心果濃郁嘅味道，令人驚喜。…Read More

個friend話要隆重咁請我食生日lunch，黎到真係有驚喜，門面有啲壯嚴感，火鍋蓋有個玉璽喺上面，充滿中國藝術色彩。四川火鍋 X 非物質文化遺產老字號嘅lunch set聽聞好貴，個friend喺Openrice 買嘅set平正價一半有多，質素黎講超抵食。餐前小吃係陳昌銀出名嘅小食，全部都好香脆食唔停口，麻花最正。玉璽鴛鴦鍋，一麻辣一菇菌，主菜有毛肚拼鵝腸拼黃喉，好乾淨嘅爽脆經合。西班牙黑豚梅頭肉片肉嫩味濃，d手打丸同滑都超級好食！最最最正我覺得係牛肉滑，有香茜味牛肉味又彈牙。仲有響鈴卷、烏冬、金菇、娃娃菜、牛肉麵、春卷，食種類真係好多。牛肉麵湯底香辣、牛肉嫩、係滑口麵底，都好好食。飲品仲送酸梅湯兩杯，又凍又酸好解渴解辣。服務黎講，乾淨企理，快又禮貌，好ok。…Read More

終於搵到晚帶時間黎排隊！我食到啦！要先喺電子餐牌自助點餐，然後就坐，漢堡就會「咋咋」聲喺面前出現。今日食兩個混合餐，一個兩件一個三件嘅漢堡，包括哂原味同蕃茄。三百蚊左右價錢食到5件和牛漢堡同飲品，無加一，相當抵～建議食法係將漢堡放上飯，再放蛋。但我就鍾意分開食個原味先。夾開肉汁爆哂出嚟，點蛋汁，仲有好多醬揀，超好食。飯加入腌菜仲好脆好咸香添。西蘭花同飯係任加，好在有order到白桃汁同可樂，太好送飯我忍唔住都加左3 round。…Read More

超開心今日Happy Friday有人陪我黎呢度dinner。見到有post講出咗個開心果窩夫，好想食，終於食到。個名超級攪gag，洗唔洗咁長呀？「開唔開心試咗先知嘅開心果窩夫」，個名唔重要，最重要waffle好味好多cream好多開心果碎同醬，有crunchy口感好好味。「輕盈又滿足的煙三文魚沙律」其實輕盈在個d沙律菜，反而三文魚好多。而醬燒牛肉飯卷餡料包得實在又好食，一碟好多件，好飽肚。燒慢煮雞腿紫蘇拌飯嘅雞脾又真係好嫩好似有少少鹵水味，紫蘇拌飯幾開胃顏色都好靚。出名嘅濟州柑橘乳酪有少少益力多味，幾特別，想有氣嘅都可以飲青柑柚子梳打，個底係柚子蜜，似好香柚子味嘅汽水。…Read More

今晚唔想煮飯，想食小籠包，去左青衣城簡單食。次次個前菜都比我食哂，係好淋好入味嘅花生栗子。呢間店嘅服務亦算係我幫襯嘅分店之中最好，主動服務型。鍾意呢度水準keep到皮薄爆汁嘅原味小籠包，但又做到輕易夾頂吊起小籠包而唔會穿。加薑絲同醋好好食。糖醋魚片原來都幾好食，有咕嚕肉嘅酸甜脆皮，魚肉夠厚，可惜份量少左d。雪菜咸肉炒年糕味道清清地之中帶咸香，咸肉味道似金華火腿同午餐肉之間，雪菜咸肉年糕同時入口最好食。…Read More

早放工，終於可以同同事過嚟食半價串燒。同事話呢度用新鮮雞，稀有部位都有得揀。睇睇菜單連條大動脈都有得食，雖然舖仔細細，但味道唔錯，而又真係幾抵食嘅。叫左個無味精自家製雞白湯烏冬，香濃得黎清清地，食到湯都清埋，後來先知呢樣係每日限賣。雖然細細間舖，但每串串燒嚴謹控制熟度，剛熟有燒烤香味，亦有暖鍋暖住，評一評先：鹽燒鮮雞腎串 - 惹味、有口感。大蔥日本雞腿肉串、鹽燒日本雞腿肉串 - 惹味、雞味。汁燒鮮雞肝串 - 嫩、香招牌月見免治雞肉串 - 點蛋汁正汁燒鮮雞大動脈串 - 煙煙韌韌幾特別豚肉車厘茄卷 - 肉香、清新鹽燒美國牛肋條 - 惹味燒日本多春魚 - 1客3條，抵，成條連骨都好香脆。唐揚一級炸蠔，一客3件，蠔肥、鮮，熟度剛好，juicy。燒兵庫縣生蠔、燒大蔥 、 燒芝士年糕、秘制Juicy香脆雞翼、酥炸墨魚咀都唔錯，墨魚咀係全晚最惹味停唔到口之選。啤酒1送1抵，其他飲品好似信洲蘋果梳打、無糖可樂唔算貴，唔飲酒叫汽水都唔肉赤。…Read More

再訪呢間分店，第一時間食個滷肉飯，依然好味但略嫌多左肥肉，所以可以食少啲轉戰返其他熟食同火鍋。火鍋料、前菜、蔬菜、肉、熟食、飲品、甜品夾埋幾百款，調味料又多，黎親食都覺得加埋酒水放題好爽。今次清清地叫左蕃茄豬骨湯底，湯頭滲哂入蕃茄同埋粟米，幾好味。燒乳鴿依然保持酒樓水準嘅，芝麻雞翼又要再次encore，太香太惹味，次次都食埋雞翼尖。海鮮類嘅大頭蝦、帆立貝最回本，帆立貝今次進步左，大粒同好鮮味，脆肉鯇、螺片如常水準。丸類多，最特別係粒丸咬開好似食左粟米湯咁。蔬菜最正都係冰菜、紫色旺菜同清甜冬瓜。前菜我最鍾意食肉香惹味嘅台灣香腸、小龍蝦同爽口嘅麻辣魚皮。甜品有häagen-dazs雪糕、Movenpick、中西糕點；美國極黑和牛srf、美國肩胛肉、美國安格斯牛板鍵、黑豚肉，算嫩口，抵食。…Read More

中環開左新店，估唔到咁快就人山人海～新店氛圍一樣好熱鬧，好有日式串燒店風味。串燒價錢多數係十幾或者廿幾蚊，簡單評價一下～- 韓風燒牛肋肉（香、嫩、juicy、香甜）- 鹽燒豬肋肉（油香、咸香）- 鹽燒手切封門牛肉（咸香、牛味重）- 免治雞肉棒（配日本蛋）（有雞軟骨口感、軟質感，表層薄薄醬油焦香）- 惹味燒雞腳筋（香辣、有彈性）- 豚肉荔枝卷（肉香中食到鮮甜清新感）- 蜜糖燒芝士年糕（可愛、蜜糖香甜、表面焦香、內裡軟糯）- 蒜蓉菜脯燒蠔（非常多蒜蓉，蠔肉厚、鮮、軟滑）- 流心蛋薯仔沙律（濃味蛋汁、薯味亦濃）- 香蔥手抓餅（多層餅皮、蔥味尚可、煎香程度恰到好處）- 靑檸梳打（較清新、解渴）- 百香果梳打（水果甜味梳打，清甜解渴）雖然樣樣都好味，但當中最正係韓風燒牛肋肉、雞棒同燒蠔，就算好飽都encore左。…Read More

呢頭雖然好多餐廳選擇，但呢間可以食得chill嘅餐廳真心推介。尤其是燒安格斯澳洲穀飼牛扒，唔明點可以入口咁香炭燒味，好juicy好嫩，扒有伴一籃好香脆嘅薯條，又唔算好貴。Pizza係手拉Pizza，煙韌有口感，有手撕豬肉嘅肉味、菠蘿、爆多芝士、茄醬同紅洋蔥等等嘅Pizza ，好豐富～原來柚子汁沙律配巴馬火腿係好好味，個沙律仲有哈密瓜、Mozzarella 芝士、黑醋，多重fresh嘅味道，清新左個口腔，唔錯～呢度幾就腳，星期六日唔book檯分分鐘無位。…Read More

呢間意大利餐廳吸引左我好耐，終於食到。好鍾意佢嘅裝潢同色調。食嘅係意大利菜，款式唔算多，但All Day Set Menu有一個大沙律、一個主菜同一個甜品，尖沙咀算抵嘅價位了～真係無諗過跟餐沙律咁大碟嘅，而且唔係剩係得菜，牛油果沙律嘅牛油果係多嘅，我最欣賞招牌意式沙律，有吞拿魚同番茄乾，配搭上好match沙律菜，而且沙律油好香滑。主菜方面，蜆肉意大利麵係最正，蜆肉肥美鮮滑，意大利麵好Q彈；至於意大利Pizza，cut開有成8大件。餅邊脆，望得到好多氣孔，有齊番茄、蘑菇口味。甜品可以揀Gelato或者意式蛋糕，Gelato味道濃厚，蛋糕係少少Tiramisu同焦糖味嘅實在口感蛋糕，我比較prefer Gelato～…Read More