木村美子's Profile

佐敦吃得最多的餐廳是這家富都，雖對它不盡滿意，但它的選擇多，味道也還可以，而且不必等位。有燒味、炒飯、粥、粉、麵，想吃什麽可以叫什麽，選擇多多！這餐我們叫了粉與麵。牛柳炒公仔麵，炒功不錯！豬頸肉炒米粉，豬頸肉分量多，米粉亦炒得好香口，味道幾好！…Read More

第一次進哈囉茶餐廳，覺得它的名好玩，便進去幫襯。裝修清清爽爽，讓人感覺舒服！我點了雪菜肉絲米粉套餐，有大碗的米粉，有炒蛋火腿，還有一杯奶茶，好大份的早餐啊！D點了豬扒早餐，好可憐的豬扒薄得風一吹可以吹走。食量大的人還是別點這豬扒早餐，雖說價錢便宜，但會吃不飽的。…Read More

和D跑到翠華就為了翻尋味，再次品嘗一下“新加坡炒米”。用醬油炒，鹹得來好有味道，我的口味重，因而也較合我口味，如果吃淡一點的顧客那就慘了，實在是夠鹹的。:)D點了豬軟骨炒飯，也是一個字可以形容------鹹，豬軟骨好好味！這兒的廚師一定是個重口味的人，樣樣嘢都鹹。…Read More

是晚，D建議去吃拉麵，於是去了品尚橫濱拉麵店，他點了橫濱醬油拉麵，也是他們店的招牌拉麵。有蛋、叉燒、紫菜，還有筍絲，材料好足量！而我點了XO醬叉燒炒飯。大大碟，齋看還不錯！細心的侍應拿了小碗給我們。這樣，我既可以吃炒飯，又可以吃到拉麵，同時間滿足兩種口福。拉麵濃香的湯的確很吸引，我把湯一滴不剩全喝光了。而炒飯反不如拉麵精彩，或許太多蔥花我不喜歡。八十八元埋單，抵食！…Read More

去霸王山莊吃了兩次晚餐，總體來說感覺還不錯。餐前小吃不是例牌的炒花生，而是香芹小炒，也不錯！掀開餐單，很多選擇，抱著好奇心點了“花雕醉雞”，太濃的酒味一點兒也不適合我們的口味，誰叫我們倆人都對酒不感興趣，簡直自計苦吃，哈！:(小籠包多汁，第一次點了，第二次還是照點，挺好！蜜汁火方塊，以蒸糕片夾住蘸滿蜜汁的肉片啊青瓜片和炸物，吃了兩塊，感覺很膩，不是那麽喜歡。:(幹煸四季豆，炒得夠幹身，味道恰到好處，可以說是吃到的所有菜式中最好吃的一道，比小籠包還好吃。擔擔麵，以企身的大碗盛載，幼滑、小辣，湯呈微紅色，呷一口湯，熱辣辣，帶點稠黏黏的質感，味道濃郁。…Read More

受R邀請，我去大角咀ge南亭泰國菜用咗三次膳，每次都係輕咬狂噬，食得不亦樂乎，次次都捧腹走人，只可惜我次次唔記得攜帶相機，:(沒影到相，雖然無相睇，但我也好想同大家分享一下我的食後感。:)environment > 獨具特色ge風扇燈吊頂，倍感優雅，最令我欣賞嘅係牆上ge大師級油畫，泰國亭畫得維妙維肖，而其他幾幅畫雖說簡簡單單，卻能帶出幾分灑脫與輕鬆ge氛圍，用起餐來覺得分外舒適，令人暫時忘記咗工作上生活上嘅壓力。:)food > 最值得講嘅係，個menu好多嘢揀，聽講呢間餐廳ge大廚係前泰國皇室嘅御廚，有口福！粉絲肉蟹煲，一掀煲蓋，一股濃郁嘅蟹香味即刻撲鼻而來，令我垂涎三尺，拉拉聲大動筷子，夾一啖粉絲放入口中，粉絲彈牙，仔細品嘗，就會感到粉絲有股鮮美蟹香味，粉絲吸曬蟹汁，保證咗肉蟹香味能夠“充分施展”:)，而肉蟹都好夠份量，大大個蟹鉗啖啖肉，食落好過癮，食完粉絲，啃完蟹肉，先發覺煲底墊咗一層肥瘦適中ge豬肉，已烤成焦黃嘅肉巴，陣陣焦香味飄出，同蟹香味相得益彰，可以講豬肉起到了畫龍點睛之作用，令粉絲同蟹肉更加香氣逼人，值得一讚！:)香軟薄餅，喜歡食印度薄餅，便覺得呢度嘅薄餅遜色少少。:(飛天通菜，不一般ge菜名，貪其有趣點咗來食，果然有驚喜，炒法同平時食開嘅通菜有啲唔同，有豆豉香，少少辣，辣得來又會令人忍唔住追住食。炸春卷，皮色金黃，皮薄，甘香酥化，而內餡看上去平淡無奇，粉絲、黑木耳等混合而成，但一啖咬下去，各種食材在細細ge咀嚼中格外香甜，且香而不膩，食嘅便係呢種混搭嘅口感，食完齒頜留香，回味無窮。芒果糯米飯，黑白糯米飯團各一個，加上黃色芒果，乍一上枱，便令人睇得賞心悅目，食落又香又滑。柚子蝦仁沙律，蝦仁爽口，大粒又新鮮，柚子肉甜，再拌以青檸汁，酸酸甜甜，好醒胃。從炒菜到炸嘢，從主菜到甜品，百般滋味在心頭，滿足咗我ge饕餮之欲，除了味道好好之外，上碟配飾亦係一大特色，使視覺、嗅覺和味覺都受盡誘惑。service > all staff都好nice，讚！:)食完三餐，覺得南亭泰國菜不愧係泰國菜中嘅佼佼者，值得一試！！！…Read More

是晚，R突然心血來潮揸車帶我前往九龍城食潮洲菜，點了幾個菜，最好吃的是芥菜，煮得好爛，很有住家菜的風味，忍不住食多幾條，而蓮藕湯飲落好舒服。膳煲由大量的蒜頭作輔料，反而喧賓奪主了；鵝腸帶有一些脂肪油，嚼起來可以帶油香味，略略要嫌的是切得太長，嚼不爛時一半在嘴裏，一半在喉嚨裏，吞咽有易。今晚一次滿足了兩個甜品口福，即南瓜餅和反沙竽頭，反沙竽頭很粉很香，南瓜餅的餡則太甜了點。…Read More

難得星期日，晏起身係好正常嘅，本想去麥當勞吃熱香餅，但卻因遲起身食唔到，只好轉到樓上嘅大家樂。食早餐變成食午餐，大家樂嘅早餐牌全收起來了，而午餐嘅選擇又唔多，最後一人選咗四寶飯，一人選咗燒腩拼油雞飯，都係燒味。叉燒唔夠軟，油雞跟平時食開嘅差唔多，可以讚好嘅要數燒腩，唔肥，肉質唔老，而金黃色嘅豬皮脆到忍不住嘩嘩聲。…Read More

是日朋友生日，為佢慶祝，約咗係重慶燒大食一餐。文英街幾十米內便開咗四間“重慶燒”，雖然都係小小間，但生意可以做到咁興隆，已經足夠叫人刮目相看。七點幾去到，已滿座，在店門口等咗十幾分鍾，滿街的燒烤味，一股股熱浪直逼過來，熱得周身沸騰，在此等位絕對係苦差事，為咗一嘗蜜燒南瓜餅，再熱都等。:(終於，我哋攞位坐低，攞點餐紙點嘢食，發現價錢全部作過調整，比之前都貴過一兩蚊，一餐食落分分鍾貴廿幾三十蚊。:(嗌嘅啲嘢食逐一上檯，大動筷子。涼拌黑木耳$20/碟，以黑醋、鼓油和辣椒醬涼拌，酸酸辣辣，幾醒胃，就算平時少吃醋嘅我都可以食入口，惟一要嫌嘅係黑木耳太過粗硬，唔似之前來食開嘅黑木耳細滑。:(芝士牛油焗海中蝦$48/9只，採用海蝦，這會比塘養蝦來得更有蝦嘅鮮甜味，加埋香口芝士和牛油，用錫紙包住來焗，鎖住海蝦嘅鮮味，食起來更加香甜，根本唔需要用豉油蘸住來食。:)蒜燒美國石蠔$84/6只，以新鮮石蠔鋪上蒜茸，調好味道，直接放在燒烤爐上燒，燒熟後點綴上蔥花紅椒絲，甚是漂亮。成只蠔連啲蒜蓉夾入口，或者蒜茸味辟走咗蠔嘅腥味，並唔覺得腥。燒韭菜$11/串，將韭菜逐條逐條串成一串，好中意用來燒韭菜的調味粉，令得平平無奇嘅韭菜霎時化平凡為神奇，令人食落津津有味，只不過成條韭菜幾考牙力，要不然一半在口中一半在喉嚨處並不好受，哈！燒雞腎串$11/串，調味料同韭菜嘅調味料一樣，咬一塊入口，煙煙靱靱，一樣考牙力。燒原條茄子$22/條，將一條茄子對半切開，在切面鋪滿蒜蓉，調好味道成條攞去燒，燒到爛熟，食時用筷子挑起白色茄子肉，雖說茄子肉淡而無味，但中合咗調好味道嘅蒜茸，淡中有味，恰到好處。:)燒多春魚$22/6條，逐條多春魚用竹簽從魚嘴處插入再燒，食時握住竹簽，乾淨又方便，幾好。多春魚，顧名思義，都係大肚魚，食住多春魚時，我都會小心食曬每一粒魚子，那每一粒魚子都係每條魚媽媽嘅寶貝兒，每一粒便係一條魚BB。有時，食住多春魚時，我嘅腦海中會忍不住會生出一種一知半解嘅疑惑：為何多春魚條條有魚子，唔通多春魚族全係雌性？而雌性又如何繁殖下一代，唔通好似《西遊記》中女人國嘅女人，飲一啖河水便會大肚？嘻嘻，明知女人國不過乃一種神話式嘅描寫，但動物界嘅神奇，確實令我匪夷所思！扯遠了，再說回燒烤。日式燒飯團$20/兩個，用米飯握實成三角形狀嘅飯團，兩面翻轉燒，飯團嘅表面灑上調味粉，外鹹內淡，外焦內濕，這令我諗起家鄉嘅飯焦。小時候，家族十幾口人嘅飯菜一鍋煮，食嘅係大鍋飯，而我哋福建人最喜歡煮鹹飯食，簡單省時，即係用油、米、菜和鹽，加適量水一鍋煮成大鍋飯，通常鍋底一定有飯焦，而我最樂意攞果啲飯焦來食，焦黃焦黃的，又帶有油香味，香脆香脆的，食在嘴中很過癮，只是吃多了會熱氣。而今晚吃在口中嘅日式飯團燒功並不到位，內里的飯粒仲係凍嘅，表面也並不香脆，這有啲遺撼。:(香辣田螺$30/碟，這不是現炒田螺，凍冰冰，好辣，並且大大粒，可以用竹簽挑出螺肉來食，我並唔知大粒螺貴啲定係細粒螺貴啲，就我個人而言，我反而喜歡細細粒嘅田螺，可以用大拇指和食指抓住送往嘴邊，以嘴唇輔助舌頭，一吸氣將螺肉吸入嘴中，有種啃瓜子般嘅好玩與過癮，嘻嘻！蜜燒南瓜餅$18/3個，這是我的心頭好！可以講呢一餐全由我拿主意，而我就係沖住呢樣甜品而揀咗呢間餐廳嘅。之前嚟食過，一食難忘，而家專登為它而來。不過，今晚有啲小小失望。原因一，侍應忘記咗幫我哋落單，食完所有嘢，遲遲唔見心頭好出現，追問之下先知無落單，補單後制作需時，惟有耐心等候，等啊等，等到花也謝了；原因二，今晚嘅南瓜餅出品大不如前，表皮火候唔夠，軟淋淋，可謂“期望越大，失望越大。”:(總體來講，朋友對嘅呢餐慶生餐都算滿意。:)所有嘢都係細細碟，可以食多幾碟，雖然三個人食咗三四百蚊，但有七八樣嘢食落肚，有蝦有蠔，算係咁喇！…Read More

澳洲牛奶公司的所有食物，我最喜歡吃的是他們的炒蛋，:)好滑好滑，自己絕對沒辦法把蛋炒至咁樣好食。偶爾，我跑去買份蛋治，以前是$12/份，而家卻是$14/份，一份蛋治便貴咗兩蚊。:(雖說兩蚊不是咩錢，但細算之下，一份蛋治就貴咗一成六，可見物價升幅多大。…Read More

來到這家酒樓，拿位時，樓面靚女問要打邊爐定係食炒菜，我看到半只片皮鴨$48，好抵食咁，於是便挑咗食炒菜，試下呢間嘅片皮鴨。片皮鴨皮尚算香脆，只是青瓜、蔥絲和醬料都太少了，吃起來不過癮。:(雜菜粉絲煲份量夠足，但味太淡。蒸魚和炒蟹是一個套餐，價格好吸引人，蒸魚OK，但炒蟹卻沒有鮮甜味，吃起來有點失望。:(是餐，有啲菜的價錢睇起來似乎好抵食，買單時卻是不便宜。:(…Read More

是晚，不知要食咩，走啊走啊，睇見呢家餐廳好似唔細，裝修也唔錯，抱著試下的心態行入去。:)估唔到竟然有驚喜發現------南瓜金餅，外脆內軟，啖啖好滋味！之前找了兩家有好吃的南瓜金餅都好遠，一家在銅鑼灣雲南米線，一家要行半個鍾重慶燒，而今找到呢間“新大陸”，以後會多啲來解饞。是晚，我們幾乎係食齋，三碟都係蔬菜類，魚香茄子煲，翠瓜炒雞球，食落沒咩特別好或唔好，一般。套餐加$13可以加份油菜和一碗飯。:)…Read More

在佐敦住了好多年，食過好多間甜水鋪，但松記卻是第一次幫襯，因為一直不知道它的存在，忍不住自歎後知後覺。嘩，門口好多人在等位，我們也拿了“飛”在等。門口的糖水大餐牌好多好多甜品名目，分門別類的，便於顧客選擇，站著等位的同時亦可以選定自己的甜品心水，進了店可以第一時間落單，店主可以縮短顧客霸位時間做多幾桌生意，而趕時間的顧客亦可以節省時間，果然有雙贏效果。進了店一坐下就叫了豆腐綿綿冰和芒果西米露，豆腐綿綿冰帶有很濃的豆腐味道，紙薄般一層層的，層出不窮，可以一邊吃，一邊欣賞綿綿冰的美妙，味覺和視覺雙重享受。而芒果西米露則較一般，賣相一般，味道也一道，不過才$18也不能對它太高要求了。對這家店最深刻的印象是好多甜品名目，也不會太貴，還有店鋪門口地下的“松記”射燈效果。…Read More

約咗係旺角新世紀嘅潮館食晚飯，呢間餐廳已幫襯過幾次，每次來會嘗試嗌反沙竽，但係每次侍應都是相同的答復：沒！！！:(呢次我點餐時索性問都唔問，費事作無謂嘅點菜，點知R見我無嗌又主動開口幫我嗌反沙竽，答復還不是一樣：沒！！！:(有餐牌上的菜式，卻又十次嗌十次沒，不如刪去罷了，免得顧客一次又一次點餐，最終卻得個“桔”，簡直在浪費大家的口水。:(沒有反沙竽，點了個南瓜金餅，嗜甜如命嘅我，對呢個南瓜金餅滿抱期待，點知幾分鍾之後，侍應過來同我哋講：“沒南瓜金餅！”放棄南瓜金餅，R補點了一個叫竽泥什麽鵝的，應該屬於竽頭類嘅甜品，然後又樂滋滋地在等。過了五分鍾左右，一個經理級人馬走過來說：“竽泥鵝沒有！！！”哭笑不得！！！:(沒辦法，顯然呢間餐廳嘅甜品得個睇字，無得食，惟有放棄，免得自計沒趣。首先上檯嘅係醃肉炒韭菜，呢個菜唔錯，韭菜好翠綠，味較清淡，配上較鹹嘅醃肉，啲味鹹得來又被韭菜分淡咗鹹味，啱好！食完成碟韭菜，又有個侍應過來問：“你哋係唔係嗌咗鹵水掌翅同埋鹹菜豬肚湯？”顯然我哋點嘅其他菜肴都仲未幫我哋落單，韭菜來時，白飯遲遲唔出場，等到白飯終於端上來了，卻只剩下最後一根韭菜，而其他菜有排等，忍不住嘿嘿地笑。等啊等啊等，主菜一個個上檯了。蔥花炒小蠔仔，唔腥，蠔仔裹咗少少生粉，鎖住啲鮮味。鹵水掌翅，有啲鹹，盤底嗰啲原本無味嘅白蘿蔔撈咗啲鹵汁，反而喧賓奪主更顯好味。鹹菜豬肚湯，湯都有啲鹹，湯中加入胡椒，鹹得來都算好飲。四季豆炒駝鳥肉，用XO醬和紅椒炒，唔食得辣的我食落都覺好辣！除了管理一團糟之外，菜肴嘅味道都算OK。希望下次再幫襯時，樓面嘅素質到會有所提高。…Read More

去旺角西洋菜街ge百老匯睇《黑癲鵝先生》，買咗八點四十五分ge飛，還有大把時間，於是便到隔離ge花園餐廳食嘢。花園餐廳主打食排，睇見紐西蘭牛排，血淋淋咁，看了都驚，且唔講我拜觀音唔食牛肉，見嗰舊牛排只得三成熟，禁不住喔大個咀。倒是餐包好食，我有份食；羅宋湯亦好飲，我有份飲。我叫咗花園炒飯，押上自家餐廳大名，我諗應該唔錯吧，果然不出所料，唔錯！有茄汁豬排魚柳之類，材料夠足。:)…Read More