Eatenbobo's Profile

星期日係將南閒逛，經過旺角呢間蘭州牛肉麵，身為麵癡嘅我緊係要入去會一會佢！今日試酸菜牛肉麵（$68） 一上枱個賣相都幾得！飲啖湯先。有驚喜！牛骨香氣夠醇厚，飲到淡淡香料味但唔會過鹹，飲完成個口唔會渴。但係！重點嘅麵條就出事啦——叫咗細麵，咬落明顯偏硬，欠缺蘭州拉麵應有嘅彈牙感。可能煮嘅時間掌握得唔夠準，食到最後仲有種「未煮透」嘅粉感，扣分!牛肉方面用咗牛腱肉，切得薄片，證明師傅刀工唔錯，肉質算係鬆化，不過香氣就爭啲。辣椒油反而係亮點，香而不燥，加咗兩勺即刻提升成碗麵嘅層次。叫左幾款小食，葷菜做得唔錯，雞翼可能煮好較耐, 又乾又實。一碗分量已經好足夠，唔需要加麵，大胃王可以挑戰下。…Read More

友人係哈韓族，今日輪到佢選擇食咩，佢話帶我去食豬腳小姐，聽到個名就覺得好可愛…有午餐set 當然叫set 較抵食，我地叫左一份招牌蒜蓉豬手及一份解酒湯。雖然係午餐set 但分量絕不欺場，一大碟有豬手，飯, 同埋沙律菜，再加上韓式三小碟，一大盤圓盤捧上黎又幾過癮。三小碟有辣蘿蔔、芽菜、同埋一碟口感爽爽既海藻沙律。豬手味濃Q彈，蒜蓉醬味道極猛烈，組合起黎真係好好食。 原來解酒湯係內臟，我雖食內臟，但個湯口味就唔係好岩我。但朋友就非常喜歡，我主力飯返個豬手飯。見到有人講用餐時間為60分鐘，可以我食午餐就覺得時間充足。不過當日午飯佢又冇特別強調限時60分鐘。整體感覺都唔會太急，算係用自己節奏食完餐飯。大家可以先試午餐。…Read More

本來係朝住信德街一間日本料理餐廳進發，但走著走著又搵唔到，路過呢間泰北風味，誤打誤撞就食呢間。當時12點，時間尚早， 所以唔使等位，午餐有湯粉面，飯選擇。加12蚊已經有泰式茶，仲有幾款小食可以追加。今日我同朋友都係食湯米，加14蚊轉酸辣清湯肉碎湯底，配料分別嗌左雞扒同豬扒。 兩款肉類比較之下雞扒較好，豬扒略乾。 湯底同米粉好夾，自己加D調味架調味，真係十足泰國風味。 如果飲品味道再濃一D就好啦。整體唔錯，轉湯加埋飲品$90一位，分量又充足，難怪地點雖遠離熱鬧地段，但都人客不絕。…Read More

今日同朋友去咗銅鑼灣牛站(駅)麻辣火鍋放題，午市定量火鍋最平88蚊, 包150G 肉, 自助區食物有限度提供，飲品都只限一枝。唔係問題既, 但為左唔好有面斥不雅既尷尬場面，夾食物之前要小心睇下自己拎唔拎得喇。呢個同其他火鍋放題同埋燒肉放題操作唔一樣，或者甘樣可以更有效控制成本。我同朋友各點豬肉及羊肉餐, 150g 大約8片肉，自助區選擇較其他放題店多，但如上文所講，唔係樣樣拎得，但定量火鍋拎得既都足夠，佢會有指示牌話比大家知。甜品，雪糕果D都唔可以拎架, 甜品愛好者可能要考慮返放題。整體食物質素唔錯，火鍋調味料亦好全面。但因為我係飲品愛好者，所以一枝飲品可能令我卻步，有時間食佢既午市4小時放題先再黎啦。…Read More

將軍澳區都唔少中式酒樓，但都係果幾個大集團既街坊酒樓，家上海算係區內較精緻又唔太離地既餐廳。之前周未都有去過午餐，是日就係家庭聚會晚飯。由於Book 左檯，所以去到稍等10分鐘就可入座。前菜: 雞絲粉皮, 五福拼盤, 蜜汁脆鱔主菜: 松鼠柱魚, 煙燻脆皮雞, 上海粗炒點心:  小籠包, 鍋貼, 蘿蔔絲酥餅 *可因應需要係基於上加點點心數量, 比如小籠包一籠係6件, 可以加2件至8件，甘就唔使嗌兩籠。甜品: 高力豆沙, 壽桃包 每樣食品都唔錯，特別係煙燻脆皮雞, 每次黎都係最期待食佢, 雞肉嫩滑, 有陣陣煙燻香味。另外餐廳提供既人參烏龍都好好飲，餐廳人手雖然緊張，但服務都可以。…Read More

 熊仔曲奇粗略計計冇食佢都10年有多，呢個曲奇好邪惡架嘛, 真係冇甘多quota 食佢呀, 等於一塊塊牛油+糖放入口, 但果個鬆脆又令人一塊又一塊塞入口。Lunch Time 時間到達，唔算有人龍，等左3,4位就到我，買左大4mix， 都幾重手喎!返到屋企即開黎試下，口感味道依然。特別係咖啡味, 真係濃到一個點，但會懷疑佢既味道太過人工，真係飲咖啡都冇呢個效果間唔時食下都係幾滋味，但現今社會講求健康，我都係消埋呢罐，往後有緣再會。…Read More

上班既日子真係枯燥無味，所以午餐一定要醒一醒，叫唔醒個腦，都可以叫醒味蕾。川館午市有餐，同飯腳兩個人叫兩個餸share 食，午市套餐有前菜+白飯/ 涼面+飲品。我試過配涼面，不過熱辣辣小炒都係配白飯夾D。 當日點左酸菜肥牛($89) 同埋麻辣雞煲($96)，最鐘意酸菜肥牛夠酸，又有香料味道，麻麻辣辣，仲有寬粉係底，所以都係食唔曬白飯，下次要少飯，唔好浪費。 至於麻辣雞煲個汁醬好濃稠，風味十足，不過雞肉就真係煮得有D過火， 比較乾。前菜會不時更新，我果日係麻辣花生同豌豆。整體唔錯，食到一個滿足既午餐，下午繼續做社蓄…Read More

如題，真係每家既重慶酸辣都不一樣我係米線愛好者，自從有酸辣米線出現之後我同好多香港人一樣將佢視為comfort food。諗唔到食咩食佢，好肚餓又係食佢。睇關米線關注組都知，好食小店好多人排隊。所以我平時多數食連鎖米線餐廳，不過今日經過灣仔呢間小店有位，就試下。我點左冬菇腩肉重慶酸辣米線，湯頭濃郁，夠酸，又有花生, 榨菜等配料。不過腩肉就太肥啦，喜歡食肥膏既朋友可以一試。…Read More

朋友早前join 呢個食肆集團既會員，送左一張coupon 食呢間吉列豬扒。之前係其他分店食過架啦。不過不失，是日黎到朗豪坊店，因為係happy Friday 所以人都幾多，係外面排隊20分鐘就到我地。我地叫左特上吉列豬扒定食同埋吉列蝦&豬扒&蠔定食， 定食有湯，有椰菜，白飯。職員見到我地食曬椰菜，都好細心問我地要唔要加。整體食物及服務都不錯。因為有coupon 更覺抵食。…Read More

周未同朋友打完波到新都城搵食，見到呢間cafe 環境唔錯，唔使等位，星期六都有下午茶供應。坐抵睇下餐牌，下午茶供應都係粉面飯 剛好打完波肚餓，如果唔係真係唔知食咩，建議餐廳加多D小食餐，甘下次可以輕食下午茶。我地3人各點左冬蔭功豬頸肉意粉、海南雞飯、吉列豬扒配泰式沙律。份量十足冬蔭功豬頸肉意粉: 味道幾特別，配搭幾好呀。不過豬頸肉有D乾。海南雞飯朋友話係正常發揮。都要再講份量唔似下午茶吉列豬扒配泰式沙律應該正名,吉列豬扒配雜菜沙律，朋友本以為有泰式風味，例如係木瓜沙律。 飲埋餐飲凍香茅檸檬梳打，好滿足既一個周未下午! …Read More

天氣炎熱真係無阻我對打邊爐既熱情，仲要係日式呢... ... 朋友推介我試呢間精緻日式火鍋，佢話去食個lunch 好似去左一趟日本。搵個Happy Friday 試下先。因為想試下唔同級數既牛肉有幾大分別，所以我地嗌左一份本延特選黑毛和牛($328)及一份日本黑毛和牛A4 ($198)配日式昆布上湯。 哈哈哈，真係冇比較冇傷害，下次都係唔比較啦。本延特選黑毛和牛軟熟香口，放入鍋掃兩掃再點埋跟餐既雞蛋，甘真係齒頰留香。呢個時候覺得配白飯多好，但我揀左加$15升級烏冬。套餐仲包括一盤時蔬、蝦滑、日本雞蛋。份量絕對足夠滿足，飽得舒服，套餐唔包餐飲，我都係飲佢地供應既水。最後以綠茶蕨餅作總結，如果可以有杯日本熱茶就更完滿。 因為店舖不大，建議訂位 。小店裝修簡約舒適，確實有D日本feel， 店員服務唔錯。食物亦屬中上，大家不妨來試試。…Read More

小店要站得住真係好難，又有租金壓力，食家又講性價比。呢個鋪位人來人往，但又好似好難做，換過幾家餐廳啦。 是日路過餐廳望下menu 好似都可以一試，周未下午茶時間，唔使等位。嗌左打到手軟牛肉漢堡及魚柳漢堡，漢堡包跟薯條/沙律+飲品。 漢堡包由3樣野組成，包+肉/ 餡+醬，逐樣講下，呢間小店既包太細太薄，所以佢好難做到外脆內軟，面包太乾，脆到有D接近法包/ 多士甘。中間塊肉OK架，可能因為要就返包既大小, 肉/ 餡相對細。最後醬汁係做得最好，味道好好，但同樣地受包既size 影響，唔可以放太多，因此影響左滿足感。價錢尚算公道既，始終而家食物材料真係好貴，但我仍然覺得一個餐要食得飽，整體成個餐味道可以，但分量不足，正價時段，下午茶分量。…Read More

飯腳係牛腩愛好者，是日佢話好想食牛腩湯面，我地就去左呢間標榜用新鮮牛腩製作既牛腩專門店試下。午餐時間大約1245到達，等左5分鐘就入得。可能因為用新鮮食材， 食物價錢都比較普通粉面店貴，一碗清湯腩面76蚊, 加凍飲10蚊。我就點左牛腩蝦子撈面， 牛腩有6件，份量都可以，蝦子面幾香, 味道正常，但牛腩相對失色， 雖然話食到新鮮牛肉既味道, 但肉質太乾。下次試下咖哩會唔會好D, 用汁煮可能冇甘乾。總括而言，味道OK, 但價錢偏貴。…Read More

呢間係一間新生精神康復會開設嘅社企Cafe，佢協助復元人士重新投入社會，希望大家比多D包容同支持呢間餐廳既職員。午餐set 有5項選擇, 有輕食沙律、又有素食選擇。午市套餐包括湯及水果。飲品及甜品需要另加。我揀左煙三文魚意粉，多加一個有氣熱情果綠茶，套餐加飲品有半價優惠。食物質素唔錯，味道方面會較清淡。食完冇甘大負擔嘛。餐廳環境都簡約舒適，唔使話食完即刻要起身走人, 壓力冇甘大。推薦比附近上班族，忙裡偷閒輕輕鬆鬆嘆返個午餐。…Read More

 本身自己都係泰國餐Fans, 加上炎炎夏日令人特別想食泰國野。是日揀左一間都出名靚既泰國cafe食lunch, 當日等位既人唔算多架啦。因為呢間都係人氣cafe, 所以都要等30分鐘才可入座。bar table 都冇所謂。兩個人點左兩個set lunch。 好快食物送到, 經過我一輪打卡就起動食野。場內環境, 食物造型本來都賞心悅目, 我起筷後眼睛離唔開墊住食物果塊葉，葉上既污積實在令人反,，心想食表面果D食物，避開接觸樹葉果D，但我食左兩啖最後都忍唔住同服務員講，佢搵左一位高級D職員黎處理，佢有表示歉意，但我亦無意再換其他食物，餐廳方面表示會改進。結果我要加多個甜品就完。按所點餐飲收費，呢方面我冇意見，因為係我對佢地既食物冇信心。其實出得黎食飯對於睇唔到既衛生情況已經話冇要求，但直接接觸食物既野總係過唔到自己果關。…Read More