今日試酸菜牛肉麵（$68） 一上枱個賣相都幾得！飲啖湯先。有驚喜！牛骨香氣夠醇厚，飲到淡淡香料味但唔會過鹹，飲完成個口唔會渴。
但係！重點嘅麵條就出事啦——叫咗細麵，咬落明顯偏硬，欠缺蘭州拉麵應有嘅彈牙感。可能煮嘅時間掌握得唔夠準，食到最後仲有種「未煮透」嘅粉感，扣分!
牛肉方面用咗牛腱肉，切得薄片，證明師傅刀工唔錯，肉質算係鬆化，不過香氣就爭啲。辣椒油反而係亮點，香而不燥，加咗兩勺即刻提升成碗麵嘅層次。
叫左幾款小食，葷菜做得唔錯，雞翼可能煮好較耐, 又乾又實。
一碗分量已經好足夠，唔需要加麵，大胃王可以挑戰下。
1
