小羊B's Profile

約咗好多次，終於約到食飯😂朋友要由天水圍衝過黎，所以book咗7:45pm叫咗一個主菜，一個意粉同一個小食。主菜加錢有餐湯同野飲。餐包黎到嘅時候係暖暖地，幾軟熟，個碟有少少熱去暖住啲包餐湯係龍蝦湯，朋友覺得有啲咸光顧晚市送ham platter, 就咁食都唔會好咸巨型虎蝦西班牙辣肉腸香蒜辣椒意粉🍝意粉保持水準，都係咁好食（好鐘意香蒜😂）朋友特別稱讚意粉軟硬適中，同埋唔算好辣。主菜：美國頂級安格斯肉眼（12oz)食咗先醒起唔記得影相😅求其影張切開咗嘅相😂五成熟啱啱好酥炸魷魚圈配他他醬正常，但好飽食唔哂😅野飲叫咗菠蘿荔枝乳酸，無乜特別根據過往經驗，個人覺得呢度嘅意粉係好食過飯原來威靈頓牛柳要預訂先有，所以下次可以有籍口再黎食晚餐了😂同埋另外呢度街外人都黎到食，個位雖然好似有啲「隔涉」，但其實由港鐵站行十零分鐘就到😂…Read More

すき家喺黃埔開咗第二間分店，預咗啱啱開張實好多人排，所以諗住遲d先試，但R君已經急不及待話要食（佢期待咗好耐==）我頭痛就乘機唔出門喇，等佢出去時順便買外賣返黎。佢買排隊嗰陣話佢前面大概有50人，多人到見唔到cashier7:26買咗一杯普通冰紅茶都要$8，有點貴7:42 拎咗，有個不織布袋裝住，好靚咁我食香蔥溫泉玉子燒肉丼（M size)一打開，溫泉蛋去咗邊？諗過唔通摭住咗或者因為我外賣所以幫我撈埋？ 中間係有d汁咁，但唔似蛋汁，同埋無蛋黃味～牛肉係好食嘅，唔韌，厚度同肉質都不錯，同埋好多蔥無咗隻溫泉蛋有d失望......牛肉燒肉雙拼丼（M size)我地一致認為個飯好䶢，好重味精。我食到一半忍唔住狂飲杯紅茶，食完之後隔咗一排都仲覺得好口渴，又飲咗成杯水排解陣味精，第二朝起身陣味仲喺度⋯⋯R君話雖然好多人排，但其實都好快就有，原本仲諗住要等半個鐘。個人覺得間唔中食下都ok，但未去到非吃不可嘅程度。…Read More

R君帶左我去兩間食店叫我二揀一，因為貓廬闊落d, 所以揀左佢（武漢肺炎肆虐，唔好坐咁迫好d)。店員只有一男一女，雖然牆上面貼左張紙寫住廚師只有一人，所以製作需時之類既字眼，但其實好快就有得食～香煎挪威三文魚意粉定食包含中華沙律、甜品、沙律同飲品塊三文魚皮好脆，三文魚同芒果醬好夾，甜甜地同少左d油膩感。（R君覺得三文魚稍為落多左少少油）蒜片鹿兒島一口牛配薯蓉牛肉幾腍，薯蓉入面有薯仔顆粒😂兩個定食都好食但份量不多，食完其實唔算飽，如果多返少少就好～店面唔太，有幾張枱同吧枱。個人覺得坐吧枱幾舒服，因為除左櫈之外，枱下面都有得晾腳😂另外仲望到入面有好多貓貓造型既杯同餐具😹圖中隻貓形碟，食完會見到碟入面既貓貓樣。店入面都有唔同既貓貓擺設同裝飾🐱帶點日系同文青風食物盤上刻有店名下次再去希望用到另一隻貓貓杯😶p.s. 食完之後先發覺原來係日本既猫の日，而我地咁啱去左貓廬食晚餐😯…Read More

長輩每逢生日都會想食北京樓，所以近年幾乎每年都會食一次。由於我對呢間中菜興趣不大，所以無乜影相。基本上每道菜分量都偏少，但最不能接受係佢個招牌菜北京填鴨，鴨肉都ok, 但d餅皮係凍既。同個侍應講，佢講左句幫我地叮下佢😟拎返番黎話換左d熱既，但其實都係凍同好油。炒年糕，有點薄。食哂所有野東坡肉都未出現，之後cancel左，加左炒年糕同炒拉麵。另外明顯人手不足，叫好耐都無人黎；落錯單，叫左改都上錯。環境方面，八點鐘熄哂燈等食客可以欣賞到海旁既幻彩詠香江。結束後無耐播「男兒當自強」音樂，我諗呢d比較適合或吸引遊客吧。結論係大家都話無下次…Read More

喺又一城行完街要覓食，某君話問去唔去睇下有間叫J S Foodies, 佢話食pancake, 都有其他野食，於是求其去左攞飛，都無睇過有咩食。大約6:45pm要等20個no. 去左Tsate行完一轉再食左包薯片，返到去仲有10個,但之後都好快，唔算等左好耐。飲品叫左Lemon Ginger入面真係有塊薑，底有堆細薑片。Fresh!經典漢堡+薯條某君話鐘意食佢個原味薯條，所以叫呢個。我覺得薯條係好食，漢堡正常，無乜特別。某君話想食呢個脆蝦野菜拼盤，所以無叫意粉。點知個拼盤原來咁大😲入面有10隻蝦，兩條秋葵同兩粒冬菇。蝦上面有少少類似七味粉。其實係好食既，d蝦都淡淡肉，但食食下好「漏」同飽😆個炸冬菇好少見，同埋好juicy。最後係期間限定蜜瓜pancake喺出面等既時候睇相以為得兩塊，點知係厚厚的三塊，六粒蜜瓜，仲有一球蜜瓜Sorbet塊pancake好軟，好滑同彈下彈下咁總結：環境乾淨，雖然比較少位但唔迫。坐吧枱既話，商場既人見到你食咩。每個位都有勾可以勾袋。枱邊有兩個插位可以叉電，我用短線啱啱好😂d侍應都幾好，會話你知有勾同埋好勤力斟水，係檸檬薄荷葉水。食物黎得幾快，整體好食但偏貴。…Read More

自從好耐之前R君發現左呢度，我地每隔一排就會黎呢到食飯，基本上d主食已經食過哂，同埋好多都好食。入面得三張枱，幾個bar枱位，出面可以開多兩張枱。每次都係食定食，即一品料理加$30轉定食，有珍珠米、味噌湯、凍豆腐同茶。今次我唔叫定食喇，我地share一個定食加串燒。雖然我地無叫，但老細好醒拎多set碗筷俾我地😂 蒜香雜菌炒野菜定食：今次咸左d,蒜味重左,但都好食鹽燒雞脾菇：好軟，好juicy左至右：蜜糖雞肉😋、醬燒豬頸肉、豚肉車厘茄係每次必叫！豚肉厚度適中，車厘茄好多汁，配搭一流！雞肉都好好味🤤金菇肥牛卷：肥牛不錯，但金菇有d實所謂人怕出名，豬怕肥。之前間舖上左飲食雜誌後，驚會多左好多人。事實上個排食過一次真係排左好耐隊🤦🏻‍♀️但直到依家質素仍保持水準👍🏻…Read More

臨時決定鋸扒，大約7點半去到排隊等位。間舖好細，舖頭出面有部點餐機，一問之下原來用信用卡或支付app俾錢，就出面自助落單，俾cash就入到舖頭先點餐。咁啱冷氣壞左，所以無冷氣，佢隔一陣就會提排緊隊既人。上菜時有紙巾鋪住幾貼心，同埋有紙圍裙。牛肋間隔膜(200g)加30可轉set,有蜆湯、汽水同沙律。我驚食唔哂所以無轉set,淨係加左汽水點餐時佢話要3個都係set,先可以任添湯同沙律。跟住我食食下，都轉埋set肩脥肉眼（200 g) set牛柳(200 g) set三種入面肩脥肉眼牛味最濃，牛肋間隔膜最淡。肉質方面，肩脥肉同牛柳易咬開，牛肋間隔膜雖然唔太易咬，但肉質比前者軟滑。我地全部都要薯蓉，無要飯。個薯蓉超滑！！！另外我地其中一人添左沙律菜🥗，個沙律菜上面灑左七味粉至於蜆湯雖然得一隻蜆，但個湯留到最後飲時都仲係好熱，不錯因為好多餐廳既湯就算蓋住，最後飲時都已經凍哂😗調味方面，試左生蒜、海鹽同芝麻燒汁。蒜同燒汁都唔太有味，相反海鹽唔錯。無冷氣之下鋸扒都幾熱，R君話見到我地熱到嘴都出埋汗，但我尚算忍受到🙈食到最後，店員好似搞過下個冷氣，所以有返少少風。p.s. 張櫈揭開可以放袋，但我地無放到，因為食到一半先發現…Read More

最近又食返許記車仔麵了～中學時期有個唔係住附近既同學介紹，反而我住附近唔知😑又細食到大，質素都無點變過，以前超平，之後加過一兩次價，但仲係平。每次我都係淨係食紫菜/通菜、牛肚、魷魚（得好少兼好快賣哂）。之後我介紹哂俾屋企人同R君食，牛肚都獲得好評。大家都隔一排又會食😂另外水餃同魚皮鮫都好食，再落埋咖哩汁超正！！！😋😋有時如果老細負責煮，佢老婆就會收錢同幫你捧埋碗麵去你個位。環境方面不算好，但都可以接受，同埋有電視睇😂…Read More

之前經過見到新開張,今日終於試到。位置有d隱蔽，我同R君提起呢度都會叫佢做「果個窿」😂。雖然外面望落隱蔽，但入面比想像中大，不過lunch time由公司行落黎好遠⋯⋯時間關係，又有餐牌圖。海蝦野菜天婦羅烏冬個set一出現已經覺得d天婦羅賣相好吸引。（我覺得食物好食之餘，賣相都好緊要，先吸引到我食同食得開心😃）隔離個客人見到都話望落唔錯。烏冬軟硬適中，但d昆布唔夠腍，湯底有濃濃的麻油味，味道中規中矩，個人覺得麻油味烏冬怪怪地。天婦羅方面，有兩隻蝦天婦羅🍤，好食！最驚喜係野菜天婦羅，特別係茄子同南瓜，麵衣唔太厚，茄子同南瓜都勁腍，茄子皮批得幾特別（下圖）。食完之後好飽，滿足左之前病既時候想食天婦羅既願望，下次有機會再試其他野😆。…Read More

上星期五同屋企人出去食飯，預先已經揀左呢間（呢個鋪位以前好似係食炸豬扒)好可惜我個日lunch食得太飽，唔太食得落晚餐😩人地明明寫住係鰻魚釜飯專門店，但偏偏我地無一個食饅魚🙈雖然我想試⋯結果我地各自叫左鐵板燒雞魂、汁燒牛肉釜同汁燒豬軟骨釜。我食雞，無乜特別，不過不失。餸下面好多飯，份量好足，我分左d飯俾屋企人都係食唔哂🙈食左一粒牛肉，好軟熟😮入面仲有淡淡既粉紅色，好味！屋企人叫左好多小食😑呢個髒髒炸香蕉叫左兩個，總共四條，叫果個話會包底😗質感幾特別，一咬落去非常熱，好似沙咁既朱古力粉包住隻蕉，好黏口同好甜，朱古力味同香蕉味都好分明，可以一試既～餃子🥟又叫左兩份⋯一口餃子咁，餡唔多。櫻花蝦炸豆腐，好多櫻花蝦😆不錯👌🏻下次有機會要試下饅魚釜飯😀…Read More

之前經過以為只賣台式飲品，到今日先知有套餐堂食。R君話因為佢晏d踢波，只會食少少野，所以揀左呢間。由於時間關係，佢影左menu俾我揀食咩。R君的煎豬扒拼花枝丸湯烏冬&凍日月潭紅茶賣相幾吸引，搞到我有d後悔無揀呢個。我食左一粒炸花枝丸（即係墨魚丸），個樣好似魚蛋😂幾彈牙同足料，唔係平時個d好實既假墨魚丸👍🏻飲左幾啖紅茶，清清地，茶味唔濃又唔太甜，不錯。我食鹽酥一口雞拼貢丸沙茶乾拌即食麵&熱蜂蜜綠茶🍵我唔鐘意食貢丸，兼其實想食有湯既野，但為了鹽酥雞而叫左呢個😗鹽酥雞外脆內嫰，貢丸都不錯，唔鐘意貢丸既我接受到，麵係普通即食麵😂起初睇menu覺得d食物偏向輕食，所以特登揀麵，望落份量有d少，驚唔飽，點知食完岩岩好。總括而言，食物味道唔鹹，唔會食完好口渴，份量適合細食或淨係想食少少野既人😀p.s. 1 紙杯設計幾特別，熱飲同凍飲（好似）都係用紙杯。p.s. 2 自己攞食物同食完要回收返餐具同餐盤。…Read More

做完運動兼練左半日仙，極度肚餓，預先吩咐友人睇定食咩。原本揀左另一間，但由於有窩夫，所以轉軚去左呢間。龍蝦汁虎蝦意大利麵龍蝦汁好濃郁，虎蝦預先剝左大部份殻，好香口又帶點黑椒味，好食👍🏻青醬野菌帶子意粉帶子係亮點✨意粉略淡帶點黑椒味。由於我地坐近門口bar枱，頭頂又對坐風口位，加上可能呢碟意粉本身攤開哂，所以好快變凍。另外仲叫左個榛子朱古力窩夫，但等左好耐，等既期間被風吹住，越坐越凍。個窩夫外觀同味道都無特別。唔單止無榛子味，仲得好少朱古力醬，搞到好dry，無幫佢影相既意欲😗明明本身係為左窩夫而黎，結果有點美中不足。…Read More

同朋友一齊染完頭髮，去左尖沙咀the one覓食。睇水牌見到寫住放學後的小時光，出於好奇去望下，係食台灣野，我俾menu個麻辣牛腱麵吸引左，好想食辣😂另外叫左杯熱百香果綠茶。環境同裝飾都幾有心思，好似一個課室咁。最盡頭有塊黑板，寫滿字同畫滿公仔。枱櫈亦好似課室既咁，但比較矮。其中一邊牆架上放左d漫畫同長頸鹿🦒細公仔，另外有d枱上亦都有毛公仔。由於我地去時唔係繁忙時間，所以點完餐後拎左西瓜🍉公仔去自己張枱😬食物方面，麻辣牛腱麵都頗辣，但唔麻既。牛腱軟硬適中，整體不錯👍🏻餐具都好文青風格。原本以為只係一杯普通既熱百香果綠茶，但飲飲下發現杯入面有隻長頸鹿🦒公仔，好得意🤣❤️朋友食綜合水餃🥟麵，亦係有點辣。最後由於係自助形式，用餐後要自己收拾同將餐盤放喺回收架。另外可以自己去cashier側邊斟水同拎紙巾。職員也很友善，個人覺得可encore。p.s. 朋友說店內播放的台灣流行曲都係佢平時聽開個d🙂…Read More

羊肉酸辣米線細碗，細碗都頗大碗，所以食細碗啱啱好。羊肉好吃，份量頗多，沒有羶味。酸辣只是加了酸菜，幾乎沒有辣味，有點失望。但相信原味都好吃。涼拌青瓜爽脆，不錯。豬頸肉沒有任何調味，個人不喜。…Read More