Foodie Lady's Profile

同友人好耐冇見，約咗喺佢公司附近食lunch。呢排鍾情泰國野，搵咗佢公司附近嘅泰國餐廳。一人一杯咖啡，友人點了斑斕咖啡，佢話幾重斑斕味，同咖啡幾夾。我叫咗熱玫瑰咖啡，真係有玫瑰味，同埋有啲玫瑰花喺面。煉奶味好重，好香好滑。春卷 - 香脆可口，點雞醬一流，又有沙律菜，中和油膩感。燒雞髀飯 - 估唔到飯底係油飯，有驚喜。雞髀燒得好出色，有焦香味。個蛋黃撈飯都好食！冬蔭功金邊粉 - 有蝦有青口，同埋湯底夠味，加咗金邊粉都唔會淡口。觀塘食lunch通常都好逼，呢間坐得舒服，好啱同友人邊傾邊食。…Read More

同友人好耐冇見，趁今日放假去銅鑼灣搵佢食lunch。大家都鍾意食日本野，就搵間靚靚哋嘅日式餐廳。一人叫咗一個lunch set，再加咗個免治雞肉棒同唐揚河蝦兩樣小食。唐揚炸蝦 - 好香口，好啱送酒免治雞肉棒 - 甜甜地好好食，同個蛋黃甜豉油好夾。椰菜絲沙律 - 超爽脆，加麻醬超惹味。三色刺身丼 - 有三文魚、吞拿魚同油甘魚，塊塊都好肥美，其中有一塊係三文魚腩，超正！套餐仲有茶碗蒸、漬物同麵豉湯。茶碗蒸好滑，冬菇調出個鮮味，好出色。牛肉壽喜燒 - 好大碟，甜甜地好好食。牛肉點埋雞肉棒個醬汁仲正。…Read More

呢排鍾情泰國菜，見到呢間係米芝蓮主廚主理嘅泰菜餐廳，又有我最想食嘅船麵，二話不說就入去食個lunch。午市時間飲品半價又唔使收茶錢，抵好多。叫咗一個青木瓜沙律、海南雞飯、豬肉船麵同甜品。泰式牛奶咖啡加珍珠 - 少甜少冰，咖啡味突出，同珍珠好夾，比台式更好飲。青木瓜沙律 - 酸酸咪咪好開胃，泰國茄子好特別，爽口清新，好啱熱辣辣天氣。泰式海南雞飯 - 油飯好煙靭，好好咬口，好食到好似食緊糯米飯咁。椰子雞湯好出色，椰子同埋雞味都好突出。豬肉船麵 - 揀咗少辣，幾多料，有豬肉丸、豬肉同豬皮。雙芒椰奶西米冰 - 食個甜品圓滿結束…Read More

同友人行街行到攰，就搵間坐得舒服嘅餐廳食個晚飯，繼續慢慢傾。行到K11對面見到新泰，之前食過其他分店，野食都唔錯，就同友人encore。兩個人叫咗兩個沙律、沙嗲串燒、Pad Thai同芒果糯米飯。泰式柚子蝦沙律 - bb辣，柚子好鮮甜，有蝦有鮮魷，幾開胃。無骨鳳爪沙律 - 酸酸辣辣，又係開胃菜。泰國嘅沙律冇得輸，好適合行到攰又熱嘅我哋，即刻開胃哂。生洋蔥一啲都唔辣，處理得好好。沙嗲串燒 - 雞肉好嫩滑，友人最愛豬，個醬都好出色，甜甜地。泰式炒金邊粉 - 大大碟，超足料。係有啲偏甜，不過有青檸酸味中和返。芒果糯米飯 - 我鍾意白色糯米，夠晒咬口同煙靭。芒果好清甜，好食！…Read More

近排放假同fd子喺淘大睇早場，睇完見肚餓喺附近搵下有咩好嘢食，見到呢間裝修好靚嘅日式火鍋店就想試試。坐低後先揀咗個日式牛骨濃湯，火鍋配料唔駛點豉油都夠味，好好食！外面估唔到有提供關東煮，拎嚟做前菜都唔錯。好少見火鍋都有得嗌三文魚刺身，味道都幾鮮甜。另外仲有啲迷你丼可以嗌，細細份易入口味道都唔錯。海鮮方面有六種可以揀，推介海蝦有成隻手指咁長大大隻，啖啖肉得嚟咬落唔腍仲好彈牙添。我哋揀嘅套餐已包SRF美國極黑牛同埋澳洲穀飼黑安格斯牛，極黑牛味道比較香甜，而安格斯牛味道就比較濃郁。豚肉同雞肉食落無乜雪味都幾好。外面自助區有大量火鍋配料任拎，最特別係連紫羽衣甘藍都有，清新鮮甜又易吸味最啱打邊爐！甜品區除咗雪糕外仲有豆腐花，食埋成餐好滿足！埋單先知原來咁啱係牛気十周年，仲送咗啲小禮物添，呢餐真係牛気充天！…Read More

之前食過大角嘴店，啲oppa會幫手燒肉，食物質素又唔錯，見沙田都開咗間，近近地就約友人去食吓。食韓國菜，有小菜係基本野，小菜都有好多選擇，我哋都refill咗幾次。一直都好想試醬油蟹，叫咗一隻過吓口癮。甜甜鹹鹹地，醃得好入味。見啲韓國人通常用蟹膏撈白飯食，今次夾飯團食，好好味喎！醬油蟹好鮮甜，食過一次就愛上！個飯團有麻油同紫菜味，同醬油蟹一齊食超夾！飯團size剛剛好，一啖醬油蟹，一啖飯團，加埋芝麻嘅飯團，就咁食都好好食。另外叫咗個烤牛排骨，超大條！同啲配菜一齊烤，好香口！肉質好嫩滑，又入味，夾埋配菜食，可以中和肉嘅油膩感，正！📍田浦食肉 (沙田)沙田石門安群街1號京瑞廣場2期地下19A號舖…Read More

同友人喺尖沙咀行街，經過呢間泰菜環境好chill，有個小露台，幾特別，就食入去食個晚飯。安格斯牛肉沙律 - 酸酸辣辣好開胃，牛肉大大塊，絕不欺場，前菜嚟講份量都幾多。馬拉盞炒芥蘭 - 好淋，好入味豬肉生菜包 - 辣辣地，味道正宗，生菜中和咗個辣味，健康好味！椰子雞湯 - 好香椰子味，椰香十足。雞肉好明顯醃過，好入味，而且好滑溜。雞湯味道濃郁，好足料。燒魷魚筒 - 好香口，燒得剛剛好，點埋酸甜汁好惹味。友人超鍾意！燒豬頸肉 - 好彈牙，炭燒味好香，大大碟好啱幾個人share。蟹肉蛋餅 - 好飽肚，可以代替carbs。好重蛋香味，點埋辣椒醬更好味。睇得出用咗好多蛋，足料到爆！以為係間酒吧，估唔到食物咁出色，款式亦夠多，價錢合理！…Read More

放假同家人去圍方行街食tea，呢度嘅海南雞飯好出名，+$10升級轉雞髀，同埋+$25叫咗個黑醬油蘿蔔糕。另外點咗個招牌蝦喇沙下午茶。文華海南雞飯 - 海南雞好滑，雞髀肉夠哂淋。三款醬汁都好味，輪住點。油飯好出色，粒粒分明。隨餐附送嘅例湯好清甜，豆腐嫩滑。果然係招牌菜！招牌蝦喇沙 - 有蝦、魚片同雞，湯底濃郁，米線亦都好好掛湯。食得出成碗喇沙係冇咩味精，唔會食完好頸渴。成碗喇沙都好足料，雖然係下午茶，但係份量都唔少。黑醬油蘿蔔糕 - 新加坡嘅黑醬油味道較甜，食到粒粒蘿蔔，小食嚟講，份量啱啱好，味道亦都好出眾。錫蘭奶茶 - 凍熱都好飲，不過熱飲茶味較突出，而且熱飲唔使加錢，抵飲！…Read More

同友人好耐冇見，喺觀塘搵咗間可以慢慢坐嘅放題聚一聚。喺駱駝漆搵到間任食串燒，我哋揀咗B餐，任食兩小時。C餐都幾抵，有和牛食，又有凍蟹腳同羊架，下次可以試吓！飲品、調味品、炸物同埋丸類、腸類、蔬菜可以喺自助櫃任揀，都好多選擇！我同友人都好鍾意食丸，所以都攞咗幾轉芝心丸、墨丸同麻吉燒。安格斯牛拼盤 - 牛板腱、牛仔粒、封門柳同牛仔骨都好高質，入口即溶，肉質嫩滑，牛味濃郁，完全比得上坊間嘅貴價燒肉店，好正！最正係扇貝，鮮甜多汁，燒到啱啱好！炸燒賣、蒜蓉焗蠔同燒韮菜呢啲熟食同樣出色，味道夠濃又惹味，起碼食咗兩三輪！呢間個環境好啱同朋友慢慢傾，食物又高質，下次會嚟試埋個C餐！…Read More

近排天氣開始轉涼，嗱嗱臨同friend去打個邊爐先。坐低冇耐侍應就擺低咗一盤四款嘅前菜俾我哋食住先，最鍾意係無骨白雲鳳爪同埋台式小香腸。飲品除咗有常見嘅紙包茶同汽水外，呢度有幾款自家製嘅飲品，水果茶仲真係有啲水果浸住，真材實料。呢間有幾款唔同嘅主食可以揀，今次就揀咗酸菜魚食。一碟份量都幾多好足料，嗌咗小辣唔算好辣易入口，食完仲有陣陣麻香。魚片大大舊好滑好入味，萵筍吸收了湯底的精華好脆好爽口。底部仲有啲寬粉，咬落好煙靭有口感。食完就可以轉食打邊爐，我哋今次揀咗豬骨湯。湯底嘅材料都好豐富，淨係豬骨都有三舊，每舊都同拳頭差唔多大，味道好濃郁。牛肉最鍾意食門封柳，牛肉香濃肉質有少少煙韌有口感。外面自助區仲有四十多款嘅食材任料，每款都有蓋蓋全安全又衛生，食物質素都唔錯。另外仲有圍裙提供夠曬貼心。…Read More

喺西環搵到呢間環境好好嘅西餐廳，餐廳裝修得好有藝術感，有畫廊嘅感覺。呢幅畫係一位香港本地藝術家嘅作品，放喺餐廳寄賣，而賣出畫作嘅收益會捐俾聯合國慈善機構，好有意義。推介🥩 Australian Tomahawk Steak賣相好靚，外皮微微燒焦，肉質仍保留肉汁且鮮嫩。本身舊扒好高質，唔使點醬汁都好好味。燒斧頭扒要好有技術先能夠令外香脆，但肉質鮮嫩。配菜都好有水準，燒番茄好鮮甜，中和肉嘅膩。好有份量嘅斧頭扒，兩個人 share都無問題！🍳Egg Benedict傳統英式 brunch，超級吸睛。蛋黃配ham同 cheese係無可挑剔，超級夾。仲有沙律菜，好健康。呢度嘅 cocktail每款都係 signature，推介！🧁 Panna Cotta with Forest Berries Compote奶凍好滑身，入口即溶。配搭酸酸甜甜嘅雜莓，好啱為全餐飯作結，一啲都唔heavy，清新嘅甜品！好滿意呢餐飯，好食好睇！…Read More

南亭串燒，我細細個就聽過呢個名架喇。趁住友人生日，就同佢嚟呢間老字號嘅居酒屋慶生。推介🍅日本蕃茄沙律 - 新鮮嘅開胃前菜，黑醋更突顯番茄嘅鮮味，加埋木魚，口感十足。🫛日本青椒仔 - 最鍾意食日本青椒，特別爽甜，燒過之後甜味更出，唔需要任何調味已經好好味。日本雞皮 - 燒過嘅雞皮好香口煙韌，一啲都唔肥膩，啲油脂已經燒香哂，好啱鍾意食雞皮但驚肥嘅我。日本香蔥豚肉卷 - 香蔥同豚肉好夾，香蔥中和咗豚肉嘅肥膩，食落fresh啲好juicy，個配搭好好！日本雞肝 - 第一次食， 燒香後入口即溶，唔膩，估唔到咁好食！忍唔住encore!友人食得好開心，估唔到cp值咁高，下次我生日都要嚟呢度慶生😆…Read More

成日心思思想食燒肉，行經銅鑼灣見下午茶有半價就諗都唔使諗即刻入去食返餐。呢間全日都唔收加一，加上下午茶時段半價，真係幾抵食！同友人點咗一個日本A4和牛三角肉同宮崎A4和牛牛肩胛套餐，配紫菜溫泉蛋飯，有埋沙律同枝豆，都好豐富。調味料都好充足，好多款醬料任揀，啱食仲可以買埋添，又俾佢諗到😂食燒肉就梗係飲啤酒啦，不過友人唔鍾意飲酒，就叫咗支裝忌廉。和牛牛肩胛勁肥美，油花滿佈，燒嘅時候勁香牛味，用嚟配飯一流！塊肉厚到好似午餐肉咁，正！和牛三角肉就冇咁多油脂，肉質感較重，唔鍾意食咁肥嘅朋友仔就可以叫呢款啦！另外要讚吓個紫菜溫泉蛋飯，加埋個燒肉汁，可以食幾碗！見佢咁抵食，忍唔住追加咗個美國牛頸脊，好香牛味，而且肉質鮮嫩，又係送飯一流！…Read More

原來六両三都有火鍋食！今日同媽咪去觀塘，順便一人一鍋打邊爐。有自助火鍋醬料，鍾意食咩慢慢揀。每人叫咗一人火鍋套餐，藥膳麻辣火鍋好抵食，有埋鴨血同豆腐，好入味！叫咗一份鹿兒島豚梅肉同澳山M7和牛後腿肉眼，豚梅肉比較軟紫口，和牛後腿肉比較結實，一定係隻牛後腿郁得多。台灣燕餃、薑母鴨丸同鱈魚丸好地道，台式火鍋先食到，係幾特別。鱈魚丸味道似花枝丸，煙煙韌，幾好食！雜菜盤份量十足，芋頭、金針菇、粟米同蒟蒻等等，種類好多，平衡返個油膩感。蒟蒻好煙韌，好好味，似年糕。最後食埋個王子麵，吸哂個湯頭，好入味！加埋個秘製醬汁，撈勻個麵，真係一流，完全唔使加調味包。媽咪食冬粉，都係好掛湯，好入味。…Read More

好鍾意食越南野，仲好哋之餘又唔會好滯好heavy。行開大圍見到有越南菜食，就同友人去醫一醫肚。點咗兩個前菜同兩個主食，食哂都唔膩！鮮蝦米紙卷 - 好大碌，又好足料。有大大隻鮮蝦、菜、紅蘿蔔同米粉，點埋個秘製醋好開胃。酸辣無骨鳳爪 - 開胃首選，好入味，無骨鳳爪真係必食！底下有好多配菜，全部都可以食埋，抵食！濱海伴香茅豬扒 - 最鍾意食濱海，將菜包埋肉同米粉點醋一齊食係最正！呢度嘅濱海係一塊塊，我出面食開係散的，反而一塊塊會食得方便啲，唔會散收收。肉碎生菜包 - 好大碟，生菜份量都好多。肉碎辣辣地好啱夾埋生菜食。食完都好飽，好滿足。食東南亞野必飲青檸梳打，呢度仲要係成罐梳打俾你倒，抵飲！…Read More