4
同友人點咗一個日本A4和牛三角肉同宮崎A4和牛牛肩胛套餐，配紫菜溫泉蛋飯，有埋沙律同枝豆，都好豐富。
調味料都好充足，好多款醬料任揀，啱食仲可以買埋添，又俾佢諗到😂
食燒肉就梗係飲啤酒啦，不過友人唔鍾意飲酒，就叫咗支裝忌廉。
和牛牛肩胛勁肥美，油花滿佈，燒嘅時候勁香牛味，用嚟配飯一流！塊肉厚到好似午餐肉咁，正！
和牛三角肉就冇咁多油脂，肉質感較重，唔鍾意食咁肥嘅朋友仔就可以叫呢款啦！
另外要讚吓個紫菜溫泉蛋飯，加埋個燒肉汁，可以食幾碗！
見佢咁抵食，忍唔住追加咗個美國牛頸脊，好香牛味，而且肉質鮮嫩，又係送飯一流！
