無神論狂徒's Profile

被門面張貼的雲吞麵照吸引。門面相拍攝技巧差，不是商業拍攝。但從相中看出應該有料到。叫了碗水餃麵。掂！湯有大地魚香，但不要預冀如一些五六十元一碗的名店，湯清味鮮，完全是誠意湯底，麵彈牙無鹼水味，麵色通透，是上乘作品。水餃足料，有筍有木耳絲。無得輸…Read More

聽太座講話呢間燒獵，都幾有名，話佢Ｄ燒獵好食云云。今日去了叫外賣作晚餐。一盒包有燒肉、叉燒、雞翼。先講燒肉，咸味夠，皮也脆，但係唔覺得特出，可能我本身唔多特別鐘意食燒肉啩～～所以冇乜研究。我個人覺得唔係特別好食。叉燒，呢家真係敗筆，唔知係咪我生口面第一次幫襯佢，佢就比Ｄ流料過我食，我都叫佢比少少肥，但係唔好大大舊肥肉果Ｄ。點知佢比果Ｄ肉，瘦到阿媽都唔認得，Ｄ肉質又乾，又粗，好似食庶渣咁～～口感已經唔掂～～到味道，一樣唔掂，一舊煲湯肉咁，都唔知有乜好食～～好食過佢的叉燒，隨時找到，大把好食過佢，求其入間酒樓叫個叉燒飯都正過佢，佢迫馬都唔係果皮，直頭係叉燒的門外漢。到雞翼，咬開冇肉汁，雞翼都幾硬身，掩味都未入到翼內，味道只停留在表面。又係唔掂。就當我唔識食燒肉，當我冇乜研究點叫好食的燒肉，但係佢的叉燒同雞翼坤唔到我，真係唔掂～～就算佢燒肉我比足佢一百分，好食到曉飛。但係叉燒同雞翼真係唔掂，各比三十分佢就差唔多。所以總合得分都係唔掂～～…Read More

去了元朗薄有名氣的祖凡尼意大利餐廳(Pizzeria Giovanni Ristorente Italiano//元朗安樂路1號明珠樓地下)。菜譜為：拿坡利薄餅燒春雞餐蕃茄天使粉個餐跟一個忌廉湯，仲有個餐包，個餐包，係少有咁正～～熱不特只，仲係脆皮，食到呢個質素的包，真係極不容易。正再來拿坡利薄餅，比在必勝客食的，冇咁脆口，個餅底軟口，而且冇乜肉，食落熱辣辣。唔差。唔算惹味，但係個人鐘意食芝士，所以幾正～～燒春雞，又係熱到跳舞！但係講滑就真係唔夠，講肉汁，又係唔夠，講滑的話，行過少少的大榮華的五味雞，滑過佢，而且肉汁就真係冇乜，但又唔算乾。有次我去東涌的東薈城的美食廣場食過一次燒春雞，果ｄ肉汁多到你唔信，果ｄ肉滑過五味雞，正到爆～～仲有香草味夠吊起雞味。所以相比底下一句到尾，佢燒春雞未到家。蕃茄天使粉偏酸，唔差，但也不見得可以令我返轉頭再點，只能不過不失。總括來說，佢的出品，個人不認為好高分，而且服務態度唔係好（雖然唔係差，但絕對唔專業，亦唔算周到），但係有一點幾好，就係所有食品都是熱辣辣，應該是即叫即製～～呢點睇得出幾有誠意。因為唔算差，而且睇在佢個餐飽份上比個笑面佢。…Read More

以前住個頭，之前佢係漢寶龍蝦，之後轉佢做。點心好多新鮮未見過的，而且都好好食，暫時未食過唔好食的食品。個炒米粉，好輕微辣，好醒胃！正！個炸菜肉片煲仔飯，飽都食光，少有咁好食～～佢仲有一味好好食的首本名菜叫芝麻脆皮雞，好食到痴線～～晚飯必食之選～～但係有一次較失望，果次隻雞有乜鮮味，好可能係雪藏貨，係果次有少少失望。但係我都比佢屬於好食～～因為佢呢間店真係好好食～～而且不貴，物超所值～…Read More

第一次去都有成兩年多前了，其首本菜為鴨腿，鴨腿超肥，唔係講笑，果舊肥膏超厚，都有成厘米咁厚，仲大大塊，味道唔係點好，淋身都算係，但唔係好食，而肥膏真係嚴重敗筆。過了一年左右又去多次，當比次機會佢翻身，但係呢次變本加厲，又係鴨，呢次鴨胸片，一口咬下，即有反胃的感覺，鴨肉超靭，完全唔係人類牙力可以分開，非用扒剧刀出盡飲奶之力狂片不可，仲要切成肉醬才能入口，但係呢個未係最惡劣的地方，最反胃的地方是肉片有濃烈的血腥同生肉的味道，完全沒有肉類應有的肉香，我都幾肯定佢根本冇煎過肉（因為太黑睇唔到），係直接切下放上碟比人食，我好懷疑係有員工有心倒米。果種反胃感覺簡直係錐心蝕骨，全身發毛。最後淨係食咗ｄ炸薯條就算數，差不多成碟都冇食。我咁大過仔，一世難忘呢次經歷，直頭有死過番生的感覺。食過最難食的食物中，佢係頭班馬，比食屎好少少。我想比味道負分數佢，佢直頭要比錢我，而我又窮途末路冇錢洗，我先會冒死睇錢份上跪地餵豬乸先會去食。但係可惜呢度零分都冇，硬係要我比一分，我才免為其難，蔽著良心比一分佢。…Read More

零五年年初去過，因為同行友人，其中一個識佢主持，所以佢送咗條魚過我哋吔，當然唔係真魚，係一條芉頭炸魚，好多齋舖都有呢味，其他加埋都有五味餸，另外白飯同湯都任裝，齋的確係清而不淡，不油不肥，係齋中上品，但食乜詳細忘記了，但印像中最刻係佢個湯，唔知點煲，用齋煲出的湯，好鮮味，不寡口，齋都煲出呢個味，好掂！佢呢度唔大，個齋堂大約得一千尺左右，同大雄寶殿比，佢細好多，而且遊人少，規模細好多，但反而有寺院的風味。在佛學上，我其也不太喜歡寶蓮寺的經營手法，佢把寺院商業化，在資本主義下，要生存，要把佛學發揚，無可口非，錢是很重要，但佢把原質定得太低，容許一些非佛學主張的行為也接受了，例如在寺內擺賣一些風水法寶、水晶一類都有得賣。而且還容許燒衣燒紙屋一類道家東西。這種為求生存、賺錢而放棄原質，已引起一些佛門人士不滿，我雖非佛門弟子，但也不喜歡他們的做法，所以我還是喜歡靈隱寺。唯一唔好，係佢交通唔方便。…Read More

等位我冇問題。食這類名店預咗等。但係食同服務都唔掂！我去過佢上海正店食,我沒有在外賣部食,我是在長興樓食，小籠包唔錯，但係出到香港就走哂樣。所以唔關是否北方口味的問題，而係佢出品係差。小籠包內的肉死死實實咁，同上海正店好有分別。我聽聞上海店的外賣部，質素較差，皮很厚，我估香港店的質素大概係上海外賣的質素。全晚食的東西，只有茶煙薰蛋係真係好食，其他連茶都唔掂。一句到尾，冇下次。仲唔改，睇佢幾時執笠～～香港新屎坑年多兩年，包佢涯唔著。除非佢肯改。…Read More

前前後食過兩三次，兩年半前食第一次，冇甚驚喜，麵不爽口彈牙（只是街頭的二、三流水準），湯不鮮甜（可以用惡劣形容），雲吞也未到水準（雖然一口一粒，但包得鬆散，未係專業），總括來說，要和麥奀、正斗之流比，還有很遠距離，老實講只屬街頭爛貨貨色，其特出之處只是蝦子出名，但其實只要「六」麵時不要「六」到淋爛，求其撒一大堆蝦子上去都會好食，沒有甚麼技術。整體唔得。第三次去食，叫了碟油菜，撒上去的菜好惡劣，係已壞了的油，好強油「益」味，湯麵上的油都一大陣油「益」味，好難食，油一旦壞了，會有致癌物質。我雖然住元朗，都算近呢間嘢，自從食完最後一次，我已黑名單了這間店子，從未再光顧。在我眼中佢只屬街頭爛貨，求其一間粉麵店都係咁上下水準。黃枝記我都認為唔掂，但同呢間嘢比，我寧顣去黃枝記好過。要我再幫襯好到底，可能只有一個原因，就是買蝦子（但我未買過）。…Read More

完全唔明佢憑乜可以取得八個笑口分數。中環店我一次都未食過。反而銅鑼灣店我食過兩三次。但每一次都失望，所以立下宏願，黃枝記不結業，誓不入店。（澳門店除外，因為澳門有不少必食的美食，次次去都未有機會試佢正店）。每次食都一定食雲吞麵，麵永遠都係淋到比街頭爛貨仲要惡劣，好狗仔粉少少，要數全港食店最淋身的雲吞麵，佢稱皇，冇人夠瞻企出稱霸，佢的Target Customer應該主打冇牙的老人家。湯的確係好，是屬於一流貨色，雲吞一口一粒，蝦及肉混合很好，也是水準之上。由於麵實在失分嚴重，其他幾好都假，廿幾銀，我去正斗、麥奀好過。食第一次失望，當佢一時失手，之後再去過一兩次，都係一而再再而三令我失望，呢條過江虫真係洽我香港人唔識食。呢個質數都可以自誇為雲吞麵高手，唔洗出動正斗、麥奀、何洪。只用名氣不足的灣仔富城、深水劉森記都足以打謝佢。拆佢對聯為「無酒安能邀月飲，有錢最好食麥奀」，一於將「雲吞」改為「麥奀」押韻一。…Read More

我對雲吞麵很有研究, 也很愛食雲吞麵。中環麥奀記我只食過一次，反而老尖同九龍塘（已執）果間食過幾次，佢係我食麵其中一間至愛。當人人都以為佢細細碗唔扺食，其實這是一個誤解。雲吞麵在傳統上傾向細碗，坊間的大大碗只是哇眾取寵的做法，其實是洽人唔識食的做法。因為雲吞麵的麵要彈牙才能叫上品，但因為麵很易淋，所以麵家一般都會滾七至十秒左右（視乎樓面多大），因為樓面大，麵會浸得愈久，亦因為麵易淋，所以傳統的雲吞麵都一定細細碗，以求人客可以盡可能在未淋前把麵送入口。至於雲吞細粒也是由於要做到一口一粒，大粒的話也只是哇眾取寵，太大粒的雲吞，一口只吃到肉，一口只食到蝦，分數口才能食畢，整粒雲吞不能一口食下，把所有肉蝦混合，這不是雲吞。太大粒一口只吃到肉，不如食肉餅，一口只食到蝦不如去食清炒蝦仁，無需把二者混合做出多此一舉的雲吞。我個人也認為真的極細碗，很不夠喉，食兩碗也不夠，但我不能否認，佢的雲吞麵真的有過人之處，比起坊間很多爛貨好得多。湯是用大地魚、蝦子煲的，味道清鮮而不俗；麵彈牙而反光；雲吞一口一粒，蝦肉比例很好，蝦增加清淡感，肉增加充實感，二者比例配合很好。…Read More

昨晚去食，佢係美心集團的。我點了：招牌炸子雞半隻芥茉炸蝦蟹肉脆茄子椒鹽炸豆腐椒鹽炸豆腐好食，同街外的很不同，極不同，我未食過這種炸豆腐，唔知點做，好好食。唔肥，好香，好滑，而且奇就奇在鬆脆，這種口感我第一次食。蟹肉脆茄子不吃不可，一定要食，唔食走寶，如入寶山空手而回，除非你口味偏濃，這個菜設計很好很夾。蟹肉是真的蟹肉，配上炸茄子，口感特出，不肥，沒有一般茄子的過滑過爛過油的情況（不會好似食鼻涕），鮮而清淡。招牌炸子雞半隻，不是雪貨，很有雞味，肉滑皮脆，不肥，做到水準，但沒有驚喜。芥苿炸蝦，菜的設計很好，是一些沾上炸粉炸的蝦，食時自行點芥苿醬，很剌激，但火可能不夠勁，炸出的效果很肥，吃一隻已頂唔著，這道菜的設計很好，很有潛力，但烹調工夫未到家，有待改進。…Read More

打電話去，問洗唔洗等位，對方說都唔洗等，所以我們二人去。去到佢竟然無啦啦同我哋留位，仲問我係咪頭先打過電話來的人。二人晚餐有沙律、蝴蠂粉茄汁辣肉腸、白汁天使麵煙三文魚配吞拿魚醬。飲涼粉豆漿，豆漿豆腐花。全部都唔錯，有質素。食我是中西合璧的混合菜種。感受到店主人的造菜誠意。名氣不大，但味道不錯，如果跑出去尖沙咀大街做，呢個質素起碼要加價五十個百份比或要貴一倍。值得去食…Read More

好食呀!最好的是小楊生煎包，好正！肉汁夠，肉不死實！好少有的質素！包底脆口！小籠包夠汁，不覺得皮易穿。好正點！迫得著老蔡食坊果間。但要在小人食的時間間去，質素控制才好，人一多，水準就不一。…Read More

去了一間叫夜上海的上海菜餐廳，地點是在老尖的馬可孛羅香港酒店六樓，還有一間在太古廣場三樓。點了多味菜，有龍井蝦仁、賽螃蟹、樟茶鴨、松子燒餅、高力豆沙、淆肉、炒上海年榚。龍井蝦仁，唔得！蝦仁勁細，細到同蝦米乾咁大，未算爽口，但算有蝦味，同出面有少少不同，但冇龍井茶味，失敗，我曾在一間香港中菜店食過同一碟菜勁有茶香味。賽螃蟹一吃就知間店龍與鳳，蛋白不滑，全碟冇鮮味，絕對收皮之劣作，完全收得皮。樟茶鴨，好脆，有煙香味，不算滑亦不算鮮，中規中矩，比個車邊合格佢。松子燒餅，即叉子燒餅的變奏，包皮幾好，其他一般，因為這道菜的技巧不高，反而高在包皮上，都不差，但亦絕對不算好。高力豆沙係甜點，冇乜研究，唔知得唔得，但我個人覺得食得過，只是豆沙太少。淆肉幾好食，醋靚。炒上海年榚，唔覺好食，同枱的人都認為不好食，而事實上我一路不欣賞這菜，去到邊我都唔會點呢道菜，只係同枱人點就照食。但部合共接近一千元，每碟菜尺寸係一般食店的一半，好似樟茶鴨成碟得個八小舊左右（真係好細舊，最大果舊好似母指咁大），一行六人，冇個食得飽，結論係不好食，也不扺食，完全不值這個價錢，比個三折我就值呢個價錢。仲有間店好似死左人咁烏燈黑火，勁黑，洗唔洗慳電慳成咁呀？！我一入門口仲以為佢未開店，真係黑到你唔信呀！…Read More

以前炮台山都冇一間係好好食，本來附近有間叫農場，雖然依家農場執晒，但果時我都認為七重天係好食過農場好多，真係好好食。…Read More