bb1211的個人專頁

當初訂呢間就諗住可以望下海食生日飯，都知食物質素一般般，點知…首先當日下午餐廳打嚟confirm booking，然後就話window seat要最低消費$600加一，都唔緊要，諗住無乜幾何。去到一坐低已經無招呼，檯上有壺茶，自己斟茶都算，杯茶一飲原來係凍，我哋睇緊menu既時候，waitress 攞走我哋壺茶，又無俾翻我哋，起初以為佢哋唔記得咗，後尾睇下人哋檯檯都有壹茶，有客入黎坐waitress 都會主動幫手斟茶。於是我追翻waitress 俾翻壺茶，都等咗一段時間先肯俾翻壺茶我由落單開始計45分鐘都係黎咗2款食物同2杯嘢飲，開始覺得奇怪，點解其他檯嘢食不停黎，但我哋無其他嘢食，我開始追…點知waitress同我哋講，佢落單張紙唔見咗，但唔記得我哋要乜，話而家再幫我哋落翻我內心好嬲，餐廳又唔係好多客，都坐唔滿，咁都會漏單….食物味道比一般更有改善空間，天婦羅蝦唔脆，沙律醬好少。軟殼蟹手卷一般鐵板牛排好咸，薯條係凍又淋今次應該係我最後一次黎呢間食…查看更多

胃口麻麻但又想食嘢，路過諗住求其無要求下食一碗米線，叫咗炸醬，墨魚頭，貢丸。碗米線來到，估唔到米線份量好少，比平時食開嗰d小鍋米線少咗一半，炸醬味道好淡而無味，墨魚頭好韌，好似刷膠咁完全咬唔開，好似白灼咁完全無味，又吞唔到，喺個口度爭扎咗好耐，好想吐翻出嚟，$8得少小幾粒貢丸係好普通但總算食得落口，食完呢碗3餸米線真係唔飽無胃口之中都好似無嘢落肚咁，食咗等於無食，清清淡淡既一餐，唔識點形容。應該唔會有下次。…查看更多

首先一早黎到要排隊唔緊要，檯檯坐滿，明明可以攞飛 2個樓面忙到完全無視出面等檯既人都算，我等了又等，終於有位，坐低之後我叫咗個侍應落單，等咗10分鐘覺得好奇怪，嘢飲都無，隔離檯黎到落單無耐就有嘢食，追問侍應有無幫我哋落單，佢話check咗電腦，無我哋呢張檯資料，好嬲呀，原本諗住一走了之，唉，但又覺得既然等咗咁耐，都俾多次機會佢，最後我都沉住氣又無奈地再落單繼續等待，大約10分鐘，終於有得食可能廚房真係太忙，連碗都洗唔切，要用外賣盒裝，蕃茄濃湯=好淡蕃茄水，雪菜肉絲米粉唔知點解落咗好多蝦米一齊煮，蝦米勁硬，好難咬，湯又勁鹹，飲幾杯水先得，咖啡好淡無咖啡味，餐包好乾又凍冰冰總之份早餐令人好不愉快真係估唔到差不多$50一份早餐質素同服務都令人失望…查看更多

晚上周圍搵，間間都排長龍等位。剛好路過望下門口餐牌，店員話有位唔洗等，仲話好好食嫁，入嚟試下啦唉，估唔到原來有伏味紅燒牛肉麵，麵好厚，厚到癡實有舊麵粉，儘力食咗幾啖咁多，牛肉好韌又硬，唔識點形容花雕醉雞卷食落去完全無花雕酒味，嗅落去都係無酒味，雞肉扎得好實，但一d肉味都無，勉強食咗2片芋泥雞蛋餡餅，我唔知點講，總之所有食材就好唔夾啦，我都儘力食咗一半以上三款都喺餐牌寫必食，可惜同我心目中合格還有距離唔知點解店員會覺得好好食…查看更多

路過見下午茶合理價，同朋友一齊入去試。首先service係ok既，由俾餐具就知。下午茶叫咗個溫泉蛋卡邦尼意粉，青咖哩配法包，可能我真係好肚餓，青咖哩得幾粒雞粒，3小片法包滿足唔到我，所以我再鯨吞朋友叫既卡邦尼意粉，先有滿足感覺，我心諗如果可以食多個芝士蛋糕就perfect啦，但可惜朋友唔肚餓，無叫蛋糕食。杯咖啡味道差d，味道好香，但飲落無乜咖啡味。廁所門鎖怪怪的，差啲出唔翻黎。整體食物質素係ok, 但份量最好加20%，尤其青咖哩真係好少，幾啖就食完。…查看更多

所謂的2人龍蝦套餐，得失咗朋友生日飯首先個湯，有唔真實既龍蝦味，同幾粒蝦肉，味道唔識形容 龍蝦芝士通心粉，味道正常，但好難將龍蝦肉同鋏分離，最後終於咬到d蝦肉出黎，出奇地d蝦肉好實，好似雞胸咁質地唯一驚喜喺龍蝦pizza，黎到淋d酒，然後點火，薄餅皮好薄，偏硬，而且好快凍，唔洗10分鐘，薄餅皮已經好硬好難咬開 份量好少，而且杯嘢飲催咗2次都未黎，到我哋食晒d嘢再催2次，終於黎差d渴死原本呢餐慶祝朋友生日，點知令佢有點失望…查看更多

話說今日路過見有下午茶，就試下$42鴨肉湯河，等咗差不多15分鐘終於有得食，首先飲湯係唔熱，微暖，味道好似豉油咁咸完全無泰國風味，再搞吓河粉下面，全部係芽菜，河粉就係眼見面頭幾塊份量同我想像中有好大落差鴨肉好似白灼咁唔識形容，豬紅咸到呢我完全未食過咁咸既豬紅，比湯更咸，河粉一塊塊大既出面真係好少見，因為成碗嘢都唔熱，又咸，呢種唔凍唔熱既感覺，令我想快啲食完快啲走無諗過$42質素係咁，下次都係食飯穩陣啲…查看更多

滿懷希望放工趕去食，點知去到7:30pm左右，被通知所有魚腩，魚餃已賣晒唯有食翻平淡既牛筋牛腩，同豬軟骨，跟魚湯，加$3試吓醉鮮麵... 首先講魚湯，一啲魚味都無，好似水一般清淡，麵質係少少透明好似檬粉咁但又好似米粉咁，口感同米粉無乜分別而且係無味，唔知食緊乜不過勝在夠大碗。再講下牛腩牛筋，牛腩有d韌有d鞋口又太大舊，牛筋正常淋，較牛腩入味，正常柱侯咁既味道。豬軟骨係我第一次見係橙色汁味道好奇怪，唔似茄汁唔知係乜汁煮，汁味道好奇怪，豬軟骨肉係夠淋，但心諗其實用翻煮牛腩個汁咪好囉個汁我唔太like勉強食咗一半都唔想食落去呢餐真係唔知點形容可能係我唔識欣賞…查看更多

新開諗住試吓，夜晚8:30來到都要排隊等位，心諗有無咁好食吖。原本諗住食阿里山燒雞腿便當，點知燒雞腿賣晒唯有叫香煎沙朗滷肉便當，醬燒豬軟骨肉燥乾拌麵，滷水小食拼盤。落咗單侍應口頭覆一次，點知另一個人打單，又叫我哋再對多次張單啱唔啱點解要客核對入單有無錯？可能係我期望太高，便當份量比想像中少塊牛扒太細，所以睇落好少，食落好韌好鞋，飯太淋太軟。滷水小食拼盤，雞翼無乜滷水味，而且好淺色，豬耳有3條，好韌，雞蛋普通正常。醬燒豬軟骨肉燥乾拌麵，唔知點解俾錯公仔麵我不過佢新開就算，後來先發覺原本麵唔係用公仔麵，除非寫單時揀公仔麵當佢新開亂晒龍，又唔想浪費食物，無叫佢換...豬軟骨正常味道。最後俾錢好有問題，3個客排隊等俾錢，但無一個樓面既人肯收，等咗好耐廚房終於有人出來收錢，仲要無帶口罩，用衫領遮住個咀就算好唔衛生。整體來講有點失望，新開運作上未完全流暢，餐牌圖片太細又少，唔知食物係點樣，所以仲有好大改善空間。…查看更多

中式糖水好多工夫，所以多數睇落老土，但呢間特別在有花心思設計，而且令你滿載而歸。呢間係我食過最真材實料，絕對唔hea, 味道啖啖濃郁。可能好肚餓，好勁好味，唔洗幾分鐘，已經鯨吞咗落肚。呢間糖水舖真係值得再encore杏汁蓮子燉百合好有杏仁味，杏汁好杰好正，蓮子爽脆又香口，百合又多，份量十足，啖啖都好豐富有驚喜吖沙沙合桃糊淨係賣相都贏晒，啖啖合桃好有口感，合桃糊香滑，成碗嘢好實在，真俾想叫多碗打包食過真係翻唔到轉頭，特別係凍天食暖凹凹…查看更多

開心星期五當然要出街食晚飯，呢間個名好耐以前已經聽過，但未食過，今次終於有機會試下。上網search，menu好似無變過，但都有唔少粉絲等位食，心理上都對呢間有翻d信心。紐西蘭肉眼中間好大舊肥膏同筋，要花氣力切走先食到d肉，肉眼質地較韌同鞋，但都有肉味，薯條好幼，好似幼過老麥，感覺有d空，其實味道係唔差，價錢合理，不過有少少改善空間。千島海鮮薄餅餅皮好薄，配料都多，芝士適中，雖然等耐少少，但都值得。疫情關係，座位有限，所以等位耐咗少少，可以理解。…查看更多

光榮結業前點都要食多次，回味一下魚肉春卷雖然外型好樣衰，但最好味一刻係剛剛炸起，外脆內軟嗰時，不過好難遇到，因為你永遠唔知幾時剛剛炸起仲有舊牛筋味道非常濃郁，燜得勁淋好膠好正。可惜呢度特色係碗麵份量真係好細，雙拼的話牛筋得2粒，食完真係無乜感覺，好想叫多碗但又驚俾人笑大食，而且服務態度麻麻地，最好去到坐得即刻叫唔好諗食乜優勝之處係夠懷舊，港式風味難捨難忘，食咗N咁多年，始終都要光榮結業，希望後會有期。…查看更多

之前食過另一間砂鍋雞堅唔錯，諗住試下呢間比較下。深水埗呢間砂鍋雞款式小d，但有多款唔同小食，當晚腸胃有d唔舒服，唔敢叫麻辣小吃，唯有叫醉三寶試下，牛脷係好淋好滑，但薰碲好鞋，差少少，豬肚無乜特別，但$62一碟冷盤有d貴(因為砂鍋雞都係$68)，呢碟冷盤我個人唔鐘意地方係有桂花。講翻砂鍋胡椒雞，首先湯太多蓋過晒所有材料，第一啖湯飲落好清好水，無雞味但湯面好多油，胡椒味唔夠，雞肉係滑，不過真係無乜雞味好奇怪，銀針粉普通。砂鍋醉藥雞一樣係湯好多，味道重d不過藥材/酒味味蓋過雞味，雞肉都係滑。整體係唔差，不過湯底仲有改善空間，而且砂鍋款式唔夠多。可能我先入為主，比較之下覺得另一間好味d。…查看更多

難得早收工，當然要孖公仔撐枱腳第一次來食，就試吓安格斯牛肉得唔得。安格斯牛肉豚骨湯拉麵比想像中大碗，牛肉超薄切，但都好多，食極都有，湯底同麵質OK安格斯牛肉鍋配白飯，轉地獄湯牛肉賣相都靚，湯底好吸引，確實幾辣但好惹味。牛肉都好新鮮，唔錯炸和風甘栗紫薯餅出奇地入面真係有幾粒栗子，炸得外脆内軟，平時少食炸嘢今次我都食晒炸香草北海道南瓜餅又係外脆内軟，但食唔出有香草，但南瓜都好味但我覺得紫薯餅好味啲特別d 整體來講都唔錯，餐廳都滿座，下次再黎食…查看更多

天氣開始熱，想食泰國菜醒神開胃，特登黎食，雖然離地鐵站遠咗少少，但為食無計2個人就點咗2樣餸，雖然等咗成粒鐘，但值得等，因為好好味，仲食到勁飽。黃金咖哩蟹肉海鮮包 咖哩同包簡直係完美配搭，仲要勁多咖哩淋濕個包度食先正送飯一流，不過配包已經好夠 泰式甜酸脆炸魚等咗成粒鐘先黎，不過真係好考功夫菜式魚肉預先切好晒先煮方便夾黎食，汁偏酸咗少少，不過都好食雖然環境麻麻，但嗰晚見廚房出咗好多外賣，證明好多街坊都幫…查看更多