到到食's Profile

見到"冰室"二字，好奇地入去試試裝修幾懷舊，但單人卡位偏窄，中間擺放幾張8人卡位枱。看餐牌，以銅鑼灣價錢計唔算貴，但選擇真係一般般叫了個常餐(好似係)牛油多士: 三角形厚多士兩塊，一塊搽了牛油，一塊沒有牛油，真奇特火腿煎蛋: 火腿焦焦地，但超油，隻蛋好削叉燒湯意: 份量大，叉燒賣相唔得，因為無落色素，黑"蚊蚊"，但食落算ok，意粉及湯偏淡，唔夠味，另有兩棵生菜，但浸過火了。呢度凍飲+$3，所以叫了熱檸茶，呢杯味道唔錯，中上級。綜合係: 我寧願去食華星囉！…Read More

今日中午，路經此地，被常餐嘅咖喱雞扒撈公仔麵所吸引，大大隻字$26，無留意細節，咁就踩左陷阱。先講述飲品價錢(原價): 熱飲$11/凍飲$13/紅豆冰$16入到去，叫了常餐C，有牛油多士、火腿奄列、咖喱雞扒撈公仔麵，$26，以為好抵啦！原來呢度d餐係唔包飲品的。再望細字(飲品一律半價)就望望drink list，種類係有好多呀！我見有半價，飲紅豆冰都只係+$8，三分鐘後，侍應同我講，無紅豆冰。中午時間連紅豆冰咁common都無，無你寫出來做乜。算，再看drink list，叫了熱朱古力，有半價，即係$11/2，等於$5.5啦！看看記錄咭，點解侍應係寫$6呢？便搵侍應詢問侍應A:係加6蚊架！我: 但熱飲原價係$11，半價應是$5.5，為何是$6？？侍應A: 我地呢度4捨5入我: 任何一個餐牌、牆壁餐牌、或當眼處，都無寫是4捨5入，你點解會收我$6呢？咁我想搵你老細。侍應A: (佢算識做，乜都攬上身)係我唔岩，我之前無講清楚侍應B: (走埋黎)同佢取消佢囉！(串爆)我:你咁樣唔岩嘛！陰D陰D就收多客人5毫(雖然5毫真係唔係多，但原則問題，一定據理力爭)(可能係午飯時間，佢唔想影響其他食客，最後改記錄咭為+$5.5)講返個餐，個雞扒撈公(唔係丁，丁要+$3)OK啦！咖喱味都OK，雞扒都幾大件多士係一整片開二，薄的，牛油都幾足，奄列就乾左D，但份量幾大。食完個餐，埋單係$26+$5.5=$31.5，攞$40去找，個阿毛收銀仲要俾說話我聽收銀阿毛: 我地呢度4捨5入架！我: 我見唔到你地餐牌係咁寫喎！你搵出黎俾我睇呀！疑似老闆: 俾佢啦！俾佢啦！仲態度惡劣地揚手叫我走啦！走啦！當時真係火都黎埋，促成我第一次打去消委會投訴，點知........:(:(:(是否官商勾結？？消委會人員: 我會記錄底你嘅投訴，或會作出勸籲，咁即係消委會都無實權，真係廢廢地。表面上，呢間係算平呀！午餐係$25(連湯)，但大熱天時，D客人都會加杯飲品，埋單咪又係過$30，呢D掩眼法，只係係度玩數字遊戲啫！可能港島區D人唔置在一角幾毫啦！我都係返九龍食算吧！詳細寫呢篇食評，係想多D人知道呢間店嘅騙人手法，唔好重蹈我嘅覆轍提外話: 佢話4捨5入，我將單都係$31.5啫！十位數都未到5字，是否可以拍拍籮柚走人呢？…Read More

早餐黎計，$25係貴的餐包括有雙蛋、菠蘿飽、腿通，飲凍檸茶煎雙蛋可以做到出水嘅，不知何因！火腿通，太淋，唔好食下次寧願去華星算吧…Read More

看看餐牌，早餐都有好多選擇我叫了傳統的早餐"雙"蛋+1餐肉沙牛麵，麵係出前一丁係多士，唔駛加錢冷熱飲品同價，又唔駛+$2早餐唔駛加一埋單係$22多士、出前一丁、多左隻蛋、凍飲唔駛+$2通常都可以獨佔一張枱，加上有電視，絕對超值啦！…Read More

可能係平日，菜色選擇方面，比節日已經多左好多3個人叫了一個$228套餐斑仔1條 肉好韌，蒸過火燒腩1碟 約15-18件(唔記得)但每件只係約1cm x 1cm x 3cm，兩件一口都得珍菌煮時蔬 點知係娃娃菜另叫了一隻鹽焗雞$58一般啦！但略細隻囉！再叫了3 個白飯但埋單要$385？？吓！質素好一般咋喎！條數係咁計228+58+24(三個飯)+30(茶錢)+10(餐前小食)x1.1(加一)=385餐前小食無得取消，焗俾但最火係，佢俾咩茶我咁巴閉呀？要收$10/位呢間簡直係謀人寺，大家千祈唔好再做水魚俾佢劏等執吧！…Read More

去黃金砌機，要等45分鐘，唯有去附近搵下野食，路經上址，入去試下，點知.........當時未夠2點，入到去，點解得一枱客嘅？都深知不妙，揭個menu，望望套餐，乜套餐唔係應該包飲品咩？點解係以"優惠價"加錢先有？望了幾望，最穩陣都係叫個海南雞飯套餐唔包餐飲，咪飲碗冬瓜湯，味道一般，分量唔夠到碟飯，乾左d，唔香，雞都係一般，隨飯碟醬係幾開胃嘅，d飯如果用碗裝感覺會好d。從下面食家d圖看到，對筷子係用有logo嘅筷子套入住，唔駛問，都係會循環再用啦！整體以$40呢個價錢，分量係偏細囉！無下次…Read More

有日途經筲箕灣，便順道尋訪一下呢間食店，當日下午3-4時，已有多人排隊買，當中大部份人都係買格仔餅，而雞蛋仔就.......會叫"後面有無人淨係買雞蛋仔？"可見應該係格仔餅比較受歡迎。價錢$10/底，一般啦！2底$18在排隊的過程中，望住佢即做，望下個招牌"低調高手"？？再望下佢整，下，要用計時器嘅？咁都算係高手？佢做d雞蛋仔同格仔餅，普遍都係黐住個模，而且偏燶，過了些火位。如果左較慢d火，應該會好食d。我為唔想排隊，叫了雞蛋仔，坐在電車上食，佢開嘅蛋漿係唔錯嘅，外脆內軟，拍得住"昔日""牛下"果檔，當然後者今非昔比啦！總括來說，是可以一試的。…Read More

今日去飲中午茶，款式其實唔算多，特別在有d飽款可以逐個叫，價錢算貴，樓面偏細。是次叫了以下點心1) 孖寶套餐....一口糯米飽，金銀菜豬骨粥 糯米飽無食過，碗粥ok，但第一次見用白菜煲粥2) 布拉腸粉，厚度絕對有2mm厚，似芝蔴卷3) 鮮竹卷，個汁太鹹，件卷都ok4) 蝦餃，偏鹹左少少，皮係ok的5) 春卷，呢個一定唔得，卷得幼幼的，但內裡只食到芋頭，用千年油炸，整體感覺似食油炸鬼6) 黑白芝蔴茸飽，呢個算係最好食嘅一款，飽皮混入了黑芝蔴，灰灰黑黑，幾特別，內裡係普通蔴茸餡d餐具真係好殘呀！中午價，小點18.8，中點23.8咁嘅價，唔值囉！…Read More

牛下真係一個臥虎藏龍之地今次叫了一個午餐(包括有火腿奄列、牛油多士、叉燒炒意粉、餐茶一杯)只收$22(凍飲+$2)一般茶餐廳，呢個價邊可能有炒意粉，仲要唔係方包，係多士奄列有水準，有蛋汁，夠滑。茶就一般啦！相比之下，覺得同佐敦澳洲不相伯仲，但澳洲要收$26(凍飲+$2)…Read More

自從無左套餐，感覺上真係唔抵食。飲品大大杯，幾好味。奄列 是否無做套餐，廚師少做了，導致水準參差，對面食客有蛋汁、又滑，但我碟蛋白多，底層還是暗黑的(懷疑是否隻蛋壞左)，唯一不變的係份量大大份。我寧願俾貴少少，有番個套餐就好啦！…Read More

新年前開始裝修，拆左卡位，改為全部圓枱。星期日早上去飲茶，都已經唔係多人，但班服務生嘅態度奇差。約10點到，但到近1025才發現有早市特價點心(至1030，以入單計)，諗住即剔即俾服務生，果時都係1027，個女部長望望錶，話無啦！十點半啦！我都算，點知佢轉頭仲要向我們說:「你地一早黎到又唔入紙。」，真係火到黎埋。明明果時都未到十點半，一係你收晒d點心紙啦！之後叫了幾碟點心，有幾碟都ok，但有些點了好耐仲未上枱(山竹牛肉同鴨腳扎)，幾經辛苦，終於有得食啦！(己等了超過25分鐘)，駛唔駛蒸咁耐呀！點知佢地真係高手，即叫即蒸可以蒸到上枱時無煙出，但內裡係熱的，都唔知蒸完放左廚房幾耐。問服務生取碟辣椒醬，叫了三次至有。好彩，係食點心，唔係食點心籠，其點心籠污漕無比。走時還聽到其他食客話碟點心有"味"，叫部長取消。真係無下一次。都未坐滿都已經係咁，坐滿都唔知點算(應該無可能會發生)…Read More

我同樓下食家一樣，平日晚上7點去，但店內一位顧客都無。點了白汁海鮮仙人掌麵，韓汁牛肉rosemary麵。白汁海鮮仙人掌麵，海鮮算多，芝士味濃，麵都ok，稍嫌係芝士汁太杰，稀返小小就好。韓汁牛肉rosemary麵，用肥牛製作，小小辣，麵都ok。雖然係停車場境，遠有golf場，但算開揚。整體說真係唔差，大家不妨一試。…Read More

見這間餐廳咁多食評，不妨走去一試。其實經過就多，但就是吸引唔到我入去食囉！點了牛蛋腸麵、凍檸茶。但落單只聽見佢說"一個牛麵"，但來時已經有蛋、腸。即說明蛋、腸...等是一早己經煎好的。講真，碗麵來到已經唔係咁吸引，湯都唔清，太多淥牛肉時的雜質。餐具就已放埋落碗麵到，但個柄還有很多水，都忍。用匙攪兩攪，就見到一粒黑色物體，初時以為係鑊"low"，望真d，原來係小強。我就同一個伙計講，碗麵入面有隻野呀，佢就答，有咩呀？仲唔係好想換，其實當時隔離就坐左一個衛生幫，可以投訴，不過最后都無。個位姐姐嘅語氣真係講到我屈佢咁，離晒大譜。到第二碗面來時，賣相仍是一樣，唔吸引，腸仔係幾好食，牛肉份量都好多，味道都唔差，但個麵就差到無倫，太糊口。餐牌還寫齋麵$14，值嗎？…Read More

初次去東龍島，人生路不熟。盲摸摸入了一間叫合全士多(因為近碼頭，加上未食早餐)，簡直係一間黑店。點了餐蛋麵，隻碗都唔知有無洗，是黑色的(本是白色)。湯淡而無味，碗邊有蟻，點知湯內還有一隻已死去的蚊，凍檸荼唔甜唔酸都唔知係乜。大家千祈唔好去食。算做食完，行多15分鐘，見到另一間士多....假日士多。由於剛剛食飽，只好先遊島，臨走再來食。同樣點了餐蛋麵。一看，就知是用心製作的。香，真係香，麻油麵。碗細細，但好足料，蛋同午餐肉都煎得好香。麵好似係公仔麵，唔係出前一丁，湯都好好飲。還有一棵菜。絕對有公仔麵嘅神粹，值得推介。假日士多，平過合全，又乾淨，又熱情，又好食，稱得上為平、靚、正。…Read More

星期六晚上，上環區人流唔多，就走去試大家樂的火煱，叫了一個雜錦煱。雖然地方唔大，但人唔多，一個火煱食左1個半小時。由於之前已試過美心的，都係覺得美心好食d。先講主打，魚滑，美心是墨魚滑，而大家樂只是用魚滑的，差很多，美心的食到墨魚，大家樂的一pat pat，唔好食。往年船邊有幾粒魚蛋，超彈牙，現由魚滑代替，我寧願食往年的魚蛋。無左魚蛋，換了豬肉丸，諗住仲好啦！點知，粒豬肉丸又係淋pat pat，原來大家樂一早為粒丸舖定後路，每張枱的廣告牌寫明是用頂級"梅頭肉"製成，即係"霉"啦！其他的大致上ok啦！但這裡有些培訓員工真係還需要些時間訓練，我見到有個客人杯汽水未飲晒，佢就收左。算啦！俾個機會佢，希望個經理會提點下屬啦！…Read More