kwokcrystal8's Profile

前一排疫情冇咁嚴重嘅時候，幾次經過都見到keep住有人排隊，搞到我都心思思想知道究竟呢間餐廳有啲乜嘢魔力 ，所以就帶咗屋企人一齊過嚟試吓依間新開嘅餐廳☺️。呢間餐廳位置比較隱蔽，係喺太古城住宅區嘅地下，就唔喺商場入面嘅。不過大家都唔使擔心，其實佢距離誠品書店都只係一條街嘅距離，沿途都有瓦遮頭，好易去。 餐廳整體嘅裝修都好貼近依家流行嘅簡單日系風，而且因為疫情關係，卡位嘅位置只可以兩個人坐，所以可以下午茶時段都可以坐得闊落甘過嚟食個靚靚pancake🥞啖杯咖啡☕️。我屋企人比較鍾意食鹹食所以就嗌咗一個All Day Breakfast。而我自己就係好鍾意食tiramisu既，見到佢個Menu有Tiramisu配pancake就忍唔住嗌咗。🍽All Day Breakfast 全日早餐 $112 (+$32)當時太肚餓啦就冇影低，整體來講不過不失，呢個價錢喺附近都有類似嘅選擇。我哋有額外再加$32試下佢個咖啡，又真係唔錯。平時飲焦糖咖啡好易會太甜，但係呢一個冇死甜之餘仲有啲脆脆增加口感。🥞Tiramisu Soufflé 提拉米蘇疏乎厘 $128終於去到我哋嘅重頭戲喇！第一啖梗係要試吓我最鍾意嘅Tiramisu ，不過竟然不似預期，第一下吉落去個蛋糕度嘅時候，啲手指餅竟然仲係硬既，仲未比咖啡酒浸好🥺 係呢一個位有少少失望，不過其實隻味道係唔錯嘅，mousse都係滑嘅。之後就試吓佢個疏乎厘啦，食咗第一啖就知道點解佢會擺咗落去餐廳名，真係好軟綿綿好滑好有蛋香❤️❤️，一擺落口唔使點樣咬就係個口裏面化開咗🤤🤤。想再滑啲嘅可以加埋啲cream一齊食，都係非常之輕盈唔油膩。連我媽咪唔係好中意食甜品嘅都讚不絕口，之後仲有專登去食添😆。 所以推薦大家可以去試吓佢嘅疏乎厘揀其他配菜就唔會中伏喇👍…Read More

想介紹下依間我成日心思思番去食嘅燒賣❤️，我認為佢嘅椒鹽燒賣係完全值得燒賣關注組既注意！佢就係燒賣王子，係藍田地鐵站出去上兩三條扶手梯就去到啟田商場嗰邊，有好多賣外賣嘅舖頭仔，其中一間就係佢。唔係點需要排隊但Keep住都見到有人流係度嘅，多數都係叫佢嘅煎釀三寶同埋椒鹽燒賣。見到佢嘅煎釀三寶都係即刻喺廚房裏面整啲魚肉落去係好新鮮嘅。講返正題先，因為佢啲椒鹽燒賣係即炸嘅，所以嗌完都要等成10分鐘先有，不過等待係值得㗎😋！上到手真係熱辣辣🔥，雖然佢係冇堂食嘅位置啦，我都忍唔住即刻除咗個口罩食兩粒先。$20有八粒，粒粒都炸到金黃色，勁脆勁熱氣，咬落去好飽滿，真係會覺得裏面軟得黎又彈牙。味道方面佢魚味唔係算係好濃嘅，但係我就係鍾意佢呢一種街頭風味，再加上佢係椒鹽口味，成件事就即刻升華咗😍。由於趕住返屋企，咁另一半就攞返屋企食。過咗半個鐘其實都冇之前咁脆，建議可以擺落氣炸鍋或者焗爐咁就可以keep住原汁原味啦。附近都有其他台灣蚵仔麵、豪大大、清玉等等，想來個小型掃街都可以嚟，一定食飽你！…Read More

好耐冇見嘅朋友帶左我黎依間打卡cafe，本身只係諗住專登化好妝襯好衫黎影啲靚靚相，點知連野食都掂！餐廳位於大角咀比較罕有嘅屋苑式住宅，建築風格充滿歐陸宮廷feel，屋苑入口都有好多好似大理石嘅拱門石柱，一睇就知道係打卡嘅好地方。商場入口比較隱密，搭lift會比較方便，上一層出lift就到。好彩我地大概4點去到都唔洗等位，不過建議大家想打個最靚嘅卡的話，可以早兩三個鐘到，一黎KOL打卡位已經俾其他更勤力既港女坐左，二黎早D到日光會猛D，係窗邊影人影食物都更有日本小清新feel！☕️Flat White & DirtyAfternoon Tea 一定唔少得歎咖啡～Flat White 就咁睇都覺得好得意唔捨得飲，係一隻好精緻既海馬呀❤️Dirty 就爭少少，本身expect一個好靚既漸變層，會睇到一絲絲咁，但係黎到只係見到2個好分明既分層。。。 但整體黎講都咖啡豆味濃既👍🍝白酒巴馬臣芝士忌廉虎蝦焗意粉每條意粉都沾滿巴馬臣芝士但一啲都唔漏，芝士控一定要嗌！啲蝦比意粉仲多，好足料又彈牙。平時好驚蒜片嘅我都覺得好夾，太好食啦，略嫌細份唔夠食呀～🥞焦糖香蕉Pancake Pancake texture係比較實淨，不過加埋有焦糖面既香蕉同cream，又幾好食wor！最重要個pancake係送嘅，梗係特別好味啦🥰 點解有得送？嗌多個$200就送pancake啦🤪建議過黎影相著裸色、牛油果色、淺粉紅色就最襯個環境，最緊要係隻色要飽和度低，咁就最有小清新風啦😎…Read More

排隊既熱潮好似終於平息左d，趁依家少d人，就約左個朋友去食依間日本野，上openrice book唔洗排隊最開心啦～因為我地得兩個人，所以剩係嗌左啲signature野，整體食物質素係唔錯，係坐得比較逼同埋座位就係咁岩被安排係reception唔夠兩米嘅隔離，有d失分。🍱三色丼 女仔就係鍾意一個一個collection咁買，食飯都唔例外。一個價錢試三樣野，真係好幸福。上到黎賣相已經好吸引，三個小丼飯分別鋪滿吞拿魚蓉、海膽同蟹肉蟹膏，見到都舔舔脷。吞拿魚蓉丼正常發揮，海膽鮮甜一啲都唔腥，啲蟹肉蟹膏加上特別調製既醋飯就超級滿足！🍣超特選壽司拼盤又係唔駛用腦既選擇，最鍾意係佢個鰻魚壽司，就黎長過隻碟！😆仲有第一次食蟹肉壽司就係獻俾依間餐廳，個人覺得蝦肉被蟹肉彈牙。😛…Read More

朋友介紹左一間係K11 Musea 既餐廳話好好食， 趁去附近睇戲就順便試埋。不過openrice剩係可以去book平日，星期六日就要自己打電話啦。依間餐廳分開左indoor同open area，indoor就比較grand同有貴族氣派啲，open area 就闊落d可以睇埋K11 Musea 既中庭。我地就去左open area揀位坐，因為我地有四個人，就冇坐近個signature既golden ball影打卡相，反而揀左sofa位坐得舒服啲。（下次過黎食afternoon tea一定會揀個近欄杆既位打卡！）Lunch time 有個ciao 套餐menu，不過我地趕住睇戲，就決定散嗌。首先介紹左個Salad先~🥗義大利黑毛豬煙肉金槍魚核桃沙律 配香草油醋汁 $124因為我係一個注重CP值既人，平時出街都好少叫沙律，但係依個就真係有驚喜！佢個黑毛豬煙肉唔係普通既煙肉片，而係一粒粒岩岩炒好既五花肉甘，超淋，加埋啲沙律菜同個醋汁真係好夾又開胃。🍙義大利傳統手工黑松露流心芝士飯糰 $97依個都幾得意，簡單黎講就係炸左既飯糰，雖然佢其貌不揚，但係其實味道唔錯，仲有芝士可以拉絲～🍳義大利特色早午餐 配經典米蘭咖啡 $151個brunch一定要介紹下，一上到黎已經覺得物超所值，唔係簡單既茄汁豆、煙三文魚同牛角包，而係誠意滿滿既巴馬火腿、芝士番茄焗雞柳、蛋白蘑菇煙肉捲、炒薯仔粒同烤蒜香義大利包片。巴馬火腿同蒜容包真好夾，我最鍾意既係佢個芝士番茄焗雞柳，最重要係個雞又好滑冇鞋鞋颯颯。🧁果盤tart set $128知道依度出名pastry，就算幾飽都要試下。少少失望佢個擺盤，就咁一個碟上曬一打tart... 不過係幾好味既，個tart皮一d都唔膩又脆，custard味好rich，仲有果tart既士多啤梨都好甜呀～ 下次一定要試埋佢d件裝蛋糕同gelato！…Read More

聽個friend講依間全球Best 50 酒吧好耐，終於有時間一齊去。好彩星期三夜晚九點walkin都有位，仲有得揀bar枱坐。☺️第一次黎梗係要試下啲signature野先，望住bartender 整啲泡泡好治療❤️🍸Earl Grey Caviar Martini (右邊) ⭐️⭐️⭐️⭐️- 易入口，酒味唔算好勁，岩女仔飲- 啲泡泡好有Earl Grey味- 有西柚味，酸酸地好開胃- 加埋啫喱增加口感我自己唔係好中意西柚既苦澀味，但係見佢甘靚甘igable，就俾高分啲啦😆🍷(左邊) ⭐️⭐️⭐️- 有酒既檸檬茶- 檸檬清香試左個friend果杯一啖，鍾意檸檬茶嘅話可以試吓😆明明食完dinner黎到最後都嗌左snacks，飲酒唔食啲野好空虛😛🍟Truffle Fries ⭐️⭐️⭐️⭐️- 真係有成Pat 足料truffle醬 - 薯條啱啱炸起，好新鮮- 同 garlic mayo 醬好夾 (仲叫佢比多左碟，肥死喇🤪)之後再嚟多左round🍹Gin Cocktail (左邊)⭐️⭐️⭐️⭐️- 同本地Gin無名氏 crossover既cocktail- 冇平時飲Gin果種苦味- 好清新refreshing🌹Tea Rosa (右邊)⭐️⭐️⭐️- 聞落去超級rosy，上面都灑左好多玫瑰花瓣- 無酒精，茉莉花茶加檸檬底- 好酸呀，加咗糖漿都係好酸🥺整體來講其實個環境氣氛唔錯，侍應態度服務都幾好，啲Cocktail都好有創意下次會再嚟☺️…Read More

係IG係咁俾人洗版，今次終於到我去啦～依間餐廳既booking都好full，要係openrice早兩個星期訂枱。不過佢剩係得午餐時段可以揀，大家book既話要留意下。去到附近已經見到大大個紅色牛牛🐮招牌，真係好易搵。手上拎住幾件蛋糕諗住食完飯去野餐chill下，侍應都好好幫我地將啲蛋糕雪住，服務唔錯。入到去見到裝修氣氛幾好，係行氣質優雅低調路線，而我地既朋友已經坐定定等我地。我地一人手攞著個餐牌，睇黎睇去都剩係得drink meal，可能侍應都見到我地係新手，就過黎guide我地。原來我地係咩都唔洗揀架，餐廳只係得一個餐，只要揀塊牛幾成熟就👌，真係懶人界、選擇困難症患者、乃至天枰座一大福音！😆侍應就推介我地揀medium， 所以我地就嗌左medium 同 medium rare 試下個分別，其他野就交俾佢地啦。有個得意既位係佢會將個M字同MR寫係枱方便記認，我諗大家都估到係咩意思啦。頭盤個沙拉🥗係有啲驚喜，除左平日食開既紅菜頭同生菜，佢仲不惜工本加左好多好多核桃。紅菜頭切到薄一薄，生菜又爽脆，再加上核桃既脆脆口感，成個人都感覺開胃左又健康左。之後就係重頭戲，我地既牛牛🐮終於到！成盤牛扒🥩用鐵盤暖住上，仲有蠟燭下面點住keep warm。試曬medium同medium rare，自己比較鍾意medium rare，食落係淋身d，不過兩塊扒都好有肉味，又juicy。試完原味，就試下點汁食，個汁係帶有薄荷味，我覺得就咁原味食就最好，但係估唔到依個仲唔係我今餐食到最好食既野！講埋個Side dish，都係無得揀既，成個餐廳個個都都係食薯條🍟。當個牛排上左之後，侍應就攞住成盤岩岩炸起既薯條，夾左好多去我地既碟。本身都驚熱氣，見到咁多真係怕怕，點知有驚喜，d薯條係同出面唔同，係有蒜香味架！ketchup都係自己一枱一細罐，好衛生！為左提供最新鮮最熱辣辣既薯條，我仲偷偷地發現侍應巡完一round剩底既薯條係即刻掉落垃圾桶。🙈題外話，我地食緊既時候，有兩枱都係黎慶祝生日既，侍應都識搞氣氛，又會播生日歌咁，大家生日都可以考慮下黎依到搞，咁就可以試埋佢d蛋糕啦～…Read More

之前已經聽過朋友介紹，但係遲遲未試。依家難得去中環decathlon，甘近梗係要試試佢。即日上openrice book都有位，睇黎熱潮已經過去，但係無阻我想食拉麵既心。由中環地鐵站D1出口行幾分鐘就到，隔黎就係蘭桂芳，如果你中意飲野，依到食完麵行過去真係好順路。佢個正門好特別，唔係好似其他舖頭甘，而係要行幾步樓梯落去橫街。甘樣既好處係偷到啲位做一個很高樓底既感覺，忽然件事grand左！ 唔好處就係入到去又要上番幾級樓梯，上上落落甘，未食都已經瘦番兩磅，對為食既我都未嘗係一件壞事既。餐廳亦有個牌寫住齊人先入坐，不過可能星期一晚上唔滿座，侍應都照俾我入去先，服務都幾flexible。侍應安排左橫枱俾我，張枱係有細，而且整體餐廳d toi既擺位係比較逼，不過中環租貴都可以理解既。一邊等朋友一邊睇menu，發現都幾多選擇，仲新出左芫荽拉麵，真係夠曬貼地。中意茺芫荽既可以黎試試佢再話我知好無食～我叫左個佢signature既白湯拉麵，見到openrice甘多人推介，無理由唔試下。朋友就揀左個辣味拉麵，想再加個小食。不過我地就唔好彩，所有炸物都無曬，最後我地就揀左泡菜豬肉。同個朋友傾左一陣，兩個拉麵好快就送到。黎到真係嚇親，個碗重大過個張枱，以為自己去左食法國菜。個presentation都唔錯，d叉燒一片片圍住個麵，隻溏心蛋又漏緊油，真係好肚餓呀！即刻攞起隻羹試啖湯先，個湯好白，飲落豬骨味濃，之後番到屋企都無覺得口渴，應該都無落味精。叉燒就有肥有瘦，食落都幾淋易咬。麵質方面我都無咩要求，唔好太糊太硬索到湯就得，甘佢都做到既。本身以為佢既面係唔算多，因為相比佢個碗真係好似好細甘，但係最後係食唔曬哈哈。再加上我地又嗌多左個泡菜豬肉做前菜，個泡菜唔辣爽脆，腩肉都足料，今次真係眼闊肚窄。埋單每人150蚊內落樓，係中環夜晚食飯算好平啦，下次經過會再食的～…Read More

依間老字號我由細食到大，屋企人一直都好鍾意飲佢嘅湯底同埋好淋嘅牛腩，更加唔使講係人都會點嘅牛腩撈粗。所以今次我哋就重回舊地想再重溫當年嘅家庭溫馨，好可惜不如理想。我哋嗌左兩個牛腩湯河，大家記得嗌坑腩因為呢一種係會比較淋同入味。餐廳都好快手，嗌左冇耐就有得食，一擺到埋黎第一下就聞到好香嘅蔥香味衝埋黎，因為仲係熱辣辣。牛腩嘅份量都好多，湯底色澤都好濃，賣相不錯。不過一將啲牛腩擺入口，就令到我哋有啲失望。牛腩一啲都唔淋，肉之間冇咗層油，唔單止冇咗油香，仲好難咬添。河粉就不過不失，唯一值得讚嘅地方就係個湯底仲係好濃郁，有肉味。同埋我個人幾鍾意佢用生菜而係菜心，因為生菜可以俾到脆口嘅感覺之餘又可以吸到湯底嘅味道。之後我哋仲嗌左鮮油多，你可以見到佢烘得啱啱好。由於佢啱啱烘起，咬落去嘅時候出面嘅包仲係好脆，加上裏面嘅牛油又冰又重奶味，仲有少少係牛油裏面嘅鹹味，令到成件事嘅感覺係升華咗。可惜真係太細件，唔係好夠喉。買單兩個人晏晝$120 落到樓，又食到回憶，過得去啦。…Read More

本身諗住返屋企點知又俾人急call，唯有係尖沙咀食d野再上路。一早係openrice度bookmark左幾間餐廳，但係由於本人太懶既關係，就此作罷。我決定以最快的方法-- 就係是但望下個menu就入左去，估唔到有驚喜。我去既時候唔多人，一入去就有位。由於佢既裝潢都幾有自然風味同闊落，就算坐近門口都冇局促既感覺。兩張枱中間仲好貼心甘擺左個籃俾我地裝野，值得一讚。我嗌左個set岩曬三心兩意既我。主食幾有驚喜。首先講左個烏冬先，唔似平時係屋企買既壽x牌，依度既烏冬幾彈牙，幾有咬口，配埋個濃郁的湯底真係唔錯。不過講到最正一定係個鰻魚飯，我本身冇睇清楚menu 以為係蒲燒鰻魚飯，原來係滑蛋鰻魚飯，食完覺得如果想好好地dap真d個鰻魚味，一定要吃後者。d鰻魚燒得好香，冇骨冇腥味又淋，再係上面淋上蛋漿變成的半熟蛋，夾埋洋蔥、冬菇、飯一齊食，諗起都開心。美中不足既係除左冬菇 佢仲加左雞脾菇 我自己就覺得唔係好夾 不過整體既水準真係幾好，我依d細食既人決定分上下半場都要食曬佢地落肚。前菜係細細兜既蘿蔔絲同沙律。沙律冇乜特別，正正常常+好多好多日本胡麻醬。蘿蔔絲有曬紅白兩款仲有少少豆乾，係點天婦羅🍤果碟野既味， 我自己就覺得太淡，普通啦。是日takeaway：一個裝滿鰻魚同烏冬既胃仲有 相信懶人都可以食到好野既心❤️…Read More