lam218的個人專頁

住左北角咁多年，要搵一間好食既雞蛋仔真係好難！ 今日收工突然間好想食雞蛋仔，點知行行下見到呢間蛋香烘焙， 去到門口叫左個原味雞蛋仔22蚊，期間聞唔到有好香既味，心諗應該一般般， 等左幾分鍾後到手， 食左一粒好有驚喜， 又香又脆，一半係空心， 真係好食， 下次一定會回頭再食！！…查看更多

平時收工返屋企有時會經過電器道， 10次有9 次都會見到佢掛住個牌寫賣晒，想食佢都真係幾難， 今日放假去左做gym同行街， 返屋企果陣諗住去碰碰運氣， 點知見佢10mins 後出爐， 即刻排隊， 果陣只係排身6 左右， 佢準時出爐， 買左原味就即刻試返粒，勁好味， 外脆內軟， 抵佢咁好賣， 排隊都值得…查看更多

琴晚同fd行開紅磡，就諗起細個成日食既時新漢堡包， 港式既味道，真係令人回味！ 入到去人流唔多， 我簡左芝士蛋漢堡， fd 就簡左雙層芝士蛋漢堡， 另外再叫左黃金脆雞粒，同埋炸洋蔥圈， 一杯阿華田，紅豆冰！d 野食等左幾分鐘就有， 幾快手， 芝士蛋漢堡保持住個風味， 多汁， 沙律醬都幾夾， 唔錯👍🏻個黃金脆雞粒個調味唔錯， 但雞肉比較乾身左d.個炸洋蔥圈味道較淡， 所以建議點醬食會好d！最後個紅豆冰就不過不失， 紅豆夠味！整體唔錯， 不過今次冇食到曲薯， 下次再試先🤤 …查看更多

N年先黎一次圓方行下，緊係要睇下呢度有咩好食，行行下見到有間門面幾靚既餐廳， 門口仲有一埋台式既野飲賣， 初初以為呢間係一間台灣菜既餐廳，點知再望一下個餐廳名，叫天天海南雞飯，係新加坡菜！大約等左十mins 左右就入得， 裝修好靚， 幾優雅，同埋係新加坡有米芝連加持我諗質素都唔會太差，睇一睇個menu , 佢每樣菜式都展示得好靚，好想每樣都一試，可惜冇咁大個胃，我地叫左一個例牌既海南雞， 細既雞油飯同埋小炒王！最好食既， 我覺得係個雞油飯， 完全色，香，味都有，真係會食上癮， 仲要用個石鍋上， 好有心思既設計， 跟住到小炒王， 雖然份量唔多，但食落去夠野味， 足料， 蝦干，魷魚干好味， 但最差既竟然係海南雞， 雖然佢份量都唔少， 有3 份1 隻雞， 但雞肉太un , 又唔滑， 冇雞味， 靠淋係面既疑似鮑魚汁調味， 十分失望，一般食海南雞既餐廳都唔會差過佢， sad…查看更多

由細都大都住北角， 眼見越黎越多台式飲料， 本人都係鐘愛珍珠奶茶呢d 經典野多， 所以每次8 成都會飲珍珠奶茶， 而今日收工後勁累又渴， 所以再去飲佢，去到門口眼見黑糖珍珠拿鐵， 差d 想飲佢， 但突然諗一諗點解係拿鐵， 唔係奶茶， 因為我有時飲拿鐵會肚痛， 所以都係放棄佢，眼多兩眼決定試格蕾三兄弟奶茶， 見佢有好多野係入面，又有d 餓， 所以試下先， 人唔多， 排左兩個到我， 到落單再等拎飲品大約5 mins, 入面除左有珍珠，仲有似涼粉既東東， 另外一舊係黃色， 似布甸既野， 但飲落去味道又唔太似，整體口感幾好， 口痕想咬野可以揾佢…查看更多

台灣菜係我最愛的其中一樣野食，之前行mk 經過想試， 但果時full 晒冇得食， 所以今次醒目仔一早bk 左，7 點零鐘黎到， 安排左近冷氣既位， 呢d 熱辣辣既天氣最爽就係住訓冷氣位😎環境舒服， 小清新感覺， 一入門口係對住水吧位， 見到一堆台式飲品既水牌， 價錢同出面既台式飲品差唔多我地兩個人叫左燒茄子， 燒翠玉瓜， 燒雞軟骨， 紅燒牛肉麵， 炙燒牛肉飯， 小食拼盤，仲有芝士茶茶8 號&滿杯紅柚子先黎左串串燒物， 翠玉瓜同茄子， 唔會燒得好干， 有孜然粉味， 但茄子就比較油😫， 雞軟骨有唔少雞肉連住， 味道還好la到主食la, 紅燒牛肉麵😍， 先飲左一啖湯， 有陣枸杞的味道， 而麵係我鐘意既粗麵， 口感煙un, 鐘意煙un 既人必食， 紅燒牛肉， 唔會鞋口， 有肉味， 未去好好食， 但唔會差！炙燒牛肉飯， 第一眼睇落去好日式， 醬汁幾香濃， 食落去幾重黑椒味， 佢係燒肥牛， 再配白飯好夾， 十分野味， 可惜只係肥牛比較干左d, 但整體唔錯👍🏻而台式拼盤， 有雞翼， 台灣腸同埋花枝丸， 台灣腸佢係甜既， 應該係蜜糖版， 唔會太干， 幾好雞翼佢係有淋上柚子醬， 可以一解炸既熱氣， 味道既好正😍， 但炸花枝丸就普通一d , 配上泰式辣醬， 不過不失最後到芝士茶茶8 號， 茶味幾好， 有d 甘香， 芝士味亦濃， 唯一缺點係唔夠冰， 所以唔太凍， 而朋友話佢果杯滿杯紅柚子飲落去甜甜地， 但柚子味不大， 但顏色上好吸晴😍…查看更多

睇完戲就夜晚9 點零鐘好肚餓， 行行下見到呢間村爺爺車仔麵仲未收檔， 所以同友人入去醫醫肚🤤係門口落order,款式算多， 最特別係有龍蝦湯底， 所以試左佢， 另外點左粗麵，牛柏葉， 腸仔， 豆卜 , 首先重點緊係試過湯底先， 未飲一聞就好重龍蝦味， 再飲埋個湯， 勁濃既濃蝦味， 可惜咸左d, 未試過既可以試下！另外配菜所係普通冇乜特別， 佢係會用多個碟裝住配菜， 第一次見😲環境黎講就一般， 細細地， 坐再十零個人，牆壁上仲有一d 明星幫襯既相， 想賣下名氣吧🤣…查看更多

住係港島既人， 緊係要支持返港島既餐廳， 今次去左大坑既拉麵來， 對上食果次都有兩年前， 難得今晚有fd 陪食， 一於去返check 🤤我簡左濃厚魚介豚骨湯麵， 同埋加多個餃子，本身對餃子類既好有興趣，基本上去親邊一間既拉麵店都叫餃子一試， 奈何都係一般😭， 呢間亦同樣， 好難食到個底係脆口的， 唔通係定律！？濃厚魚介豚骨湯麵， 湯底夠濃又香，魚介味不會太濃同埋湯底唔會太"結", 剛剛好，值得一讚， 而叉燒就普普通通la, 不過不失， 另外麵底係幼身的， 比一般的還幼， 軟硬適中， 都唔錯， 整體係值得返check 多次🙂…查看更多

4 個人dinner 齊齊揾野食， 見到間越南野， 心思思 想試下， 星期日晚上8 點左右拎飛都係等兩張枱， 唔算多人等， 等左約十零分鐘就有位lu環境係幾好， 座位就剛剛好， 唔會有鬆比你🤣我就叫左個生牛肉牛丸河， 同行友人叫左豬排河， 雞翼河， 小食分別叫左蝦餅， 馬拉盞炒生菜， 軟殼蟹紙米卷🤤生牛肉份量大約有5 片左右， 牛丸有3 粒， 但好細粒， 一啖就唔見左， 但味道係唔錯， 湯底亦好味， 我最愛既蝦餅份量好少， 得大約6 片， 配泰式辣醬， 味道係好食， 到軟殼蟹紙米卷， 呢個味道普通， 唔識欣賞🤣，馬拉盞炒生菜， 好食， 份量又係勁少， 邊夠喉呀 ， 最後整體係可以， 不過小食份量太少了…查看更多

台灣菜小弟最鐘意食， 上網見到呢間野裝修又幾特別有特色， 所以一試！黎食個lunch, 約1 點零鐘上到去， 首先係街門口已經見到佢條樓梯， 幾別緻， 入到去環境細細， 但裝飾很有舊色文化， 好舒服， 上到去仲有一半坐位所以不用等！肚餓狗衝睇menu , 第一眼就想食魯肉飯set, 除左有魯肉飯， 仲有豬耳， 蛋， 豆平， 雞翼同海帶， 好多野食呀🤤， 之後仲點左個百香果soda等左十零分鐘有得食啦， 除左我頭先講既野食， 原來仲有木耳同小蕃茄做前菜， 幾開胃又貼心忍唔到口立即食左個魯肉飯先， 味道唔差， 脂肪同肉都係50/50, 個人就覺得肥左d , 食埋個飯就有d 失望， 因為d 飯太淋la, 個人唔鐘意呢 飯既口感😭再食雞翼， 味道唔錯， 好香， 之後到豆干都係普普通通既味道🙂， 再食埋隻蛋， 都係一般正常味， 感覺成set 係雞翼比較好， 重點係野飲， 百香果soda, 反而飲品唔錯， soda 勁有氣， 好爽， 加埋百香果不伏既味， 可以話冇得輸😂整體個飯就普通la,下次有機會想試下佢既牛肉麵， 睇下會唔會好d 🙂…查看更多

好耐冇食大排檔la! 今晚就約左兩個fd 黎新南苑試下， 7 點3 左右黎到已經冇左3 分2 座位， 坐底之後緊係睇下食乜東東 , 因為已經勁肚餓 , 我地叫左個白灼田螺， 豆豉凌魚油麥菜， 咸魚雞粒豆腐煲同埋椒鹽鮮魷！田螺味道因為白灼， 可以食到原味， 幾鮮甜配埋豉油芥末真係幾夾， 唔錯！豆豉凌魚油麥菜， 難食既或然率低， 菜唔會炒得太過火， 係火氣欠缺左d咸魚雞粒豆腐煲， 呢個份量ok, 唔會太多豆腐， 但味道就比較淡， 咸魚香亦欠缺， 所以一般！最後到我最愛既椒鹽鮮魷， 賣相唔差， 份量都ok, 但竟然欠缺椒鹽既味道， 佢只係鮮魷加脆槳去炸， 兩者味道都好似冇調味咁淡， 靠灑係面的椒鹽提高少少味道， 有d 失望， 整體黎講可以試其他野。…查看更多