MungkiChan's Profile

今日同屋企人來打邊爐，依家D天氣真係好適合呀，哩間舖係佐敦地鐵D出口出來行幾分鐘就到啦，位置好好搵。我地點左個卜卜蜆蟹鍋，侍應先幫手炒香D蟹蜆仲有芫茜西芹跟住加酒落去，然後嘩一聲，點著左個火，最後加埋個濃雞湯底！煮熟梗係一人飲番碗湯底先啦！鮮味十足呀！而且D蟹肉好好味，肉質鮮嫩，好甜！而且配料都任君選擇，好正呀！霖住打邊爐熱氣，我地就點左個竹蔗茅根，好清甜，好好飲！個紫菜響鈴聽講仲係自己鋪頭現點現炸噶，炸三次先做到出來，重點係我覺得好好味，真係無點錯！D牛肉牛味好重，油脂分佈均勻，非常美味，手打芝士牛丸都真係好香，好味，D蝦又夠曬鮮甜，肉質彈牙！蔬菜拼盤都非常新鮮，索曬D湯底，好正！餃子入邊仲有蝦添，都好彈牙！鮮魚麵都幾特別，自己擠入去，好玩！總體來講都好滿意，服務態度都好好！唔錯…Read More

六十六十係一間以海鮮為主打的一間火鍋店。好如要用一字去形容，自然係一個字『鮮』。整餐飯所上桌的海鮮也非常新鮮。而且一切也以『精』為核心，餐單貴精不貴多，所有食材都新鮮以及有質素保證。而在湯底方面，今次選了椰子雞湯底，湯底味道清新，而雞的份量也非常充足。更選用了厚鐵煲，道熱非常好。一開始先吃海鮮，很多在上枱時還是會動的！老闆介紹了蟹，這𥚃的蟹有點特別，是黑色膏的，帶小小苦，肉非常鮮甜！另外特別推薦的的響鈴，新鮮炸出，吸埋的湯，好正好正！店面雖然不大，但位與位之間的間距尚可接受，未致於偷聽了隣桌的情話。而每桌之上也放有抹手紙及丟棄骨碎用的小筒，非常貼心。而店員也非常殷勤。整體來說是一間非常值得推介的火鍋店，特別是一家人飯聚更為適合。…Read More

今日放工好攰，不過都約咗同事去旺角食嘢，一直都好鍾意食韓國嘢，今日終於揀咗間新開嘅韓國餐廳試一試新野！我哋叫咗好多嘢食，最鍾意就係燒肉，全部肉都好入味，我哋叫咗豬腩肉同埋豬肋骨肉，兩隻肉都好好味！牛肋骨肉帶有甜味，仲好香牛肉味，必食！韓式豬腩肉就非常入味，而且帶點辣，非常開胃！連埋生菜、免屎像同沙律一齊食就very good ！而且生菜仲可以無限添！我哋仲叫咗韓式炒粉絲，我一向都好鍾意食炒粉絲，呢間嘅炒粉絲同出面好唔同，非常入味，師傅放咗好多醬汁去煮，所以每一條粉絲都充滿將醬汁味，好啱我食！而且仲要大大碟！兩個人都食唔晒！除咗主食外，仲有好多小菜，我最鍾意就係土豆絲，非常開胃，我同同事都食過不停，而且仲可以添食！食多多都得！…Read More

之前一直聽朋友介紹哩間餐廳，今日終於都來試下啦，我地八點幾來到就有位啦，唔使等位好happy！環境都唔錯，裝修好特別。台好靚！我叫左個晚餐套餐，有配埋酥皮湯同埋蒜蓉包噶！另外仲叫個蝦餅，味道都好唔錯！個扒味道都唔錯，選左六成熟。好正！唔會太生又唔會太韌！最後登場雪葩！我就係為左哩個來食噶啦！真係原隻生果來嘎！超好味！個🍊酸酸甜甜好正，水蜜桃都甜絲絲，好香果香味！食之前還會用火槍燒燒燒，好貼心喔！…Read More

今日同朋友出去銅鑼灣覓食，朋友話想食泰國野，於是我地就搵左哩間泰國餐廳來撐下台腳啦！哩度環境都唔錯，檯面係大理石紋，都好靚，經理也很熱情咁同我地介紹返新出既菜式，服務態度都唔錯！話咁快我地點既小食拼盤（細）就到啦，內有炸春捲、魚餅、炸蝦餅、仲有串燒。炸蝦餅味道唔錯，蝦味濃郁，春捲外脆內嫩，唔錯，串燒點埋個醬汁好juicy，值得一試。仲有個咖喱牛肉都唔錯，哩隻咖喱味道都很濃郁，牛肉好嫩滑，裡面還有薯仔跟一些蔬瓜類。個咖喱汁配埋最近新出既薄餅，真係好惹味，個餅本身都好香，好香牛油味，煎得啱啱好！仲有哩個炒飯，味道好特別，材料都好足，好多隻蝦係入邊，D蝦好新鮮，仲好貼心咁去了半殼，食落好方便，蝦肉好爽口，唔錯！我杯野飲都好好飲，香橙芒果冰沙，好香芒果味，不會太甜，夏日消暑解渴正！另一杯係珍多冰，味道都很清香。最後哩兩個啫哩聽經理接受係用新鮮椰青水做出來，另一個就加左斑蘭，一入口有驚喜，真係好清新既味道，睇得出係用心製作，唔錯…Read More

今日係朗豪坊行街街，表妹話奧海城有間泰國菜聽講唔錯，於是我地就覺得來試一試啦。我地步行很快就到啦。一黎到門口見到原隻龍蝦只需要HKD98，真係超吸引，仲可以選冬陰功煮、鹹蛋黃炒或者咖喱，仲可以揀配白飯或鬆餅添！睇埋個menu sellHKD68可以任選兩個特飲，都超抵。因為我表妹想食撈檬，而我想食炒金邊粉，所以我地就點左兩個主食啦。話咁快個龍蝦就來啦，我地揀左冬陰功煮，裡面都好多料，野菌、車厘茄、芜茜等等，個湯唔會太辣，酸酸地都幾開胃，龍蝦開曬邊，食落都好方便，個餅好香牛油味，配埋個冬陰功好好味個金邊粉賣相好靚，蛋網包住D金邊粉，上面有隻炸大蝦，仲有D青檸，蔥、芜茜、花生碎、辣椒粉同埋砂糖係隔離，味道都好香口，唔錯！個豬頸肉撈檬味道都唔錯，野食份量都幾大，撈埋D甜酸汁超開胃好味道！我哩杯藍蝶花椰果冰係紫色架，有椰果係下面，飲落口好有口感，酸酸甜甜，味道都唔錯餐廳蟹類全部半價，本來仲霖住叫，但實在太飽啦，於是約好下次再來食個蟹！…Read More

今日朋友帶我來左哩間餐廳，係長沙灣A2出口行幾分鐘就到，都幾方便，來到既時候入邊都坐滿曬人，不過我地等左一陣就有位啦。:)我地嗌左一個法式燒春雞配巴黎牛油汁（半隻）HKD108仲有一個黑松露醬日本帶子野菌天使麵HKD108加HKD20就可以轉為套餐啦，有配餐湯、飲品同埋是日甜品，都幾抵食喔，個燒春雞餐仲可以加HKD8加一份米飯或意粉添。落完單無耐就上左牛肝菌湯啦，個湯既溫度我俾100分呀，因為好多類似既餐廳哩D湯都只係常溫，哩個就唔同啦！夠曬熱，食落口仲好香濃，味道唔錯。我地仲點左個小食拼盤，二人份HKD68有炸蝦啦、雞翼啦、炸生蠔同埋魷魚圈。炸到卜卜脆，外脆內嫩，好味！哩個天使麵都唔錯，帶子好鮮甜，黑松露味道也很香濃，配埋D野菌，味道好香。個燒春雞味道都唔錯喔，有D紅蘿蔔同薯仔伴碟，肉質非常鮮嫩，好嫩滑，大家值得一試。凍檸茶唔會太甜，茶味唔係特別濃。是日甜品士多啤梨芝士蛋糕，好邪惡呀，蛋糕面有燒過，入口涼涼地，滿口芝士味，雖然食到好飽，但係都係忍唔住食曬！正…Read More

今日同朋友係銅鑼灣選左黎哩間西班牙餐廳食好西！係地鐵C出口行幾步就到啦，上到黎一樓，發現環境都唔錯喎，有沙發位，可以望下街景，幾好幾舒服。菜式都有唔少地道既西班牙名菜，都有很多款小食，披薩，意粉，甜品之類，我嗌左個午餐套餐卡邦尼義大利麵本溫泉蛋意麵，煮得啱啱好，有D煙韌，口感唔錯，同埋味道好濃郁，配埋溫泉蛋香，正！仲配埋蘑菇湯同嘢飲嘎！跟住仲嗌左个澳洲西冷扒法式薯條配燒牛肉汁，可以選返幾成熟，同埋湯都可以轉沙律嘎！我地選左五成熟，覺得啱啱好，牛味很濃，夠曬juicy！薯條炸的香脆，好惹味。仲有番茄沙司可以沾添！仲有個香辣義大利腸燒烤醬披薩，薄底披薩餅底，很香脆，味道唔辣，仲可以叫拿辣椒仔添，好味道！再來個自家製石板街朱古力蛋糕，一上台好驚喜，寶箱設計，還有一些士多啤梨桑果之類做裝飾，十分精緻。還有他們家很多手工啤酒，大家都可以試下，味道都唔錯噶！好清新！…Read More

今日朋友話book左好嘢食帶我去，話係好抵食既海鮮粥底火鍋，於是我就俾朋友帶來到黃埔啦，出左地鐵之後行左幾分鐘就到左，位置都好好搵。我地嗌左個海龍皇鍋，一位係HKD198蚊免收加一，套餐有七款時令海鮮、五款自選配料、兩款餐前小食同埋有糖水添，都真係幾抵食喔！一黎姐姐就俾兩碟餐前小食啦，食住等，都幾開胃喔。跟住就有六款調味醬料俾大家自己調翻心水醬料啦，我就最鍾意䜴油、蒜蓉、辣椒、芜茜加埋炸蒜啦！好快D嘢食來啦，哇，D海鮮都幾新鮮噶，有貝類啦、魚啦、鮑魚啦、蟹啦等等，因為蝦賣曬，所以就換左D帶子俾我地。D海鮮真係好鮮甜，蟹真係好多蟹膏，仲啖啖肉，魚肉好嫩滑，鮑魚都好爽口，真係大滿足呀！食完D海鮮我地就放自選五款既配料入去啦，有肥牛啦，手打墨魚丸啦，響鈴啦，粟米啦，仲有豆卜！肥牛都唔錯，有牛味，墨魚丸都好彈牙，粟米好甜，豆卜吸左D湯底味道超級好，響鈴唔使講啦，一直係我既摯愛！打完邊爐就係我期待既粥底啦，我覺得好特別呀，姐姐們服務態度都好好呀，好貼心咁幫我地整鍋粥，將D南瓜芋頭跟粥磨成蓉，最後再加埋蔥花，芜茜等等，真係超級香呀，一入口真係有驚喜，好香濃，仲好清甜，超好味！份量多而且好味道！最後碗糖水都差D食唔落呀，不過我都係忍唔住食左好多！朋友真係無介紹錯，食過返尋味！…Read More

今日中午霖住食一家店的，去到排長龍，而且仲落緊毛毛雨，所以就去左附近既哩間譚仔度食啦，哩間我都來過很多次，上到來排左幾分鐘隊就有位坐低啦！我叫左個麻辣十小，豆卜、酸菜、雞肉配凍檸茶。可能食飯時間啦，實在太多人，所以都等左一D時間。不過真係要同大家介紹一下我覺得湯底加埋酸菜，特別香，真係為湯底增加不少味道，而豆卜再吸收D湯底既味道，好正，大家不妨可以試一試，譚仔不嬲都我至愛，又抵食，食物又唔差，今次無叫到皮蛋同土匪雞翼，哩兩樣我都好鍾意食。…Read More

今日夜晚係廣東道附近行街街，實在太攰了，想搵間唔使排隊唔使等位既餐廳，預是就落左去大食代希望比較多位啦，估唔到都好多人，哩間鋪有位所以就入左來食啦！我點左個叻沙HKD 60蚊，加凍檸茶HKD 4蚊，再加HKD 12蚊三隻炸雞翼，抵呀！等左一陣就有得食啦！上來湯底顏色睇落都唔錯，食落口有驚喜，D米線煮的啱啱好，配菜也好好味，仲有兩隻蝦，還有半隻蛋蛋，豆卜吸左D湯底超好味！雞翼都OK，外脆內嫩，檸茶都好飲，終體來講幾好…Read More

一直聽朋友介紹哩間慢煮工業，話係用低溫煮食，可以保留食物既原汁原味，今日終於約到人陪我一齊來食啦，好期待呀！餐廳環境唔錯，裝修好精緻，有種歐美風，好有格調，一邊聽歌一邊食，享受。菜式都好多種類可以選擇，一坐低吸引我眼球既就非哩把餐刀不過啦，好鬼得意呀，好mini既菜刀，型爆！我地嗌左個黑松露天使麵食落口好濃郁既味道，天使麵煮得啱啱好，我超級推介呀！仲有哩個BBQ delight燒烤盤，有燒春雞、美式豬仔骨、烤紅蘿蔔、烤粟米、烤薯角、沙律。美式豬仔骨好juicy，燒春雞加埋個醬都好好味，啖啖肉呀，份量都好大，抵食又超值！再來個雜莓窩夫加雪糕。窩夫好厚實，好香脆，配上雪糕好好味，正！野飲都好好飲呀，荔枝接骨木花特飲，好清新，入口有驚喜！朋友果然無介紹錯，哩間餐廳真係值得來，環境又好，食物又樣靚兼好味！…Read More

朋友上網睇到哩間餐廳既麻辣火鍋好特別，因為湯底唔係紅卜卜，而係綠色呀！所以今日收工我地就約埋一齊去食啦！我地嗌左個重慶翡翠麻辣鍋，仲有得揀辣度嘎！我地就選左小麻小辣啦，個湯底有好多青花椒，裡面仲有鴨血添！好特別喔！食落有驚喜！來個餐前小食先！哩個醉雞卷酒味香濃，唔錯！一定要推介哩個安格斯肩胛牛！高質牛好有牛味，唔會好多脂肪，好好味！長腳蟹好長一條，食落口好正，啖啖肉！哩個韓國炸午餐肉條都唔錯喔，味道很香，擺落湯底去滾一滾，吸收左D辣湯底，好正！哩個麻辣炸雞翼都正呀，仲剪開左單邊，食落好方便，好香脆，外脆內嫩！唔錯味道唔錯，值得一試！會再來！…Read More

今日同朋友係尖沙咀行街街，見有D肚餓就上Openrice睇下有D咩餐廳可以試下啦。跟住見到哩間烏蠅館！我地仲話「哈？烏蠅館？食烏蠅嘎？」然後就係因為個名！我地決定來試下啦！間舖係天星大廈一樓B舖，環境都唔錯噶，牆上吊櫃擺放很多精緻的茶杯，唔錯！我地嗌左個二人套餐任選八款！湯底係麻辣小辣呀！紅卜卜好吸引！仲有我最愛既芜茜，同埋有D白芝麻提升左個香味！主食我選左個土豆粉，煙煙韌韌都唔錯喔！配料我地選左豬大腸，雞翼尖，生根，芋絲，海膽丸，娃娃菜，土豆片，冬瓜片，豆卜。俾我地撈起D配料既衰樣！👇🏻😂仲有哩杯桂花烏龍茶呀，入口淡淡桂花香，好清新既味道！我鍾意！最後，還貼心咁準備左兩粒薄荷糖俾我地減輕一下個嘴既蒜蓉味，唔錯！哩間冒菜值得來食，比我期望中更加好的味道！…Read More

今日我地去到中環哩間唐宮小聚嘆早茶啦！哩度地方都幾大噶，裝修都好靚，D嘢食嗰個賣相都好精緻，仲選擇多多添！哩味白玉王鴿只需要HKD29蚊一隻咋，性價比超高呀！因為個乳鴿外皮酥脆甘香，肉質鮮嫩多汁！正，必點之一！仲有哩個蘋果軟包，一上台我就聞到蘋果清香啦，裡面餡料仲有蘋果肉添，都值得一試噶！哩個荷葉飯有少少失望咯，因為我只係食到D䜴油味，其他瑤柱呀之類我都食唔出。仲有哩個肉鬆抓餅，煎得幾好，很香脆！…Read More