掌門重慶麻辣火鍋 (Closed)

朋友上網睇到哩間餐廳既麻辣火鍋好特別，因為湯底唔係紅卜卜，而係綠色呀！所以今日收工我地就約埋一齊去食啦！我地嗌左個重慶翡翠麻辣鍋，仲有得揀辣度嘎！我地就選左小麻小辣啦，個湯底有好多青花椒，裡面仲有鴨血添！好特別喔！食落有驚喜！來個餐前小食先！哩個醉雞卷酒味香濃，唔錯！一定要推介哩個安格斯肩胛牛！高質牛好有牛味，唔會好多脂肪，好好味！長腳蟹好長一條，食落口好正，啖啖肉！哩個韓國炸午餐肉條都唔錯喔，味道很香，擺落湯底去滾一滾，吸收左D辣湯底，好正！哩個麻辣炸雞翼都正呀，仲剪開左單邊，食落好方便，好香脆，外脆內嫩！唔錯味道唔錯，值得一試！會再來！