Camilla_pll's Profile

旺角的食肆琳琅滿目，多到眼花撩亂，咁啱去開旺角，同爸媽食又唔可以食太便的西餐，食中菜又多人唔知去邊度，今晚老竇話想食雞煲，想食下辣野，咁就openrice 見佢新開有多好評，就二話不說咁去咗食！我去嗰陣六點鐘，好少人，7：00之後就係高朋滿座！佢個餐牌真係好多選擇。我哋揀食邊一個煲都15 16⋯⋯最後都係因為重慶麻辣雞煲可以走辣，所以就點咗佢，後來先發現原來佢係走地雞！雞煲好大份，雞有雞味，雖然我走辣，但係五會太咸先係重點！加埋啲紅蔥好好味！我啲分別點左油麥菜同埋響鈴！我哋食咗足足個半鐘阿媽已經講咗三次響鈴好靚，絕對唔係次等貨色，老竇就講咗三次油麥菜好甜！可見佢嘅配菜真係好有水準！絕對值得加配！主角講完，梗係講返前菜！總共有兩碟前菜，最出色嘅係干撈牛肚，辣得恰到好處，好爽口，好好味！出面街真係好多地方都做唔到呢一種水準，淨係去呢間餐廳食呢碟小菜都值！呢啲真係必叫！第二前菜係夫妻肺片配料多款式，麻辣味比較重，越食越上癮！講番另一碟主菜！佢亦都係我嘅最愛！水煮牛肉！佢有得俾我揀五個程度的辣，唔係太食得辣的我，今次梗係叫BB辣。其實都幾辣⋯⋯唔講得笑⋯⋯雖然佢好辣，但係牛柳肉又嫩又滑啫啫，真係好好味！牛柳不會太吸味，酌一點紅油辣味，便回味無窮！下面真係爆多芽菜，好爽口！同牛柳好絕配，蕃薯粉相當好食，如果可以多啲仲開心！IN IN 韌韌，滑滑 LU LU ，好好味! 最後一碟小食，酥炸雞軟骨，真係要大讚佢嘅炸皮一啲都唔厚，又薄又脆！又唔會覺得好油，雞軟骨好有嚼頭！正差啲唔記得咗講飲品，佢絕對唔係一味汽水，又或者係街邊買返嚟！真係佢哋自己落咗一隻話梅仔再加梳打，好降火，可以越食越多，又唔會越飲越口渴，正！我哋一人一杯！真係好啱我哋食雞煲同埋辣辣小食主菜。室內環境很舒服枱與枱之間唔會太迫，有一定嘅空間！傾計都幾開心！價錢真係非常非常非常之經濟，200蚊食到個肚滿滿，捧著大肚子歸家下次會約多兩三個朋友再嚟食！…Read More

人在太子，已經兩點幾，突然間好肚餓因為未食午餐，突然間諗起呢一間餐廳，其實仲有另一間，但係今日突然間好想食呢間🤣最近嗰間竟然係呢間，我真係未去過，但我自己鍾意食呢間多啲！因為比較有情調！人都少啲舒服啲！坐喺呢度有一種時空穿梭返回工業時代的感覺！今日好想開大餐所以就食多啲野！兩點幾都仲有五餐真係正，因為今日係星期二日所以冇咩期望會有下午茶！首先俾咗兩杯飲品！真係好得意好得意！左邊係姜姑娘檸檬汽水，姜味雖然唔出眾，但係好夠汽！右手邊個係因果報應可樂，雖然我覺得冇咩大分別，但係我覺得相比罐裝可樂冇咁甜，而且感覺到多好多汽！兩支都係紐西蘭貨品！真係值得一試即刻入正餐！上菜速度超快！20分鐘已經有得食.! 所有野都係即叫即做即炸即煎！正！牛扒多士！牛扒肉質鮮美！容易咬，半肥瘦，放進兩塊蜜糖多士中間，又脆又甜，肉汁四溢！非常好吃！非常啱我食又飽肚！請問要大讚佢個薯條！真係一啲都唔簡單，唔係普通薯條！佢曾經調過味！又唔會太咸！又炸得剛剛好！皮又唔會太厚！薯仔又唔會太粗！淨係來食薯條都夠！你個全日早餐真係男仔嘅份量！食完真係會飽到上心口！朋友係男仔都話飽到下晝七點幾首先講我最鍾意嘅蛋！半生熟嘅炒蛋，流質面香。用牛油炒嘅炒蛋，請問情何以堪？芝士蘑菇亦都係我非常非常非常之鍾意食！佢焗得非常之乾身，芝士並不是普通芝士！炸薯餅有別於麥當勞，每一粒都顯而易咬！薄皮脆身！不過我都係鍾意食薯條！牛扒，和蜂蜜麵包同之前講嘅冇乜分別！總之一句講晒真係好好味！好滿足嘅一餐，寫意咁同朋友依偎咗一個下晝，夜晚係飽到冇食到晚餐經過太子會返嚟再食！由尖沙咀小店食到而家，生意一樣咁貨如輪轉！真係好安慰！…Read More

久仰大名的burger joy! 朋友喺灣仔返工，所以山長水遠來到灣仔朝聖！直接入正題！首先首先我好鍾意食黑松露薯條！你一種係美式幼條！黑松露多到最尾嗰條都仲有好大舊黑松露！性價比真係好高！薯條係即炸！重要嘅嘢係要講三次！脆！好脆！非常脆！至於奶昔，我揀咗我最鍾意嘅cookies and cream! 超多超多超多Oreo! 牛奶同埋cream 都一半一半，沒有喧賓奪主！一口薯條，一大口奶昔，邪惡的滿足感湧上心頭！正第一次試呢隻呢！係朋友介紹嘅，佢道說他在美國食過！我問佢好唔好食，佢話好食嘅係好好食，真係要睇吓佢整得正唔正宗！Cajun呢隻味道有啲似中東香料味道，略辣的的，但不咸的！食咗第一啖之後我真係比一百分💯，甚至可以比200！ 都係果句重要嘅嘢講三次！脆！好脆！非常脆！皮薄肉汁多嫩肉，正！好鍾意食呢隻味下次一定要食！漢堡包通常我都不鍾意食個包！今次個包好易入口而且好香！正！牛肉好juicy，芝士好濃！正！香港食過好食嘅漢堡包佢可以話係排第二！份量好大兩個人食先啱啱好！洋蔥圈一樣即炸即起！不過我都係鍾意食黑松露薯條多啲！我好鍾意餐廳嘅風格，坐係高登望出去落雨嘅感覺好爽，好似去咗倫敦巴黎路邊小店享受人生！夜雨綿綿，最適合我跟朋友分享在外國風花雪月的日子！今次兩個真係叫得太多野啦，不關以呢個價錢真係好經濟！我都幾值得推介！…Read More

觀塘工廈多的是！又係去咗觀塘🤣見到呢間人氣咁強又就腳咁就揀咗同朋友聚下傾吓計！成晚最靚我最靚我鍾意嘅係一條魚! 首先由前菜開始講起。蘑菇湯忌廉好香，蒜蓉包好好食，真係唔好睇佢個樣咁核突😐😐好似唔夠蒜蓉咁，但食落真係好脆同好香⋯⋯橙汁雖然係果汁先生但係飲落去都健康少少今次主菜叫咗兩款，首先買黑豚肉意大利飯！正！黑豚食落去好似燒肉，熱辣辣又脆香，香汁四溢，意大利飯有夠黏🤗正！第二碟餸係煎鱈魚同樣都覺得好好食！首先佢個皮好脆！第二肉質非常嫩滑！份量亦都唔少至少有兩大件！翠玉瓜蔬菜都燒得非常之乾身正！室內環境好大，非常之舒服，傾幾耐都無人趕！要促𦡞詳談，此乃勝地！成個格局都係綠色，好舒服！服務很快手，又好好笑容，真係個人都食得開心啲！…Read More

最近食西餐食到癲咗⋯⋯好想食返啲中國菜。但係我哋又唔係好食到辣⋯⋯所以就食唔到四川菜⋯⋯突然間好想食小籠包，但係又唔想係鼎泰豐⋯⋯結果OpenRice我咁樣推介左我哋呢度食！估唔到真係有啲小驚喜，今次感覺非常清新，不停食咗啲健康落肚！如果你唔鍾意食偏咸菜式！呢間真係實至名歸！我哋今次叫咗好多唔同花款😍😍都話咗鍾意食小籠包梗係叫咗小籠包！我亦都叫咗菜肉雲吞😍😍雲吞係跟餐嘅，連埋紅燒獅子頭，88蚊！一定一定係抵食過單點！先講小籠包！如果你還要同鼎泰豐比較，的而且確前者的皮會比較薄身！但係湯汁來講，今次食嘅係有過之而無不及！其實被口但係一啲都唔粉，唔會太諗！真係屬於有水準之作！加上價錢平過鼎泰豐多多聲🙈至於雲吞方面真係食咗好多健康落肚！係一滴味精都冇！亦唔會有肥豬肉出現！但係但係又唔會覺得好鞋口⋯⋯肉質上品！我係唔食得好辣但係都係鍾意食小辣！今次真係要大大推介餐廳裏面嗰隻辣椒🌶️佢絕對唔係辣椒油，唔係乾瑤柱⋯⋯你係一隻好中式的辣椒！其實一啲都唔辣，只係有點調味，甜甜辣辣同餃子一齊食！正！食完輕品，食主菜，今次食咗兩款！一款係我好鍾意好鍾意食的寶螃蟹！當然係冇蟹肉！但係蛋白炒很好嫩，同蛋黃再加酸醋一齊拼，好好味！^_^今次我哋仲叫咗紅燒獅子頭，再加菜飯。真係好飽肚好飽肚！獅子球不會死咸！呢種獅子球最特別嘅地方就係肥豬肉不多，啖啖都係肉！一樣係食咗好多健康，真係真係一啲都唔邪惡！菜飯一樣少鹽少油！但係兩者不失色香味！送飯一流！除咗食物之外其實我都好鍾意呢間餐廳嘅環境！無論係坐嘅椅子還是掛牆嘅裝飾，全部都好古色古香！俾人感覺好似去咗個好優雅嘅茶館，但係價錢又經濟的小店。傾計又舒服又唔會太嘈！真係幾鍾意呢間小店，下次想食上海菜會再返轉頭…Read More

觀塘出名好多工廈餐廳，好多間都已經試過啦⋯⋯剩返呢一間係咪走雞隔離未食過。咁約咗朋友喺觀塘就試吓呢間。一入到去就好大，六點半鐘已經坐咗一半人，餐廳嘅設計比較浪漫🌹有少少燭光🕯️同不燭光之間，感覺幾舒服😌見到有好多晚餐選擇但係又驚兩個人食唔到兩個餐，所以淨係叫咗一個晚餐，据豬扒同埋西班牙海鮮炒飯！先講下個餐，有一個餐湯同埋一個沙律🥗。唔記得咗講前菜，每一張枱未叫食物之前都會一定有墨西哥片，墨西哥片就一般般， 但係呢個芝士醬！正！主菜來得好快！首先來咗西班牙海鮮炒飯!上枱嗰下已經好開心因為色香味俱全！海鮮真係多到嘩嘩聲！有蝦有墨魚有魚肉有帶子有青口有橄欖，成碟飯都係用橄欖油煮嘅！仲食到少少窩巴，好正！帶子膏同埋蝦膏都好甜！啱啱已經食飽咗六成，又來一碟黑毛豬！真係好大！最有驚喜嘅竟然係佢左邊嘅一堆紫薯，用牛油cream整成嘅紫薯! 好香! 講番主日先！豬肉好嫩滑，薄片切最好食，呢間餐廳仲有一樣野好就係粒粒黑椒任磨！點黑椒加燒汁一齊食！正！你諗下一個餐又有沙律又有湯又有主菜原來仲有甜品，真係不得了！個甜品絕對唔係馬虎之作！餅底夠脆！朱古力慕絲很濃香滑，絕對唔會太甜，細細件好啱做結味！ 好開心觀塘工廈餐廳下有多一個好選擇…Read More

因為要探朋友，所以走咗去山旮旯嘅筲箕灣，真係好遠好遠好遠⋯⋯嗰度除咗安利魚蛋粉真係諗唔到食乜嘢，見到佢排晒長龍所以就諗住另覓對象！咁啱見到側邊有一間食串燒，格局有情調，人不太多，幾方便傾計！午餐其實選擇唔係好多，來到串燒店梗係食串燒啦！原來午餐都有串燒揀，幾好！幾好！朋友想食飯所以我哋分別叫咗招牌串燒拼盤，咖喱牛舌蛋包飯！由於真係即叫即整所以需時，如果想食速食午餐請勿來！串燒來到，好興奮！淨係賣相已經贏咗。不過份量比較細，其實真係麻麻哋飽番薯仔和豆腐一食就知道係日本食品！番薯很粉狀，非常甜！至於豆腐，是油豆腐的那一種，豆味濃，不是焦脆的那一種，吃得健康一點！至於蘆筍！真係比一百分💯，今次吃的是幼身，用牛油煎的，又爽又甜又香！如果可以多啲，真係可以食極都唔停！沙律都非常好食！係咪好似講留咗一樣野冇錯就係我最鍾意食嘅主角，代表作！煙肉荔枝卷真係前無古人！真係冇諗到可以咁樣配搭得天衣無縫！煙肉煎得非常焦脆，荔枝經過烤焗，變得又甜又多汁，一鹹一甜，一脆一軟！好正好正！好明顯呢個串燒拼唔夠我哋兩個人飽⋯⋯所以朋友嘅咖喱飯就啱啱好啦！蛋香，不老，厚身。牛舌非常腍，大大件，配上熱辣辣嘅日本咖喱汁，甜甜嘅唔辣嘅！真係好啱我不大食，又愛多餸的我！^食飽咗，傾左兩個鐘，飲咗杯巨峰乳酸梳打收尾，滿足。就返屋企！好滿足！…Read More

不知不覺已經四周年，又唔想食咁貴，又想要西餐，個一刻只係諗到想食意粉！所以就去以前番工附近嗰度搵吓有咩食。突然間諗起臨走之前都未試過食的Y Pasta! 所以訂咗枱。待應真係好好安排左個窗口位俾我哋，令我哋坐得又舒服又安靜🤫雖然只係街境，但係感覺都會開揚少少。打開佢個餐牌先知道原來佢都好多選擇，我有選擇困難症真係有啲頭痛⋯⋯今晚見到黑板上面有廚師精選，就揀咗一個其實我哋沒有期望的龍蝦忌廉汁大蝦扁意粉。因為出邊嘅龍蝦汁通常都係用茄汁或者好苦嘅汁。呢一碟真係大讚，龍蝦濃度相當濃，濃而不苦，配上忌廉汁，真係鮮味甘味蝦甜味襲一身，意粉煮得剛剛好，又滑又好味，大蝦雖然不是海蝦，但非常非常彈牙，大大的六件，正爽！番茄和蘑菇為數不少，一句講晒，總之好味。我地叫咗一個最基本無死嘅意粉，主要想睇下佢啲基本功。不過今次想玩啲花樣，所以加咗個手工意粉，相比之下手工意粉係比較軟熟，口感比較黏口，不像普通的彈牙。是一個唔錯嘅新嘗試，除了口感以外，味道也不太大分別。卡邦尼醬汁，忌廉成份比較重，不過依然覺得幾好味，煙肉也不少。不錯不錯！芝士夠的，只係好像是你一點黑椒！不過都係好食嘅！淨係食意粉真係好像好dry ，所以叫咗一個小食同埋甜品！洋蔥圈即叫即炸，好鬆脆好鬆脆！個蛋黃醬先至係重點所在，好creamy，好香，加咗少少辣粉，正！記住記住一定要食咗隔離個沙律真係好好食！甜品，簡簡單單就是幸福。佢個提拉米蘇，絕對唔求其，一點也不馬虎！酒味恰到好處，芝士也滑滑，但是這種是比較杰身，入口酒和芝士融合一體，是個不錯的句號！…Read More

去開灣仔呢一頭通常都係食越南粉泰國嘢又或者係西餐。一係就食一啲好多人先食到嘅中菜廳，價錢亦都唔平⋯⋯一起跳500-600😅剛好有朋友介紹話食呢一間餐廳，見佢門面乾淨簡約，以黑白為主，感覺幾舒服，所以都冇睇餐牌入咗去⋯⋯入到去先知原來係主打食海鮮🙈其實自己本身對海鮮有少少敏感，不過我冇諗到今次食完真係冇咩問題喎！可見得海鮮非常新鮮！因為得我同肥腩兩個，我又唔係食好多，所以只係點叫三樣嘢就收手啦！其中一樣野係我最鍾意食最鍾意食嘅蟶子。完全冇沙粒，非常爽口！粉絲同蒜蓉都配撘得啱啱好！不會太咸！正！食到一半，已經上咗蟹膏粥！真係好興奮！因為佢不停咁喺度滾😎仲見到好大個蟹蓋同埋成煲都係蟹糕！正！真係好值得回味同好好好好食！個粥係杰撻撻的，唔會越食越水！每一啖都有蟹膏嘅鮮甜味， 我舀起五碗，碗碗都熱辣辣，佢個煲真係好勁！不會吃到蟹殼和沙子，佢個鍋仲好保暖添！冬天一定番轉頭再食！雖然依家係夏天，但係冷氣好足夠，唔會話有個風位特別凍！特讚！蟹膏真係一籮籮，食到要打包！唔好講笑，裏面真係好多肉，雖然已幫你斬件，但每一件都有蟹肉食！真材實料！蟹肉仲係好鮮甜，唔係剩係煲到得番啖肉！其實食咗咁多野已經好飽， 不過不過仲有一碟未食！佢都非常之吸引，因為佢有鵝肝！佢係我的賣飛佛！今次嘅整法非常之特別，係用酥炸嘅方法！正！外脆內嫩同埋剛到火候的牛柳粒一齊食，很𣷸味！三色椒炒得乾身，爽而不油！吃飽後四個鐘都絕冇口渴之感！可見無味精，今次食落去真係覺得好幸福一切都值得！好滿足！應該係話大滿足！星期一， 就係咁樣食完就踢走咗Monday Blue! 下次返轉頭一定會食呢個黃金虎蝦，椒鹽軟殼蟹和菜遠炒班球！當然個蟹粥就唔使講，一定叫！呢一間真係灣仔臥虎藏龍嘅中菜廳，上榜多likes果然係實至名歸😍😍巧開心，坐得舒服又唔趕你走！好好好好開心的一夜！…Read More

因為短期內冇得去日本，所以就好懷念日本串燒居酒屋。咁啱有朋友介紹我去食觀塘呢一間串燒店，咁就二話不說咁訂枱。其實呢一間店舖位置非常方便，就係好多嘢食嗰棟大廈，同埋好多運動特賣場個度。我一上5樓轉左，就已經見到佢啦。雖然佢嗰間格唔似居酒屋🏮，但冇咩好勁嘅油煙味，但我哋返工人士來講算係幾好，因為件衫唔使即刻洗🤣燈光比較昏暗，適合我攰左成日對住電腦嘅人。坐下坐係幾舒服，冷氣適中又唔會太凍，又唔會太熱，呢樣係好少串燒店可以做得好今日正式講主菜啦。所有串燒都係主菜。今次食咗六款。第一款係墨魚丸，第二款係雞皮。墨魚丸雖然不是彈彈牙那種，但是墨魚質感非常鮮，大大粒，好味！雞皮，有別於日本，是脆卜卜的，吃下去一點也不油，又將吃薯片一樣，又薄又脆，像是沒有什麼罪惡感 101分香口點了兩款邪惡的小品，來一點清清的蘆筍。今次嘅蘆筍爽口，沒有任何渣絲和咬不斷的情況，一咬即斷，鮮味非常足夠，看得出是新鮮蔬菜！第三就是萬分令人期待的白鱔魚皮焦脆肉嫩，少許海鹽勾勒出魚鮮味，大口大口吃，又不太多骨，正正子，一定要encore第四是牛舌。彈牙爽爽，肉甜大件，不算太難咬！絕對值回票價！最鍾意就係即叫即整熱辣辣！呢方面我比一百分💯第五，細細的牛奶忌廉炸薯餅。我很很很很肯定係即炸！麵包糠鬆脆，內裏忌廉和牛奶滿溢，雖然無咩蟹肉，但係都係覺得好好食！價錢都合理，值得一食！🤣🤣芝士煙肉大啡菇，煙肉就冇咩特別，但係個芝士就真係正！一定唔係普通芝士⋯⋯篇莊芝士應該係無味嘅⋯⋯個蘑菇得非常乾爽！又沒有焦！煙肉廣島號相對比較遜色，可能唔夠時間燒，我哋又趕住走。覺得比較濕，不過都幾真材實料，無沙！至少佢係乾淨！海產呢方面做得好整體來說，我都幾鍾意，選擇雖然唔係好多。但係都已經足夠兩個人試，最緊要係佢每一件產品都做得非常之有水準！食完之後梗係出得去飲東喜茶！正！好滿足！…Read More

銅鑼灣閒閒地食個牛扒都真係好貴⋯⋯登龍街不嬲都出名多嘢食，不過同時間亦都出名貴。之前仲食緊lobster and burger，估唔到轉左工一年，事過境遷，竟然變咗間牛扒餐廳🍴初初都有卻步，但望真啲個餐牌，其實價錢相當實惠所以就衝左入去食。因為見到有白飯嘅原故，所以冇叫到小食，只係叫咗兩個主餐。Set C 頂級板腱牛扒～限量版其實另外點咗安格斯牛扒，安格斯牛扒比較諗身小小，但我鍾意食呢個多啲因為佢甜啲。肉質講唔上入口即溶，但五成熟來說，非常易咬，肉質鮮甜。切一小塊沾上右下角的海鹽，正唔記得咗提添沙律都非常新鮮！如果有更多炸蒜片會更開心Set B 安格斯西冷牛扒安格斯牛肉肥瘦適中，份量配上白飯非常夠飽！不過今次略嫌熟咗少少。特別想講呢個飯同味素其實幾好食，仲有個凍豆腐都好滑。你間餐廳好受歡迎，其實就唔係坐得好耐，不過環境幾舒服！最緊要就算有人食炸牛排，但唔會有一大浸油煙味！俾個字！今晚好滿足，依家轉攻老虎🐯堂！…Read More

新界妹突擊港島藍線最東端，今次仲要懵查查出錯左出口不過唔緊要有啖好食冇所謂！筲箕灣好多小廚，但係今日偏偏想食麵條，但佢又唔想食魚蛋粉，因為食過啦！所以就貪新鮮，去食下拉麵🍜！餐牌上面有好多選擇因為不嬲都識開黑蒜，所以例行點了個黑蒜！都係嗰句，貪新鮮，想試吓沾麵，但係又好怕溜⋯⋯所以點了一個清新的柚子豚肉沾麵！兩個大大大大大份量的大大大碗麵滿足了我和朋友的大肚腩！先講有驚喜的柚子豚肉拉麵（濃。硬。有葱）！侍應剛放下拉麵，清新的柚子味撲鼻而來，食慾立刻大增，垂涎三尺待應很耐心地解釋，如何食用沾麵～將麵條放落熱湯沾一沾就要撈起來，掛一掛汁便吃，大忌是將麵條浸在湯中久久不拿出，沾完後，師傅可以加湯，咕嚕咕嚕的喝湯去。他還介紹了湯底裏的五花腩值得一食！的而且確，真的好吃很多！以前我不太喜吃沾麵，因為太油！麵質硬得適中，不會死硬，有嚼頭！掛汁亦夠熱，拼上柚子豚肉，真的很不錯！不過如果朋友怕鹹，記住記住一定不要揀「濃」！第二款的是黑蒜豬骨豚肉拉麵，叉燒半肥瘦，帶點燒焦味，不錯吖！相比起沾麵麵條比較幼身，麵條滑身，湯底濃郁（都係果句如果怕咸，記住唔好揀「濃」），加上就炸蒜，一口氣便嘟嘟兩下清得一乾二淨！我哋額外加咗半隻蛋要特別一提，好多地方都冇炸蒜，呢度可以無限添加今場真係好滿足，我哋食完各自返屋企都無覺得口乾舌燥！可見師傅真材實料，服務態度都非常好而且坐位環境都好舒服乾淨推～小店！…Read More

對於一個新界人來講，港島已經好遠⋯⋯北角更加更加遠⋯⋯不過朋友係呢邊返工，加上又係happy Friday ! 就冇所謂啦！朋友話今晚經過見到一間好有格調的西餐廳，想蠢蠢欲試，咁岩個日得閑，所以再決定星期五去！入到餐廳果然非常有品味！一切都是以工業和酒廠的氣氛為主，擺設傢俬都是以木為主題。雪櫃放了不少蛋糕，本身諗住食完飯再叫， 但餐廳的份量十分大，吃不了⋯⋯下次再來！好啦好啦入正題！第一碟前菜～白酒煮青口！雖然不是藍青口，但每一隻都大大件，爽滑，無沙，好抵讚！青口配上清酒白汁！好正！洋蔥和紅椒的配搭相當好！好味我同朋友一人點了一份主菜，因為真係好肚餓好肚餓！我叫的是比目魚魚皮相當脆身薄皮，真係好好味！一咬即脆！爽爽！魚皮用了海鹽輕輕灑上，配上滑嘟嘟的魚肉，不會太油，又好好味！建議本身已經好甜，所以根本就唔需要沙律醬再配搭！正正正！本身件魚已經好飽肚，下面仲有一大堆薯蓉，所以根本就無辦法食得落甜品！我仲要試埋朋友嘅牛扒，簡直就係抱住兩個好滿足嘅肚離開餐廳。朋友嘅牛扒，屬於西冷，相比起比目魚，略遜一籌，不過份量依然的大！質素其實幾好，只係比目魚太好！牛扒肥膏並不多！筋肉平圴，要大讚是他們的刀子非常利，不用花半點力氣已經可以切開，送入口，慢慢咀嚼！薯條好好味！ 食完真係好滿足，下次有有朋友要約係北角！一定會食過返尋味！…Read More

銅鑼灣地帶要食有質素的日本野真係好貴，我哋唔打唔撞竟然見到一間地庫居酒屋🏮， 想當年去日本嘅居酒屋，有一啲都會喺地底。睇餐牌都見價錢合理，不過見佢係地窂，又唔知佢係咩樣⋯⋯其實都幾有猶豫，不過把心－橫入咗去。入左去，喜出望外，格局非常別樹一幟，茅草屋下有卡位，所有裝潢是以木材為主，光線恰到好處，淡淡的給人的放工後來聚一聚，談談心事的好地方！坐低之後服務員嘅態度非常好兩杯戀戀的綠茶🍵真係用綠茶粉㗎！好啦！入正題！首先係前菜，梗係鼎鼎大名嘅魚生拼盤，今次我地點左三川雜錦魚生，其實都係因為見到佢有蠔就心心眼不過都好擔心不衛生⋯⋯一問之下先至係知道係西班牙「名門望族」的大大大大鮮蠔，將心有我手掌🖐️咁大，真係好誇張！係外國的珍寶蠔都好似唔夠佢咁大！海水的鹹鹹，伴上非常非常creamy 的鮮味，真係一試難忘，回味無窮∞厚厚的魚生片，好滿足！個蠔一定可以encore HKD 50 一隻，citysuper 一定買唔到！吃過魚生後，就送上了串燒，次序來得剛剛好！他們容許我吃完一串再上另一串，熱烘烘的，先講牛舌，大件厚身，非常容易咬開，但又不失彈性！爽靚正！第二串是大葱雞肉。雞肉大大件，絕冇雪藏味，大葱非常新鮮，爽脆清新，醬汁不會太鹹，只是欠了一點燒焦的味道，也許這樣吃會比較健康。整體兩串串物非常好食！到主菜啦主菜啦！今次叫咗難波牛肉石鍋飯，一個字正！但的份量不算大，但吃了這麼多前菜小食，這個飯已經令我們抱着兩個滿滿的肚子滿載而歸！這個石鍋飯是重質不重量！好好味！最開心的是有飯焦，是脆脆的那種，金黃色的一塊，成個底都係！真的巧開心至於牛肉真係非常之出色！煮得一點也不太老，滑滑甜甜，根本不需要太多醬汁，亦好彩沒有太多額外的醬汁，正正！一口一口大口食！好味道！太飽啦！所以冇乜食甜品🍮⋯⋯最後只係飲咗一杯茶傾左一個鐘，即係意猶未盡咁離開咗。銅鑼灣搵到呢一啲旺中帶靜的居酒屋，價錢實惠嘅已經少之又少，其實下一次我應該會落去食一隻蠔，兩支串串燒，同朋友足膝長談，已經好滿足。銅鑼灣返工上班一族有多個可選擇啦！…Read More

銅鑼灣好多食肆都已經食過，又唔想食麵⋯⋯又想涼冷氣⋯⋯搵你搵去都搵唔到一間啱食有經濟嘅午餐⋯⋯終於終於俾我搵到一間台式食品店，點樣咁多好評，就試一試！真係講唔到！海南雞飯真係好好食肉質嫩滑但冇乜雞味，始終都係冰鮮雞，不過冇雪味，而且醬汁十分好吃，有五個醬汁，個人最喜歡吃星加坡黑豉油和青介醬，十分正宗味道！得返的份量足夠兩個人吃，最令我感到意外的是一個價錢包一杯珍珠奶茶絕對絕對唔係劣質的下品貨！不會太甜，珍珠不會太硬平時都唔飲珍珠奶茶嘅我都覺得幾好啊！多少我一定要大大大大大大大大大堆介小妹最鍾意食嘅蝦餅真係好好好好好好好好正！剛剛炸好，外脆內軟，大大大件。真係真係食到蝦肉！坐喺呢間餐廳都幾舒服一個下晝涼下冷氣食下好西，價錢也十分實惠，嗰日真係好滿足！…Read More