Nikki :P's Profile

星期日差唔多兩點幾先嚟到元朗，今次去遠離少少元朗市中心嘅地點，而且呢到隔離有個多層停車場，所以好方便我哋。地點唔難搵，基本上係惠康後面條街。我初初好驚星期日會Full House但人唔算多，地方尚算闊落，坐得舒適。兩個人點了兩份Lunch Set，一個娘惹咖喱軟殼蟹飯，一個西班牙海鮮意大利麵，Lunch Set轉泰式奶茶每杯+12，然後再點了一個Cajun fries，點咗個店員Cajun sauce 即係咩sauce，佢答我哋辣辣哋，好啦試吓見個Menu寫推薦。咖喱軟殼蟹飯個咖喱幾好食，而個意粉味道可以，個人略嫌個意粉無Al Dente口感，Overcook咁。Cajun sauce配薯條係好yummy，值得推薦。泰式奶茶以樽裝出現，幾特別👍🏻 唔會太甜，啱我口味！雖然呢到係Cafe嘅格局，而且都可以飲咖啡，但佢配以泰菜fusion 出現確實驚喜👏🏻 小店算不錯，值得支持！…Read More

某一日揸車經過見到有間Coffee shop都幾意外，竟然上水會多咗呢類小店。結果第2日就揸車落去食個Brunch。其實店入面唔大，食物主要都係食輕食，Toast/Scone/Roll cakes 𠴱啲，係有唯一一個All Day Breakfast🥲 Ok 既然肚餓就叫一份All Day & Beef & Cheese + Smoked salmonAll day breakfast 有煙肉、豬肉腸、炒蛋、沙律、啡菇、煙三文魚再加一塊Sourdough bread。我想講個Portion比我想像中細份，個煙三文魚無乜煙燻味同埋個啡菇咁細咗少少有啲失望，唯一覺得唔錯係個豬肉腸同埋個麵包，但麵包乾食有點Dry，可以的話建議俾啲Cream或牛油或Jam。Beef & cheese 加煙三文魚，點解啲Salmon係送係啲牛上面🤷🏻‍♀️ 都唔同味，建議分開放，如果得beef & cheese 灑一啲碎cheese係上面⋯⋯ 可唔可以用支火槍燒燒個面🥲 呢到咖啡不論凍熱、均有點微酸，應該係咖啡豆品種因素而並非Under extraction。Anyway 我個人鍾意微酸咖啡，可能做hand brewed 風味更佳。杯Flat White個拉花真係麻麻，成個圖案偏埋一邊又唔Balance，個barista 真係要加緊練習😅另外一個問題係店內坐位有限，而且啲檯非常之細，基本如果好似我哋又食嘢又飲咖啡，兩個人坐小檯根本不夠⋯⋯ 有點迫。輕食應該Ok。畢竟新店改善空間一定有，但亦好開心上水又多一間Coffee Shop。希望下次再光顧時會有所改善，年青人們加油💪🏻…Read More

自第一次係皇后大道試過NINETYS，之後到星光行，終於嚟到較屋企比較近的YOHO（家住上水）。用SHKP apps係可以取票，預早取票變咗縮短咗等位時間。係上水一開車落到Highway便取票，去到店時等咗15分鐘就有位。YOHO店位置：一田嗰邊，戲院隔離入到去安排Bar檯，時間都兩點幾，嗰到個Menu都係有brunch box嗰啲，但我覺得好似有點細份，所以都係點返日頭Regular menu有嘅嘢。Salmon & Cheese toast 同Piggy Piggy係我同老公每次必點嘅，Salmon & cheese toast 我覺得擺碟好靚，啲三文魚加埋Cheese都唔錯👍🏻 Piggy Piggy會特別啲，slow cook煮個豬肉，隔離條蜜瓜先係最最最重點，因為條蜜瓜用薄河醃過再處理過，所以係透明狀態，配搭個豬包一齊食，好清新。咖啡就一杯Dirty一杯Flat White，NINETYS我鍾情佢個CHOCO BLEND🤭 飲到朱古力情、好Rich嘅味道。每杯咖啡附上小卡介紹咖啡豆🥰 我坐係Bar檯，有位帶Cap帽嘅男仔行過時有嚟介紹吓啲食物，彼如叫我試吓食咗啲莓再似咖啡味道會出啲⋯⋯嗰碟Piggy點煮，very good👍🏻 整體而言，NINETYS算高質咖啡店，食物好好味，只是有點貴。間唔中嚟吓是不錯的！…Read More

想了很久生日去那裡慶祝，老實說一直都未試過到1881公館食飯，所以生日挑了這裡。老公在OpenRice訂座，前一日有發送Menu可先看。The Steak Room在Main Building一樓，被安排坐在窗邊。點了兩個Lunch Set Menu。落好Order、服務員拿了一籃麵包問你選那些，我隨便挑了兩個，我想說重點在那個牛油，好好味🤤頭盤以一個 Platter，食之前服務生會介紹我們每一款食物材料，並建議進食次序，由帶子開始、蟹肉再到他他然後沙拉菜。帶子配魚子醬，味道簡單鹹味剛好；蟹肉配紅菜頭，我覺得個層次豐富，啖啖蟹肉；他他上面有一粒橙色的是芒果汁，咬破後芒果汁連同牛肉，成件事好清新。龍蝦湯濃郁，老公很喜歡這裡龍蝦湯。主菜我們二人是Shared，所以都放到一個碟上。主食一個Rib Eyes 一個Seabass，另配一個鵝肝及半隻龍蝦尾。肉眼有煙燻味，熟度剛好，很好味。Seabass非常嫩滑，鵝肝入口即溶、龍蝦尾肉質鮮甜。由於主菜會跟大啡蘑菇及薯條，其實不用額外點鵝肝及龍蝦尾都足夠。（另外想講一講，主菜上菜前，服務生會拿一系列嘅鹽過來，介紹海鮮建議用那些、牛肉用那些，當然稍後亦會提傾mustard之類）食到這裡已到甜品，肉桂梨批+Rum酒雪糕。其實個批幾好食，只不過我真係太飽吃不完。整體而言，在1881公館裡能有這個體驗與享受，物有所值。午市對我們來說，更加Value for money😊 我想我好快又會再去食第二次！…Read More

之前行過見到已經想試，今日星期日放假終於嚟試咗。大概1:15分嚟到，等咗一陣就有位，坐吧枱，自助QR CODE點餐。極黑叉燒野菜拉麵 加$10配餃子（3隻）Deluxe叉燒拉麵 加$10配燒雞中翼（2隻）老實講敗筆之處，係個湯底有點淡，唔夠濃味⋯⋯ 唯一欣賞係塊叉燒幾好食，夠鹹夠入味。餃子麻麻哋、燒雞中翼個面燒得幾香口，我覺得唔錯，雞翼同餃子我會揀雞翼。結論：適合口味較淡人士，一試無妨。（需收加一服務費）…Read More

好Juicy嘅Cheese Burger 🍔 個包又好軟熟仲有得加pickles同埋洋蔥🧅 😍薯條夠晒香口🤤🤤🤤 其實可能唔加啲芝士都Ok，啲芝士都無乜特別杯50/50都唔錯，half red tea and half lemonade 唔甜又好飲😎 老公個包同薯無乜試，但杯coffee milkshake 都好濃咖啡同vanilla味，其實都唔錯！btw 想講係網站禁咗兩次都點唔到餐，變咗要出去排隊，係呢個位差啲⋯⋯ 其他experience都唔錯。食個Fast food都要成百蚊，貴係貴啲，但絕對value for money，一定會再食！…Read More

自從華嫂搬咗都未嚟過，見佢話今日星期一端午節照常營業，而且又無Lunch Break，所以直接開車過嚟試！新位置近天水圍站附近，渣車係High Way一出就得，係比以前叫做遠咗少少（上水出發），但今日無阻我食華嫂嘅決心。指示清晰，泊車位都清楚，只是等咗一陣車位。有自助取票機，如舊店設有等候區（左邊），大約等咗15分鐘多少少便有位，仲要咁好彩坐室內，簡直好開心！芫荽皮蛋肉眼筋豬潤米線 + 冰花奶茶 + 招牌芝士蛋咸牛肉豬仔包 係我必點之選。芫荽皮蛋湯底好味、肉眼筋夠腍、豬潤好味🤤 鹹牛肉豬，真心無得輸，未食過真係要試吓！食咗N次嘅心得：1. 唔好三五成群約埋朋友去食，等位有排等2. 一去到即刻取票先3. 等位時睇到食乜好，省卻時間4. 預咗好大機會坐室外，夏天帶定扇仔…Read More

Saturday brunch 約埋兩個女人一齊食brunch，隨便找便找到這間在YOHO MALL附近的餐廳，所以一試！約12點15分來到時，店裡人不太多不用等。店鋪走小清新風格，來得舒適，與好友吃點東西聊聊天，不錯之選吧。每人點了一款Lunch set，有湯有飲品（好像是跟$28以下或另補錢）1. 野菌忌廉雞肉配法式班戟卷 - 未食之前驚又甜又咸個味道好怪，但出奇地好食同好Match，配埋個忌廉老實說很好吃😋 值得一試2. 牛油果三文魚配法式香醋沙律碗 - Overall 個醋不太酸，整體易入口，雖然無乜驚喜，份量夠大，算Ok3. Fish & Chips - 個魚幾滑，新鮮炸出，幾香脆Long black覺得有點Under Extraction，但仍可按受。最後因為薯條太吸引，再Encore多一碟…Read More

星期日下午路經旺角，隨便上網找一找餐廳，見到有幾個食評，有新開估計暫時唔多人，所以一試。菜單選擇不多，主要都係食雞，Order了兩個餐：咖喱雞髀撈摻摻 - 濃濃咖喱配摻摻，都辣嘅，雞髀、豆卜夠晒入味，好好味。份量充足，推介霹靂仁當牛腩飯，牛腩都好入味，而且撈飯一流！另加：咖央西多士，即叫即整夠晒香口，推介！試業期間點餐送飲品，白咖啡🥰唔知係咪新開，上到去無人，服務都好有禮貌。小店誠意之作，值得鼓勵！…Read More

路過中環需要等候的時候，上網搜尋中環咖啡店，看到這一家藍瓶咖啡店，蠻有來頭的藍瓶香港新開的店便走進了。店舖簡潔乾淨，一進來便有店員的熱情Greetings。總共有地下及樓上，外面的外帶連小位子，樓上的有坐下喝咖啡吃東西，滿座而且很嘈雜，四時到要稍等位置，點了兩杯Latte，一杯冰一杯熱的送上，咖啡香味回甘，初時以為冰的那杯味度會因加冰已變淡，但絕對沒有，真的很好喝！五時打烊，但仍可在店裡多坐一回，很開心遇到一杯優質咖啡☕️ 真心值得推介！…Read More

上水附近好少有呢啲Coffee Shop，所以Lunch Break嚟試試。12:45到Coffee Shop，得一個Menu諗住食Lunch，有6個Options但兩個話以後唔出:(無得揀之下搵有食烏東同野菜飯黑松露雜菌讚岐烏東，味道可以香茅咖喱椰菜飯，個咖喱算香嘅叫咗兩杯咖啡Flat White同Iced Milk Coffee咖啡真係好香好濃，推薦👍環境坐係室外，我都明白戶外係大塵啲但係坐咗係到勁耐都無人啲抺枱呢到真心扣分如果食Cake飲咖啡係Ok，Lunch真心唔建議小店仍是支持的…Read More

第一次行過嚟食，杯泰仔奶茶好好飲又夠大杯，值得推介！叫咗配豬肉丸、豬腩南同豬潤麵，揀咗河粉（原來係泰式炒河粉啲重新河粉），豬潤有點厚唔夠淋麻麻哋，豬肉丸唔錯。點咗其他串燒，燒魷魚同燒雞肉串唔乾又幾好食，燒牛又細又唔夠雞Juicy囉⋯⋯ 整體都值得再試！…Read More

公司附近新開嚟過嚟試吓，裝修簡約，舒適。中午嚟冇乜人，如果食午餐冇乜嘢揀，一係食All Day Breakfast 、一係食Light bowl、一係食佢呢正啲包類。第一次嚟就試試個All Day Breakfast $148其實都幾大份，又有大啡菇、蕃茄仔（唔酸好甜）、有腸煙肉，有個有芝士味嘅薯餅仲有個牛油果醬包（麵包略嫌有啲硬）整體都好好味，價錢真心有點貴！叫咗一杯Flat White，跟個All Day Breakfast 加$25就Ok，咖啡好香好濃，好飲！呢到環境唔錯，樓底夠高又簡約，適合靜靜哋傾偈。…Read More

上網打大尾督All Day Breakfast，搵到呢間Shop，所以嚟試試！渣車嚟好快就到，位置就快到大尾督公眾停車場（但未到，就有個路口指條呢條村）。入村泊多一兩分鐘，就會見到好大個村屋Building寫住1970就到（不用上超級鈄路），車剛好可泊在門口，但車位非常有限，大家要留意。下午2點左右，入到去好舒服，無乜人又靜靜哋。食物選擇唔多，食物點咗一款Pomato pasta同埋All Day Breakfast。Pasta都Ok，意粉嘅軟硬適中，All Day Breakfast有啲驚喜，因為唔係西式，係日式嘅，所以味道配合得幾好，煎魚、炸雞同埋啲沙律🥗唔錯！至於咖啡就一般，凍飲俾環保飲管！…Read More

中午經過新店，見自己一個人決定入嚟試吓。入到去望到個Set Menu，想清清地叫咗一隻瑞士雞髀配米粉，連是日例湯一杯。隻瑞士雞髀幾入味又夠腍，配上清清地嘅米粉唔錯。由於杯湯好熱，結果問過店員拎左杯蓋就拎返公司飲，湯都算大杯，無味精埋單時，收銀嘅男仔問我隻雞脾係咪太腍，但我係覺得用筷子食有啲難handle，唔知點食隻脾好😅店面好細，食個麵筷子都撞牆。想食嘅建議叫外賣返公司食，會食得舒服啲！整體而言，值得再試，健康之選！…Read More