laikei's Profile

用apps 訂左位有七折優惠，好抵食，食物有質素，pizza 有麵粉香，煙三文魚份量足料，絶無將貨就價，小店環境寧靜，服務態度有誠意。Soho 區一向人流不太多，但勝在小店多，各有特色，價錢相宜，真係好過去尖沙咀，銅鑼灣迫餐死，假日餐廳人多自然就要趕客，侍應做到死自然就黑口黑面，實在影響放假嘅心情，所以放假想岀去揾食，Soho區真係一個好選擇。…Read More

第一次嚟，晚上七點幾食閉門羹，滿座。咁巴閉。第二次再去，晚上六點，好彩有位，二話不說梗係要試下個蠔餅先。喜岀望外，蠔仔大大粒，夠新鮮，炸漿做得好，鬆脆利落，係煎起，不油不膩。春菜腩肉夠入味，有家鄉感覺。鵝片夠味，一般水準。功夫茶奉上，傳統經營。值得一試。…Read More

想食下午茶，路過見到路邊嘅易拉格的menu,覺得價錢抵，都冇抱住任何期望，唸住填飽個肚。上到五樓，一出lift已見到大約十多人等位，等左十分鐘就有位，其實可以網上攞位，都好方便，午餐都係50-60蚊/set,下午茶都係30-50 蚊/set。我揀左下午茶餐，小食拼盤同公司三文治，facebook打卡，仲送飲品一杯，飲品可揀menu內所有特飲，揀左藍莓乳酪沙冰同香蕉沙冰，好味，好過星巴x嘅沙冰。。。多多倍，香滑透心涼。小食拼盤有誠意，夠哂大份量，有炸魚，炸雞翼，炸蝦，司華力腸名兩件仲伴大量薯條，香脆唔油膩，熱辣辣，仲伴有芥未醬同泰式辣醬。都係$45，值得一，公司三文治雖然無乜特別，但勝在有薯條伴碟，夠認真。兩個下茶餐連飲品，埋單都係$90，真係物有所值。…Read More

是次三五知己，短聚聊天享用晚餐。西餐廳來說，食物質素平平無奇，價錢亦合理，總算是一分錢一分貨，但無驚喜。因不想太局促，選了露天位置，覺得中伏，露天位置四周被大廈圍繞着，不通風，餐廳亦沒有通風設備，即係風扇都冇一把，加上餐廳大量油煙排出，覺得自己好似食完韓燒咁，由頭到衣服都是油煙味。…Read More

環境舒適，光猛開揚，服務周到，沙律共有四款，薯仔沙律醬汁恰到好處，泰式沙律略欠泰式風味，意大利青瓜沙律夠新鮮，凱撒沙律青綠爽脆，甜品都有八款，栗子撻，藍莓芝士餅，日式芝士蛋糕，提拉米蘇，芝麻糊。。。。美中不足是欠了雪糕。主菜揀左兩款-帝京乳豬黑豚义燒飯-乳豬皮脆肉嫩不肥膩，义燒夠焾夠厚肉夠入味，煎蛋買相略為失色。炸魚漢堡配薯條，魚柳夠厚肉，炸得鬆脆不油膩，厚切薯條香口。每人更額外送上一件巴馬火腿配蜜瓜，火腿略肥，蜜瓜香甜。加上八折優惠，埋單每人都係$130。值回票價。…Read More

下午茶時段，叫左雞扒米線凍檸茶，凍檸茶的檸檬有一堆黑色粉末，要求更換，侍應話係茶葉，但實在不能接受要求更換，待應即時大聲同廚房講，話左係茶葉都要換喎。轉頭換上一杯，但明顯係用水沖走d污糟，冇冰，茶色淡。我便叫侍應收回，不需要換任何飲品但要扣回凍飲加三元的費用。侍應十分不滿，再重申係茶葉可以飲。服務差，衛生差，食物質素差。…Read More