彼得小王's Profile

潮濕熱辣的颱風天真的就特別想吃點酸爽的，加上連日加班，前兩天終於約了一班同事下班解解饞。這家在旺角的大廈樓上，一進去就覺得環境不錯。提前預約了，給我們安排在了吧台旁的位置，店面不太大，一點也不擁擠嘈雜，寬敞舒適，特別適合一班人慢慢吃慢慢聊天的感覺。一坐下來就被桌上的撈檬汁吸引，被裝在燈泡造型的透明瓶子裡，很特別。我們一夥六個人，所以嘗試了好多款菜。先上來的是柚子蝦肉沙律，超級清新，配上花生碎和小辣椒，味道就一下子豐富了起來，一下子提升了對這個餐廳的期待值。來泰國餐廳就應該應景一下，點了個椰青水。整個椰子端上來，特別實在，當然椰肉也不能浪費，椰肉很新鮮，搭配等下酸辣的熱菜一定超級爽！強烈推薦生蝦！因為我們開始點了一份大家一致覺得太好吃了，果斷又加了一份，好吃程度可見一斑呀！蝦肉新鮮，最特別的是中間的醬汁，調和得剛剛好，好多種味道融合在一起又不衝突，增加了味道的豐富性，但又不覺得很強勢。吃完生蝦我們乾脆特別又要了一碟醬汁，因為絕對可以搭配一切美味！串燒和馬拉盞炒芥藍的好味道跟生蝦也是異曲同工！調味做得剛剛好，而且火候掌握的也很有水準，肉和菜都燒得熟嫩，口感很好！鹹鮮的味道就是讓人一口一口地停不下來，這在吃過的泰國菜中感覺是很難得的。絕對五星，十分驚喜！另外就是泰國菜必食冬陰功湯、明爐魚、春捲和炒金邊粉這些經典菜式，總體味道與其他泰國餐廳相比更適合香港人的口味，我們其中不太能吃酸或辣的朋友也吃得很開心。吃完也不會有特別重的味道或者特別口渴，所以相信是普羅大眾更會喜愛的新版泰滋味。…Read More

之前在深圳吃過一次蜀大俠，也是聽朋友推薦了很久的。前一陣終於在香港開了，一開始好像很火爆完全沒辦法訂上位，這次約了愛吃辣的朋友在星期一吃，終於解了個心願。環境真不錯，一進門就聞到香辣氣息，很誘人。我們坐在窗邊位置，很寬敞，裝修也很入時，有點中國風~功能表和菜品的名字很有新意，有些不太清楚是什麼，問了服務人員，也很耐心給我們講解。我們點了紅白鴛鴦鍋底，紅湯辣椒花椒用料很足！嘗試了主打的牛肚、黃喉和冰鎮鵝腸，菜單上都有貼心注明下鍋秒數，我們認真地跟店家推薦的秒數下鍋，真的剛剛好！尤其是原來總是很難掌握的牛肚和鵝腸，吃起來熟度正好，口感絕佳！牛肚下面鋪了一層切得薄薄的白蘿蔔片，味道很驚喜！羊肉片肥瘦相間，味道正好，冬天吃來還特別溫補。牛肉切得很大片，分量足，味道口感都不錯，值得推薦！還點了娃娃菜及山藥做配菜，山藥是大根的長山藥，吃起來脆脆的，特別爽口。飯後特意試了四川出名的小吃—紅糖粑粑和冰粉。紅糖熬得特別香濃，甜甜的又不會膩，粑粑是類似糯米團炸出來的小吃，配在一起吃起來超級香甜。為了中和辛辣，聽說四川人會在飯後來一碗冰粉解辣。但原來冰粉不是冰的，而是常溫的類似蒟蒻一樣的小吃，配料很豐富，有芝麻、山楂、葡萄乾等等，感興趣的推薦嘗試哦！…Read More

為求方便 在太子地鐵站附近找個吃的， 今夜尤其想吃重口味，就試試這家，估計專門做一個招牌菜的店，質素應該不錯。剁板草鯇 是極罕有的可以沒泥味 讓我們放心的吃，  魚皮還是脆脆的。 我就最喜歡吃蔥、洋蔥等配菜，很惹味！把整個精華吸收得淋漓盡致。讚啊！雞肶菇耐煮 正正好把愈煮愈濃的湯底吸住 非常juicy!秀珍菇吃菇比雞肶菇輕巧也快熟 然而唐芹夠爽脆 配上紅椒的辣 是另一種風味！😋😋座位排列整齊不擠迫 裝潢簡潔舒適。自製手打墨魚滑 新鮮彈牙 配上魚汁的精華 提鮮度大增！薯粉好吃 我們最後加多兩客 不浪費一點湯底😋😋魚皮餃不是四x魚蛋出的貨色 夠飽滿不油膩😁帶輕甜的雞軟骨 減了熱氣感覺。烤牛肉最重要不可以老 這個恰到好處！烤羊肉有少少肥膏 但沒蘇味， 入貨的職員應該挺有要求呢！燒鱔 可用3個字形容： 厚、甜、脆！ 正到想第時當小食 經過買走兩串邊行邊吃！這家店實惠、好吃、有誠意！ 我熱烈推介！…Read More

前排收到email話Starbucks會出新口味，會員仲有free upgrade，今日趁第一日就走去買左杯新品：冰搖椰子水特濃咖啡。所謂冰搖，無理由唔買凍飲啫，買Tall就可以有Grande啦，飲品同圖片一樣，黑黑地咁既顏色，仲有片檸檬架tim！講返個味道，叫得做椰子水，當然係椰子味十足啦！但係唔似一般椰子既香味，似係椰子糖既味，好似融左一堆椰子糖，加啲水咁，唔係新鮮既椰子味，甜度十足！咖啡味也是一般，唔太強烈，反而椰子味勁啲。Starbucks最近啲新品都怪怪的，都係飲返啲舊野吧！~完~推介指數：3~…Read More

一講起北京菜，我就會記起北京樓，個名順，又好食，唔講唔知原來北京樓係美心集團的！今晚當然唔係食百子千孫餐，先叫了一隻山東燒雞，太好味，雞像炸子雞咁，燒過的，皮脆，係金黃色。我不客氣的夾了件左脾，話晒係脾位，肉嫩，咬落去係肉滑，肉色白雪雪，汁都幾好，惹味。賽䠙蟹味道好清香，加埋醋就一流！最後仲叫左高力豆沙，糖多好味啲，我自己沾左好多糖，高力豆沙仲係熱辣辣的，個皮好似有啲香蕉味，好鬆軟，一咬要齒開，後尾是煙煙靭靭的，豆沙餡一般，唔係爆漿出黎𠴱種，甜度OK，北京樓真係北京樓！～完，推介指數：7～…Read More

以前一哥焗豬扒飯好味，是大家樂的標記，估唔到現在仲厲害，芝味厚切一哥焗豬扒飯。芝味當然係講緊有芝士啦，起初我以為係豬扒內有芝士，但原來是飯面有芝士而已，芝士焗得拉絲的，我諗可能都有兩片芝士，因為芝士味好重，除左豬扒同芝士，仲有菠蘿，蕃茄等，都算好重料，深入講講塊豬扒，講明厚切又真係幾厚，皮有啲蛋味，好似搵啲蛋漿包住塊豬扒煎過咁，豬扒肉質幾嫩滑，咬落都唔會覺得靭，飯是炒飯底，幾有Heart！熱好立克無味，不要試了。～完，推介指數：7～…Read More

行過Megabox，行足咁多層，哈，腳都軟埋，呢個時候偉大既Starbucks出現了，新一年出左兩款新飲品，我今日就試左其中一款：黃金芝麻焦糖脆趣鮮奶咖啡，聽個名係威係勢，試過先知！杯野一開白色的，面頭有層泡加少少Cream，中間仲夾雜左d黃金色好細粒既野，食落去有d似加細版既粟米片，再飲一啖兩啖三啖，努力咁飲都只是普通咖啡味，咖啡粉唔係好香，（其實頭先一打開蓋已經覺得無乜咖啡味）。杯野黃金我見到，芝麻同焦糖就？好似我無叫佢skimmed milk，如果唔係我諗完全唔甜，我想講係零焦糖味，至於脆趣我諗就係似粟米片d野啦！Um...加黎唔知做乜？～完，推介指數：0～…Read More

有好野我都益朋友既，不過今次我先自私食，拉麵店外好多人，好在我一個人，搵到個居酒屋位，即係對住廚師食那隻，呢度拉麵分幾種，我就叫左「黑蒜。鳴」，係黑蒜油加上豬骨濃湯內，碗麵帶給我驚喜，先說賣相，黑蚊蚊的拉麵，我沒有想過會咁多黑蒜油，飲兩啖，有蒜味有油味，難得地中間還有豬骨味，大家的比例是50，50。（起初睇有點似墨魚汁），麵底我揀左幼麵同曲麵，曲既拉麵我真係第一次食，睇賣相好似公仔麵，但食落唔似，幼身好多，質地上公仔麵比較粗，又比較油，曲麵有d似「簡水麵」咁，有少少鞋口，配料我沒有選擇一般會食既叉燒，選了豬軟骨，豬軟骨本身已經有味，仲有半隻流心蛋，凍凍的蛋漿流出，融入麵中，凍熱交融呀！見到我喜愛既玉子燒點可以錯過？叫左個芝士蟹肉玉子燒，話時話呢個仲貴過一碗拉麵，是關要$78，拉麵都只是$75，所以都幾期待，果然係無令我失望的，黎到已經好生動，有堆木魚係度飄呀飄，我切開左幾件慢慢食，一切開啲蛋漿就爆出黎，夾層內睇到有好多蟹肉，足料上碟，呢個玉子燒似普通蛋卷，因為蛋味好足，又香又濃，反而傳統的甜蛋味較少，都好，我都怕太甜。～完，推介指數：10～…Read More

南記作為粉麵舖，係香港都算出名，我會叫佢做良心食肆，當某啲粉麵賣到4X碗淨雲吞麵的時候，南記仲可以$26兩餸粉麵！今晚試新野，牛腩春卷小窩米線。旺角的南記在旺角中心對面，人流極旺，好在一人位都易搵。小窩是帶啲酸辣，酸較多，辣較少，配料還有酸菜，芽菜，腐皮。牛腩不「un」，也無肥肉，浸左水的春卷我都是第一次食，春卷內的魚肉好彈牙，感覺像鯪魚肉。南記的豆漿也是高水準的，甜岩岩好，唔算好甜，最怕綽號「無糖豆漿」，一啲甜味都無。臨走見到$19的早餐，好抵食，7仔都$16三文治的時候，南記都係$19。～完，推介指數：10～…Read More

富臨下午茶平靚正，我都幾鍾意。不過富臨唔係周圍都有，剛巧今日要入屯門新墟，附近已經有，即管去試試。富臨兩點已經開始下午茶，先叫蝦餃，蝦餃貴，得三粒，但味道好好，蝦肉大，蝦餃皮都夠黏，不錯！蘿蔔糕配甜醬係最好味，但煎得有啲過左火位，因為有點兒燶左，但蘿蔔糕質地柔軟，加返分！蒸馬粒糕雖然沒有黑糖，但係好香蛋漿味，送點心阿姐仲好貼心，見我地成枱野就比埋個蓋我地叫我地蓋住先，雖然開蓋時有啲倒汗水，但不失味道，甜甜的馬粒糕，中間沒有餡料，最正宗。$14.8尚算便宜。燒賣都係$14.8，比起馬粒糕，燒賣更抵食，四粒不是三粒，燒賣粒粒大大粒，豬肉加蝦肉餡料，蒸的時間岩岩好，不會太老，燒賣皮都好味道，係雲吞皮黎既。…Read More

早排去左濕地公園，第一次去人生路不熟，走時搭輕鐵返天水圍站，行經見到有爭鮮，唔想諗，就買爭鮮做晚餐。我好少食爭鮮，試花之戀，$40有6件，每件都幾大，見到啲沙律醬係超多，滿晒成件壽司，花之戀外圍係三文魚，唔薄，如果太薄會包唔晒啲飯，入面係沙律醬同蟹籽，啲沙律醬好好味，豐富左單調的飯味，蟹籽太細粒，食落肚無乜感覺，呢個花之戀都有80分。一盒花之戀滿足唔到我，另外買了鰻魚壽司，係鰻魚唔係海鰻！鰻魚既質感比起海鰻更要豐富！鰻魚味濃，每片都塗上濃濃的鰻魚汁，但鰻魚有少少骨，要小心。天水圍站好大，爭鮮係E出口。…Read More

牛扒我覺得7成熟最好食，如果鐵板上既話，5成都得，宜家好難食到好味牛扒了。大部份餐廳都係會煮8安士牛扒，而且價錢都唔平，起碼百幾兩百蚊，今日我挑戰12安士牛扒。餐廳雖小但幾靚，雖然面向街，但係都算幾靜，叫左個美國12安士西冷牛扒，一睇menu已經覺得好勁，叫左牛扒我都唔敢叫其他野！牛扒真的好大塊，12安士超勁！伴碟仲有薯條，脆薯條不只是炸，面還有少少味粉，好滋味，唔會覺得寡。牛扒上有一種好特別的汁，仲有少量洋蔥，個汁清清地唔算好濃，唔知係咩汁，幾入味。牛扒選擇了西冷，食落比較林，唔使出盡九牛二虎之力去食，肉質幾嫩，無筋唔難𡁻，難得夠juicy，煎扒時都好考功夫，要鎖住肉汁，汁除左有牛味，還有剛才提及的洋蔥味，整體都十分好味，食完個扒已經完全食唔到其他食物，這個12安士，我給80分！…Read More

朋友新屋入伙，住荃新天地附近，夜晚大家又唔想叫Pizza同炸雞，就落樓下食飯，朋友帶我地食串燒。餐廳不大，但叫一見關七，只要有需要店員都會睇到立即黎幫。抬頭望見到有個3週年facebook任務，送野喎我梗係唔執輸啦！已經玩了，名額40個！由於唔特別肚餓，我只叫了串燒，先叫了燒羊架，$28一件，羊架厚實，肥大肉厚，so味唔多，只食到好香的燒野同七味粉味。鹽燒牛舌充滿鹽味，燒過既鹽味道不一樣！牛舌軟軟地，又厚，有嚼勁！明太子雞翼很特別，雞翼表塗左層燒烤醬，雞翼燒到橙黃色，明太子係餡料，加添左雞翼味道，燒既時候剛剛好，表皮少許脆，入面又熟，加埋明太子，令雞肉好香。燒茄子係原條上，切開好大條，我地叫左中辣，食落都幾辣，茄子切開一絲一絲，茄子肉又軟潤，茄子經常同其他食物一齊煮，都會被其他食物搶左味，但今次可以食到茄子原來的味道！芝士翠肉瓜都幾特別，翠肉瓜本身無味，芝士燒過之後變得有啲融融地，熱融左既芝士展發左芝士既香味，令平平無奇既翠肉瓜加左兩分！食下野當然都要飲下野，Apple Cinder係我今晚既選擇！串燒配啲酒好爽，仲要係有氣蘋果酒！無啤酒咁粗獷，好味得黎斯文，好酒好酒！…Read More

行過新世紀聞到超香的味道，於是立即衝埋去，原來是泡芙的香味！$20，朱古力味，整個外層都是朱古力，好香，食落好滑，朱古力味濃，硬硬地，不是朱古醬。內裡是香滑的奶皇，食落有流沙的感覺，係Cream般咁滑，出色…Read More

前幾日聽朋友講呢間餐廳好多哈哈笑，諗唔到食咩就去呢度開餐順手行下k11。貴又唔算貴，我叫左個烤A4和牛腹肉，齋睇個樣都過得去，撥開啲菜，嘩！六片咁多牙！仲要生既，點食?點菜個陣又唔問我要幾多成熟，樣就舖排，設計都幾靚，但份量太少家，不華又不實。餐廳既drink menu係完英文的，唔識我咪問下咩黎既，態度勁差，完全唔想解釋我聽，最後唯有叫杯聽得明既Green Tea Latte啦！餐廳無門，所以好嘈，傾計談心唔係好適合。…Read More