matchhead's Profile

呢間餐廳環境好好 行入去有種浪漫情調，室內光線岩岩好 又靜靜地 好岩同老公嚟食飯首先自助餐的海鮮種類唔算豐富，當中有六款，包括小龍蝦，凍蟹,青口,長腳蟹 特別必食蟹夠厚肉啖啖鮮甜肥美，而且咬落Juice多汁高質刺身都係吸引嘅地方，特別係各種嘅刺身三文魚少不了,蝦刺身都相當鮮甜熱食區有海南雞,胡椒炒蟹包羅萬有,咖喱非常出色，味道正宗偏向馬拉口味講吓個甜品驚喜既佢有唔少栗子相關嘅甜品,好岩呢個天氣食,我最鍾意就係佢個法式栗子蛋白撻,整得十分好食總括而言餐廳人流唔多唔嘈吵,員工都Refill食物幾轉,我都會再推介朋友黎呢間自助餐…Read More

家姐就快去移民，所以特登揀咗一間特別嘅中菜，由阿翁主理嘅阿翁小館，一定穩陣！加上家姐特別鍾意食大閘蟹，我哋就點左呢個「至尊大閘蟹鮑翅宴」。我同家姐食完都非常滿意！生拆大閘蟹粉翅翅既粉量好多! 加埋蟹粉嘅點綴，一絕！28頭吉品鮑阿翁嘅鮑魚真係不得了，又入味，林得黎又有咬口，火候啱啱好六兩大閘蟹新鮮，非常足秤，好多白色膏，成個口腔都漿住左。蟹肉非常飽滿，我同家姐食到lamlam脷薑蔥生煎鹽香雞呢個食落有驚喜，雞皮煎到好脆口，加埋薑蔥嘅鹹香，好開胃蟹粉蟹肉炒飯好炒功，粒粒分明，又乾身，啖啖蟹粉蟹肉味！…Read More

無我去旅街真係好掛住台灣打邊爐嘅味道🤦🏼‍♂️🤦🏼‍♂️🤦🏼‍♂️🤦🏼‍♂️🤦🏼‍♂️所以選擇左牛大人餐廳地點方便而且店內環境舒適,靜靜地與一班朋友聚會係唔錯選擇,首先會有3個級數牛肉選擇,當然我們選擇最高級任食和牛,因為價錢唔係相差太遠,對自己好d😍呢度用QR code落單方便又快捷,十分環保,而公眾範圍仲有個自助區域,各款台灣直送火鍋配料有多種醬料及不同食物,飲品 例如:十多種丸類,蔬菜等😛😛😛牛大人對肉質素好高😍😍全部食材都好新鮮。其中我鐘意食牛肩胛,牛味勁重不斷重複order,另外燥肉飯亦好美味,燥肉味濃每一口都充滿着台灣味,最後買單時仲每人送一杯Movenpick雪糕🤭🤭呢度都幾十蚊…Read More

上網成日聽人講Pancake好好味,所以walk-in 這間The Pantry食晚餐員工帶我們坐窗邊位置,一坐低員工都遞上紙巾給我們放口罩,環境很好寬躺不嘈吵,好適合朋友傾心事我地叫左2個主菜+ 一個pancake,首先來大蝦冬陰功意大利飯十分開胃,辣得來又 creamy 而且意大利飯亦烹煮後米粒仍清晰可見,不會黏作一團。另外芝士蘑菇安格斯漢堡包一咬落去牛肉好厚身還會感受到牛肉汁充斥着成個口腔牛味香濃而不膩,而且蘑菇,芝士,煙肉配合好好重頭戲當然到梳乎厘Pancakes,Banoffee Cream Brulee Pancakes面頭帶有一層脆焦糖配合拖肥及雲呢拿吉士醬鬆軟又夠蛋香呢度唔單止食物質素好 價錢合理 服務員仲非常熱情友善,唔怪得上網咁受歡迎啦 值得推薦喔!…Read More

呢間餐廳一直都好想試下,食特式煲仔飯及創新食材配搭菜式,餐廳地點方便而且店內環境舒適,靜靜地與朋友聚會不二之選。餐牌有不同套餐及散點可以選擇,職員用心介紹餐牌內容,最後我們每人叫了一個2個煲仔飯及幾個小菜事不宜遲我地叫左係西班牙臘腸排骨煲仔飯及松露雜菌雞煲仔飯,首先講左個西班牙臘腸代替左中式臘腸,十分創新!食落去仲好食過中式臘腸,大家真係要試吓!另一個煲仔飯嗅起來已經好勁松露味,飯焦香脆好容易夾得起！當然小菜必試除渣麥皮雞翼,用麥皮包住雞翼落鑊炸,食落口一d 油膩感覺都無,雞翼一字骨十分方便,而且雞翼嫰滑多汁另外仲有個一定要試脆炸鯪魚球,炸得十分香口再配芥茉醬十分開胃,令我們食完再想食…Read More

放工行過IFC 3樓見到呢間中菜環境好似唔錯，又見到而家有大閘蟹menu，即刻就book位帶老婆來食返餐全大閘蟹宴!呢間大閘蟹宴菜色都幾特別，唔同一般食來食去都係豆苗、糯米飯、小籠包咁悶老婆好鍾意食呢個蟹粉香煎帶子，我就覺得佢幾新穎，帶子好新鮮，煎到外脆內軟，火喉唔錯!個蟹粉source點埋個脆既toast食好似食上海鍋巴咁，感覺fusion得黎又冇違和感翡翠苗沙律就食得多，熱食真係第一次，我唔sure翡翠苗係咪鬼佬菜，但扒翡翠苗個感覺又係好fusion，菜個source同其他野食個蟹粉好似有DD唔同，定只係因為係菜所以會濕少少? Anyway,個蟹粉source真心無敵，除左有唔知幾多隻蟹既蟹膏係入面，仲食到有蟹肉，食到呢到就覺得好抵!蟹粉蝦球拌麵就非常正氣，蟹粉source同麵分開上，佢個拌麵係用粗麵(應該係全蛋麵)，沾哂D source食落口都幾full，輕輕多左重蛋味，食返D澱粉即刻滿足多一倍，蝦球好爽口，配埋source都幾夾最後就輪到大閘蟹本尊，有齊哂工具食係幾方便，大閘蟹質素好好，超多膏!老婆食完就表示滿足，而且呢到環境都唔錯，值得推介!…Read More

我喜歡與三兩知己聚會，今日約到銅鑼灣一間大家都未試過的餐廳。一上到黎就覺得環境傻雅，非常清靜，高層又有海景。前菜有蜜瓜黑毛及蟹餅，十分精緻美味，蟹餅味道豐富，有啖淡蟹肉外更微微煎香！跟著是黑松露磨菇湯，有濃濃黑松露香味，及鮮甜的磨菇味。主菜方面有龍蝦西班牙飯。龍蝦同蝦肉都非常爽脆，飯粒飽滿上色，乾硬適中，非常合味。另一個是慢煮三文魚加蟹肉飯，十分鮮味。還有一個是燒美國牛扒，我們叫的是7成熟，還有肉汁。甜品：每人有5款，每款除了精緻，也相當美味。整體不算太甜，而且帶點酸，好消滯／開胃。套餐還包了每人一杯紅酒、白酒或soft drink 選擇。…Read More

鐘意食麻辣火鍋嘅一定要試渝味曉宇，渝味曉宇有幾間分店，其中最方便既地點本人覺得係係尖沙嘴，幾近地鐵站，行幾分鐘就到好方便。嚟食渝味曉宇緊係要挑戰食麻辣燙底，九江格麻辣火鍋井字型，湯底紅色，格格都有辣椒，聞到都覺好正好吸引！鮮黃喉係呢度其中一樣超多人點既，佢其實係豬牛的血管，切得薄薄地方便碌熟。食落好爽脆又鮮甜，浸埋落麻辣湯食落麻麻地辣好過癮。現炸豆皮又薄又大塊，炸得好脆。就咁食得，浸埋落麻辣湯底嚟食又得！咬落好香脆，直得試試。…Read More

今日帶女朋友黎到一間幾出名好多分店既泰國餐廳greyhound~佢個設計都grad 隻碟好有特色越式鮮蝦雞肉米紙卷外形好似腸粉 個汁都幾特別 酸酸地幾開胃冬陰功配意大利雲吞個冬陰功唔會太辣, D雲吞好入味, 隻蝦仲係太太隻TIM蟹肉黃咖喱飯🍛佢好多蟹肉係面, 加上佢仲有個湯比我地係FOR如果食完咖喱飯之後好濃味個咁就可以飲個湯清淡下食完佢既甜品緊係食佢好出名既甜品啦!!!我同女朋友係椰子既愛好者所以就叫左個椰子味千層蛋糕同椰子雪葩超級好食個千層蛋糕同雪葩, 係正!!!!…Read More

今次去左中上環區搵好野食 ,竟然比我發現一間專食日本和牛餐廳,呢間餐廳會用火鍋讓客人嘗試不同牛部位.我們選擇坐在吧台,因為可以望住師傅整哂成餐比我地食，好有feel！餐牌內有4個set ,還有一些可以散點食物！我見到旁邊客人都係叫set 為主,所以我同朋友都叫了一個a4和牛set $568同Kuro Omakase Set $788 .用簡單銅鍋裝著昆布熬成湯底,有益及不會搶走和牛鮮味, 呢個係食和牛shabu 既基本梨，用得呢個湯底即刻有信心好多，證明老闆都係識貨食之人!首先來了蔬菜籃種類都多,而且十分新鮮！A4黑毛牛拼盤,有牛既不同位置,例如牛肩肉,胸腹肉等,雪花脂肪紋分佈平均,食落去肉質鮮嫩,肉味濃香！重頭戲A5黑毛和牛拼盤,雪花脂肪紋比A4更細,食落入口即溶,令人難忘!另外，omakase 真係好抵食，總共有4盤肉，一盤牛一盤豬一盤雞，雞不得不提，好好食，雖然都知道係冰鮮，但係一食就分高下，好鮮好肉生雞，一問之下原來又係老闆做左野，用既係鹿兒島番既雞，1年產量先有300隻出產，甚至可以佢刺身既雞 點會唔鮮！…Read More

老鳳冰室一聽個名已經覺得心郁郁要去食,果然冇令我失望,入左去餐廳自已好似去左以前60,70年代,玩味十足環境好懷舊影相一流！呢餐廳連餐牌都別有用心,用信件做主題!我同朋友叫左2杯飲料,3樣食物 ,全部名字都好特別呀,例如:波波奶茶,忌廉哥溝牛奶姐波波奶茶其實是用1粒奶茶大波冰放在奶茶內,飲落香濃奶味香滑而且非常耐冷蝦多士好大份,炸得香脆唔油膩裏面包着滿滿蝦膠配上沙律醬更加美味！接著來焗豬扒保齡球聽說網上這個評價好高,麵包包着豬扒,炒飯,茄蓉絕對唔hea整,值得推介！…Read More

其實大時大節都經常去舊鋪捧場，後來轉場有新分店，就當然要試下啦餐廳新裝修，全部都好乾淨企理，最值得讚燧個壽司檯，因為前面無任何野遮擋，水平視線好容易就睇到師傅每一下動作。就算唔識食都唔緊要，因為經理會教！佢地嘅江戶前壽司，最希望客人用手去食，所以會比埋餐用濕紙巾！由前菜到開始到最後，好似食左15定16樣野！有肥美嘅北海道生蠔，清爽唔帶腥，好易入口！食緊個陣師傅，只要問師傅，都會肯Fill醃蘿蔔，非常nice主打部份係壽司，壽司一共好似有10件，每一份都新鮮製作，由淺味食至重味嘅壽司，微溫嘅手握醋飯，配事先輕發酵過嘅刺身入口有種好甜嘅水果香味，好難形容，似係西瓜，又似蜜瓜！如果問師傅嘅話，師傅可以好細仔講出每種魚嘅味道，食落口你大約知道要點樣試食舊壽司最後想講嘅係，埋尾係一個手卷，由魚皮燒出油，再加埋吞拿魚茸配飯，好味到呢！…Read More

今日陪親戚小朋友喺附近嘅紀念館參觀完實在太肚餓，嚟到呢間南亭，嗌咗呢個南亭一人前套餐。😚😚呢個套餐都幾豐富，有露筍豬肉卷、青椒仔、冬菇、安格斯牛柳、雞翼，超多選擇！！值得一讚嘅喺露筍豬肉卷，食肉難免有油膩感又有蔬菜嘅清新平衡一下。安格斯牛柳都唔錯，燒得唔會太乾，幾juicy! 銀雪魚有豐富omega 3, 但略為乾身和口味偏淡，真心值得推介一下！😝其實呢個餐都好夠食，有好多料，同埋小朋友食就真係啱啱好🙈…Read More

之前都未有去過哩D真係飲中國茶既地方, 感覺好新鮮... 冇想像中咁古老, 反而有文青既感覺... 可能因為店主都係一位90後既後生女, 所以一入到店就有種小清新既氣息😆🌱有多種茶類可以揀, 白茶, 綠茶, 黑茶等等～ 普洱仲有多種茶餅選擇... 中意飲普洱既一定唔可以錯過😁 揀好茶, 揀埋沖泡既方式, 可以揀蓋碗,/ 玻璃茶壺/ 冷泡～ 冷泡數量有限❗ 如果你揀蓋碗, 就會全程有店主教你自己沖, 可以感受埋泡茶既樂趣🤪 而玻璃茶壺就會有預先泡好, 拎到黎直接飲就OK～ 不過無論揀邊種方法, 係沖之前店主都會先拎你揀既茶葉俾你聞下先再拎去泡👃🏻OVER ALL黎講, 哩到環境真係好舒服, 又靜... 而且價錢唔貴, 頭1個鐘$48, 之後每半個鐘$15～ 仲有小食可以食....…Read More

放假梗係要放鬆下食番個tea~ 今次就試吓喺尖沙咀嘅Victoria Rose Tea Room嘅 英式下午茶 呢個set除咗有嘢食之外仲每位都有一壼花茶或者一杯咖啡揀嘅 我哋呢就揀咗維多利亞玫瑰花茶 呢個花茶一飲落去就勁濃嘅玫瑰花味, 喺出邊好少飲到咁香咁濃玫瑰花味嘅茶多數都要自己沖先會濃味，證明佢好足料啊 等左陣主角終於到啦 呢個英式下午茶總共分三層 十一款小食 最低嗰層呢就係鹹點二上面果兩層呢就係甜點啦 我就重點介紹幾款點心啦 鹹點方面，法式烤磨菇好濃磨菇味，加埋少少cream喺入面口感好滑。另外個芝士焗忌廉千層薯芝士味香得黎薯仔味都仲係好出。估唔到鹹點都整得咁好 黎到主角甜點，首先法式焦糖燉蛋，蛋味好香濃又唔會過甜，焦糖燒得好脆，大大份然後抹茶cheese cake超級濃抹茶味，一食落口抹茶味就爆出黎咁，特別要提到個餅底整得好好，唔會太軟又香牛油味。 總括黎講所有野食都整得好出色，食呢啲下午茶最驚就係得兩三樣好食，呢個完全冇呀，所有野食都好正好好食。同埋出面有啲tea set可能比一個錢買一個英式下午茶，有時野食會唔夠分。呢個好處係收費係人頭計，所有點心都每人一份，咁就唔使讓黎讓去啦~ 最後加分位係cafe入面有唔同頭飾比大家戴住打卡，又食得又玩得~…Read More