YuuuuuuuU's Profile

欣賞Coldplay演唱會後，我和友人都覺得意猶未盡，可惜散埸時啟德場館附近不少食肆已經關閉了。我們決定去這間營業到凌晨2點的餐廳吃宵夜，因為餐廳在旺角睿景酒店對面，地理位置方便，附近也有中港旅遊巴士站餐牌的選擇豐富，包括各種串燒肉類、海鮮類、蔬菜類，連西式餐點都應有盡有。辣度及醬汁可以提出要求，我們選了中辣口味。蒜蓉燒蟶子王上桌時充滿蒜蓉香氣，加上蟶子看起來又大又肥美，令人垂涎欲滴！濃郁的蒜蓉香味跟蟶子的鮮甜味完美融合，整體肉質爽口嫩滑，鮮香惹味。鹽燒牛舌牛舌燒烤至表面焦香，內部保持著嫩滑多汁與彈牙的口感。鹽的加入提升了牛舌的鮮味，牛舌豐富獨特的肉香以及鹽燒帶來的層次感，我和朋友超愛。泰式燒豚肉豚肉切成適中的薄片，份量不少。豚肉燒得恰到好處，表面帶著誘人的焦香，肉質嫩滑多汁。搭配特製泰式的醬料，酸酸辣辣十分開胃，好吃。鴨胸串鴨胸保留帶皮的部分，油脂令鴨皮變得酥脆，外層金黃誘人，而內部的鴨肉則保持粉嫩多汁，充滿香氣。燒日本芝士年糕烤至外脆內軟，軟糯的年糕與融化的芝士完美結合，口感層次豐富。蒜蓉燒茄子（原條）蒜蓉均勻地覆蓋在燒烤後的茄子表面，賣相吸引。燒茄子滑嫩多汁，充份吸收了蒜蓉醬料特有的濃郁香氣，又帶著茄子自然的甜味與燒烤香氣，味道豐富。串燒豆腐豆腐醬汁微甜惹味，外皮焦香而內嫩有汁，有驚喜。特式蒜蓉包（配原粒蒜頭）共有4件，上桌時已散發出誘人的蒜香。蒜蓉包色澤金黃，外層超級香脆，就連坐在對面的友人都聽到酥脆聲！烤原粒蒜頭味道濃郁甘甜，輕輕一擠就能讓蒜蓉滑出。整個蒜蓉包外脆內鬆軟，配搭蒜蓉均勻塗抹在麵包上，每一口都能感受到濃烈蒜香，口感層次豐富，令人回味無窮。開心果乳酪由開心果粒、開心果醬、乳酪組成。濃郁的開心果味搭配口感柔滑的乳酪，整體充滿堅果香氣，香而不膩，口感及層次十分豐富總結來說，食物種類多又美味，而且營業至凌晨，喜歡夜生活的我們會再光顧…Read More

近年茹素風氣盛行，這晚友人建議較少接觸素食的我們去這間新派素食餐廳嚐鮮。餐廳用餐環境明亮舒適，座位寬敞。裝潢設計簡約卻具文青感。主食有各種風格的素食選擇，包括台式、泰式、越式等等，十分特別。。自家製香蕉蛋糕配焦糖香蕉琥珀合桃純素蛋糕沒有使用牛油及雞蛋製作，竟然都烘烤到外脆內軟的口感，而且香蕉味非常濃郁充滿香味，十分驚喜。琥珀合桃藏在蛋糕底部，外層十分酥脆，與合桃的自然香味很搭。整個甜品的口感及層次非常豐富，好吃！。黑糖本地薑黃燕麥奶（熱）這晚天氣較寒冷，於是把主食飲品升級為本地農產品推介的黑糖本地薑黃燕麥奶。整體味道既香又辣，但十分順口。加上薑黃能行血補氣，喝了身體馬上暖和起來。。越式沙嗲羊肉串燒春卷拼盤拼盤有香茅酸種法包、飯、串燒、蝦片和翠綠蔬菜，份量十足！沙嗲醬香味非常濃郁，微辣惹味，辣中帶甜，而且有花生等香料令層次更豐富，跟各種拼盤食物都十分匹配，我們都超愛這個沙嗲醬！。泰式香辣炸蝦秘製冬蔭意大利粉食物上枱時酸辣香味撲鼻，份量不少。冬蔭醬十分惹味，酸酸辣辣超級促進食慾。素炸蝦感覺像炸腐皮卷，外皮酥脆內部有層次。配料還有茄子和車厘茄，如果更多配料就更好了！我喜歡意大利粉的口感，軟硬適中又掛汁！總結：原來純素食物都可以做到如此美味，質素有驚喜！加上用餐環境舒適，下次會再光顧！…Read More

又到12月啦，勞碌咗一年所以決定同朋友去食好野慶祝 朋友話元朗有間放題性價比好高，於是我地決定黎呢到盡情食！（揀左星期日17：00食到19：00，$248一位）餐廳除左普通座位之外，仲有塌塌米！背景播放住日文歌，好有氣氛！用餐環境乾淨整潔，座位舒適。食物係用QR Code落單，有勁多唔同種類既選擇，目測超過100款，例如刺身、串燒、火炙壽司、鍋物、炸物、沙律、甜品等等。 我地仲決定慶祝2023年就黎完結，每人加了$190升級，有更豪華既食物選擇。刺身款式好多選擇，包括有赤蝦、榮螺、帶子、三文魚、油甘魚、呑拿魚、甜蝦、赤貝等等，升級左仲可以叫黑雕薄切刺身、即開時令生蠔、深海池魚等等，每樣都新鮮好食，唔會有異味。三文魚厚薄適中，啖啖爽滑又肥美又香！ 生蠔望落好新鮮，肉飽滿而且汁液清澈乾淨，食落有海水味又有鮮味又甘甜 帶子都好軟嫩又鮮甜！。串燒串燒有雞軟骨串、麻辣雞翼串、豬頸肉串等，我地最中意係慢煮牛舌串，牛味香濃而且肉質嫩而不韌，只係用黑椒同鹽吊味已經勁香 加上食咗幾串都唔覺得膩。另外我地加錢升級既主因係為左食鰻魚西京燒串 鰻魚表面燒到好香口，肉質爽彈又夠肥美，基本上係每一啖都感受到魚油香氣！而且醬汁調味令魚肉帶有淡淡既甘甜香味又冇蓋過魚味！正！。西日料理我同朋友都勁中意肉桂焦糖燒菠蘿！上枱時已經有玉桂香味，咬落菠蘿又夠甜又多汁，加埋脆脆既焦糖，整體味道同口感好有層次！我地忍唔住食咗好多件。飲品有熱飲、氣泡類凍飲、酒類、罐裝汽水等多樣選擇（但如果有更多無糖飲品就好啦）。我揀左餐廳調製既青柑桔桂花蜜氣泡，因為未聽過呢個組合 飲落桂花味好清香，整體味道唔會好甜，加上氣泡清爽既口感，好飲另外叫咗熱玫瑰洛神花茶，酸酸地可以促進食物消化同解膩！升級後有真露Rosee Cocktail、威士忌梳打等既特飲，不過時間尚早所以冇飲到。甜品都好吸引，連銅鑼燒、窩夫、流心牛角酥都有，平時食放題好少見到有呢d選擇！不過同朋友今次食到好飽所以冇食甜品，記低先下次要食總結：今餐勁滿足啊食到勁多高質素美食，食物選擇又多，性價比勁高，下次會再黎食 …Read More

今日同個係鰂魚涌返工既朋友食晚餐，由於我好少黎呢區，所以交俾佢選擇餐廳 佢話係「怪獸大廈」對面有間食物有質素、環境又舒適既餐廳，主打西日Fusion菜又有甜品食。聽落幾吸引，於是去試下～餐廳係日式簡約裝潢，燈光柔和，環境舒適又有文青感食物有好多選擇，例如日式丼類、西式肉類、意粉類、各式甜品飲料等等……。黃金蟹肉萵荀忌廉蟹籽扁意粉（$168）上碟時已經好香，醬汁既咸蛋黃味香濃而且超級Creamy，扁意粉口感煙韌又掛汁，味道同份量都適中，唔會感覺膩。加上烤過既杏仁片好香又好脆，又有蟹肉同蟹籽等食材，整體味道同層次好豐富， 好食。幸圓海鮮丼（$238）超多海鮮，包括有三文魚、油甘魚、海膽、赤身，帶子、魷魚、赤蝦、鯖魚、八爪魚、呑拿魚腩蓉、蟹籽、三文魚籽，每一啖都食到海鮮既鮮甜。而且飯加了飯素，有芝麻、紫菜等增添香味。。Secret Angel（$58）朋友點左呢杯，好靚中間有朵用Plum砌成既花。入口好香士多啤梨味，味道酸酸甜甜加上有梳打水，整體清新。。Capital Heaven（$58）飲落好香百香果味同菠蘿味，兩者超夾，香味濃郁加上酸度適中，整體清甜好飲。。肉桂蘋果牛角包窩夫（$68）牛角包烤成牛角包窩夫後口感外脆內軟，而且牛油味超香！ 加上肉桂既香味、爽脆既蘋果、酸酸甜甜既蘋果醬，糖漿、冰凍又香甜既雲呢拿雪糕，整體味道同口感超有層次。自家製草莓焗鬆餅 （$68）賣相吸引！士多啤梨香甜唔酸，鬆餅充滿蛋香而且忌廉有奶香味，配搭伴碟既清甜脆粒增加口感，作為飯後甜品超滿足總結：食物好味而且擺盤精美，整體打卡同傾計都一流 下次會再黎！…Read More

今日去尖沙咀行街，家人突然想食泰式料理，一查之下發現呢間餐廳評價唔錯，而且價錢唔貴，所以黎試下菜式種類有好多選擇，例如：小食、沙律、主菜、湯類、粉麵飯、甜品等等餐廳位於商場內，呈開放式設計，天花用了不少樹葉裝飾，加上燈光柔和，氣氛令人放鬆。（好彩今次晚上6點前到所以唔洗排隊，30分鐘後已經見到開始岀現人龍）。椰汁芒果黑糯米飯 （$78）賣相好似藝術品 焦糖勁香勁脆，有椰子片，大量花生碎及大量椰汁包圍住個口感軟糯既黑糯米飯。芒果香甜而且芒果份量合理（黑糯米飯中間仲有一層芒果）。泰式醉貓肉碎炒新鮮手造卷粉 （$128）未食過卷粉，加上寫住泰國直送所以試下，原來口感幾特别，煙煙韌韌 加上有好多肉碎，豆角，洋蔥等材料炒，整體惹味之餘口感又好有層次，好食。炭燒香茅雞肉串燒 （$56）有2串，原本以為串燒份量好細，點知係有4大件雞 餐廳用香茅當做竹籤串起雞肉，雞肉咬落嫩滑有汁，而且啖啖香茅香氣。阿閒泰酸辣柚子沙律（$88）味道好有驚喜！柚子夠甜又多汁，而且醬汁味道好有層次，入口先係食到醬汁既酸味，之後炸紅蔥頭等香味會湧上黎，最後口腔會有辣味停留 整體酸酸甜甜加上微辣同炸紅蔥頭等既香味，真係勁開胃，令人忍唔住一啖接一啖。脆炸軟殼蟹米紙卷 配牛油果醬 （$78）米紙超煙韌，包住紅姜、九層塔、炸到好香脆既軟殼蟹等材料，整體又香又唔膩。總結：用餐環境乾淨整潔而且座位舒適。加上食物質素高又唔貴，菜式同飲品都有多款選擇，連有酒精既都有 下次會再黎光顧…Read More

同朋友去完葵芳行街，行到又攰又肚餓，見呢間餐廳有火鍋放題，價錢唔貴又有120分鐘用餐時間，於是我地決定係到食晚餐店舖空間大，燈光充足又多創意打卡位，用餐環境乾淨整潔而且座位舒適。火鍋湯底味道有好多選擇，包括潮汕湯、櫻花蝦湯、冬蔭公湯、咸菜胡椒豬肚湯等等。我同朋友好多味都想食，所以加左$50轉鴛鴦鍋，最後揀左麻辣鴨血豆腐湯鍋+養生藥膳湯。上枱時已經好香好吸引！麻辣湯夠麻又夠辣，入口先係充滿香辣味，後勁麻味濃烈，整體唔油而且麻辣得過癮，會令人想不停食去覆蓋麻痺感 養生藥膳湯入面有杞子、紅棗圓肉、黨參、當歸等有益藥材，湯底好清澈，味道甘甜，用佢做湯底感覺健康養生，可以不停食食食。火鍋配料我地揀左C餐（高級日本&澳洲和牛套餐），黃金時段$300左右就可以2小時任食日本黑毛和牛、澳洲和牛、西班牙依比利亞黑毛豬等等，性價比勁高😍 和牛賣相吸引，油花分佈平均，牛香味濃郁而且肉質細嫩。除左牛之外我好中意食羊，呢到既紐西蘭羊捲肉肉質柔嫩，羊味好香又唔羶。除左呢啲之外，仲可以大量唔同種類既配料可以透過QR Code點餐，例如手工餃、海鮮類、素食類等等。我地愛上左花膠！花膠厚度適中，口感爽滑又帶點彈牙，食落滿滿既膠質，真係好正！😍 自助吧配料都好豐富，例如有羽衣甘藍等菜類，炸魚皮等小食、肉丸自助吧等等。 。飲品有超多選擇！雪櫃有各種有汽、無汽、有糖、無糖既飲品，另外仲有茶包可以沖泡熱茶。我同朋友最中意係餐廳自家製既花果茶飲品，玫瑰花黑枸杞茶味道清甜，有好香玫瑰花同枸杞味，飲完個口仲好清香😍。雪糕有雪糕機可以自己唧。餐廳提供既杯裝甜品竟然係Gelato！豆腐雪葩既豆味好香濃又清甜；柚子乳酪味就酸酸甜甜勁清新，為今餐完美作結😋總結：用餐環境舒適，湯底、食物、飲品都勁多選擇，而且有和牛任食，性價比勁高！甜品仲有好少見到既Gelato！超滿足既一餐…Read More

今日下午茶時段經過呢個商場，由於天氣熱想食撈檬，於是入黎試下。河內香茅烤雞扒（$55）可以配飯/撈檬/湯粉，我揀左撈檬。佢隻碗好大而且好深，份量感覺係午餐量唔似下午茶撈檬每枱都有一大枝撈檬汁提供，可以自己決定落多落少，汁酸酸甜甜幾開胃，不過食食下我覺得太甜。香茅雞扒都好大件，外皮香脆又唔油，雞肉都好滑又有汁，調味都香不過香茅味較淡。整體味道正常，如果可以提供辣調味更好啦。下午茶仲有免費熱飲，我加左$8轉椰汁冰。椰汁冰好清甜，有椰香，咁熱飲杯沙冰真係好爽總結：餐廳環境舒適，下午菜份量頗多，價錢合理…Read More

我地今日平日下午黎，第一次食。餐廳燈光較暗，望落好似好有情調所以試下點知就中大伏，一行入去已經覺得超嘈，唔知係咩聲，總知好多環境噪音（又唔係音樂…）又夾雜住此起彼落既刀叉撞擊聲同大聲既說話聲（唔排除係背景太嘈令到佢地都要大聲先可以對話）真係唔知點解成個環境可以咁嘈到咁誇張，噪音嚴重程度係真係令我地覺得唔盡快離開就會影響聽力既程度……但都入左去唯有硬著頭皮叫午餐，快點食完快點走！。泰式炭燒豬頸肉青咖喱 配 椰香飯（$98）青咖喱微辣惹味，睇落汁份量好少但都足夠送飯。雖然豬頸肉份量比想像多，但係肉質較韌又冇炭燒既感覺。椰香飯口感唔錯，粒粒分明，但食唔岀椰香。整體食物質素一般，價錢較貴。但亦可能係太嘈影響食慾希望正視一下嘈音呢個問題既成因（明白有機會未必係餐廳問題），否則只能說呢個價錢得到咁既用餐體驗絕對唔會再幫襯 …Read More

之前黎食過覺得食物勁惹味而且性價比好高，特別係家鄉炒米粉真係一食難忘！今日介紹左個中意食辣既朋友一齊黎晚餐我地大約夜晚6點半去到，好好彩唔洗等位，今日係平日，但7點左右已經座無虛席，非常受歡迎！菜式有好多選擇，有辣有唔辣，例如涼菜、雞煲、樟茶鴨、烤活魚、粵式小炒、川湘小炒等等……。家鄉炒米粉（$78）可以選辣度，配料主要有午餐肉、蛋、椰菜絲、紅蘿蔔絲等等。睇落好普通既家常材料，但米粉炒到夠乾身又有鑊氣，食落每條米粉都爽口彈牙，調味好香好惹味，而且完全唔油膩！配埋唔同既食材同芝麻，口感同香味好豐富。估唔到簡單既食材係可以整到咁好食，真係顛覆左我地對炒米粉既認知$78又好食又大大碟，性價比爆登。酸菜魚（少骨）（ $198）上碟我地嚇一跳，因為超大碟，感覺比炒米粉大3-4倍，而且碗底好深！ 魚份量勁多，肉質好鮮嫩好滑，完全唔腥。酸菜同大豆芽口感爽脆。我地叫左大辣，整體食落唔油膩，味道又夠酸又夠辣又有麻痺感，非常惹味開胃。。脆椒雞軟骨（$98）我地都係叫左大辣辣椒同雞軟骨都炸到好脆好香口，真係脆到坐對面都聽到！食落雞軟骨有口感，無炸到乾或者覺得油，味道咸香又辣，惹味香脆令人忍唔住一啖接一啖！總結：環境整潔，加上食物好味又唔貴，中意食辣既我地會再光顧…Read More

今日同係附近上班既朋友食晚飯，佢話呢間餐廳性價比好高，我決定相信「地膽」既推介黎試下餐廳有彩色窗好特別，燈光微暗加上背景音樂輕聲地播放着英文歌，例如Nothing's gonna change my love for you，整體環境有情調。菜式種類有好多選擇，例如：海鮮、沙律、扒類、湯類、麵類、海鮮、甜品等等……連芝士焗飯都有！。香草薄荷醬焗羊仔扒 伴炸薯、烚矮瓜條 及燒汁（$195）套餐包括餐湯、蒜蓉多士、飲品及咖啡燉蛋-餐湯我揀左羅宋湯，酸酸甜甜好開胃，而且有好多蔬菜。蒜蓉多士夠香夠脆-主菜上枱時羊香味已經飄岀！羊仔扒有三大件，都幾厚身，表面煎到焦脆，肉質粉嫩，食落有好香羊味但唔會羶，肉口感軟滑又唔油膩，配搭薄荷醬整體更加清新。炸薯又炸到外脆內軟-咖啡燉蛋（跟餐甜品）咖啡味好香，而且燉蛋又嫩滑有蛋香，估唔到兩者咁夾！。芒果折厘醬椰絲焗嫩雞 伴香橙蘋果沙律（$95）雞肉真係超嫩滑又多汁，外皮焗到脆卜卜，而且帶有椰香味，好食沙律主要有蘋果同青瓜，口感爽脆又清甜。整體份量唔少。。焗釀蘋果酥盒 伴雲喱拿雪糕（$50）上碟時超香肉桂味！有芒果、火龍果等不同既水果伴碟，賣相色彩繽紛好吸引。雲喱拿雪糕下全部都係煮過既蘋果同提子乾，口感豐富，加上酥盒香脆又唔油，整體好食又有層次感總結：餐廳環境舒適整潔，店員好親切，而且食物有質素，連甜品都好好味，好滿足既一餐，性價比好高，會再黎…Read More

經過發現呢間分店有炸物賣，套餐$49有杯波霸珍珠奶茶+鹽酥雞配地瓜條，呢個組合超吸引，所以買黎試下炸物質素有驚喜，即叫即炸大約等10分鐘。地瓜條外脆內軟，味道香甜。鹽酥雞炸到皮脆但肉仲係好Juicy！整體完全唔油膩，令人忍唔住一啖接一啖但波霸珍珠奶茶味道一般，冇茶香又唔夠奶香:( 勝在珍珠夠煙韌有咬口挽回分數，但飲品調配需要進步… 值得一提係碗同杯既插圖都好靚總結：炸物值得多次回購 如果個套餐可以自由選擇配咩飲品就好啦！…Read More

今日行街經過見到有優惠，2杯雙球雪糕外賣價$72，性價比高所以去光顧下雪糕有好多味道選擇，包括經典既朱古力、雲呢拿、水果等口味，連馬卡龍系列都有，今次我地揀左呢4款：1.士多啤梨紅桑子馬卡龍2.雙重朱古力馬卡龍3.柚子檸檬馬卡龍4.冧酒提子雪糕味道整體偏甜，第一次馬卡龍系列口味，估唔到個口感真係同食馬卡龍真係好似！脆餅香脆但又帶有煙韌感，而且有杏仁香，同軟滑既雪糕一齊食，層次同口感好豐富個人最中意食雙重朱古力馬卡龍，朱古力味好香濃而且帶點微苦，下次會再買…Read More

今日黎銅鑼灣行街，見到地鐵站對面就係HeSheEat，之前食過荃灣分店覺得梳乎厘班戟勁好味，所以決定係到食晚餐同甜品餐廳有落地大玻璃窗，加上白色色系燈光及枱櫈，整體令人感覺空間大及舒適。今日係平日夜晚，但都座無虛席。餐牌有不同種類選擇，例如Risitto、Pasta、扒類、沙冰、刨冰等…。士多啤梨麻糬配士多啤梨雪糕（$128）未食主餐已經急不及待點左梳乎厘班戟先，因為即叫即整賣相好吸引，擺碟同顏色都好吸睛，雪白既麻糬皮蓋住2件厚厚的、震騰騰的梳乎厘班戟，令人超想食一食落去麻糬皮勁煙韌！麻糬下仲有香甜冰凍既士多啤梨雪糕，配搭熱既梳乎厘班戟，口感同層次好豐富！加上梳乎厘班戟富有蛋香，口感超鬆軟，空氣感十足！整體配搭無論味道、質感、賣相都一流。香煎帶子黑松露忌廉燴扁意粉（$148）帶子鮮甜多汁，黑松露忌廉creamy但唔膩，加上意粉口感煙韌又掛汁。Baby Blue Milkshake （$56）賣相吸引！飲落係雲呢拿味，整體唔會太甜而且奶昔香滑又夠冰凍總結：環境乾淨整潔，加上食物賣相又靚又好食，特別係梳乎厘班戟！下次會再黎…Read More

午市經過，發現呢間餐廳今期係有唐老鴨主題，覺得幾可愛所以入去食一坐低發現除左環境裝飾之外，原來連紙巾都有唐老鴨午餐價錢合理，冬蔭公意粉$68連飲品（未計加一），見呢個配搭幾新鮮所以揀佢。睇個餐名本來以為冇餸，上碟時有驚喜原來都有唔少蜆肉係入面（可能改左餐名會更吸引人叫呢個餐）。炒意粉夠乾身，食落煙煙韌韌口感一流，加上冬蔭公味夠香，微辣惹味，整體好食飲品揀左百香果茶，可能叫左少甜既關係，完全飲唔岀百香果味，有啲失望（下次會叫番正常甜度再試下）友人加$18將跟餐飲品升級為雜莓乳酪沙冰，我飲左啖覺得好味，微酸微甜好開胃，而且飲得岀真係有莓果！總結：性價比OK而且職員友善，會再幫襯…Read More

去完銅鑼灣影相，諗起呢間好岀名既餐廳，所以慕名而來（不過天氣太熱，打算睇下個環境再決定食唔食）點知原來而家熟食中心係有冷氣，環境又乾淨，所以就坐低試下咖喱羊飯 $56係傳說中好好食既咖喱羊 咖喱上碟時已經好香，入口香料味濃，帶有羊味而且辣勁夠，超惹味，令人食唔停（個人中意食更辣，如果餐廳有辣度揀就更好啦。）羊肉份量唔算多，不過羊肉味好香而且肉質嫩滑，好食。本來覺得個飯份量太多，點知個汁真係太好食，輕鬆食哂（仲額外$8買多碗咖喱汁食飯）本來想試柚皮可惜賣哂，下次會再幫襯…Read More