lazyfoodie_hk's Profile

^<爺爺雞煲皇>^ 💋 美味四式: 好味😀.晨早出現係新蒲崗想搵早餐食。見到個餐廳名以為咁早有雞煲食，點知原來都有港式早餐! 喜歡早餐A的我就衝入去試喇。.話明港式早餐，一定有我至愛腸仔，太陽蛋，再加沙爹牛肉米。 佢個太陽蛋煎得唔錯， 真係會流心嘅，平時好多餐廳都都煎到過熟架。 其他就正正常常啦。 個沙爹牛肉料都幾足嘅，牛又唔會好靱。.📢 提提你:. 都無乜特別好提😂 有興趣可以試下…Read More

^<Food Combo>^ 💋 美味幾式: 不錯😀.今次試下一間新餐廳，係新新地，因為樓上The Parkville入左伙之後，佢樓下啲食店都隨之開業喇.呢間餐廳平時行過見佢menu好貴(以呢個區域計)，食個午餐都百幾蚊以上。但原來佢星期一至五係有平啲既lunch set! 平均五十幾蚊起跳，都還ok。.今次叫左白汁海鮮焗飯同埋大通粉。賣相唔錯，而且味道都幾好，唔會太鹹。份量都足夠。仲有一樣特別之處，就係佢地有個任飲幾種飲品，今次有紅棗桂圓薑， 香橙薄荷水，仲有玄米綠茶。唔知會唔會有機會轉呢?.📢 提提你:. 佢係星期一至五先有平既lunch set架 :)…Read More

^<雅 ‧悠蔬>^ 💋 美味式式: 不過不失😀.忽然想食素， 上網見到有呢一間推介所以就去試下。.本身諗住食下佢嘅下午茶 ( 因為平啲😂 )， 但係因為星期六嘅關係所以就冇下午茶食。 我哋三個人嗌咗兩個餐share。.我地叫左: 1)點心拼盤配青菜雜菌燴麵 ($108) 2) 板燒猴頭菇芝士漢堡 配紅菜頭蘋果沙律配薯角 ($98).我覺得佢啲分量都幾細， 雖然佢有一碟前菜同埋一碗湯(都係好細)， 又有嘢飲， 但係我覺得係唔夠食嘅。 除非你係一個非常細食又或者keep緊 fit嘅人。.點心拼盤配青菜雜菌燴麵細得有啲可憐， 話曬都要100蚊，仲要有加一， 係得4樣點心， 個面我果加埋應該有20條左右。。味道就一般。而個板燒猴頭菇芝士漢堡相對就ok， 份量感覺還可以，味道就無乜特別。.📢 提提你:. 星期六日係冇下午茶。 同埋要收加一服務費，不論時間 :)…Read More

^<四眼仔腸粉>^ 💋 美味四式: 好味😋😋.工作關係，去咗粉嶺。聽住粉嶺嘅朋友介紹有一檔腸粉幾好食，所以放工去試下。.4點幾去到都有幾個人排隊。 我叫左魚蛋，燒賣，豬皮，腸粉。 咁多樣嘢加埋都係19蚊， 幾抵食。腸粉7蚊4條，魚蛋4蚊7粒，燒賣4蚊4粒。.我覺得最好味喺個腸粉，都幾薄幾滑， 唔似平時街邊嗰啲咁厚同硬。 其他魚蛋燒賣豬皮就不過不失啦。.📢 提提你:. 佢嗰度寫明如果要加咖啡或者加芝麻要提早講㗎 :)…Read More

💋 美味四式: 好味😋😋😋.嚴格啲嚟講呢餐都唔算係正餐。 只係喺西營盤附近做完嘢，有少少肚餓， 咁啱醒起朋友話呢間台灣嘢唔錯，於是決定走去試下。.其實我去到嘅時候佢已經有晚餐， 不過我見隔離枱晚餐嘅份量都唔少， 所以決定唔買晚餐，試試佢個肉燥飯算。.我自己本身好鍾意台灣，亦超鍾意食肉燥飯。喺香港其實開咗好多唔同嘅台灣特色餐廳， 但係好似暫時未搵到一間令到我覺得好想再去食嘅。 不過呢一間嘅肉燥飯我自己都幾滿意。 佢嘅肉燥飯唔算好油， 啲肉亦都唔會太肥， 仲有半隻蛋同兩片蘿蔔仔畀你。 佢嘅份量其實唔算好細，我之前食過另外一間，份量比佢細，價錢好似差唔多添! .另外我覺得啲店員嘅服務態度都唔錯，雖然我幫襯咗一碗飯咁多， 佢哋嘅招呼都無怠慢架。.📢 提提你:. 暫時未諗到，等我下次有機會再食嘅時候睇下有咩提喇。哈哈！…Read More

💋 美味四式: ¤ 好味😋😋😋.話說約咗啲朋友食晚飯，朋友好想食北京片皮鴨，但係我之前食過另一間覺得普普通通，所以就上網搵下另一間都係有片皮鴨食嘅， 跟住就搵到呢間古琴雅苑。 佢有灣仔同尖沙咀兩間舖，今次我就去咗尖沙咀呢間。.我哋四個人叫咗1. 片皮鴨一隻 2. 雪菜肉絲炒年糕 3.小籠包 4.津白. 1. 片皮鴨: 記得之前去過元朗間北京樓， 唔知係咪因為土地嘅問題， 佢既片皮鴨係一碟上。 而呢度係會有師傅喺你面前將啲鴨嘅皮砌落嚟，擺得靚靚咁上碟。 佢一開始嘅時候仲會切一塊畀你哋趁熱食咗先， 啲皮燒得好香好脆! 而包住片皮鴨塊餅皮 都好煙韌 但係又唔會好難咬開不錯。 當中配埋京蔥，青瓜 ，仲有哈密瓜，入口嘅感覺唔會太膩。 仲有，原來啲青瓜，哈密瓜 係可以再加嘅，實在太開心啦! 唔好食到最後，冇曬啲配菜!.2. 雪菜肉絲炒年糕: 年糕幾煙韌， 不過份量就唔算太多。.3. 小籠包 : 小籠包都算幾多汁， 啲肉食落去都唔會覺得太油膩。 陪埋佢俾你嘅醋，咁就更加好啦。.4. 津白: 可能因為食得肉太多嘅關係， 要搵啲津白平衡返。 我覺得個上湯好好味，佢有少少金華火腿，但又唔會太鹹。加上可能頭先食咗咁多肉，食下啲菜。。個罪疚感冇咁大。哈哈!📢 提提你:. 裏面嘅座位唔算話係好多，所以建議大家打電話去訂位先。 :)…Read More

💋 美味四式: ¤ 好味😋😋😋.好耐無黎過灣仔， 想周圍睇下有咩特別嘢食。 行過呢度呢間見到原來係素菜喎，見佢啲相好似幾吸引咁， 仲有一杯叫絲麥奶茶嘅奶茶☕， 好似幾特別咁，所以就入咗去試啦。.原來佢而家做緊優惠， 免費做咗會員之後，絲麥奶茶係買一送一， 食嘢仲有九折仲有得儲分，所以我哋就二話不說就做左會員!.我哋叫咗:1.四川麻辣植物雞配豆乳家常麵 2. 日式照燒未來漢堡 3.絲麥奶茶.1.四川麻辣植物雞配豆乳家常麵:  首先講下植物雞啦， 實則佢唔係真雞嚟嘅但係呢咬落去個感覺呢又幾似喎， 配上四川麻辣， 味道幾濃， 我自己覺得佢係有少少辣，但 其實連續食幾舊嘅話呢可能會想飲啲野😂 呢個時候佢嘅豆乳湯麵就非常之幫到你。 個豆乳湯非常之濃郁，豆味好香。 就算我食曬啲麵都好，都忍唔住飲埋啲湯佢。.2.日式照燒未來漢堡: 有茄子，牙菜絲，九芽菜同埋"肉"。 我覺得其實同真嘅漢堡係冇分別❤ 因為佢本身冇肉汁， 所以配上佢個日式照燒汁，就唔會太乾身， 加埋啲菜感覺好清新。.3. 絲麥奶茶:佢係有機錫蘭紅茶配低脂高纖燕麥奶。 感覺好似冇飲一般奶茶咁肥😝 佢個味同一般奶茶有啲唔同， 但都十分順滑， 仲有燕麥嘅香添。.總括嚟講我幾鍾意呢間素食店。.📢 提提你:以上嘅三款食物都值得推介， 大家不妨去試下。 做埋會員仲有折同儲分。…Read More

💋 美味四式: ¤ 好味😋😋😋話說同朋友食完晚餐， 行去搭車嘅時候經過呢間人氣梳乎厘店。 平時我經過好多人會排隊，見今日竟然冇乜人等，所以就去試下啦。 我哋叫咗兩個 : 1.炎燒焦糖梳乎厘 2.黑糖厚鮮奶虎紋梳乎厘 ( 呢個係最新限定).講真我一開頭對佢嘅期望好大 因為我好鍾意食梳乎厘，軟綿綿又鬆軟嘅感覺 。 雖然冇乜人， 但可能因為係即刻整嘅關係，我哋都等咗應該10-15分鐘左右。.其實我覺得個梳乎厘，空氣咁唔係太多，好似有少少實咗啲。 但係總括嚟講都係正正常常嘅。.炎燒焦糖梳乎厘: 個焦糖都燒得幾好， 我自己本身唔係好鍾意食非常之甜嘅嘢佢， 呢個焦糖就啱啱好喇。.黑糖厚鮮奶虎紋梳乎厘: 其實同炎燒焦糖梳乎厘個味道有啲唔一樣，喔個係有少少檸檬嘅未係入面， 不過我自己就覺得麻麻地 ，可能因為我鍾意食原本梳乎厘有嘅蛋香味。.📢 提提你:. 總括嚟講我覺得味道不過不失， 如果幾個朋友一齊share都唔錯，但自己食一個就。。…Read More

💋 美味四式: ¤ 部分好味😋😋😋.屋企人知道元朗開咗間北京樓，就話諗住去試下。於是中秋節團年飯就去咗呢度食。 我之前食過尖沙咀嗰間北京樓，覺得都幾好味，所以對元朗分店呢一間都有一定嘅期望。 不過似乎同我嘅期望有啲落差。.今日叫左1. 茶樹菇鮑汁炒雞丁 2. 北京填鴨半隻 3. 小籠包 4. 賽螃蟹 5. 雞湯小雲吞 6. 燻魚 7. 高力香蕉豆沙 8. 蛋白杏仁茶.1. 茶樹菇鮑汁炒雞丁: 份量唔多，味道普普通通.2. 北京填鴨半隻: 北京填鴨係主打菜， 啲皮係脆嘅， 有大蔥青瓜蘿蔔加埋醬汁一齊， 係好味嘅。 .3. 小籠包: 佢嘅汁唔多， 配埋醋個味道會突出啲， 不過我覺得另外一間小籠包好味啲。4. 賽螃蟹: 其實賽螃蟹唔係蟹嚟嘅，係用蛋白炒嘅一碟餸。 我覺得佢本身個味有啲偏淡，所以你要 配合醋嘅味道先得。.5. 雞湯小雲吞: 有十隻左右， 我相信佢啲雲吞唔係手做而係係機器整出嚟嘅。因為你仲會睇到佢個底係扁嘅， 一睇就知唔係人手做， 味道不過不失。.6. 燻魚:自己覺得ok，但係屋企人話有別於平時分意嘅做法。 所以留番畀大家研究下。.7. 高力香蕉豆沙: 其實本身甜品我係諗住叫拔絲蘋果嘅，但係去到佢竟然話冇!!!我非常傷心， 唯有試下個高力香蕉豆沙。 個人意見認為佢嘅高力豆沙畀一般嘅為實淨， 平時食開嗰啲係較為軟綿綿，空氣感重啲。 甜度適中嘅唔算係好甜。.8. 蛋白杏仁茶: 有啲細碗，杏仁味ok 但係蛋白就少咗啲lu📢提提你:自己覺得尖沙咀間北京樓好味過元朗嗰間。 如果真係好想食北京留嘅就，我會建議去返尖沙咀。.同埋元朗呢間係限時個半鐘頭要食完。 如果可以嘅話就早啲預約，如果唔係嘅你，就要walk-in入去，有排等。 或者可以先用app 去排隊攞飛。______________________________ <北京樓>地址: 元朗元龍街9號形點一期2樓2061-2062號舖…Read More

💋 美味四式: ¤ 好味😋 . .難得約齊班同學， 而大家又住新界，於是呢去咗元朗度搵嘢食。佢喺yoho mall入面，其實係非常方便，因為西鐵站一出就到。呢間餐廳其實經過咗好幾次，但係都冇入去因為企門口望你會覺得好似冇乜人食嘢嘅?怕中伏， 點知原來係冇伏嘅，仲要都幾好味!- 大阪燒可以自己揀配料 - 三文魚刺身好新鮮好厚.- 壽司🍣， 正正常常，冇乜話好味無味。- 蕎麥麵， 我覺得都ok，但係如果食開濃味嘅朋友可能會覺得偏淡。📢忠告:可以試下燒牛舌，唔靭，味道幾出。但我唔小心del左張相。。=.=…Read More

^<嘻意>^ 💋 美味四式: ¤ 好味😋.同朋友喺呢頭附近行完，求其搵啲嘢食。成隻雞，$68。 隻雞其實唔算好大隻，新鮮熱辣，啲汁滴緊出黎。 啲雞肉都幾嫩，唔使沾汁都好好味。.架車仔其實係兒童餐。 個朋友突然話想食兒童餐， 估唔到兩個大人個侍應都畀我地叫兒童餐😂 兒童餐$45以上。兒童餐有沙律，有飯或意粉，有嘢飲。其實我覺得如果一個細食嘅女仔係夠飽嘅。 我哋嘅飲品係兒童鴛鴦😂其實即係好立克同埋阿華田混合版。 我覺得佢啲瞓覺得唔夠多，所以味道淡咗少少。.咖哩牛腩飯 > 個咖哩唔辣， 啲牛腩都算係淋身嘅。 都值得一試。 ..📢忠告:推介原隻燒雞!.如果想懷緬青春，做下兒童嘅，都可以試下兒童餐😳.唯一就係呢度冇套餐，如果你想飲嘢就要加錢，即係飲品半價…Read More

^<金寶泰國菜館>^ 💋 美味四式: ¤ 好味😋😋😋.今日興之所至，想去九龍城食泰國菜。本身打算食泰農，點知執左笠。。所以就去左金寶。其實金寶呢間餐廳係有泰國同越南野，食物種類都多架。.今日叫左1.生蝦刺身2.泰式鳳爪3. 蒜蓉粉絲大頭蝦煲4. 濱海牛肉串5. 青咖哩豬肉6. 冬陰功湯(大).生蝦刺身:有蒜蓉，辣椒，啲蝦新鮮嘅.泰式鳳爪: 如果其實你唔係好食得辣嘅話， 呢碟餸對你嚟講應該會幾辣下， 我都要飲下凍水黎解下辣XD. 佢有生菜同埋生洋蔥做配菜。 .蒜蓉粉絲大頭蝦煲: 蝦得4隻， 我覺得佢其實冇乜味，無乜蒜蓉味。 粉絲份量ok， 睇佢顏色好似幾深，以為啲味都Ok， 但係啲味都係偏淡， 而且我覺得乾身得滯， 冇得撈飯食。.青咖哩豬肉: 份量ok，撈飯唔錯。.濱海牛肉串: 其實就係將牛肉，米粉麵包 包生菜咁食。 我自己幾鍾意食呢個，不過係包完之後再將所有材料一齊樓落口有啲難度。哈哈.冬陰功湯:非常足料， 開邊蝦好似有成五六隻，味道濃郁。.📢提提你:怕辣嘅朋友記得叫野飲XD______________________________ <金寶泰國菜館>地址: 九龍城衙前塱道25號…Read More

💋 美味四式: ¤ 好味😋唔係全部都係甜食，中間果層有的咸食，好似三文魚餅乾咁，味道唔錯。啲甜品都唔算好甜，唔會好膩。 📢忠告:最好打電話預訂， 因為有機會賣曬冇得食😆…Read More

其實都係普通茶樓野，只係佢會推點心車同用茶盅。我叫左鐵觀音，茶味幾香，同一般酒店係有分別既。平時酒樓果的無乜味，又會澀澀地，但呢度就無呢個問題。我自己會鍾意用茶盅多過茶壺，有的老香港特色咁。 牛肉球太淋身，無乜味。淮山雞扎算係其他酒樓少有，但味道一般。📢忠告:唔好係下午3點後去，因為佢收4點。只會將淨低既點心賣俾你。你食唔食?唔食就無。我就係咁 😖如果想感受到老香港嘅情懷，都不妨可以去試一試嘅。 但係就唔好期望所有食物都會好好味喇。…Read More