話說同朋友食完晚餐， 行去搭車嘅時候經過呢間人氣梳乎厘店。 平時我經過好多人會排隊，見今日竟然冇乜人等，所以就去試下啦。 我哋叫咗兩個 : 1.炎燒焦糖梳乎厘 2.黑糖厚鮮奶虎紋梳乎厘 ( 呢個係最新限定)
.
講真我一開頭對佢嘅期望好大 因為我好鍾意食梳乎厘，軟綿綿又鬆軟嘅感覺 。 雖然冇乜人， 但可能因為係即刻整嘅關係，我哋都等咗應該10-15分鐘左右。
.
其實我覺得個梳乎厘，空氣咁唔係太多，好似有少少實咗啲。 但係總括嚟講都係正正常常嘅。
.
炎燒焦糖梳乎厘: 個焦糖都燒得幾好， 我自己本身唔係好鍾意食非常之甜嘅嘢佢， 呢個焦糖就啱啱好喇。
.
黑糖厚鮮奶虎紋梳乎厘: 其實同炎燒焦糖梳乎厘個味道有啲唔一樣，喔個係有少少檸檬嘅未係入面， 不過我自己就覺得麻麻地 ，可能因為我鍾意食原本梳乎厘有嘅蛋香味。
.
📢 提提你:
. 總括嚟講我覺得味道不過不失， 如果幾個朋友一齊share都唔錯，但自己食一個就。。
