fourpoint's Profile

收工時分，打算買少少野返屋企加餸，聽同事介紹中環地鐵站附近有間壽司好好食，又多combination，所以就去咗一探究竟。店舖唔係話好大，但有足夠嘅位置比人坐，menu選擇都唔少，可以選擇diy，價位大約70蚊就有交易。如果搞party，仲有party set，不過就要早兩日預訂。雪櫃位除咗一般飲料，仲有set揀，幾岩路過嘅人買走做lunch/晚餐。今次揀咗二號、三號同八號卷物，再加帶子壽司。帶子超厚身又新鮮肥美，$36 3件真係物超所值！二號係牛肉腐皮加牛油果，味道好match，一啲都唔油膩。而且餡料超級多，啖啖口感都好豐富。三號係帶子為主，再加其他蔬菜同日式泡菜，加咗泡菜好醒胃，唔會話好辣入唔到口，會再encore！八號就係天婦羅炸蝦加青瓜芒果，雖然包咗炸蝦喺入面，但完全唔會話令天婦羅冧哂，芒果都好甜，令個卷物更加fresh！總結而言，呢間舖頭仔嘅壽司都真係幾高質素，大舊版卷物食兩三件都已經好夠飽，一定會再去食過！…Read More

因為朋友在觀塘區開店, 等他放工時晚上宵夜時段選擇不多, 他就介紹來這家吃放題, 就來試一試這家放題的質素｡環境: 地方超大，多卡位，裝修豪華自助區:我覺得算大，論飲品種類多，有啤洒供應，不過係KOL HiteD啤酒好過無，但有果汁先生，梅酒飲幾好，另設熱區，照顧到我D唔飲凍野的朋友。自助區有雪糕机玩，幾好，自己裝大杯雪糕，又可加多D配料，呢個我好like! 至於雪糕櫃，比雀巢，好過無得食，反而有雀巢雪條，紅豆係最愛，呢點，我加分。其他自助食品有生果，炸野好似係薯格都幾正，重有D泡菜，海草，熟食，茄子，蒜蓉豆苗幾正。另外，有D迷你甜品，葡撻都人，幾讚，有定時加野，二佰幾蚊，有幾大助自助區。壽司: 我覺得火灸壽司好食，火炙蒜香牛肉，㶼皇帝蟹棒係勁正。炸物: 唔會炸到又乾又油㵉淋，食落香口，榴蓮炸蛋超正，蝦餅好食，有蝦味，唔會一口粉味。煮物:鍋物，烏冬都好食，瑤柱蟹粥，北海牛乳海鮮鍋唔食你走寶。燒物食材正，新鮮，即叫即燒，好好食，比目魚西京燒燒，醂魚乾味道好有驚喜。其他:唔差的也算好，至少有禮，上菜快，無漏野，唔會黑面!…Read More

心血來潮想飲奶茶紅豆冰，始於第一次是在路德圍個間樓下冰室飲過，就迷上這玩意，之前只飲過紅豆冰，估唔到奶茶同紅豆冰都可以溝埋，他們是處女座和金牛座一樣，是天生一對的。今次選擇去呢間新分店，因為落車行2步就到，門口又有車回家，方便過路德圍嗰間，一去到都幾驚喜，裝修好似去咗80年代，比夠店更加有特色，可以打下卡呃下like，但有樣嗰啲photo就唔方便擺上嚟。。。呢到全荃灣都知最出名係瑞士雞翼同蕃茄通粉，雖然係晚市來吃，都想點呢2樣，瑞士雞翼好入味，咸中帶甜，味道剛剛好，但係你要扮斯文嘅話就會食得好狼狽。蕃茄通粉的湯好濃蕃茄，仲有好滑的蛋佈左係上面，好香好吃。至於我最期待的奶茶紅豆冰，紅豆煮到林又甜，可以一口啜大大啖，有齊奶茶同紅豆係口裏面，口感一流😍…Read More

太子最近幾年好左好多食肆，基本上想食咩風味菜都有，但就係差咁間整齊既粥店。最近同朋友去開太子個頭，想食d傳統中式野，但係又唔想食中菜咁肥膩。轉角見到新開既十大碗粥麵專家，裝修幾吸引，門口餐牌價錢又合理，就決定入去try try。🤔舖面主打懷舊色調裝修，紅色既磚牆、藍色瓷器花紋既地磚、銅製天花風扇襯上柔和燈光相映成趣，有d懷舊人情味既感覺。牆上水墨畫風既佳餚畫得好有栩栩如生，更叫人食慾大增。🤩我同友人一路咀嚼店家自製醃蘿蔔，一路討論食咩好。大部分野食價錢平平地，如果唔係個肚容量有限，我地應該會叫到成枱野😂😂😂我叫左個蝦籽撈麪、即炸油條、郊外油菜同凍華田一杯。野飲首先到陣。凍華田最緊要係搞溶哂先落冰再搞勻，甜度比例要岩岩好。呢間店就做到呢樣野，值得一讚👍🏻。之後野食陸續送上。蝦籽撈麪伴有蠔油醬同湯。麪量算中等，蝦籽份量都唔少。麪身幾爽口，撈埋醬食味道幾濃，但又唔會蓋過蝦籽既鮮味，好食！😋即炸油條，不失所望，油條新鮮熱辣，咬落去發出誘人既趕響，香脆又鬆軟，好正！😋😋最後伴以一碟熟度洽到好處既油菜，為呢餐劃上美滿既句號。總結：好食，有機會實會再試😋…Read More

今日難得工作經過中環，好有愛錦問公司班邊緣同事食唔食野，想求其錦係啲壽司啊、包子店之類買個野俾他們食算，但係地鐵站附近見到呢間外賣店個名好搞鬼，就影低同佢哋講埋個頹飯俾你地！但係睇Menu啲飯一啲都唔頹，有雞、豬、牛、魚選擇，我自己就選左個牛，牛呢就有兩種，有牛仔骨同埋招牌牛肉飯，我就叫咗招牌牛肉飯配燒肉汁$60，價錢上以中環來講實在算係咁上下便宜。一打開飯盒只見兩種顏色有點吃驚，但係內有乾坤，展開牛肉底下就見到紅色嘅車厘小蕃茄和粟米，肉食世界裡不忘一點蔬菜。牛肉好似平時打邊爐嘅肥牛似的，但厚身一點不靭，裙帶有些牛脂在旁，配合燒肉汁，相當開胃送飯。另外試試他們有一隻黑椒汁，用牛肉沾一下再送飯也很好食。呢間頹飯原來有得送外賣，最近我都迷上用外賣Apps，下次可試試，仲有用apps叫定外賣落去拎，慳時間都幾好。…Read More

約左班好耐無見的朋友，地點附近有間類似酒樓的餐廳未試過，突然想食潮州野，就黎試一試，等我介紹下今日食嘅幾味菜。前菜花生同平時酒樓食嘅花生有唔同，唔會乾真真咁，軟硬適中，味道甜中帶香，佢唔係油炸嘅花生，食落唔會覺得好熱氣 前菜酸菜都係同平時酒樓食嘅唔同，唔會太酸，甜酸味岩岩好，好開胃。芋茸香酥鴨芋茸有好多，炸得外脆內軟，食落唔會覺得好油膩，建議唔洗點咁多醬油，因為點太多醬油會搶左香酥鴨嘅味道，芋茸同鴨肉嘅味道都幾夾。煎蠔餅有別於平時打冷食嘅蠔餅，呢隻蠔餅質感似台灣蚵仔煎+韓式泡菜煎餅咁，但呢到係唔油膩，而且都足料，份量幾大份，4個人食都好飽，份量黎講係幾抵食。鹵水拼盆出名嘅鹵水拼盆，好入味，而且唔會太濃味，我好怕太濃太鹹嘅鹵水，食完會好想飲水，但呢到嘅鹵水拼盆味道岩岩好，通常呢d拼盆我食一兩舊就唔會再食，但食呢間嘅拼盆，幾乎食哂成碟，個人幾中意呢間嘅鹵水味。😋足料杏汁白肺湯本身個人唔太好杏仁類食物，甚至可以話係抗拒，但呢個好有驚喜，個杏仁味唔會搶哂成個湯，而且好足料，好大個豬肺呀，食完可以做爆肺Gem 。😂 味道同材料份量係好有驚喜。火腩春菜煲D菜充分吸收火腩肉嘅精華味道，清甜得黎又會滲出腩肉嘅肉香，蘿蔔都好入味。肉碎炒飯我覺得呢個炒飯係呢幾道菜當中最值得推介，每粒飯都炒得粒粒分明，出面層蛋網已經顯出廚師嘅心思，賣相十分特別，肉碎香融入係米飯當中，味道可口，油而不膩。整體黎講，呢間餐廳食物嘅味道係恰到好處，如果中意重口味，呢到未必適合你。但如果想食到食材原有嘅鮮味，想食有層次嘅味道，咁我都幾推薦呢間餐廳，都幾適合帶長輩黎食。最值得一讚係服務態度好好，侍應會經常留意食客有咩需，我飲完一碗湯，侍應會主動黎問要唔要添湯，又會主動斟茶斟水，說話有禮，態度友善，抵讚，比服務費都比得甘心呀！…Read More

今日一早去完開會就去吃早餐，都見好耐未試過食大家樂又見樓下有就試下，在收銀都等咗好耐先，再要去排隊拿食物，位置都幾難找到，因為都有不少位都未收執好，終於坐到諗住食早餐，沒想到這個早餐同圖片可以差咁遠。。。一見到隻碟再睇回塊雞扒細塊都嚇親人，仲要是凍，皮又難咬而且醬汁好少肉又鞋身。反而炒蛋仲有塊過雞扒而口感又吾老身，蛋味就普通。沒有叫多士轉為 蘿蔔糕但都失望，凍又沒有蘿蔔味而且粉太多，口感不好吃，夏天天氣咁熱當然叫咗杯 凍咖啡，凍飲方面是足夠夠透心涼但咖啡味偏弱和奶太多，整體同價錢好吾合比例，寧願食其他餐廳更好。…Read More

我向來都愛支持小鋪，因為小鋪較有人情味，食物也有個人特色，最近到過一間觀塘廠廈的小鋪，嚐過它的自家製薄餅，真的美味。這裡有很多不同小食同薄餅等套餐，多到眼花撩亂，有選擇困難症的我都要思索許久才決定到吃什麼。今次我點的是黑松露薄餅，餅底較厚身，食落是熱騰騰帶㸃煙韌口感，薄餅的芝士是馬蘇里拉芝士，很有奶酪的味道，表面塗上黑松露醬和加上很多羽衣甘藍，口感變得複雜，加上黑松露醬的香氣，咸香的芝士和羽衣甘藍的獨特香味，口感更昇華，玄妙之處是用上優質芝士，因此吃時呈拉絲狀，真真美味。我很少喝汽水，但看見這店有石榴味道汽水，又是外國貨，只要加10元，原來味道很清爽，果味濃郁，我又點了Ceaser Salad ，洒上芝士，加了些香脆麵包粒和煙肉，沙律真用心製作，我吃得很滿足。整間餐廳裝修休閒，來這裡吃東西感到很舒服，一級棒~…Read More

我本身食量不大，但也愛和朋友食放題，因為樣樣有D，我可以款款都食下，這間又有甜品食，我和姐妹們最開心食呢part ! 一般人都愛食壽司和刺身，但勝在這店也滿足到不同需要的我，其中值得推介的有煮物:冬陰公海鮮，個冬陰酸辣湯，酸酸帶少少辣，醒胃又好食。重有人參雞鍋，足夠有二人份，個湯好鮮好有人參味，川味口水豬木耳幾麻辣，好爽口。我鍾意吃的溫泉蛋也有供應，D蛋流心呀，好有蛋味。個牛肉湯烏冬，D烏冬好滑，牛肉也好吃。重有係有沙律和蔬菜選擇，健康D如茄子，南瓜，甜薯天婦羅，凱撒沙律，泡菜籮蔔，燒菠籮，燒秋葵和翠肉瓜，好多蔬菜類揀，質素幾好。重有係燒物呢間也好吃，燒日本煙肉超好肉味，羊架蘇蘇地，燒牛舌，海蝦，雞翼都好食。甜品法式燉蛋，桂花糕，同Tiramisu都是好食推介，重有名牌雪糕雪條食，記住一定要食。 …Read More

我們都是日本拉麵迷，到過不同拉麵店食過，唯獨這間新開的味千拉麵沒試過，在家附近新開後都未有機會去，有天我們經過此店，看見海報大阪烏賊餅拉麵賣相好吸引，拉麵癮又起，一於入去試下! 我們點了大阪烏賊餅拉麵和豬軟骨拉麵齊分享，我覺得豬骨湯底超正，唔會油肥又起晒膠咁，有鮮味也不算太咸，溏心蛋又好吃，蛋味好濃，中間流流地心帶甜。拉麵麵質好爽身，超彈牙有韌性，是正宗日本拉麵，鹼水味唔重，好掛湯，單是吃麵食到雪雪聲，好滿足。一個烏賊餅好有墨魚味，入面有粒粒墨魚肉，好鮮又彈牙，炸到表面香脆，好有嚼口，表面淋上少許醬汁，醬汁有些似大阪燒、章魚丸個個醬，甜甜地配炸物，又合拍又好味! 另外一碗的豬軟骨又腍又D膠質，醃過的也十分美味，個湯滲著很多䓤香，又有海苔絲，飲少少湯先夠滿足，我覺得享受拉麵真好幸福! 還有小食鹽燒手羽，有D黑胡椒味又有蜜糖甜甜地，味道也十分特別我點了西瓜特飲，清涼又有椰果肉嚼，味道有點像小時候的西瓜雪條，不算太甜。…Read More

朋友成日話黃大仙係美食沙漠，經常係黃大仙都要食快餐，但呢晚我同朋友要去黃大仙果邊有野整，所以特燈openrice下有咩好食，見到商場有呢間叫和仔既日本料理，決定同朋友試下。去到門口已經有人等緊，原來Foodguru拎位，下次要醒目D，咁就唔洗排隊。餐廳餐牌:餐牌選擇五花百門，小食、刺身、熱食、飲品等等，估唔到和氣連甜品都有，見到已經覺得一定要試下，圖片有日本雪糕既感覺。另外特別係仲有一張人氣餐牌，人氣餐牌既選擇好吸引，感覺上係最受歡迎既List，所以我地最後主要都係叫返人氣餐牌！3點刺身盛B ($98):先上枱既係 我同朋友每次食日本料理都必食刺身盛，刺身盛本身都有好多選擇，而普遍價錢都比較唔平，不過我同朋友就揀左個價錢比較平既choice。呢個刺身盛主要係三文魚、油甘魚同泰國生蝦，估唔到日本餐廳都有泰國果種口味既生蝦，連果個sauce都有好勁，魚類都好fresh，好好味！牛油果軟殼蟹卷 ($75):呢個牛油果軟殼蟹卷有六件，我同朋友每人三件係好夠，或者三個人share都Ok，我個人覺得係超高性價比，價錢唔貴，牛油果食得出夠新鮮，軟殼蟹同蟹子都好味，成個配搭係高質得黎價錢唔貴，會推介呢個卷！珍寶赤蝦海鮮飯 ($98):呢個價錢食到呢個刺身飯又係真係好抵，珍寶海鮮包括大大塊三文魚，超級新鮮既帶子同蟹子，仲有我最愛既玉子，飯既份量岩岩好，兩個人Share係真係岩岩好，味道好fresh，好好食。芝士厚燒玉 ($42):再一個抵叫之選，幾十蚊既玉子燒，簡直係我既最愛，食完果一刻我仲想叫多份，但我個fd叫我咪咁誇 哈哈，呢個玉子燒真係好好味，芝士味唔重，細細片，玉子軟硬到岩岩好，唔會偏軟，果種甜味唔係假甜，係入口滿足既玉子甜！櫻花蝦鯛魚湯泡飯 ($108)呢個飯係特別menu入面揀的，首先櫻花蝦，未倒湯入去已經聞到好香，蝦頭炸完仲食得，有好香膏味，鯛魚湯鮮味好重，本身我仲諗緊唔知會唔會好腥，點知一D都唔會，不過我個人覺得份量幾多，小人食係會有d吃力。電擊雞翼‧炸薯條 + 宇治抹茶芭菲 ($68)呢個又係好抵好抵，做緊推廣，兩份野食夾埋先六十幾蚊。首先個雞翼係凍食，味道唔錯，不過薯條就令我愛上左，佢陣味有d似凍蜜糖，好好味。抹茶芭菲好特別，味道真係比得上日本既甜品，個人覺得之後要再返黎食佢個甜品…Read More

那天我在荃灣收工，走的時候沒跟同事肯一起吃飯，那晩就獨個兒找吃的吧！之前來過初見午餐幾次，都好多選擇，今次第一次來晚飯。走到這店門口，一直都覺得名字叫初見，好美! 入內樓底極高，空間感十足，抬頭看到牆壁上的植物，好像天空之城，木椅木桌，有簡約自然的感覺。我選了西日風味，是澳洲牛肉漢堡加日式燒汁配薯條，我還加了20元配了麵豉湯，沙律和飲品，好抵呀! 漢堡牛肉好厚，份量足，好juicy，牛味好濃，薯條大大條，炸到外面好脆，入口有滿溢薯味，我食到那份肥死的滿足感。今次以麵豉湯配漢堡，麵豉湯好鮮甜，有淡淡麵豉香味也有䓤香，好好味，配漢堡有驚喜。沙律好新鮮，清下腸胃，good take 。初見的fusion 西式菜，令人難忘。環境太美，原來也是另一番享受。…Read More

我平時算係星巴克迷，愛飲呢度D咖啡，質素好好，沖調師亦係相當專業。今次試下抹荼加士多啤梨cream，做緊推廣，味道其實好match，抹荼濃郁味道清怡，茶味慢慢滲出，加上D士啤梨cream，好香滑，有濃郁士多啤梨味，夾埋味道好平衡，夠凍亦清新，是一款令人喝罷心情愉快的飲品，我十分推介，有時推出的新品未必係伏，難得咖啡以外也有極好之選!另外店員服務，十分有禮，友善，要讚!環境也舒適，入內十分舒服，一間讓了Hea足一個下午的coffee shop，我首選星巴克。…Read More

上星期睇完韓劇，立即韓氣供心，好掛住D韓燒，特別係燒牛肉，鐘意食到死咗。帶埋小孩來呢間食，佢地住將軍澳，夠方便。我地都叫了牛拼盤，有霜降牛，牛肋排，牛五花肉，重有個部隊鍋添。霜降牛牛味唔錯，入囗即溶，不算太肥，油脂分佈平均。牛肋排好好食，有咬口，D牛味會肉骨間滲出，醃得好入味，恰到好處。牛五花肉，我都係第一次食，油脂較重，放在爐上會必晒D油出來，很適合用來包生菜來吃，幾好食又易入口，原來牛膏咁香口，加埋D肉焦香，唔知點說的好吃! 我覺得燒D冬菇本來會令其乾身，建議加DD水表面，否則太乾會影響口感。 蝦好大隻，好鮮，蝦肉還有彈性，另外韓國年糕燒係好好食，煙韌有口感。D韓國豬肉腸帶有鮮味，燒透D燒到焦焦地先好食。未飽重有部隊鍋，韓國辛辣麵加埋D司華力腸，糯米丸子會比較軟身不沾牙，芝士，韓國餐肉(好食)，我重加咗D辣醬落湯度，超級辛辣，好刺激好味，飲埋杯藍天汽水，解晒辣不太甜，又冰涼，爽!…Read More

工作太辛苦, 我決定不待薄自己, 決家食番餐過百元漢堡餵勞下自己呀,有時食好少少都要既。呢間漢堡店, 久不久會來下, d漢堡都好正, 每次黎我都會試唔同款既漢堡。 店仔細細, 好有American feel, 我一個坐高椅, 叫左個飛彈牛漢堡餐。 來了,個包好熱, 香噴噴, 飛彈牛果然非同凡響, 牛味濃郁細膩, 入口即溶, 重有蘑菇和芝士and 煎蛋，仲有豆芽苗, 層次好豐富, 好Juicy多汁, 所有野夾埋好match, 好味道到唔知點說。食埋d 薯味十足的薯條, 開心晒! 極品漢堡令我變左細路仔!…Read More