sega1975's Profile

202208屯門區食漢堡包除咗麥當勞都幾難搵到第二間，今次呢間係屯市三樓，即舊時無印嗰度，入去之前員工話可以先登記成為會員，再掛埋信用卡等交易工具才可以二維碼落單，唔係就行出去台面落單，我選擇咗後者。叫咗漢堡，真心老麥好食啲啲。😑薯條，煮過龍，好硬。😣😣😣😣😣雞亦，都係煮過龍，非常之硬。😣😣😣😣😣沙律，有爛菜，唔新鮮。🦠🦠🦠🦠🦠咖啡，水一樣淡。😑服務態度嚟講，無服務，自助的總結：🙅🏿🙅🏿不建議試食，一次都多🙅🏿🙅🏿…Read More

3點3係佐敦搵下午茶路經此地，阿姐阿哥熱情叫賣，結果行咗入去幫襯。原先想叫碟 乾炒牛河，點知老闆話今日廿斤河粉已經售罄，結果叫咗碟芙蓉蛋飯，奶茶同蒜蓉西蘭花。奶茶首先到，阿老闆話呢度杯茶一定要試，佢好自豪咁講沖咗幾十年，又的確係好飲嘅跟住係芙蓉蛋飯，大大碟但係偏咸最後上枱嘅係蒜蓉西蘭花，夠蒜香，幾好味，如果可以再炒乾身dd就梗加好。以上2人份量，共110，抵！大排擋，衛生，環境當然唔會好，但又唔算太污糟囉！下次肯定要試試佢哋嘅炒河粉，再加多杯奶茶，下午茶嚟講應該係幾好嘅選擇。…Read More

屯門市中心食中餐，我會去名苑。茶市點心幾好，個人覺得好過美心皇宮，今次講吓晚市，自從樓下燒乳豬執咗之後，出街晚飯通常都係係呢度食。呢度最差嘅係小食無得揀，只供應焗秋葵，又無得唔要，秋葵太硬真係食唔落，每次都浪費，其實如果可以煮熟再加醋當涼菜小食賣，我諗會無咁浪費。呢度首推「雞煲翅」，雖然個翅越食越下，又一條條翅變咗做一嚿嚿，亦無損個濃雞湯頭！澳龍肉夠彈牙，食到鮮味不過今晚嘅主角唔係以上嘅上價菜，而係「西蘭花炒帶子」，一般來講食鑊氣要去排擋，但依家d所謂排擋已經無乜鑊氣可言，而呢碟西蘭花炒得香又甜，帶子又炒到剛剛熟，真係好耐好耐無食過呢種味道👍👍👍👍👍咕嚕肉爽，掛汁剛剛好，唔會太多又唔會太少…Read More

琴晚母親節就去咗呢度幫襯，可能係老人邨全場滿座，呢個場面其實好耐好耐無見過。又諗住酒樓會打住『母親節』𣄃號嚟親火打劫，又無喎，個套餐仲幾抵食Tim。叫咗左邊998，加一茶芥，再加上2支大啤都係1200落樓，唔太難食已經無得投訴。5餸1湯，碟碟都大大份；湯足料澳龍肉質都彈牙，啖啖肉。煎班球肉夠實淨。咕嚕肉普通叉燒拼雞，叉燒居然係全晚最好。鮑魚仔菜就麻麻啦。結果食唔晒，不過無做大嘥鬼，自備飯盒打包走。以上出品其實幾普普通通，係方便老人家唔駛去來走去。…Read More

原先諗住幫襯李錦基食好越南野，點知執咗，舊舖新店又係買越南野，入去餐牌又同舊時差不多，結果中晒伏。叫咗李錦基招牌咖喱雞河，上枱時買相似無似樣，點知咖喱味淡如水，只係有d黃色嘅淡咖喱同埋一件件充滿碎骨嘅雞件，差d食雞食到碎雞骨入肚。另外點咗燒豬肉飯，葱油同豬肉都幾好，係個飯，個飯令我聯想起幾廿年前番鄉下食嗰d米飯，無飯香而只有朕朕糠味，唔係臭，但食得出d米擺咗好耐同埋係平米。以上兩碗全部在水準之下，如果想食番「李錦基」嘅出品，只能說一句：『往事不能回味了』，本人以後再唔駛山長水遠地到屯門碼頭搵越南野食。…Read More

係尖沙咀食米線，當然首選係星林居（樂道），而今次幫襯咗呢間上樓分店，好很失望！上面呢張點餸紙就幾肯定係星林居嘅signature logo，見到呢張紙應該係代表好食嘅，但⋯⋯先唔講出品，講番個環境，由地下行上去三樓，要途經兩層，有一層好很污糟，其實明知食客係會行樓梯上去食米線，又點解唔幫手清潔下條樓梯呢？上到去坐低，可能俾樓下影響到咁，成間店感覺殘殘舊舊。以上兩碗，1,米線，蘿蔔，軟骨，金菇，呢幾樣嚟講係正正常常。2,生菜又d爛，爛咗半碗，所以只食咗半碗。3,大腸食唔番星林居（樂道）味道。4,韭菜餃第一次係呢度食，第一次食到『麵粉』嘅感覺，咁大過人第一次食呢種入口即化嘅餃子皮，化係化番成麵粉粒般散開，又個韭菜餡極奇渺小，不如叫番做「韭菜麵粉皮」好過啦。5,湯底本身幾好，又係第一次係星林居食完會極度口乾，怪！下次都係番番去樂道嗰邊食，希望以上事件唔會（樂道店）再次發生。…Read More

訂枱，訂枱，訂枱！重點係要講三次！呢檔已經幫襯過好多次，基本上呢度唔訂枱，walk-in 亂入基本上係無枱比你坐低食。餐牌今日先講個湯底係鴛鴦鍋，沙爹配清湯，沙爹夠香但清湯偏咸。湯底足料，沙爹有大葱，豆卜，而清湯就菜同豆腐。牛丸基本上又係必點，彈牙又夠味。菜基本上新鮮就可以。淮山拼響鈴，響鈴脆，最緊要係可以雙拼，兩口子打邊爐嘅食客可以多咗唔同嘅選擇。雙拼餃，兩隻都好味，個人比較鍾意麻辣香芹多於韭菜。好大碟嘅豬雜，粉腸，大腸，潤，肝，肚，玻璃肉等其實幾好味，不過真係太大碟，兩口子食剩大半碟，個人建議超個四人都食豬雜嘅話，必點！手切牛肉，齋睇上面張相：油花滿滿嘅牛肉，賣相已經係無得輸！又嫩又甜又無楂，呢個就係第7次幫襯嘅理由。HKD670咁平又食到咁優質嘅食材，仲無加一，好味！抵食！只係地方比較偏僻。…Read More

食韓燒，當然係喺尖沙咀韓國街搵食，路經見老闆係門口sell，結果係第一次食咁差嘅韓燒出品！食得韓國燒烤，當然要飲番支韓國啤酒去配合番呢種風味，但餐牌只有兩種韓啤選擇，咁求其揀左一支，老闆居然話無韓啤，結果又係揀左 青島啤酒（細）30蚊，失望😞今晚主角 牛肉拼盤(HK550)跟泡菜湯（無飯）賣相幾靚仔，點知一燒就出事，個朕牛肉酥臭味出晒嚟，咬落係有牛味，不過都係韌同酥臭味囉。👎👎👎👎👎👎👎👎👎👎👎其實牛有酥臭味嘅原因自己認為有兩個可能：一係下價牛，或冷凍出了問題牛舌（HK120）無酥臭，可能我小食，但係每一片都係有瘀黑色，店員話係無問題喎，咁唯有食幾見留番半碟囉。👎👎👎👎👎👎👎👎👎👎👎👎呢間都多人排隊，但肯定無下次！…Read More

尖沙咀成條韓國街起碼有幾十間韓國食店，今次有幸比我撞到呢檔，檔口雖然細細地，但係出品真心幾好。呢檔好似外國人主理（非韓國人？）又見都多人排隊，估計應該唔差。叫咗三樣嘢外賣，埋單都係233，以香港食韓國菜嚟講，真係好平，但平還平，味道先係重點。以上就係今晚嘅晚餐，三個主食，另外有三碟小菜跟餐，個泡菜食落幾好味。辣泡菜豆腐湯（有跟飯），夠辣夠味又足料，係食開嘅辣豆腐湯味，撈埋d飯一齊食，正👍👍👍👍👍煎泡菜餅，都有泡菜味，不過粉就多咗小小，味道就一般啦。韓式炸雞都有成十件又份量足，雞夠辣，皮夠脆，肉夠嫩。👍👍👍👍👍…Read More

2021年，路經又見到有下午茶，咁就行咗入去。👆下午茶餐牌都算平，兩份餐加埋壹舊油多dd，其實咁嘅價錢，唔太離譜基本上都讚好，但⋯⋯👆豬扒炒公仔麵，其實真係幾好，又炒得乾身，又唔太咸。👆燒鵝配出前一丁，真係為咗呢個組合入去幫襯㗎，睇賣相都幾好睇㗎吖，但係呢⋯⋯碟燒鵝白裏透紅：～白嘅係肥膏，👎👎👎～紅嘅係鵝肉未熟。👎👎👎👎👎👎👎👎👎同店員反映，即時換過碟；仲要係肶位，不過上枱時凍冰冰，又咸，我哋對深井陳記印象其實唔係太差，係深井老店食過燒鵝新鮮熱辣，但係呢間分店就破壞晒陳記燒鵝呢個招牌，希望積極改善。…Read More

金沙角？在元朗居然有金沙角，我呢個沙田人幫襯咗金沙角超過20年，呢間就梗係要會一會佢，希望搵得番嗰種味道。佢哋真係小廚素質，並沒有大排擋嘅鑊氣，要有鑊氣煩請稍移玉步到後街就能解決鑊氣呢個問題。今日叫咗燉湯一盅，幾好味有好似無味精，唔錯。燒乳鴿就比較普通，皮唔脆，肉亦鞋。椒絲腐乳通菜，太濕啦，就好似湯浸咁。椒鹽鮮魷拼鴨舌，鮮魷正常而鴨舌炸過頭偏硬。另外再加多支啤酒，全單360（人均180）就因為「金沙角」呢個招牌入去幫襯，而若果用喺沙角金沙角嘅水準來説，真係不值一提。…Read More

四川麻辣火鍋以花椒粒、蔥段、薑片，辣椒粉、紫草、桂皮、八角、大小茴香等熬製而成，吃時舌頭微感麻痺，味帶辛辣，故名為麻辣火鍋。以上為引文。今日一試，的確很辣，係死辣不太麻，而呢度最好嘅係可以半份半份點食。地方算係舒適優雅，位置又係波鞋街裡，算係偏僻。招呼普通。出品方面，煲底死辣不太麻，茹底如水般清黃喉係脆，但好難咬開。毛肚又係，咬唔開。肥牛正正常常，但120得三片就食水有d深。鴨血正常係牛肝較為出色，又若果喜愛麻辣，值得一試，本人就試過就算。…Read More

突然好想食印度食品，又咁啱係老尖，當然係去重慶森林搵咖喱， 入去第一個俾傳單嗰間，咁就隨便地跟住佢尾，上咗呢間7E。上去咖喱就點咗牛油雞同咖喱羊，兩個都好味，羊個醬汁就有點辣。薄餅就送咗兩件餐前小食，自己就叫咗兩件，點咖喱就真係天作之合，好夾好好味。到今日重點推介：masala tea 第一次飲凍嘅masala tea，係香港飲過好幾杯，但真係完全不一樣的！呢次係第一次飲番類近新加坡小印度嘅味道，已經要真心推介俾大家。全單都係250，一個字，平！又聽到原來經OR訂枱就會有折，只要你夠厚顏 ，早一個鐘到都無問題。…Read More

呢度係SSP嘅美食名物，我諗大家都會略有所聞，由於依家仲係一枱2人，因為無咁迫狹所以坐得比以前舒服。👆蘿蔔每枱都有一樽，酸酸甜甜，好醒胃，任你食。👆菜單，基本上都嗰d麵檔嘢，價錢又唔係貴喎。👆我就叫咗牛筋腩蝦籽撈麵，呢度最好食嘅肯定係「麵」，其他自己覺得都係配角。呢個麵撈埋d蝦籽水乳交融般非常之夾，好味道。呢度辣醬，浙醋都幾好味，而兩者都係悦和醬園嘅出品，下次去開荃灣可以去搵搵買番枝返屋企看門口。…Read More

因為來過一次，上次服務出品都非常出色，所以回頭，點知今日極度失望，一個字形容「差」。服務差：1，先講門口有欄河以為用來排隊，點知原來係要職員㩒飛。2，水喝完要叫才會加水。3，應該人頭上薯條，枱枱一樣，點知侍應只放下一碟。4，侍應不自己放好餐碟，又唔叫我們幫忙，只用眼神要求我們幫手上菜。出品差：1，上次仲話一分錢一分貨，貴嘅一定係好食d，點知今次件貴貨極差，有次幾長又粗嘅筋，件扒又極度嚡口，同上次入口即溶，真係天淵之別。2，兩份牛血水太多，影響口感。店家以上出品同服務若果保持唔到水準，時好時壞，單夠名氣絶對不能久活，希望能夠改善一下。…Read More