深井陳記燒鵝 (Closed)

2021年，路經又見到有下午茶，咁就行咗入去。

👆下午茶餐牌都算平，兩份餐加埋壹舊油多dd，其實咁嘅價錢，唔太離譜基本上都讚好，但⋯⋯

👆豬扒炒公仔麵，其實真係幾好，又炒得乾身，又唔太咸。

👆燒鵝配出前一丁，真係為咗呢個組合入去幫襯㗎，睇賣相都幾好睇㗎吖，但係呢⋯⋯

未煮熟•燒鵝

碟燒鵝白裏透紅：
～白嘅係肥膏，👎👎👎
～紅嘅係鵝肉未熟。👎👎👎👎👎👎👎👎👎
同店員反映，即時換過碟；

仲要係肶位，不過上枱時凍冰冰，又咸，我哋對深井陳記印象其實唔係太差，係深井老店食過燒鵝新鮮熱辣，但係呢間分店就破壞晒陳記燒鵝呢個招牌，希望積極改善。