Allisonnng的個人專頁

餐廳唔算好大，但佈置餐牌deco都有用心。 落完order，餐包好快黎到。餐包甜甜地，熱辣辣搽埋蒜蓉牛油好好食。餐湯：黑松露薯仔湯＄４５前菜：法式餐前小食＄１０８芝士；煙三文魚；牛油果；Parma Ham。蘑菇意式辣肉腸薄餅＄１３８10oz厚切美國肉眼扒＄３４８ 前菜多士好香，４件既組合都好fresh，味道意想不到配合。PIZZA餅底好鬆脆，材料擺得好平均。肉眼扒因為係最後上，另外真係好厚，雖然已經好飽，但我地都將佢清哂，因為肉味好濃，又稔。,配菜的薯仔特登焗到一塊塊的，好香，唔係普通薯蓉。 最後不得不提，全程所有員工無論執枱上菜都好有禮貌，招呼好好，讚！…查看更多

最近同friend 去左一間位於尖沙咀諾士佛台嘅一間餐廳 佢個到都係一間bar 同埋可以shisha~ 但我同個friend就去左食佢地嘅多國菜 好好食呀😭 講食物之前想講下佢啲裝修好有異國風 有好多馬賽克燈 坐得好舒服 係享受呀～我地叫左以下食物：1. Zaalock 茄子泥 - $85佢個茄子泥做到’杰’身 完全唔似平時茄子滑’sansan’嘅口感 佢唔重口味 只係似印度咖喱味 個人十分喜歡 再加埋佢個pita bread 好夾 好味道2. Butter chicken - $130雖然佢賣相一般 但佢個汁牛油味幾重但唔’漏’ 裏面有好多件雞好足料 我地用naan點埋個汁食都食到停唔到口😋3. Cheese naan - $40一上枱熱辣辣 好鬆軟同外皮煎得好靚 一拉開就見到好多cheese 就咁食都好味!!4. Sheek kebab - $140黎到依到點少得食中東食品 kebab呢~ 今次依個係免治羊肉加印度香料整成嘅 係有啲重口味 但食落係ok ge~ 點埋啲醬食地道啲特別啲😋 不過個人認為食得太多會太咸😵5. Beef lasagna - $125其實我會推介依一個意大利千層麵 好足料 好多牛肉同芝士 個麵硬度適中唔會太淋～ 賣相十分吸引 不過食得多有啲濟 要多人share先好叫好耐冇去旅行嘅你地快啲黎食下啦…查看更多

屋企附近開左間新野，疫情底下日日自己煮....公仔麵都煮到厭...所以就發掘下屋企附近既新滋味～哇！行過見到呢間泰國餐廳，生菜包$3X蚊，泰式火車頭炒飯都係$40蚊，完全係🙀🙀。係疫情價定街坊價？疫情底下最岩外賣Netflix and chill😼😼😏😎見到餐牌樣樣都好吸引，心大心細，但一諗起屋企既男伴，有好野食點會唔預埋佢，就嗌佢心頭好——生菜包，同埋雞扒火車頭炒飯**翻屋企share~~ Yeah yeah~外賣唔係即刻有，所以好大機會係即叫即做👀👀👍🏻👍🏻(店主好有禮貌咁話預6-10分鐘)翻到屋企洗乾淨隻手，即刻包個生菜包比我男伴食！d汁滴到一地都係！...「爸爸～你試下～👻」「嗯😋好味 你食多啲啦」「我都食唔哂」「慢慢食囉」..個生菜包真係好好味，同堂食有得揮！我本身以為外賣d生菜會稔哂，但仲係好爽脆wor😋炒飯配Netflix, both are “too hot to handle”~~~ 個飯仲係熱辣辣，真係同套戲既男演員一樣，唔覺唔覺就食哂d...野食😂😂；色香味俱全😎；雞肉嫩口、彈口，同班女主角一樣咁正🐷lol。炒飯味道好均匀，好香軟，有d似珍珠米。一個字講晒: 好滿意！—…查看更多

🥩🥩🥩今晚黎到尖沙咀呢間喜來稀肉！ 想食好耐～生日果陣其實都已經想黎試下架喇！只係一直無時間黎！好多食家朋友都推薦！想當日我其實係奉行多菜少肉嘅草食性動物！而家….取而代之嘅係一隻「食！肉！獸！」唔多唔少都係因為韓燒而起呀。趣味嘅地方係可以用新鮮嘅生菜包住黎食！寧願做返運動都要食多幾種唔同嘅肉！答案唔洗諗最後揀左一個兩人拼盤。應有盡有嘅５種牛肉，仲有飯同飲品配埋！我哋食完泡菜已經覺得好開胃！每款牛肉都不得了！要提一提嘅係佢地嘅招牌「喜來烤肉」！一來包到成朵花，二來仲要好好味！肥美之餘又唔覺得膩！直覺話比我知豬護心肉係一絕，所以二話不說就加左佢！在座嘅另一位食到唔願走！一齊兩個人嚟食嘅話，叫兩人拼盤呢個份量已經好夠！起初建議叫兩人拼盤試左先決定叫唔叫其他！‼️‼️‼️‼️‼️‼️‼️ ‼️‼️…查看更多

今次黎到北角和富中心呢間「十二味」！因為疫情關係已經係屋企好耐無出黎食好西喇!今次就揀左呢間四川菜黎試下!辣一辣，爽一爽！黎到呢度店面好整潔衛生，員工服務同消毒清潔都做得好好，仲細心解釋比我地知係用QR code電子落單。睇住個電子餐牌爭札左好耐，最後決定試下佢嘅招牌香鍋！而佢地既香鍋就有兩種味道可以揀：香辣同醬香！我地就揀左秘制醬香鍋，然後可以另外再揀配料，款式好多，一般打邊爐嘅配料都有！個醬香鍋，名符其實，你會食到「醬」嘅香味，味道有少少似麻醬嘅感覺！另外再叫左個霸王辣子雞，非常香口，辣度可以自己揀，最啱鍾意食辣但係又食唔到太辣嘅朋友仔！我地揀左小辣，以我朋友唔算食得好辣黎講都接受到！一路傾計一路食就Fit哂喇。直覺話比我聽食辣野一定要配少少甜嘢中和下！😋 喜出望外嘅係我哋嗌左嘅紅糖糍粑！歡迎大家黎到一定要試下呀🙊你如果趁熱食簡直係無得彈，而且外脆內軟！我地連續食左幾舊但係一啲都唔覺得「滯」！ ————————————————…查看更多

阿姐服務態度真係好差，由問佢手撕雞腸粉有咩辣度到走既時候都全程黑面。其實自己睇餐牌揀辣度冇所謂，但問左個問題就全程面黑都太over喇掛，比錢要佢找錢又好似欠左佢咁，大佬呀，唔係比500蚊紙，比50蚊紙咋wor....佢冇散銀d脾氣都發落我度？what happened???到最後諗住掉垃圾既時候，d醬汁唔小心濺到佢張枱同地下，但冇紙巾係身，而呀姐話一定要清潔左先好走，就問阿姐拎張紙巾清潔翻，呀姐好惡咁話冇紙巾！！！全部食客望住，真係好無奈。好彩另一個姐姐比幾張紙巾我先清潔到...但阿姐見我成手，褲，鞋都係醬都企到咁梗，真係好無奈。😓…查看更多

今日去咗🌌🌃呢間裝修好靚好浪漫，滿天星星嘅韓國餐廳食晚餐!!呢度每樣嘢食嘅份量都好大，我哋只係得兩個人，所以都唔敢叫太多嘢食(就算見到menu後，有好多野想食！)於是就淨係叫咗兩樣嘢，兩樣都超級大盤啊！第一個就係呢個辣芝士炒雞🐔，除咗有香噴噴嫩滑嘅雞塊，仲有煙un嘅年糕！芝士同雞嘅比例幾乎係50比50！所以每一舊雞塊&年糕都沾滿左邪惡嘅芝士!!神奇嘅地方就係又唔係好膩咋喎，加埋一齊仲好好食添！佢仲連住個熱鍋一齊上，見到啲芝士沸騰沸騰🌋都幾治癒！第二個就係炸醬麵！🥢🥢炸醬麵嘅炸醬係極足料！驚喜嘅地方係入面原來仲有肉片！另外呢仲加咗🧅🥒青瓜絲，令到成個炸醬麵冇咁膩啦，有多少少口感啦，好食添d啦。麵條好彈牙！一人幾啖就食晒啦！食得哂係意料之外😳😳原本仲諗住食澱粉質會好膩添！…查看更多

超大個！呢度既糯米雞真係超大個！起身實在太餓，買咗個翻早既時候做早餐食，本身仲諗住加多個包，勁唔飽。食到一半已經飽到上心口，入面有豬肉，鹹蛋黃，雞翼，魯肉，臘腸，加埋糯米，全部高脂肪高膽固醇，不過外面相當唔油膩，於是不知不覺就擺哂落肚，健康寶寶都係同朋友share好d！隻雞翼相當唔錯，唔會唔熟，又唔會熟過龍，梅哂咁，d皮都仲係嫩嫩的，肉都唔會散哂，豬肉好入味，鹹蛋皇唔會勁鹹勁多鹽份。好彩冇加多個叉燒包！重要的事講多次，糯米係好飽肚！(PS 如果唐記有雪山叉燒包 可能我會照加)😋😝…查看更多

This restaurant is at the top level of Hyson place at causeway bay. Many of the seat are at open area! There are down to ground glass window, so you can have a wide angle view while enjoying food there! Quite relax!!1️⃣W6 Healthy Honey Waffle with Vanilla ice cream $84 Yes! I will say this waffle is relatively healthy because the topping are nuts which are good to human health, as it provide good fat and energy! The nuts add chewy texture to the waffle! They are unexpectedly matched!! 2️⃣Iced Hazelnut Latte Almond Milk $46The milk are relatively healthy as it provides almond milk option in the menu, which is quite rare in coffee shop unless you makes special request! 👍🏻👍🏻…查看更多

呢間點心店係新開嘅，佢有一個特點一開頭都幾欣賞——就係佢幾環保。一般嘅茶樓都係用一次性嘅點心紙，但係呢度一張點心紙可以用到尾，因為佢有一個column係加單，咁樣就可以睇到清楚之前食咗啲咩，咁就唔會重複係咁嗌左同樣嘅嘢，有時幾個人落單，前後腳，唔小心都會重複點錯。如果想encore嘅話，都可以好容易知道之前食咗啲咩。-叫咗好多點心，有小籠包 春卷 菜心 腸粉 奶皇包 叉燒包 茄子 排骨飯 肉餅飯，感覺全部都係即叫即蒸，仲要整得好快，上菜都好快，所以lunch食都好方便，唔會驚遲到！座位都幾舒服，雖然唔係話好闊落，但係空間感都夠！侍應嘅反應好快，服務都唔錯😍😍👍🏻。…查看更多

🌟Sky726🌃位於大廈頂樓，餐廳安排左我同男友坐落地玻璃位，居高臨下加上燈光襯托，顯得十分有情調同浪漫，枱面上仲有蠟燭!!1️⃣Oysters (1/2 dozen) $198Plus $78 with 2 glassss of white wine估唔到有生蠔食！$198半打，平均一住隻都係$30/蚊！望住個靚境，又有咁好服務，終於可以係緊張既時勢下放鬆一下心情，生蠔配白酒，真係好chill好relax！2️⃣Pumpkin Soup with Crab Meat $78我最愛既南瓜 🎃同蟹肉 🦀都擺埋一齊！好特別！南瓜湯好有Halloween 氣氛🔮🕸🕷🦹🏻‍♀️！個湯稠身有龍蝦湯味，亦加左好多蟹肉，同男友share剛好！3️⃣Crab Cake $138呢個別具意義既蟹餅🦀🦀🧡蟹餅好足料，外面既麵包糠好脆又唔會太厚！蟹味好夠，食得出係新鮮既蟹肉！配埋菜食就”perfect池”地平衡油炸既油膩感。4️⃣Iberico Pork Chop $188黑毛豬有兩個汁，分別係黑醋汁同牛肝菌醬，酸甜、濃厚既味覺享受一應俱全！呢個極厚既黑毛豬鞍扒係慢煮既，所以肉質食落都仲好嫩，望落紋理都好靚！5️⃣Tiger Prawn Risotto $198虎蝦again! 呢個意大利飯都幾正宗，飯粒偏硬，好有嚼口，飯粒完全嗦哂龍蝦牛油汁，超級香濃，一啖一啖好快就成個食哂👅。 —#sky726 #sky726hk #finedining #finedine #skydining…查看更多

呢間鋪好近元朗市中心，入面環境寬敞，啲裝修好靚，難得今日放假，即刻約好朋友出黎食好西！呢度真係好適合同埋三五知己一齊嚟打卡。前菜已經擺盤得好靚，個湯夠濃郁，沙律菜加咗醋，配埋一個迷你牛角包，正！炭燒紐西蘭肉眼扒。配埋蜜糖甜薯同法邊豆叫左五成熟，牛扒表面剪到有少少趣，入邊啱啱好五成熟冇overcook，法邊豆加咗鹽同黑椒好入味。手打美國特級安格斯牛肉芝士漢堡配薯條🍟下個漢堡包嘅橫切面，塊漢堡扒夠厚又多汁！薯條炸出嚟係十分之香脆同埋熱辣辣！上面再加埋啲海鹽味道啱啱好！…查看更多

同男朋友講左好耐想食串燒，係油麻地行行下就經過呢間深宵食堂！由於食既時間都有啲晏，我同男朋友都好肚餓！一見有咩想食就畫呀畫，叫左勁多野食！再加杯啤酒！爽！先黎雞泡魚干 - 最好既佐酒小食😋去親串燒店必點！而呢到既魚干做得幾出色！甜甜地，見到都流口水，食落既感覺好特別！必食！再黎原條茄子加上孜然粉🤪又幾夾喎！同埋條茄子食得出幾新鮮，燒完啲都仲好Juicy！然後叫左燒雞翼，個種切法令人食雞翼既時候唔會因爲要拆骨而尷尬，可以開胃大嚼🤪🤪食多多都唔怕！最後有非常Juicy既牛柳粒、好Fresh既雞脾菇、好Sweet既紫薯，今晚真係捧住個肚番屋企🤪另外大家食串燒成日會遇到既困擾可能係，食完件衫會好大陣味。而食完呢間食堂就一啲異味都唔會有！仲好夠冷氣添！環境一流！總結深宵食堂係一定會再番食😋😋😋…查看更多

我地一入到去就揀左個海鮮火鍋套餐，侍應就問我地雞煲食咩辣，我地就嗌左小辣。估唔到係黎左雞煲先，等左大概十分鐘到就有得食啦！入面有好多配料，仲有另外一碟豬皮花膠等等，食落好惹味！之後就黎左燉湯同埋避風塘鮑魚仔，燉湯係食完雞煲後好潤！上哂呢啲就有得打邊爐啦。我地就揀左3.6牛乳豬骨煲，一黎到就見到好大舊豬骨！跟住就有海鮮配料同埋冇得任食既牛頸脊。牛頸脊真係好好味！另外值得推薦既係好脆既魚皮同埋非常足料既墨魚滑。環境方面，有幾個小包廂，仲會包埋電視。最後仲上左好涼透心既甜品！ 性價比唔差，值得推薦！…查看更多

◾️◽️◾️◽️◾️◽️◾️◽️◾️◽️◾️▫️▪️▫️▪️▫️▪️▫️▪️▫️▪️▫️餐廳裝修由門口到每個角落全部以⚪️⚫️黑白⚫️⚪️手繪畫為裝潢藍本，🕶入到去感覺失去色彩🕴🏻，😂因為連坐我對面既人都著黑白間條衫。直至⋯⋯啲野食送到上枱。🤹🏻‍♂️🎨哇！色彩繽紛！勁大對脾！🤤🤤好吸精！美味指數急升1倍！it’s magic!1. 肝菌帶子Risotto $178帶子大大粒，煎得又香，risotto 好creamy ，綿綿密密，軟硬拿揑得剛剛好，risotto 入面仲加埋好清新爽口既蔬菜同火腿粒，又creamy又有肉又蔬菜，平衡得好好，冇油膩或者”濟”，係意大利飯最perfect既口感！一啖接一啖，輕易K.O.!/2. Roasted Pork Ribs with 🍟 & 🥗 $278Ribs好稔好稔，d肉一切就散開哂，完全唔會痴住條骨，肥瘦比例剛好，係近排先識欣賞肥肉，以前一見就🤢，覺得口感怪怪，軟淋淋咁。原來肥肉藏住油香同肉味！🤣但我最中意都係𡁻口十足既瘦肉。/3. Apple Crumble $78蘋果金寶😍😍一上枱心情指數🆙🆙🆙🆙🆙見到就唔想同朋友分享，大家起勢咁”杯”，😋umumum好好味，蘋果甜得黎又少少酸味，木糠加牛油好好味，仲有好夾既雲呢嗱雪糕&berry可以撈埋一齊enjoy😍正呀!#—ULURU🎬灣仔春園街1-11號春暉大廈1樓👆🏻[🚇灣仔B2出口行3分鐘就到喇！]…查看更多