倫哥尚品火鍋私房菜 (Closed)

我地一入到去就揀左個海鮮火鍋套餐，侍應就問我地雞煲食咩辣，我地就嗌左小辣。估唔到係黎左雞煲先，等左大概十分鐘到就有得食啦！入面有好多配料，仲有另外一碟豬皮花膠等等，食落好惹味！之後就黎左燉湯同埋避風塘鮑魚仔，燉湯係食完雞煲後好潤！上哂呢啲就有得打邊爐啦。我地就揀左3.6牛乳豬骨煲，一黎到就見到好大舊豬骨！跟住就有海鮮配料同埋冇得任食既牛頸脊。牛頸脊真係好好味！另外值得推薦既係好脆既魚皮同埋非常足料既墨魚滑。環境方面，有幾個小包廂，仲會包埋電視。最後仲上左好涼透心既甜品！ 性價比唔差，值得推薦！