healthyfoodinhk's Profile

食左兩次外賣早餐，一次午餐外賣。唔會再食！第一次叫A餐，叉烧通粉，煎蛋，牛油方包。點知返到公司發現佢漏左牛油方包。啲叉烧好多胡椒，蓋过叉烧味……湯底味精……難食第二次叫雪菜煎蛋米，凍齋啡走甜。已经提左阿姐要走甜，佢再寫單，阿姐已经唔好老脾。點知上去車先知佢都係無走甜！！ 佢因為重寫單，所以我要等多15分鐘，令我趕唔到一班車，而家仲要錯order。俾錢買難受！第三次叫廈門炒米。據我所知，廈門炒米會有叉烧，满小廚係無嘅，而蛋，你都唔好痴想有正常分量！佢得兩條蛋…絲！蝦更加得好少………偷工减料……佢最唔偷工减料係油，多油到可以炒多個餸。唔會再去！！…Read More

今早想食西式包，經过見到panash啱啱開門，入去睇下有咩吸引。佢有好多包如～吉列豬扒包～炸魚柳包～合桃提子包～煙三文魚火腿牛角酥～粟米型包(名子只供參考)全部over $10吸引我嘅係白色外表嘅蕃薯包。點解？因為我平時食開唐記蕃薯包，想比较下～首先佢係$11 (唐記$7), 係長條型，手掌咁長到，外面有啲紅包粒粒，應該係果醬。一拎上手係暖暖地，真係剛岀爐。咬一口，外面軟，入面少硬，原来係成條蕃薯！好誇張！唐記只不过係蕃薯容，佢係一整條。本人就較喜歡唐記，因為panash呢個包好似太甜，可能係因為佢有啲果醬。不过俾佢成條蕃薯而感到驚喜～…Read More

我一向都食唔到辣，所以好少接触咖喱，特别係泰式同港式咖喱，因為即使人地話唔辣，我都辣到上天花板。最近對咖喱有啲興趣，上網搵下，發現原来咖喱都可以唔辣！例如日式咖喱，有分甜同辣～所以今日就黎銀咖喱試下啦～～呢間係位於一間日式超级巿埸内嘅food court，周圍有其实選擇如pepper lunch, 8番。但基於今日嘅目標，我一去到就一枝箭咁飛去銀咖喱。餐牌上有大約十幾款，全部咖喱！例如吉列豬配咖喱，吉列雞，海鲜，牛肉，吉列魚等～而全部都under $40!!! 唔係咁平啊嘛！日本菜wor....仲寫明可以叫不辣，辣，同大辣～加$3可以轉烏冬，加$10可以有飲品同湯～最後我揀左吉列豬咖喱飯$34～ 我同人share, 所以叫佢多食 (係唔洗加錢，除非你叫多多飯)。等左10分鐘到先有。佢係用鐵盆盛住啲飯，感覺反而有啲似飯堂……$34係咁架啦食物才是重點！睇落啲咖喱汁好似好多咁，颜色正常～吉列豬正常大少，飯好似唔算叫多飯～我二話不說就試個飯lo汁。hmmmm 我就覺得咖喱味唔濃，無乜層次感。會唔會係唔辣嘅原因？定係太稀？hmmmm 有少少失望。到吉列豬。本来我以為會乾，點知又唔係！都算juicy worrrr ～～反而呢個好驚喜！之前食翠華豬扒，好乾，食柴皮咁，以为$34都係會咁，點知又唔會～～總括：如果唔理價錢，我覺得6.5/10，因为主角咖喱唔得。如果計埋價錢就有8/10，因为$34咋wor，仲想點…Read More

好耐無食过mos burger, 原因係一直都覺得佢較貴。但近排老麥啲新包連餐直逼$40，同mos burger不相上下，所以就黎～之前個三文魚包原来無左啦！我太遲啦！！而家做緊bbq和牛包。我對牛無乜興趣，可能係因為屋企人唔食，加上係紅肉，所以我無揀有牛嘅包。我叫左金平牛蒡飯團，加雞塊餐，共$46。我朋友叫左熱狗，加雞腿餐，共$45。大約5分鐘就有啦，係專人送过黎嘅～雞塊有4件，送黎食熱啦啦！應該係剛剛炸起～配嘅係BBQ sauce～因為太熱，我就咬左個包一啖先～虽然個飯有煎过下，但感覺其实好似熱嘅日式飯團咁～正正常常啦，唔太咸～如果鐘意濃味啲嘅人就可能麻麻。到雞塊啦～一咬！好juicy ahh!! 啲雞好嫩！有雞味！仲有口感！而啲炸粉脆而不油，又唔太厚！不得了！相比老麥啲麥樂雞，呢個好味百倍！同樣係快餐，點解呢個好味咁多！我上網睇啦，啲人話mos burger啲雞塊係雞胸肉～唔知真定假，我只係知好正～而大少呢，我就覺得mos burger大少少，可能係因為脹啲～到我朋友個熱狗，似ikea個熱狗所以可以不試。而雞腿，好就係無骨，方便～唔好就係薄，好明顯係將塊雞拍偏佢，令佢睇落大片啲，然後去炸。我都係鐘意雞塊多啲。環境方面，間舗好細，得六七張枱，坐到唔夠二十個人。如果唔係早啲一定無位坐。…Read More

之前睇電視講到潮州手打牛丸，見到流左手水。上網搵下香港邊到仲有手打啦，俾我搵到佐敦有間～係復活節假第一日就立即黎試～係地鐵站D岀口一岀，再向尖咀方向行，第一個街口轉入去，即係同馬丁越式麵包同一條街。行入少少就到。因為個舖面好平凡，我行过左行返轉頭先見到～12點左右到左～入面得兩個客人，服務員都係兩個，其中一個係廚師。我地兩個人叫左淨手打牛丸同魚蛋各一碗，牛腩飯一碗。唔洗3分鐘就有牛腩飯～啲牛腩係無乜汁，應該齋炆，所以原汁原味，好嫩又霖，！一碟有6至7件，唔太肥，我覺得幾好！过左約5分鐘先上魚蛋。淨魚蛋原来有三粒白魚蛋，三粒魚片頭同幾條生菜，全部係個清湯入面。魚蛋好滑，勁彈牙，而魚片頭比魚蛋更有魚味～都係好彈！同平時嗰啲好唔同！之後到牛丸，一碗有6至7粒，同樣搭幾條生菜，清湯底。牛丸大少同平時差不多，但彈牙程度赢哂！！好有牛味，咬一半你會見到汽泡，姐係代表手打時打入空氣，令牛丸咁彈牙！真係好好味！我終於知道咩叫美食在民間！感動～因為太好味，所以我叫我男友寫英文食評，以下就係佢嘅評語：delicious... Nothing like the normal beef ball ... One word fresh. Definitely going back again…Read More

之前黎过，因為佢個煙三文魚炒魚早餐唔好味，所以一直都無再黎呢間。不过今日好想食法包，死死氣氣再黎，但唔會再叫煙三文魚啦～望下個餐牌，價錢都係$40+， 款款都差不多，所以揀左個自選餐，customize嘛～我叫左煎雙蛋同火雞片(唔叫炒蛋，上次炒得太差啦)，配當然係全麥法包～～共$43因為今日假期，而且我7：30am已到，所以無乜人，食物都好快到，1分鐘已经有！煎蛋好明顯係事前煎定，係凍嘅…不过見佢齊齊整整咁，算啦。火雞片有一片，咸左少少，要夾包食。法包當然係perfecto啦！又脆又硬，中間霖～食物ok la，但餐廳清潔就差。每把刀都有“積”…我坐嗰個位個地有好多碎，仲濕濕地…呢間都叫較高级嘅快餐，衞生搞搞佢好wor....…Read More

今日好想食印度烤餅，因為我好鬼鐘意煙煙un un嘅食物，又鐘情放澱粉質～之前lunch黎过架啦，所以一諗起印度野就會諗到呢間～平日lunch如果無訂位一定無位因為佢只能容纳大約15至20個客人，而且上菜需時。今晚我大約七點到，入面有10個人到，一半係印度人～我地坐低，老闆就立即俾餐牌我地。晚上都有set，包湯，前菜，主菜同飲品。而飯或plain naan 係無限供應～我唔太餓，諗住同我朋友share一個set (chicken tikka $112)。點知叫野時，我地話叫一個set, 老闆好似有微言，又叫我地再叫。我地話一陣先再叫。佢話我地一陣要記得要叫…乜印度唔興share一個餐？？同我朋友討論左一陣，廢事老闆不满，最後決定叫多款naan, 最貴嗰款coconut naan ($32)。大約5分鐘，個湯黎左。個樣似稀嘅白湯加菜湯，灰灰白白咁，飲落乜都唔似，入面有三粒青豆，errr, 真係飲唔岀咩湯。因為其实都幾怪，所以我地放棄左。點知老闆行过黎，望下我地個湯，同我地講再唔飲會凍……最後我朋友格硬飲左佢。过多一陣黎左印度炸角仔(其实唔知叫咩名，只知道係炸，三角形，同有啲似我地中式角仔)。角仔上面有啲辣醬，好鬼辣！中間有啲薯仔，菜，一Pat pat嘅野。幾好味架～角仔旁邊有兩片青瓜，一片蕃茄同一片生菜。过多陣，我地個chicken tikka同plain naan, coconut naan 到啦～chicken tikka係鐵板上咋咋聲，好吸引呢～而naan係放係籃入面，好得意～plain naan係白色，有三塊 (其实姐係一大塊切三份), coconut naan係橙橙地色, 有四塊 (姐係一大塊切四份)。點解椰子係橙色？唔知呢我立即食左一啖plain naan…正！正正就係我鐘意嗰個質地！煙煙un un, 熱啦啦～好comforting！我朋友另左塊椰子naan, 我問佢點，佢話正常。既然正常，我又試左一啖………咩話，呢啲叫正常？！好好好大陣椰子味加糖好奇怪！naan本身係咸咸地，而定加左甜椰子……我接受唔到到雞，係橙色嘅～明顯係用左印度香料～雞好嫩滑，好有印度風味～雞加埋plain naan，好夾～～但我想象唔到椰子naan加雞會係咩味。不过我朋友又好似食到好開心咁～哈哈埋單$165總括而言，餓先好去，因為唔可以share....…Read More

上次係上環試过山東餃子後，突然愛上了餃子，立即openrice公司附近有咩餃子店。見到王府曾入圍米豬連，當然要試下啦～ 今日一放工，满心期待去食餃子。一早已经係openrice睇定食乜。王府原来無魚肉餃。魚肉聽聞因為容易變壞，所以好多食肆都無～為左能比较呢兩間餃子店，我叫左素菜餃。但王府無魚肉餃，所以我叫左蕃茄蛋餃，因為兩點之後先有～姐係如果lunch time黎就食唔到～我朋友就叫左牛腱麵同凍豆浆。王府間舖唔大，得六七張枱，感覺上好客山東大小小。但王府裝修就豪華同有中國特式啲，亦都好似乾淨啲。雖然係咁，重點都係食物到。餃子因為立即整，所以我朋友同牛腱麵黎先。湯底較好客山東濃，颜色為深啡色，我估係豬骨湯底。麵就差不多，適中，唔太霖唔太硬。牛腱就好入味，而且切到好薄，咸咸地，幾好～餃子(雙併$55)大概十分鐘先到。就咁睇係分唔到邊隻係蕃茄蛋餃，邊隻係素菜餃。我食第一隻係蕃茄蛋餃。一咬就覺到好大陣莞茜味同蕃茄味，蛋呢？好少…其实係食唔到有蛋味。而餃子皮厚左啲同粉粉地……我唔太鐘意，好客山東啲餃子皮薄啲，好味啲。到素菜餃啦～餡有粉絲，菇，蘿白等，味道像腐皮卷啲餡，普普通通。相比好客山東，我鐘意後者…試过一次就夠啦。下次要試對面嘅餃子園～…Read More

今日一行七人到陶源飲午茶，難得假期，想享受下天倫之樂。我地係大約9點訂位，飲下午1點。大約一點到，立即有位～正啊～肚餓嘛～ 俾左張大枱我地，大家都坐得好鬆動～真好。我地七個人當然可以叫好多點心啦。第一輪叫左：蝦餃，燒賣，涼伴木耳，灼菜心，秋葵，雞腳，冬菇包，素菜餃，雞扎。等左一陣黎左灼菜心，木耳同秋葵。涼伴木耳辣辣地，酸酸地，好開胃啊～而菜心都幾大碟～之後，等左至少15分鐘先黎冬菇包同素菜餃。冬菇包好味，面頭嗰啲粉應該係朱古力粉，中間係雜茹粒。不錯！素菜餃係羅漢齋餡，味道適中，得啊。因為等左好耐都未黎蝦餃，燒賣，雞腳同雞扎，同服務員講叫佢跟跟，同時追加蝦餃，叉燒，蝦腸，廚師炒飯，乳鸽，春卷，咸水角，芝士脆卷，青瓜海“捷”。过左陣，服務員返黎同我地話無哂雞腳。下，你而家先講，都成20分鐘。之後終於黎蝦餃，焼賣同雞扎。蝦餃新鮮彈牙，ok 啊～ 燒賣就大獲！係唔熟架！豬肉唔熟好危險囉！立即同服務員講。佢立即收左佢。唯有食雞扎。點知！！啲雞又係唔熟！！會唔會係咁……立即叫經理。經理當然赖廚房啦。其後叉燒，乳鴿，炒飯都黎啦。好彩都係熟。叉燒要成$108, 但又唔係特别好味。炒飯有獲low.....再黎熟嘅燒賣同雞扎。燒賣好粉，雞扎正常。最後叫埋楊之甘露，好多煉奶………唔好味總括而言，服務一般，食物一般，上菜時間慢，價錢偏貴。附近有一啲更好更抵食嘅酒樓，唔會再黎陶源。…Read More

朋友最愛食餃子，所以有時都會陪佢去試下啲特别嘅餃子嘅～今次揀呢間係因為無意中係openrice見到佢有魚肉水餃。我從來都未試过水餃係魚肉包，所以好好奇。店舖一啲都唔起眼，係横街入面。本來以為行錯路，好彩堅持行入啲先見到。平凡得很～我地七點到，入面有大概十位客人。樓面行黎行去都好似得兩位店員。佢地都係講普通話，但識聽廣東話。我地點左雙拼魚肉餃同素菜餃(共10隻)，韮菜豬肉餃麵，豬手。唔洗5分鐘就黎左豬手。本來我以為係茶樓食到啲豬手，點知原係係切片凍豬蹄。望落色水幾靚，食落好正！唔會太喊，有彈性，好有豬肉味～得啊！大約5人分鐘後，我朋友個豬肉餃麵黎到。佢話湯底正正常常，無乜特别，啲麵都ok。而我偷左隻豬肉餃試下。好鬼正啊！好juicy！啲肉汁多到流岀黎，而啲豬肉新鲜，好有豬味，味道剛剛好！不过我嗰魚肉餃同素菜餃仲未黎……等等等，等左15分鐘終於有啦～就咁望，白啲嗰個係魚肉餃，我當然試左先。都幾特别，有啲似魚蛋，但比鱼蛋更滑同更有魚味～好得worrrr到素菜餃啦～一啲都唔dry～入面有菜，木耳，菇，粉絲同蘿白～好豐富同好好味！好感動！我第一次食到咁正嘅素菜餃！我都唔洗點醋都咁好味～下次想食素可以黎啦～推薦推薦！！我下次要試手撕雞！…Read More

一向我都想搵啲平價健康嘅食物，見到大快活推出左美味素都一段時間仲有，我估應該唔錯掛。藍田呢間有兩款素食，一款飯，一款意粉。因為想食意粉就叫左蘑菇汁雜菌野菜意粉，$38。我估即叫即整，所以等叫號。等左約10分鐘就有啦。賣相不是太開胃，不过$38快餐，係咁架啦。蘑菇汁睇落就唔多濃，稀稀地。茹就有兩款，仲有一啲青椒，红椒，菜同茄子。第一啖就試冬茹。omg....過油的………姐係好油……其他材料都係過油的………好唔健康……茄子更加可以擠啲油岀黎………只可以話大快活只想推岀樣產品target素食者，但唔target想食健康啲嘅素食者。而意粉正常，都算煮得幾好，唔太霖～蘑菇汁食落無乜蘑茹味，唔知食緊乜…總括而言，唔好再食。…Read More

近排大快活新岀左一個$20.50嘅早餐，仲標榜得370卡里路，鼓催健康，我當然要試下啦。因為早上要趕巴士，所以都係要外賣。呢個輕怡早餐有牛奶無糖麥皮，烚蛋，多士同杯熱檸水。係巴士到食左塊多士同隻蛋。多士正正常常～蛋烚得幾好，唔痴蛋殻。返到公司食麥皮。真係無糖啊～～但！！食到差不多最後食到陣膠味，都幾大陣架！應該係熱融左個膠碗！得唔得架！！好似會引致癌症架播！大快活應該要處理下！食完都飽架，希望捱到食晏啦～不过因為啲膠味麥皮，下次可能要考慮下堂食或唔再叫麥皮，啲膠味有點嚇人。…Read More

今次第三次食，頭兩次都係中環食，原来中環貴$2真係今日先知藍田呢間好大，仲有好多部自助機，可惜我八達通無錢得現金，唯有排隊。條龍都幾長，前面都有只少六個人，佢開得一部機，等左陣，我後面多四個人，但佢都唔開多部收銀機……算，我真係好鐘意個田園雞包，唯有等。等左十分鐘先到我order。本人就唔太鐘意醬，所以走哂醬。有啲人覺得無醬會乾，但我就鐘意食到食材嘅真正味道，所以好多時都走醬嘅～不过個收銀員都好好笑，我話要走哂所有醬，佢問要唔要牛油果醬，我話都唔知。佢然後問我要唔要蕃茄，我話要。佢然後一項項食材問我要唔要………怪不得我要等十分鐘先買到啦！我朋友想食薯條，所以叫左個餐。佢話要薯條走鹽，哈。最後搞左15分鐘先食得味道都保持咁好味～bagel 煙煙un un, 好正～塊雞夠嫩～不过片芝士就放得hea左啲，一半走左岀黎，痴左係張紙到………Read More

今日星期六，做完義工都大約1點，好鬼餓，立刻去附近茶記。見到呢間唔係太多人，門面唔太光鲜又唔太烏糟就走左入去囉，應該係呢區叫唔算貴。睇睇餐牌，啊，都算可以，over $40但最貴唔太貴。我叫左雞絲濑粉(由米線轉，仲有米粉，通粉，公仔麵等揀), 飲凍檸茶。我朋友食涼瓜火腩飯，飲凍檸茶。我嗰個就$43, 佢就$55。等左五分鐘就黎啦～雞絲其实就係煎雞扒切件，正正常常，都ok。我朋友嗰個佢就話麻麻，無乜獲氣，汁又一般。如果下次諗唔到食乜，可能會再黎嘅。…Read More

今次第二次黎食午餐，呢到好就係可以book 位，大班人黎比較方便。上次我就試左個煙三文魚意粉配拿破侖汁，甜甜地，五錯（雖然等左20分鐘先有）。今次就試距個局芝士番茄茄子意粉，因爲平d ($70)，而且黎個Green Friday。我叫左距少汁，因爲五太中意過濃味gei食物。講返個餐牌，聼同事講係不變的，距地已經食過好幾次，次次個餐牌都一樣。有好有五好啦。成個set 包餐湯、主菜同熱飲（凍飲加$3)。今次個湯係忌廉波菜湯，本人就覺得好怪....有d似菜乾湯同淡忌廉湯的混合體....等左10分鐘，主菜就黎啦。一望見到d色水五錯gei芝士，好似五錯wor~~~ 撥一撥，errrrr，好多醬汁。如果五係叫少汁，五知有幾多。意粉上面有2個西蘭花、青瓜同茄子，無啦。男仔一定五夠食。意粉都五係好多....所以2-3小時後就餓。如果係男仔，我會建議五好叫呢個，叫牛排，因爲我同事食好大塊！食到一半，見到碗底，好多油....看來Green Friday 變成Oil Friday。服務質素方面，距得4個人，所以五好預計會有質素。…Read More