Ahdkciwnbciw's Profile

就咁聽餐廳名已經覺得好有氣氛，位於尖沙咀嘅龍鳳呈祥雞煲火鍋專門店。豐富嘅室內設計，每個角落都花盡心思，有老香港特色情懷。招牌無骨鳳翼釀雞煲非常創新嘅雞煲，味道濃淡適中，唔會愈食愈口渴，花椒八角洋蔥芫茜樣樣嘅香氣都好配合，最好重點係用去骨墨魚滑釀雞翼去代替普通雞件，就最啱啖啖內嘅人去食，雞油同底料味完全滲入墨魚滑。真係好好食。龍鳳呈祥牛肉拼盤一個大包圍嘅組合，多個部位都可以食到，各個部位都有唔同肉味同口感，整體來講都係高質嘅牛肉，食落唔會有雪味同埋肉質係靚嘅。兩個人食份量亦都算抵食。龍鳳呈祥手打鮮蝦丸（6粒）蝦丸口感夠哂彈牙，味道方面海鮮味相對之前嘅墨魚滑更加濃，所以食落嘅感覺完全唔同。牛骨濃汁牛丸（6粒）超級爆汁嘅牛丸，食嘅時候真係要小心熱，牛丸夠彈牙之餘，濃汁個陣牛油脂味又可以俾到滑嘅口感。魚皮餃（6粒）個人最愛，火鍋必食。size 夠大粒好滿足。龍鳳呈祥雜菜拼盤賣相極打卡嘅蔬菜籃，好有老香港嘅風格。嘅材料又塞到滿一滿真係夠晒抵食。自家製陳年鹹檸七清熱順喉，鹹酸甜嘅味道消滯解油膩之餘，又有夠哂解渴。…Read More

串燒王位於大圍積存街，主打各式各樣串燒，所有食品即叫即整非常新鮮。有辣有唔辣可以自己選擇口味。牛肋肉選擇嘅位置好好，唔會太多筋而令到食嘅時候咬唔到。調味方面適中，唔會令到牛味無哂。厚度都係夠嘅，食得幾過癮，同埋一串嘅肉量都算足料。牛舌食得出係慢燒嘅牛舌，因為可以做到口感軟熟之餘肉質一啲都唔乾。牛舌味亦都好重。五花腩每嚿五花腩都切到四四方方，一啖一嚿好過癮，外面就口感黃金香脆，但裡面又入口即溶。相當好食。免治雞肉棒串燒最鐘意就係食呢個，雞肉同軟骨比例啱啱好，食到豐富嘅肉感之餘，又有咬到爽口嘅軟骨，攪得又夠碎夠均勻。本身調味都好好。雞腎爽口唔乾嘅雞腎，size都好好，唔會令人太難咬。雞心唔太常食到嘅雞心，整得好食都唔易，因為整得唔好會有嘅腥味，口感又爽口，燒得亦好出色。翠玉瓜+金菇蔬菜菇類都燒得好惹味，保留到適當嘅水份，唔會無哂應有嘅甜味。魚腐/台灣腸/墨魚丸/牛筋丸 份量都選用size 較大嘅材料，都算好抵食，調味亦無過份，好香口好好食魷魚鬚/多春魚海鮮類都好好食，選擇亦都好多，不過太多嘢食，淨係叫左呢兩款。…Read More

位於牛頭角有一間拉麵小店，店內全吧枱設計，日本拉麵店好相似，可以望住廚師製作。菜單有五款拉麵，亦有可加各款配料。我同朋友每人叫咗一碗拉麵，溏心蛋非常推薦要加，新鮮整，時間控制恰到好處。瑪瑙瑙麵 選擇了白麵味道濃郁雞白湯，但唔會過份地咸。飲多幾啖都唔會好口渴。口感方便十分之滑，雖然濃郁但唔會過份油膩同漿口，湯頭上菜前會用攪拌棒機打一陣，可能就係因為空氣打出哂入去，所以口感先會咁滑。黑蒜雞白湯拉麵 黃麵係雞白湯嘅底子下，配搭惹味嘅黑蒜油，味道完全變成另兩個性格，比較喜歡惹味刺激啲嘅朋友就啱哂。配搭黃麵，口感比較彈牙同埋多左一陣少少嘅梘水味，我覺得比較適合。餃子正常日式煎餃子，上面用水份蒸熟，保持軟軟嘅餃子皮，但底部就煎到金黃色又香口，一軟一脆嘅口感。…Read More

係荃灣搵嘢食去到鱟地坊，有間至尊雲吞麵雞煲。一個價錢任食任飲，雞煲仲可以無限加。火鍋湯底多達11款選擇。小食- 炸饅頭新鮮炸起嘅炸饅頭就係咁出色，熱辣辣，外皮金黃而乾身，內裡亦十分鬆軟，估唔到嚟食雞煲，饅頭都可以食不停。除左一般配煉奶食外，我更鐘意配雞煲嘅醬汁食，仲正過撈飯。至尊惹味雞煲雞煲係可以任加，雞件亦採用比較多肉豐滿嘅位置，我加左幾次，舊舊都係肉，無咩骨。另外，我最欣賞嘅係個雞煲唔算太油，麻辣味都係好符合程度，可以食好多都唔會太漏。火鍋配料火鍋配料應有盡有，食雞煲最重要嘅水魷同牛柏葉都係新鮮爽脆，記得未加湯前一定要落一堆落去，慢慢煮。無人可以抗拒。整體大部分嘅火鍋料都係新鮮乾淨企理，無將貨就價。飲品可以茶餐廳飲品任飲，唔洗不停飲汽水，值得一讚。…Read More

九龍城係美食天堂大家都知道，係太子道西有間日式居酒屋叫泫，午飯時段同朋友見到被豐富嘅菜單吸引，食物好味，員工有禮，位置方便。蘆筍豚肉卷蘆筍爽脆而且味道唔會有澀味，因為用咗比較幼嫩size 嘅蘆筍。用豚肉片包住嚟慢慢燒，水份被豚肉嘅油份逼住係裡面，所以一啲都唔乾。豚肉嘅油脂感亦都俾蘆筍平衡咗。秋葵串燒蔬菜最鐘意食秋葵，因為秋葵獨特嘅味道，燒完之後較濃，口感亦好特別，少少軟中帶少少爽。角切魚生丼雖然係角切嘅魚生，但整體嘅新鮮度同埋魚肉嘅油份都好出色，十分鮮甜。特別一讚嘅地方係醋飯，醋酸同米粒嘅味道好突出，上菜有適合嘅溫度，黏度做得好好。厚燒玉子份量厚之餘，口感味道都係非常豐富。玉子質地好幼嫩，每啖都滑到可以直接吞到。味道雞蛋味好濃，加入好濃郁嘅芝士味，好滿足。魚湯烏冬極度濃郁魚味嘅湯底，真係會食上癮。味道食得出完整無味精，完全係集魚味之大成。…Read More

尖沙咀亞士厘道有間手工糖水鋪叫龍糖坊。有不同系列嘅糖水包括雙皮奶，芋圓，雪花冰，中式傳統等等，多款選擇應有盡有。店舖標榜食材天然，按著四季應時而食 。我同朋友每人叫咗一個甜品一個熱，一個凍。芝麻湯闡娟姗奶燉椰皇賣相相當靚又夠份量，湯圓整齊三粒已經逼爆個椰殼面，湯圓口感軟中帶咬勁，齊唔黐牙。餡料多，但又唔會太甜。椰皇燉奶口感滑之餘，食完感覺好滋潤，但清甜嘅感覺俾到我補而不燥嘅感覺楊枝甘露雪花冰材料豐富俾人一種目不暇給嘅感覺，雪花冰本身就係楊枝甘露嘅味道，所以食落一啲都唔會單調，味道係食緊楊枝甘露，但係冰凍嘅口感呢有煥然一新嘅感覺，芒果亦都係好清甜，一啲都唔會酸，份量非常之大，雖然係叫咗一個檔案嘅份量，但我覺得兩個人食都夠。夏天咁悶熱嘅天氣最適合。…Read More

屯門呢間餐廳叫做住家飯，除咗住家飯之外，仲有雞煲火鍋放題。一個價錢冇限時任食任飲，確係好爽。首先，有五款雞煲選擇，我同朋友揀咗麻辣雞煲小辣，唔夠食，仲可以無限添加。呢度嘅雞煲味道咸麻辣取一個好嘅平衡，一路食到嘅除左有雞件嘅鮮滑外，仲可以品嘗到各種香料嘅味道，唔會太刺激令到只食到一種味。如果可以我都想再試埋第二啲口味。幾十款，火鍋配料，雖然話係經濟抵食嘅雞煲放題，但首先要讚嘅係啲火鍋了真係企理乾淨，每次上菜都一盤放得整齊又上得快。各款配料都係新鮮好食。食雞煲必須的水魷牛栢葉都一定有，建議未加湯前就要落一轉。另外鮮牛肉亦都抵讚，鮮牛肉打邊爐真係好食好多，牛味同口感都遠勝肥牛。特色火鍋小食炸饅頭配煉奶同手拍青瓜都係我的最愛，可以任食實在太幸福。仲可以任飲啤酒飲品，啤酒就要有3-4 款，唔係飲普通藍冰，同朋友淨係為啤酒而嚟的話，絕對唔過份。另外仲有茶記水吧飲品任叫，凍檸茶嘅朋友有福了，性價比極高。…Read More

朋友介紹呢間位於屏山上璋圍嘅Flat Mountain Cafe，雖然感覺好隱世，但其實2分鐘就可以去到天水圍地鐵站。我吔每人叫咗個All day Breakfast加飲品，坐喺室外位置感覺好寫意。牛油果大啡菇全日早餐煙燻三文魚全日早餐兩個都係豐富嘅早餐，炒蛋造到滑蛋嘅口感之餘，又質地仍然好firm，唔會太爛。牛油果有加到鹽同黑椒調味夠周到。牛角包好重新鮮牛油香味，又夠脆。煙文魚油份重味道夠濃。特別要讚個大啡菇，因為用芝士焗，係我嘅最愛。大啡菇個款仲有好香口嘅薯餅。煙肉亦都做到半脆半軟，層次比較豐富嘅口感。香橙咖啡男士做愛嘅橙啡，香濃嘅黑咖啡配搭清新嘅鮮橙汁個種酸甜澀，更加消暑。OREO鮮奶咖啡Latte 本身都好出色，加埋oreo 嘅味道，味道方面增加更多特色…Read More

剛剛開業嘅鐘路餐廳位於佐敦柯士甸道。由韓國人主理，食品傳統又好味道。不論韓式煎餅，炒年糕，炒粉絲，鐵板燒鍋物等等都可以喺餐牌找到。食物種類多元化。任食前菜係入座後最期待嘅畫面煎雞肉香蔥餅半煎炸而成嘅韓式煎餅，口感香口酥脆，厚度有返咁上下，所以都有咁上下咬感，雞肉亦都係夠厚肉，所以肉汁仍有保留到，所以每一啖都好好味。頂級五花腩五花腩本來都好高質，食落唔會有雪咪之餘亦都無膻味，係鐵板前煎嘅時候已經聞到肉香。加埋泡菜芽菜等配菜一齊同鑊煎炒，真係色香味俱全。用塊生菜一次過包住哂咁食，十分滿足。燉雞鍋望落好清淡嘅感覺，但味道卻係另一個世界，好濃嘅雞湯，但口感不油膩，雞肉本身就更加驚喜，嫩滑程度係連食雞胸都係滑嘅。最後仲會加米飯同紫菜煮成粥，呢係最後嘅一大亮點，點飽都一定會食得落。…Read More

位於荃灣鱟地坊有間街坊日式定食店叫吔嘢事無所。晚飯期間非常熱鬧。入座後QR code落單，我同朋友每人叫一個餐包括1款凍食和2款熱食，食物好快到達。Masala 雞味道都係惹味嘅，經過調整口味，唔會太濃味反而更啱我口味，甜酸咸都平衡得好好，雞肉係juicy 嘅，啖啖肉好正。豚肉餅吉列肉餅個種感覺，炸皮唔算太厚，但夠哂香脆，將所有肉汁鎖哂係裡面。肉餅嘅質地亦都肥瘦平均，爽口彈牙。溫泉蛋配櫻花蝦醬油飯最鐘意蛋汁撈飯嘅朋友不妨涼菜選擇溫泉蛋，直接撈落去個飯度，真係好正，櫻花蝦無諗過都係一種幾好嘅飯素，增加好多鮮味。豆腐大阪燒用豆腐代替粉漿，除咗多左豆腐嘅香甜味外，食落亦都係咁滯口味更好。安格斯牛卷十分好味嘅牛肉肉味香濃之餘，仲有足夠嘅油脂，卷埋金菇吸收哂所有精華，煎到夠哂香。左口魚秋葵左右魚豐富嘅油脂同清爽嘅秋葵配合出一個好好嘅平均，既食到左口魚應有嘅味道，又唔會太over 嘅滯。配日本蛋醬油飯…Read More

荃昌中心有間隱世四妹廚房，主打港式住家飯。完全係放工返屋企食飯嘅感覺。我同朋友兩個人，小食，兩個住家菜和一條蒸魚，白飯任加仲有老火湯，價錢抵食又好味。 煎炸墨魚餅墨魚膠自家製煙韌又彈牙之餘，刻意保留少少原粒墨魚，增加口感。沒有過多的炸粉，最大程度地令人只享受墨魚的鮮甜。梅菜蒸黃花魚甜梅菜蒸加埋蒸魚汁撈飯真係可以食好多碗，黃花魚新鮮肉質又幼滑，真係好好食。蒸嘅火喉啱啱好。酸豆角炒肉碎又係另一個撈飯神餸，酸豆角味道特別開胃，口感又爽脆。少少嘅辛辣感增加惹味嘅味道。肉碎炒到勁有火喉。豆豉鯪魚炒油麥菜家庭菜式，出奇地竟然出街食都食到屋企嘅味道，因為唔會食到成口都係酒，感覺比較健康，但又唔會太濕影響香口嘅感覺。兩杯特飲消暑解渴，甜度又唔算太過份，食飯同時叫杯嘢飲太正了…Read More

尖沙咀赫德道酒吧，餐廳林立，朋友帶咗我嚟呢間彌敦左岸，餐廳氣氛超級好，有Live band，食物亦好有質素。威靈頓牛柳雙人套餐凱撒沙律配火腿一份正宗美食餐廳嘅標準份量嘅凱撒沙律，濃味嘅凱撒沙律醬，再加上清甜嘅蔬菜，令人胃口大開，加上風乾火腿嘅少少鹹味作點綴，滿意嘅前菜。三重芝士焗新鮮馬鈴薯蓉芝士同薯蓉嘅比例接近一比一，鍾意芝士嘅朋友一定唔可以錯過，薯蓉同埋芝士經過烤焗之後，味道更加融合同埋香口。蒜頭辣椒炒深海虎蝦意粉蒜頭辣椒嘅辛辣惹味，令到每一啖意粉都食到停唔到口，加上肉厚鮮甜嘅虎蝦，絕對係食完一味芝士薯蓉之後嘅一個好選擇。招牌特色威靈頓牛柳重頭戲嘅招牌威靈頓牛柳絕對冇令我失望，香脆嘅酥皮外層充滿牛油香味，加上中層裏面嘅餡料就好似食緊一個好味嘅鹹批，最裏面嘅牛柳肉冇過熟，肉質仍然保持鮮嫩牛味都算濃。仲加左個Nachos因為包含多種配料，所以顏色色彩繽紛令到賣相吸引，我特別鍾意嘅係當中嘅牛油果醬，牛油果嘅甜味同埋油脂感，加上調味適中食落十分之惹味。…Read More

朋友帶咗我嚟灣仔香港華美粵酒店食lunch, 有間隱世中菜叫湘舍壹號，餐廳環境坐得好舒服，員工服務亦好周到。商務午市套餐，超抵2人套餐燒椒皮蛋非常惹味，辣味相對適中，反而更加食到椒嘅香味，配合皮蛋特別嘅口感，十分開胃。石鍋腐皮豆腐熱辣辣嘅小菜，豆腐仍然係口感細幼，豆味濃郁。配搭腐皮原來都幾特別，增加多一種不同嘅口感，腐皮可以更加突顯調味。筒子骨燉湖藕好清甜嘅燉湯，因為係燉湯嘅關係，湯裏面嘅雜質相對較少，所以飲落去感興趣更加舒服，同埋簡單嘅配料，可以令人專注品賞湖藕嘅清甜。18秒牛肉少少辣又惹味嘅牛肉小炒，刺激到又適中撈飯食真係一流。而且所有材料切嘅大細都相同，所以口感非常之好。清炒時菜經過幾個濃味嘅菜式，食返一個清炒小菜可以清一清味蕾，真係唔錯。小米青棵餅第一次食呢種類似燒餅嘅東西，味道雖然冇乜特別，但係配合濃味嘅菜式包埋一齊食都係一個唔錯嘅選擇。是日糖水最後整多個感覺極之滋潤嘅燉雪耳糖水，清除之前菜式嘅所有辣度。完美嘅句號。…Read More

港式粉麵係傳統香港特色，好值得保留呢個港式情懷。位於銅鑼灣呢間麵家，懷舊裝修，又靚又乾淨。我特別鍾意佢哋嘅湯底。店員仲同我哋介紹，雞白湯底每日用8小時熬製，全無味精。而麵條係用咗老字號永樂。服務態度真係好好，用心介紹，令到我覺得更加值得食。招牌櫻花蝦雲吞拼秘製慢煮牛腩湯面首先雲吞真係好大粒，証明餡料真係落足料，豬肉打得足爽口，加埋櫻花蝦增加咸鮮味，令到味道更加有層次。雲吞皮夠薄，而且唔會煮到過淋，所以食落有口感，唔會一夾就爛。牛腩是高質嘅清湯腩，入口即溶，肉味同牛脂味留係口腔好耐，夠淋真係好緊要，呢個質地係靈魂。三拼撈蝦籽麵 牛筋拼招牌櫻花蝦雲吞拼秘製慢煮牛腩配一個大地魚雞白湯，味道梗加濃烈，濃郁嘅雞白湯再加上大地魚嘅鮮味，淨飲都可以飲三碗。撈面可以揀蠔油撈同腩汁撈，隨個人喜好。菜心苗加2支豆漿食多個港式麵檔靈魂油菜，滿足。…Read More

少女感豐富嘅香香公主火鍋店位於尖沙咀加拿分道，餐廳位置好近地鐵站口，非常方便。室內裝修是古裝宮廷風和以公主名稱名名。QR code下單，食物好快送到。香香公主鴛鴦湯鍋雍穆公主花膠雞湯鍋半隻+ 晉陵公主麻辣鴨血鍋花膠有兩種食法，想爽口咁食就一滾就食，留返一部分就等佢再煮耐啲，咁就會又淋又骨膠源質感重啲。雞湯一定要開始邊爐前就飲返幾碗，又濃郁又鮮甜。麻辣鴨血鍋湯底就夠哂花椒嘅麻香味，辣度有返咁上下，剛剛好不會過激，鴨血每嚿都夠新鮮挺身，唔會一夾就散，味道同辣味好夾。艾莎公主，牛肉寶盒真係皇族級嘅享受，首先賣相已經好吸引，一大盤靚牛肉加個乾冰造型，有氣勢之餘又會幫到保持溫度，有齊5至6款牛肉，最特別係有黃喉，爽脆口感真係好難得食到。伊比利亞橡果豬橡果豬無論係口感或肉味都係一流，油脂分布比例好好，平衡到肉感同入口即溶嘅體驗。厚薄均勻有滿足感。紫菜櫻花蝦豬肉丸係一款口感相當緊湊嘅自打肉丸，一咬落去係爽口彈牙，同埋肉汁豐富。混合紫菜櫻花蝦味道多左一份鮮味，好好味。韭菜豬肉餃餡料比例理想，韭菜量恰到好似，唔會令到味道太重，完全蓋過肉汁嘅味道，外皮薄但不易破，好滿足。香香公主，響鈴拼盤最特別嘅黃金響鈴好口香好邪惡，即係咸蛋黃撈響鈴，一定要食。自家製竹蔗茅根清甜解渴又健康。…Read More