hkfoodpoint's Profile

呢間居酒屋位於佐敦同尖沙咀之間，近住俗稱第二條韓國街附近😂舖面無一個大大嘅乙招牌，如果想容易啲搵到，就認住鐵通造型門口！.我地今次叫左串燒同燒物各四，各有特色，餐廳會提供唔同自家製醬料去配搭食物，算係幾有心思啦👍🏻.多春魚/雞軟骨/雞皮/牛脷厚切串燒唔會燒得乾，仲保留住juicy同鮮味，雞皮最為surprise，雞皮唔同坊間乾爭爭嘅脆雞皮，係照燒汁燒，又唔會好油膩，好邪惡好正！牛脷如其名係真厚切，先用紅酒燴過，牛味都好重。大家可以根據自己口味配搭三式海鹽食，小編就覺得本身串燒調味都足夠。.帆立貝/明太子雞翼/白鱔/原條魷魚大大粒帆立貝鮮甜juicy，仲要爆蒜，超級惹味！原條魷魚燒得啱啱好，面頭係焦香效果，唔會太韌，配埋個橄欖mayo sauce，越食越開胃🤤明太子雞翼無偷工減料，滿滿辣辣地嘅明太子🔥白鱔配埋自家黑橄欖醬，出奇地夾又唔腥。.餐廳唔算大，但裝修得好溫馨，收工去飲返杯夠曬relax，小編認為都好啱private party😎.餐廳：螢火蟲HOTARU評分：8/10人均：$300地區：尖沙咀…Read More

.唔知你哋有冇去過圓方食飯呢，原來圓方商場上面有幾間好chill好好氣氛嘅餐廳，要慶祝或者去拍下拖都可以去嗰度一試。.Oyster x 4 • 首先前菜叫咗四隻生蠔，生蠔嘅大細適中，味道正常唔會腥，其實$28一隻真係幾抵食。.Parma Ham Pizza • Pizza冇太多嘅醬料，單純嘅火箭菜同Parma Ham。Parma Ham份量都唔少，食到咸香之餘仲有火箭菜嘅後勁，Pizza個皮都覺得唔錯。.Red Prawn Spaghetti • Spaghetti有好香濃蕃茄味，而且有少少香辣。紅蝦算新鮮，食完一啖好想繼續食。.Grilled Seafood Platter • 睇下呢個拼盤，佢係有帶子、魷魚、青口、蜆、大蝦等等賣相十分之吸引，食得出燒烤嘅味道，加少少檸檬汁會更加帶出海鮮嘅鮮味。.餐名：以上價錢：$975 (二人)評分：8/10餐廳：Joia 地址：尖沙咀柯士甸道西1號ELEMENTS圓方演薈廣場(頂層) R010號舖. …Read More

.有時真係要去居酒屋飲番杯啤酒，食返幾串串燒，先可以消除呢個咁憂鬱沉悶嘅日子，依間係喺禁酒令之前食嘅，戴返頂頭盔先⛑.兩串活白鱔（$96）• 呢個好驚喜，白鱔肉質結實，口感爽口彈牙，仲好新鮮添，一啲腥味都無，燒得好惹味👍🏻.兩份蒜蓉牛油燒聖子 （$176）• 我覺得$88一隻聖子就可以再大隻啲，有好多蒜蓉蔥花鋪面，食落肉質唔韌，亦都唔會有沙，唔差😏.兩串雞翼（$72）• 雞翼燒到皮脆肉嫩，唔會覺得乾，加少少檸檬汁更好味.兩串蟹籽雞肉串（$64）• 雞肉嘅質感麻麻哋，好似水煮雞肉加一啲蟹籽醬，我唔會推介。.兩串厚切牛舌（$136）• 牛舌非常厚，燒嘅生熟程度啱啱好，口感爽口加上入面好多肉汁，牛味好香濃，呢個真係必點👅.一件三文魚燒飯團（$44）• 依個唔係我expect嘅飯團，感覺似係炸多過燒，入面餡料唔多，味道又冇乜，下次一定唔會再叫。.餐名：以上價錢：$781.6評分：7.5/10餐廳：鳥居居酒屋 (銅鑼灣)地址：銅鑼灣軒尼詩道525號澳門逸園中心17樓Ig :hkfoodpoint …Read More

.喺銅鑼灣食完飯之後，有時都會想食吓甜品，氷屋就食過幾次，第二間諗到嘅就係Via Tokyo，所以今次就去依間黃店食下抹茶雪糕！.蕨餅抹茶蛋糕（$56）• 小編揀咗嘅係抹茶雪糕配紅豆同蕨餅。雪糕🍦唔知係咪因為多抹茶嘅關係，佢係冇咁容易溶架。不過口感好軟滑，抹茶味好香濃。紅豆蓉配埋雪糕一齊食，可以增加少少甜味同減少抹茶嘅苦澀味，可以話係Perfect match。而蕨餅都整得唔差，口感有少少Q彈，不過唔夠順滑。下次我都係揀返白玉🍡好似會好味啲。.其實焙茶嘅茶香更香甜，但係抹茶輕微嘅澀味又好吸引，你哋會揀焙茶定係抹茶呢？.餐名：以上價錢：$56評分：8.5/10餐廳：Via Tokyo (銅鑼灣)地址：銅鑼灣禮頓道106-126號禮信大廈地下1A-1B號舖…Read More

.今次俾我哋捐窿捐罅搵到一間日本餐廳，雖然佢嘅位置唔容易搵，但係佢嘅食物質素同價錢都令我哋覺得好滿足！.食日本嘢梗係要食一個刺身拼盤，呢個係秋嵐八品，一上枱我哋都嚇親，因為啲刺身實在好多，如果喺尖沙咀食應該要過千。個刺身有成八款咁多，每一款份量都唔少，而且樣樣都好新鮮。.我哋仲叫咗兩個丼飯，店長強烈推介貝四品盛丼同埋松葉蟹盛丼🤤，一個有廣島蠔大大隻，加上海膽、赤貝、鮮北寄貝。另一個丼係有蟹膏、松葉蟹腳、鵪鶉蛋等等...兩個人食好似實在有啲叫得太多，因為仲有好多燒物嚟緊。.叫咗鹿兒島薩摩赤雞翼兩串，雞翼燒嘅時間掌握得好好，肉汁依然鎖住喺入面 ，皮脆肉厚冇得彈。又叫咗燒鵪鶉脾，呢個比較少見。仲有一個餐廳自家製嘅一夜干燒魚，外脆內軟，應該係話好滑嘅魚肉，味都好出好鮮，個魚另外仲有個柚子汁，加埋一齊食真係食到停唔到口！ 最後最後，仲有一個竹炭多士配松葉蟹膏，啲蟹膏好濃郁，依餐晚餐真係豪食！.雖然叫咗咁多嘢食，我哋最後都有食晒，呢一間真係好抵好抵食嘅餐廳，小編一定會再去👅.餐名：以上價錢：$1118評分：9/10餐廳：秋嵐日本料理 (鰂魚涌)地址：鰂魚涌英皇道1010-1056號東匯坊地庫72號舖…Read More

.呢排想呼吸下新鮮空氣都好難，不過比我發現到一個未完全開發嘅地方，就係西九文化區，仲喺入面食咗一間高級嘅新派中菜。無論佢嘅食物定係裝修都好符合西九嘅文化氣息，等我哋睇吓有咩好食😋.香草蜜豆玫瑰露叉燒（$168）• 叉燒嘅肥瘦適中，肉質好完美，加上叉燒有少少燶邊令味道更加惹味。調味係用左香草蜜豆同玫瑰露，令叉燒散發酒香。.燒椒酸薑流心皮蛋兩隻（$96）• 皮蛋真係流心嘅，蔥油同子薑切成蓉放上面，擺到好似藝術品咁樣，完美地呈現左皮蛋最好味嘅一面。.黑松露法炸葱子雞半隻（$298）• 用左本地新鮮雞去做，每日限量供應。炸子雞有起骨嘅，皮脆肉嫩仲好juicy添，記得點埋佢嘅黑松露醬同法蔥醬，非常之好味🤪.象拔蚌濃湯脆米浸時蔬（$228）• 時蔬用咗菜心，象拔蚌同脆米放係菜心上面，以免同湯有接觸，象拔蚌嘅鮮甜增加菜心嘅甜味，而脆米配湯去飲就更有口感。.二十年陳皮辣牛柳（$198）• 第一啖食落平平無奇，點知夾埋啲陳皮同埋薑粒一齊食，嗰種香辣嘅層次湧現，令我食唔停口。.香葱海膽梅菜豬油撈飯（$96）• 豬油撈飯可能大排檔都搵到，但係加咗海膽嘅豬油撈飯，我就第一次食，海膽係新鮮嘅，兩者冇違和感。.餐名：以上價錢：$1289評分：9.5/10餐廳：囍公館 (尖沙咀)地址：尖沙咀西九文化區藝術公園地下GF-01-03號舖…Read More

.今次我哋一齊去試吓法式甜品，食一啲我以前從來冇試過嘅野食。雖然店舖嘅空間唔大，但係佢甜品嘅款式同口味都有好多種。.伯爵茶達克瓦茲（$36）• 達克瓦茲其實係17世紀嘅法國宮廷嘅甜品，我哋揀咗伯爵茶，塊餅係外脆內鬆軟，而中間夾住嘅cream，有少少似雪糕嘅質感，伯爵茶嘅味道非常香濃。.蘭姆葡萄達克瓦茲（$36）• 我哋仲試咗rum酒葡萄味，佢嘅酒味勁香，仲有提子乾喺中間，食落唔會太甜。.原味可麗露（$32）• 可麗露喺IG就bookmark咗好多次，發現原來佢嘅烘焙工序非常複雜。可麗露外層係焦糖香脆，但係入面呢會做到一種煙韌同埋濕潤嘅口感。味道有啲偏甜，如果新鮮出爐食嘅話一定更加好味。.黑松露馬德蓮（$22）• 馬德蓮係一件貝殼形狀嘅小蛋糕，佢嘅口感係綿密得黎帶少少濕潤，黑松露嘅香滲入左蛋糕入面，可以中和返之前食嘅甜野，都唔錯😛.餐名：以上價錢：$126評分：7.5/10餐廳：Lovever Patisserie (灣仔)地址：灣仔大王東街2至4號安興大廈地下3C號舖#HKFPwanchai #HKFPdessert .IG : hkfoodpoint …Read More

.大家應該都知尖沙咀有一條韓國街🇰🇷，有勁多嘅韓國餐廳俾你揀，今次我哋去咗一間真•韓國人開嘅餐廳，叫做「OPPA」。.秘製章魚蛋漿熔岩炒飯（$168）• 呢個係佢哋嘅招牌菜，有Oppa專人服務，不過唔好期望佢好靚仔🤫Oppa會係你面前加芝士、倒蛋漿，再用180度高溫嘅火槍燒到變熔岩嘅感覺。燒嗰陣時真係聞到幾香，最後佢就會將所有嘢撈埋，做出強大拉絲嘅效果😱.依一類大量芝士加泡菜嘅食物，其實就應該冇得點輪，不過食落真係冇乜驚喜。章魚粒可以多啲，可能可以提升炒飯嘅鮮味。.餐名：秘製章魚蛋漿熔岩炒飯價錢：$168 + 10%評分：6/10餐廳：OPPA Coffee Bar Restaurant (尖沙咀)地址：尖沙咀金巴利街1號F地鋪…Read More

.喺銅鑼灣嘅「一門」係小編食完會返轉頭嘅居酒屋，本來佢係長期要book位嘅一間餐廳，但係疫情嘅關係，依家就唔使啦。.東洋卷（$72）• 用咗一層薄薄嘅pancake皮包住蟹子牛油果同鰻魚，鰻魚好肥美，三種材料加埋一齊嘅口感係有層次同埋好creamy，真係估唔到可以咁好食😋.蟹肉厚玉子（$72）• 佢嘅玉子燒係我食過返尋味嘅菜式，做法好考師傅嘅功架，蛋嘅質感係每層都好軟滑，而且蛋味香濃🥚，入面仲要真係有真·蟹肉，玉子係必點嘅菜式。.燒牛舌（$48）• 依個我嫌佢唔夠厚，雖然味道幾好同埋燒得唔錯。.銀雪魚西京燒（$168）• 燒到外脆內軟，銀雪魚嘅魚肉好滑，油香好足，點埋啲沙律醬一齊食，唔錯。.海膽蟹肉牛油果卷（$168）• 真材實料嘅卷物，我覺得海膽味偏淡，呢個正常發揮啦。.餐名：以上價錢：$581評分：8.5/10餐廳：一門 (銅鑼灣)地址：銅鑼灣軒尼詩道502號黃金廣場4樓#HKFPcwb #HKFPjapanese.IG : hkfoodpoint …Read More

.個叉燒滑蛋飯一送到上黎就見到有好多叉燒好靚咁樣瞓咗起滑蛋上面，滑蛋係有小小半流質嘅狀態，有足夠嘅蛋汁🍳。啲叉燒睇落去好似好乾咁樣，並唔係我哋平時食半肥瘦痴住少少肥膏嗰隻叉燒，但係佢個叉燒切得好薄，所以食落口又唔會有好乾嘅感覺。.個蛋的確炒得幾滑，但略嫌佢個蛋可以厚多少少，咁個口感應該會再豐富啲！成個飯嘅精髓就係喺佢側邊嗰啲甜豉油，由於係要自己淋豉油，所以會見到啲甜豉油由頂慢慢流落底部，嗰種視覺上嘅效果會令到小編更加肚餓。落咗個甜豉油幫成碟飯嘅味道提升好多🤪.最後最後！記得一定要叫返一杯茶走☕️，小編覺得好好飲，飲埋杯野，咁成餐飯就Perfect啦✌🏼.餐名：叉燒滑蛋飯價錢：$55評分：8/10餐廳：順興茶檔 (大坑)地址：大坑安庶庇街24號地下#HKFPtaihang #HKFPchinese.IG : hkfoodpoint …Read More

.又係黃店系列啦，CLS！「八福」位於通菜內街，經常都要排下隊💛。今次我哋叫咗佢二人餐，包括兩碗烏冬、三個餸、兩杯嘢飲，都係晚市$146（唔收加一）埋單，真係抵到爛🤑.招牌烏冬 • 佢嘅主打就係烏冬，我就揀咗凍食，口感彈牙有口感，點一點個冷麵汁加埋香蔥同Wasabi，有種透心涼嘅感覺。P.S. 烏冬嘅份量有加大，要加番$6.吉列豬扒 • 個粉漿唔厚，算係炸得幾好。豬扒口感鬆軟入味🤪.吉列炸蠔 • 除咗豬扒我哋仲叫咗炸蠔，鮮味就冇乜啦，不過點啲沙律醬一齊食同樣唔錯。.日式燒茄子 • 個茄子🍆分左兩大嚿，搽咗啲燒汁去燒，茄子肉好嫩滑好夠味。.餐名：以上價錢：$152評分：7/10餐廳：八福 (旺角)地址：旺角通菜街71號#HKFPmk #HKFPjapanese #HKFP💛.IG : Hkfoodpoint…Read More

.去到荃灣嘅愉景新城，食飯之前梗係開啲黃店app，睇吓邊間吸引。於是我哋就搵到一間叫做Hōme by favilla嘅cafe，簡約嘅設計，勝在坐得舒適。.法式香草野雞仔 • 雖然呢個野雞仔要等成20至30分鐘，但係係值得嘅。野雞仔焗到皮脆肉嫩，仲好多汁。野雞調味適中，完全冇雪藏味，而且薯蓉吸左雞嘅精華，令薯蓉更加香滑。.餐名：以上價錢：$168 + 10%評分：7.5/10餐廳：hōmu by favilla (荃灣)地址：荃灣青山公路荃灣段398號愉景新城2樓2013號舖#HKFPtsuenwan #HKFPjapanese #HKFP💛.IG : hkfoodpoint …Read More

.唔知有冇followers係住喺土瓜灣附近㗎呢？今次帶大家去食一間fusion菜嘅餐廳，感覺佢哋唔係開業好耐，但係對食材同食物嘅質素都好有要求👍🏻.避風塘日本小茄子（$58）• 港式避風塘嘅蒜香令到日本茄子好惹味，因為茄子🍆比較細小，所以可以一啖食晒，唔會覺得熱氣。.日本油甘魚鮫（$88）• 魚鮫嘅肉質超級嫩滑，仲要係啖啖肉，無乜骨。不過魚皮唔係我鐘意果種乾脆質地，加少少檸檬仲好味。.澳洲和牛封門柳（$258）• 店員話用左M5澳洲和牛，封門柳係橫膈膜嘅肌肉，每一隻牛得一條，所以較為罕有。肉味好濃帶甜味，口感好嫩，一啲根都無，真係好好味🙈.黑毛豬肋肉日式煲仔飯（$168）• 呢個係另一個驚喜，黑毛豬肋肉夠爽口唔韌，煲仔飯嘅飯改用咗珍珠米，肉汁同珍珠米混和一體，窩蛋令豬肉更滑🤪最估唔到嘅係，佢保留左煲仔飯嘅精髓，就係個飯焦🤤真係好值得一試。.Lychee Berry Calpis（$58）• 荔枝味好香，冇做到死甜嘅效果，好飲。.Okinawa Black Sugar Milk（$58）• 本身以為係甜品，原來係一杯黑糖珍珠奶茶，有得飲又有視覺效果👍🏻.餐名：以上價錢：$757評分：8.5/10餐廳：Nonsense (土瓜灣)地址：土瓜灣北帝街143-155號順輝大廈地下4號舖…Read More

.一入到去職員就俾咗一大堆茶包俾我哋揀，每人限攞一個，於是我哋揀咗茉莉龍珠同胎菊，自己沖自己飲，可以減低傳播病毒嘅風險🦠.醉香花甲（$68）• 酒味好濃，花甲同蟲草花都吸曬味。花甲無沙又大隻，68蚊黎講係好低食。.魔鬼天使小籠包（ $58 ）• 黑色魔鬼係用咗墨魚汁皮包豬肉，仲有少少海膽做點綴。白色就係包住帶子同豬肉，同樣加左魚子醬係頂部。兩款小籠包都算濃味，肉汁都好多，好食👍🏻.蟹粉小籠包（ $18 ）• 蟹粉都係好出色，皮薄餡多，帶少少蟹粉嘅鮮味。.蔥花薄餅（ $45 ）• 呢個煎得幾鬆脆，又唔會有太油嘅感覺，食多幾塊真係好易飽。.香芋鍋餅配雪糕（ $56 ）•香芋餡軟綿綿，配埋雪糕食有冰火嘅感覺，作為一個晚餐嘅甜品，都算唔錯👅.女仔最好搵人些牙一下！.餐名：以上價錢：$245評分：7/10餐廳：龍門一番 上海·紫砂燉湯 (屯門)地址：屯門屯隆街2號屯門時代廣場2樓26-27號舖…Read More

.This café located at a corner in Soho, where next to the Mid-level escalator. There are some lovely graffiti on the café external wall that painted a little girl who is having their signature ice cream. I would like to ask, ‘Can I have one as well please?’.Everything Eggs Benny ($138) There are two perfect avocado roses🥑 with poached eggs laid under a prosciutto Ham on two slices of sourdough including some spinach with homemade hollandaise sauce to build an extra flavor. it's healthy and Insta - worthy..Two Flavors Gelato ($65) - I chose pistachio and white peach for two flavors, the waitress made a lovely handcrafted flower shape ice-cream🍦. I love the texture of the ice cream which is smooth and creamy. Those icecream are all-natural and no artificial flavorings or colorings but it's so delicious and tastes so real as it is. Take a picture before eating is a Must..Matcha Latte🍵 ($45) Latte art is perfect, it taste quite strong of matcha, ending my brunch with this cup of latte is just fantastic..Dish：AbovePrice：$248Rank：7.5/10Restaurant：Barista by GivresAddress：G/F, 7 Staunton Street, Central…Read More