lam833's Profile

呢間刨冰店已經食咗超級多次😍無論係冬天亦都不減我哋食刨冰嘅愛！秋冬限定❄️栗子焙茶刨冰平時伯爵朱古力，抹茶忌廉，士多啤梨都見人食得多🥰今次新出嘅口味！當然要一試😋Shari Shari 刨冰口感，完全可以用綿密，入口唔使1秒就即刻融化曬😝😝有一種置身喺日本食當地刨冰嘅感覺！完全唔係硬骨骨嗰種沙冰，而係支棉花冰雪花冰嗰種❄️然後佢面頭個醬汁，係超級香栗子同埋焙茶嘅味道，完全唔會過甜，同個刨冰配合得剛剛好！唔會醬汁太少，刨冰太多嘅情況☺️即使食到刨冰入邊，都總會有啲夾心醬汁，都係好香嘅焙茶醬汁😍😍😍食到停唔到口！自己一個都可以食得晒一個！超級推薦…Read More

今次係朋友生日，但因為時間匆忙準備唔切🤣所以喺銅鑼灣買咗個Luna Cake 做飯前甜品😋之前已經買過芝士蛋糕！覺得好好味😋今次又再返嚟回購！宇治焙茶雙層蛋糕（$235）之前試過北海道原味雙層芝士蛋糕，今次就試吓焙茶味😋覺得比想像中嘅茶味更加香濃！有一種茶嘅淡淡苦澀味，又有一種回甘味！因為係茶味，所以本身比較容易食膩嘅芝士蛋糕，今次一啲膩都無，仲好快食得晒！😚推薦推薦👍🏻而佢嘅大細適中，適合兩至三個人分享嚟食！…Read More

嚟到銅鑼灣夜晚想搵一間雞煲食😋見呢一間都好多人推介，就直接上咗嚟👏🏻環境同座位都算大，雖然係星期日，但基本上唔使等位！火焰麻辣雞煲（$208）首先嗌咗一個火焰麻辣雞煲，入邊的材料有辣椒乾、洋蔥、芫荽等等！有好多唔同種類嘅辣度，今次我哋就嗌左小辣！雞件嘅份量都算多，同埋都係偏滑嘅雞件☺️食落口有少少麻辣，但係更香嘅係醬料嘅味道😋雞煲推薦！雞煲入邊仲有好多唔同配料，大家可以選擇走洋蔥或者走芫荽，隨你哋嘅愛好！食完雞煲之後仲可以加配料打邊爐✨由於今次我哋本身好晏先食午餐，所以冇嗌到好多嘢食！鮮炸響鈴全份（$56）佢呢一度嘅響鈴唔係街市買嗰種薄身響鈴，比較大卷同埋硬身啲！不過兩個人真係食唔晒咁多🤣冇諗到原來份量咁大！雜菇拼盤（$48）有金菇、秀珍菇、同埋冬菇，啱啱食完咁多肉類，食返啲蔬菜菇類就平衡返！生根（$24）都係平時打邊爐嘅生根☺️用嚟吸晒啲湯😋蟹子鮮蝦滑（$108）覺得呢個十分十分之推薦😍😍呢個蝦滑入邊，係真係有好彈牙嘅蝦！然後煮熟咗之後，超級之爽彈！完全同平時啲蝦滑唔一樣😋同埋想入邊嘅已經係剩返三分之一嘅份量，所以平時幾個人食就啱啱好！…Read More

同朋友喺聖誕節約咗嚟呢度預祝！一行到門口，就見到好多MC嘅應援物品，餐廳入邊都有好多MC嘅海報同埋相片😎雖然唔肯定背景～但可能店主係MC fans(?)或者受托進行主題店😚由於嗰陣時係聖誕節，所以入邊個環境都佈滿左唔同嘅燈飾，同埋都幾有聖誕氣氛！嗰日係12月23號去，夜晚七點左右，都唔使預約，可以直接walk in👍🏻環境亦都闊落！好講返啲食物先！巴馬火腿卡邦尼扁意粉（$148）🍝覺得奶油味偏淡身，對於一啲唔鍾意食太膩同埋太重芝士味嘅人就比較適合！但整體都OK！辣肉腸薄餅（$128）呢個篇係一個似餅乾底嘅薄餅，不單止個質地味道亦都好相似！不過嗰pizza面頭嘅芝士真係做到拉斯效果🥰整體來講不錯！Strawberry Yogurt Smoothie ($48) 覺得呢一個士多啤梨smoothie 幾好飲！有好香嘅士多啤梨味，同埋入邊嘅沙冰係比較輕盈綿密，多個係硬骨骨嘅刨冰類😚同埋入邊都飲到淡淡的乳酪香味！…Read More

嗰日同朋友一齊嚟咗呢間位於銅鑼灣水泥牆設計嘅coffee shop，朋友話而家網上好popular 佢嘅甜品同埋咖啡☕️所以想來一試，順便食個午餐！Honeycomb cappuccino ($58) 與其形容呢一杯係咖啡，不如形容佢係一個焦糖味極之重嘅甜品杯！🥰😍超級鍾意呢一個咖啡！佢主要係用匙羹食咗面頭honeycomb先，之後有一層奶泡，入邊仲有啲細細粒嘅焦糖honeycomb☺️食到差唔多就可以攪勻連埋啲咖啡飲，杯咖啡一啲都唔苦澀，反而係好香嘅焦糖味！大推薦🥰🥰👏🏻Iced Matcha latte ($52)呢個係抹茶🍵飲落去頭嗰個面就一樣係奶泡，十分之輕盈棉蜜！下面嘅抹茶一啲苦澀草青味都冇，反而係好香嘅回甘！都10分推薦！Salmon Scrambled ($88)呢個salmon scrambled 就同出邊一般Cafe味道差不多，但係覺得個滑蛋煮得啱啱好唔會太老，再加咗少少黑椒喺上邊都覺得幾好食！Truffle Chix ($108)上邊配左幾塊雞肉，覺得雞肉唔係好似平時雞胸肉咁煮到好硬，有少少似係慢煮嘅雞肉！然後有好香嘅黑松露味，加黑松露完全冇吝嗇👍🏻意粉嘅軟硬亦都適中！Laksa Cream Salmon ($128)今次去到見到呢個好似係新item！覺得如果鍾意食辣嘅朋友，應該會幾鍾意呢個laksa！😍因為呢個味道有少少偏辣，但係喺星馬泰嗰種味道！另外個三文魚都唔會太乾！👏🏻…Read More

今次同屋企人喺11月尾嘅星期一嚟咗呢度食飯！呢間餐廳都係喺openrice 都搵到比較罕見嘅香港印尼餐廳！🇮🇩見平時印尼餐廳都係細細間嗰啲街邊小食店，今次竟然喺尖沙咀有一個環境唔錯，食物有好多人推薦嘅地方，所以就即日打電話嚟做Booking！但係由於係平日，所以職員話19:00左右基本可以walk in 有位✨大家睇到環境都唔錯，有唔少嘅燈飾！同埋啲位置都唔會好逼夾，我哋嗰次七個人去就可以加埋兩張枱！👍🏻嗰日都叫咗好多嘢！同大家分享吓！嘢食整體來講就中上以上，但香港都比較少環境咁好嘅印尼餐廳，所以整體都推薦👏🏻👏🏻印尼國粹炒麵（$66）覺得好有鑊氣，唔係平日印尼撈嗰種嚟㗎，反而似油面！覺得幾好食！不變.招牌東巴牛肉飯（$146）呢個就係佢哋最招牌嘅牛肉飯，覺得食落去好大陣香料！但係肉嘅份量就比較少，睇張相都係得五六件大嘅肉，所以屋企人一人都分唔到一件，如果價錢係146，性價比一般峇里醬炒四季豆（$68）四季豆炒得啱啱好，唔會太過林，或者太過老！加埋辣椒少少辛辣，不錯！蝦醬炒通菜（$63）就係普通平時中菜食嗰種嘅蝦醬炒通菜，味道正常，如果蔬菜方面會prefer選擇四季豆多啲！惹味醬燒雞髀飯（$61）網上見好多人介紹呢個雞髀飯，的確係好好味！雞俾肉好林，同埋醬汁好香！我哋另外加錢嗌左佢哋嘅金貝飯，味道同油飯有啲相似！我哋屋企人一致覺得呢個好好味！嘴刁小食拼盤（$74）呢個拼盤入邊就有蝦丸，素春卷，魚餅，同埋蝦片。覺得呢個份量就唔算大，同埋覺得蝦丸比較推薦，其他就正常操作。特製峇里式串燒（$46一串）花枝丸串燒（$36一串）串燒入邊有魚同埋蝦，個人覺得蝦比較彈牙，二月就有種魚餅嘅感覺。另外花枝丸就係普通花枝丸，比較推薦直接叫肉類！峇里堂參峇醬炒海鮮（$169）材料有虎蝦兩隻，青口、蜆，同埋花枝丸。食嘅時候感覺啲蕃茄醬同埋洋蔥配菜比較多，真正嘅海鮮都係得少少。如果呢個價錢就覺得唔算太掂，反而叫返嗰啲巴東牛肉飯就唔錯！呢個炒海鮮性價比一般珍多公雞冰冰（$60）嗰日呢個珍多冰因為出邊比較少地方食到，我哋一家人總共嗌左三個！覺得呢個好推薦嘅甜品！上面個雪糕一定要嗌椰子雪糕☺️非常香椰子味，會為咗呢個甜品再嚟多次呢個餐廳😆雙色咖央多士（$39）正常係有四件多士，但係相入邊我哋已經食咗兩件！入邊就係夾住咖央嘅多士，黑色外皮冇特別嘅味道，正常發揮！…Read More