IamFata's Profile

上網睇到介紹，諗住一心去熟食市場試個日式鰻魚飯，點知去到門口唔記得個名，見到餐牌上既鰻魚蛋包飯，一心以為係佢，結果入錯左。入錯鋪唔等於一定差，只係同預期中唔同，唔緊要，一樣係食飯，試一試冇壞。拖羅蓉飯：拖羅蓉份量合理，溫度亦適中，幾好味。鰻魚蛋包飯：蛋幾滑，鰻魚唔會太肥或太乾，好食。唐揚雞：味道唔錯，但個面好似有層粉咁，口感唔係咁好。雞泡魚干：正常發揮，依樣食物應該好難唔好食。總括嚟講味道對得住價錢，但需要一提係d飯好痴，口感唔好，拉低左平均分數。最後附送甜品，一口過既芝士蛋糕。值得讚係店員有禮貌，而且作為小本經營，廚房唔大，預左食物上枱時間會耐d，響熟食市場上面，衛生環境可以接受，唔好搵d豪裝日式餐廳去比較。…Read More

想試想左好耐，的起心肝去，想像中既人龍，晏晝食唔到唯有等晚餐，雖然一樣有人龍，但決心要試，排下都要。計計埋埋排左一個鐘，有唔少人排排下屈服離開，但以冇落雨，又唔太熱既天氣下都唔排，再熱d真係唔駛諗住自己有動力去排。作為咁忙既鋪頭，入去前自然睇定餐牌，雖然只係一張主菜，一張小食，但好似樣樣都好正，好難選擇。繼續兩個人既選擇，叉燒一定唔少得，難得夜晚仲有花甲，一定要試。叉燒：好食，肉質好，始終標榜係梅頭，預計之內既好食。麻辣雞翼：相比之下比較普通，麻辣味好似譚仔既麻辣湯底，還算入味。麵：牛肚，韮菜餃，魚蛋，花甲，蒙麵蒙麵：口感幾特別，爽口幼滑韮菜餃：成隻餃子十分實淨，用料充足新鮮牛肚：爽口牛味重，可惜揀左蕃茄湯底，可能蓋過左金錢肚既味道魚蛋：陳皮魚蛋，香口彈牙，陳皮味重花甲：新鮮鮮甜，價錢同份量亦合理，絕對值得一試蕃茄薯仔湯底：蕃茄味重，薯仔亦好味，如果配合枝竹，豆卜一類可以索到湯既餸，個湯底一流麵：滷水豆腐，辣味魷魚，滷水大腸滷水豆腐：豆腐入味，口感唔錯滷水大腸：同樣入味，而且好乾淨，咬感好好辣味魷魚：爽口彈牙，而且辣味足兩個人食左二百幾，車仔麵嚟講係會覺得貴，但佢既食物對我嚟講，我唔會以車仔麵去定義佢，無論食材品質，食物質素同味道，甚至係可選擇既食物，都唔係一般車仔麵店可能提供既選擇，所以唔可以以依個標準去評價佢既平貴。有人話餐廳員工禮貌唔好，又或者話老細好串咀，但其實有冇禮貌真係人對人，自問收order 阿姐好好人，就算要拎開放袋既凳都會唔該前唔該後，仲會另外搬多張凳俾放袋，坦白講，人地鋪頭細細，一心做好食物，唔係出黎賣笑，我覺得佢既食物絕對對得住價錢，如果人地帶你入座，或者上菜既時候，甚或人地拎左凳俾你放野，你肯尊重人講多句唔該，識得互相尊重，唔好當自己拎少少錢幫襯人就當自己大爺，其實人地一樣會俾返同樣尊重你。臨走去到門口俾錢，老細響入面煮緊野既時候咁岩抬頭打個照面，大家互相點頭，俾左個笑容（雖然有口罩），但大家一個眼神都明白咩意思，佢知你欣賞佢既食物，你亦都知佢多謝你既光臨，有禮貌同有修養，係要相同既人先會明白。至於會唔會翻食？我只能講真係機會唔大，因為實在好多人排隊，希望老細生意興隆，可以繼續做好既食物俾識得欣賞嘅人。…Read More

難得假期雨勢唔大，一於出去搵餐好野食。一心想食車仔麵，但條龍實在太長，唯有去街頭搵D野食醫肚頂住先。一間舊式既雞蛋仔，鋪位細細，但係價錢親民，老細亦好好禮貌好好人。兩個人叫左三份野：蛋白肉鬆鹹班戟，原味雞蛋仔，原味格仔餅。作為價錢親民既街坊鋪，味道一D都唔失禮。蛋白肉鬆鹹班戟：蛋白味幾香，肉鬆味道夾得好好，份量亦相當豐富原味格仔餅：格仔餅焗得相當香脆，花生醬同砂糖有d唔夠，夾溶左既醬流到落低，食到尾果幾啖反而最好味。原味雞蛋仔：三樣之中相對較失色，響現今咁多出色雞蛋仔既世代，佢比較唔夠口感，又做唔到外脆內軟既感覺，只能話勝在價錢親民。總括黎講，以依個價錢嚟講好公道，而且選擇亦多，不過今次第一次幫襯，所主要揀左原味既食物，可以一試再試。…Read More

其實一早想試好耐，因為比個復古既裝潢吸引住。原址係一間中藥鋪改建而成，門口位置都有啲介紹，同埋原來港產片既乾柴烈火就係係度取景。我同朋友都唔鍾意等位，但難得朋友好想試，所以都照排隊等位啦。鋪內最靚既裝飾就係呢個百子櫃，似係保留返以前既櫃再重新上油。招牌都重新掛係鋪內，仲有當時既執業照同一啲舊報章。講返野食方面，由於下午茶都係打算少少，但比呢個多士份量細到嚇親，味道無特別真心唔抵食。咖啡Cappuccino $52咖啡味唔特出，感覺好多奶，所以淡到唔識欣賞。鮮果雪糕窩夫 $88原先無打算寫食評，所以無影過窩夫。但不得不講，呢個窩夫好失望，個窩夫好實，加左花生味甜到好滯。整體來講，野食真係唔得，咖啡都好一般，價錢又唔係特別平，完全唔明點解仲咁多人衝去排隊食，真係可一不可再。…Read More

由開鋪到宜家，呢間真係無時無刻經過見到好多人排隊，一直想試未試到。今日難得見到個龍尾，就決定排隊食下。最後等左差不多一個鐘，我諗都算係快。可能以前成日食劣食吉野家，所以覺得呢個性價比高好多。而加埋泡菜更加開胃，而且份量真係好足。…Read More

首先，大家都知呢間野既立場，但身為食客都係著重於食物質素。最近不斷試新餐廳，發現好多黃店都比人過度吹棒，但唔好食真係乜都假。呢間都係沙田出名多人食既黃店，難得唔算多人等就一於食呢間。當日都已經9點，但等一枱但等左大半個鐘。沙律無論賣相同味道都正正常常。卡邦尼意粉既醬比較傑身啲，但味道同平時既一樣ok反而扒就出出地事，唔知係咪所謂慢煮既關係，成牒唔係好熱似係微溫咁，而無乜味道同埋醬汁都一般。朋友叫左杯梳打，沒有特別。整體來講，我同朋友淨係試左西餐，因為望menu覺得日本野好唔吸引，而食物既味道有待改善。…Read More

呢間應該開左十幾年都有，耐不耐經過就會去食。而最出名就當然係芝士撈麵，記得要加錢轉出前一丁，因為個人比較鍾意食出前一丁既麵。燒過既豬頸肉好香，配埋佢地秘製既芝士汁，每一啖麵都有芝士，食落都幾邪惡下。講真宜家既芝士確實無以前咁濃，但呢個價錢來講算係不錯了。雖然份量比較細，但芝士真係唔食唔到太多，所以我覺得都幾飽肚下。…Read More

同位好耐無見既朋友食飯，大家都做野比較遲收工，鎖定左呢間就嚟試試，點知都係FULL哂。職員表示要有人book左未嚟，要等多10分鐘confirm唔嚟先放比我地入，最後book位既人都無出現。薯條新鮮即炸，配埋黑松露醬無得輸。呢個意粉比想像中既樣有啲落差，佢比較似田園多過係鮮雜菌配牛肝菌，因為好多瓜做配菜。醬汁係忌廉，味道同卡邦尼差不多，份量都幾多，整體味道ok。講真通常係cafe食扒類都會有啲擔心，因為好多都幾伏下，但呢個有意外驚喜，仲有個價錢唔貴好抵食…Read More

之前嚟過幾次，亦都介紹過不少朋友嚟食，今次繼續帶朋友嚟食啦。呢排疫情好轉左少少，即刻約朋友食飯，沒想到星期二都FULL哂。值得一提既係，餐廳有平日會有Promo 逢星期一 Steak 會半假，星期二$10蠔咁岩今次係星期二，但一到就話蠔賣哂了其實每次介紹朋友食野，我都會有啲壓力。因為自己個餐食得好，但唔代表過左一排間野仲keep到水準，但呢度既牛扒就一定可以雞翼拆肉再釀入牛肉同豬肉再炸，食落去面好脆加埋千島醬一流，唔錯。呢個炸魚薯條有啲失色，同埋薯條好明顯翻炸。唔記得左呢個main既名，淨係記得係豬肉，配菜係加埋南瓜，味道ok但份量有點少。意粉好香磨茹味，份量正常，但有少許偏油。呢度既牛扒係我最期待之一，可惜今次呢塊一般。叫左5成熟，但塊扒比較多筋位，但牛肉味都好濃。我們今次比較多人食，所以叫多個扒，咁就問職員推介，呢個真係要試，牛扒既肉偏林身，叫medium熟度就夠，唔洗點醬都好夠味。由於有朋友唔食牛肉，所以點左個素食burger 比佢。最後係我最期待既甜品呀，基本上每一次再嚟食都會叫呢個。成個梨陣陣既early grey 味感覺好fresh，加上有玉桂既香味，配埋雲呢嗱味既雪糕甜而不膩，簡直perfect。總括來講，呢度既野食永遠唔會令我失望，但近期menu改左，無左mussels 覺得好可惜，希望佢地既牛扒可以繼續保持水準。如果星期一嚟食牛扒，一定要試36oz Prime USDA Bone in Rib eye，仲要半價超抵食。…Read More

最近天氣時晴時雨，就算落雨都要搵好野食下。早前去過九龍區一間以懷舊cafe做賣點，店內裝修係好有特色，但點知野食真係又少又唔好食，所以今日都要搵返間穩陣而好食既cafe。第一次去呢間cafe，位置離車站都頗為遠，要行少少樓梯同斜路先去到，但只要有好野食，行少少路都值得既..終於行到去山腰，眼見到鋪外兩張枱都坐滿客，即時擔心入面仲有無位呢。入到店內，大概有4-5張枱，幸好我地都有張高枱有空位。我地去到既時候，已經係下午時分，但係第一餐，所以要叫啲飽肚既野食。近期好興Bagel呢種麵包，所以見到有都專登叫嚟試下。而呢度既麵包佢整得好軟身， 而salmon有煙燻既味道，配搭埋新鮮蔬菜，成件事都好夾好好味同埋呢個份量係比我想像中大份，尤其三文魚食極都仲好，所以都幾抵食同飽肚。而意粉方面，呢個絕對係色香味俱全!意粉唔會煮到太軟身，而醬汁似係店舖自己調製，因為見到有新鮮香草葉係入面。原本打算叫辣肉腸既，但店員介紹我地有Pork可以試，最後揀左pork。同埋調味當中仲加左辣椒粉，所以食起上嚟就更加香口。飲野我叫既係ice  mocha，感覺好淡味同太多奶。朋友就飲latte，佢話味道一般。…Read More

難得放假，同朋友專登搵個寧靜一點既cafe，坐低閒聊。第一次來到舖頭，地方不算大，佢地廚房係半開放式既，我們揀左後巷既枱坐。當時天氣唔太熱，坐室外都唔算既選擇，雖然會有路人經過，但可以望到街同其他鋪。而鋪內的裝修同擺設都以懷舊為主，沒有遺和感之餘，仲係影相既好地方。野食方面就叫做兩樣野:Scramble egg, parma ham on sourdough $88個包有啲平常的toast，幾好食，但份量較細。Prawn Pasta with homemade tomato sauce $108意粉賣相都整得好靚，而且醬汁調配都好好，意粉又唔會煮得太淋。而咖啡方面，真係十分推介，咖啡味香濃又無酸味!…Read More

疫情放緩，星期六晚的座位都FULL哂，walkin只係等30分鐘左右就決定等一陣。鋪面唔太明顯，所以都搵左一陣，地下同二樓門外都有座位比人坐低等。本身對呢間野食都幾期待，因為係睇左食評同見youtube有人介紹先嚟食。二個人叫左兩入main course,一份薯條 同兩杯野飲，因為想試埋個甜品，所以唔叫太多野。炸薯條配蛋黃醬$ 68 無乜味道同埋炸得唔夠乾身，搞到好粉咁，叫做有個蛋黃醬搭夠。明太子忌廉意粉配烤烏魚籽 $168 唔記得左影相，淨係記得成牒野都好咸，最後食到大半牒放棄左。佢個賣相都幾靚，可惜個味道好淡又無乜牛肉味，肉質比較鞋身，要咬耐啲先得。呢個價錢嚟講牛既比例算多，但男仔大食既話可能會唔夠食。甜品方面，基本上係為左呢樣野而嚟，但未上前聽到隔離枱講似麥記pancake，就知出事。個pancake有三層，但每塊都幾厚下，完全係實的的既一塊。唔知係咪佢落得粉多或者個漿攪得太勁，搞到麵筋出哂嚟。本身pancake完全無特別，勝在有吉士醬搭夠。飲野叫左Ice mocha，記憶中都係普通。最後，當晚間鋪坐滿哂人，成埸都好嘈，所以正常傾計都好難。整體來講，一間cafe鋪兩個人食$600咁既味道，可以有更好選擇。…Read More

開業到宜家lunch時間都會排長龍，今次見夜晚時間無乜人就試下啦。入到店內要係門口位置有一部自助售買機落order。買完單只需要坐返位，店員就會送上野食。而店內會有自助沙律提供，有四款選擇，食幾多攞幾多啦，以免浪費。仲會有水提供，唔嗌野飲都ok。講返塊扒先，都幾快就到左，因為佢入面基本上係生既，用一塊熱既石去煎熟佢，所以想食幾熟或者幾生都係自己決定，但食既時候真係唔好分心做其他野，因為塊石都幾快無左熱力。咁塊石無左熱力，當然可以同佢地講換塊啦。整體來講，百幾蚊食到咁大塊牛真係幾抵食，無得要求好重既牛味。油脂比較少，所以有啲位食落去都比較鞋身。…Read More

平時比較少去九龍城食西餐，一開始行以為自己行錯地方，因為夜晚個條街感覺都比較靜同唔似有餐廳。入到店內，餐廳枱數唔多，但感覺地方都幾闊落。一坐低冷氣係頭頂略為太凍，女侍應都好細心幫我地多次調教。當日餐廳唔算多客，現場播放既音樂，令寧靜既環境添加一點生氣。MENU 選擇較少，但有塊TODAY SPECIAL 黑板上有多啲菜式揀。由於太肚餓關係，未齊人就叫左個沙律食住等，沙律無乜特別普普通通。其間仲叫左兩牒炸雞翼食，唔記得左影相，味道正常，炸得好香口好味。第一次食意式既煮法，燒完既肉仲好多肉汁同肉味，肉味仲好JUICY，佢加入左香草燒製，同平時中式食法感覺好唔同，唯一得四舊係佢缺點，但都幾大份一舊。點餐既時候見到係1 kg 眼都突埋出來，真係好少可見到咁大份，影完靚相，餐廳好好幫我地切埋，如果唔係咁大份都唔知點切好。我地揀左五成熟，可能塊扒太厚既關係，中間有啲部分仲生啲，似得三成熟，不過無乜血水出之餘，成塊扒肉質好味，同埋油脂分佈得好，十分JUCLY 。鴨脾唔會有羶味，但肉質頗為乾身，味道不過不失。最後呢道西班牙海鮮炒飯最失望，成個炒飯好濕身，同埋味道似茄汁炒出來，而所謂海鮮都似係急凍既平價海鮮，完全無乜味:(另外，佢野飲好少選擇，我地叫左一JER Sangria 飲，唔記得左影相。重點係極難飲，完全無紅酒味，而且生果仲要係用罐頭雜果，成件事勁淡味，完全唔值$188而紅白酒就只可以叫佢地員工介紹，因為無野飲既menu，反而開支紅酒好過叫Sangria整體來講，主菜最為好食同抵食，同埋鋪頭人手少，出餐都幾慢，唔等得會搞到唔耐煩。每人消費Around $450 …Read More

店鋪置身在中環 Soho區，店內的裝修頗有風格的，簡直就像美國劇集內看到的餐廳一樣，感覺很復古，而且在香港也是相對少見的。雖然入來座數不算多，但卡位位置坐得蠻舒適的，有點像舊餐車的風格。而漢堡種類不算多，由於第一次食，所以揀最經典的款色。牛肉算係幾大份，但肉味不太特別，同埋可能肉汁比較多，食起上嚟都幾麻煩，而份量方面女仔食的話都略嫌細份，加餐有薯條同野飲，但要$58 價錢都唔平。同埋杯House made cola 味道有點奇怪。而cheese burger 都沒有太大分別，而薯條值得一讚既粗薯條同即炸好新鮮。整體來講食物都算不過不失，都係裝修靚都會吸引到去食，但呢個價錢可以有更好既選擇!…Read More