入錯鋪唔等於一定差，只係同預期中唔同，唔緊要，一樣係食飯，試一試冇壞。
拖羅蓉飯：拖羅蓉份量合理，溫度亦適中，幾好味。
鰻魚蛋包飯：蛋幾滑，鰻魚唔會太肥或太乾，好食。
唐揚雞：味道唔錯，但個面好似有層粉咁，口感唔係咁好。
雞泡魚干：正常發揮，依樣食物應該好難唔好食。
總括嚟講味道對得住價錢，但需要一提係d飯好痴，口感唔好，拉低左平均分數。
最後附送甜品，一口過既芝士蛋糕。
值得讚係店員有禮貌，而且作為小本經營，廚房唔大，預左食物上枱時間會耐d，響熟食市場上面，衛生環境可以接受，唔好搵d豪裝日式餐廳去比較。
1
